السلام عليكم ورحمة الله وبركاته
إخواني هذا شرح بسيط للي ما يعرفون كيف يركبون وصلة الــ USB على الكمبيوتر او اللابتوب.
ونبدأ الشرح وان شاء الله يفيد الجميع مع العلم ان الخطوات بالتفصيل الممل واتمنى ان الموضوع يكون واضح بدون تعقيدات ...
الخطوه الأولى بعدما ندخل السيدي في الكمبيوتر
ثاني شي نختار اللغه واكيد اقرب شي لنا هي الانجليزي
بعدها في كم شرط يعني قبول شروط الشركه ونسويAccept
الخطوه الرابعه ما قدرت اصورها لأنها فلاش فتطلع لي مقطعه،، يوم نسوي اكسبت للشروط يطلع لنا عرض بالفلاش عن نوكيا وتحته كلمة skip اللي مب متفيج يشوفه يضغط عليها وشوي ببتأخر لين تروح...
الخطوه الخامسه بعد الفلاش بتطلع لنا صفحه متروسه خيارات نختار منها اخر شي من جهة اليمين ومكتوب عليه INSTALL SOFTWARE
الخطوه اللي بعدها بتطلع لنا صفحه يديده هي نفسها بس مع زيادات وفي الطرف من جهة اليسار بيطلع لنا ثلاث اختيارات نختار الأول منهاCONNECITIVITY CABLE DKU-2
بتطلع لنا خيارات في نص الصفحه ومثل ما هو موضح في الصوره نختار اول شي اللي هو
USB driver installation
في الخطوه اليديده بيطلع مربع اللي هو عباره عن بداية تحميل البرنامج على الكمبيوتر ونسوي اوكي لكل الخطوات اليايه لين الأخير..
بعدها نسوي الخطوه اللي هني وهي خروج وموافقه اخيره عسب يظهرنا من البرنامج نهائياً...
.
على الدسك توب بتطلع لنا ايكون يديده واذا ما لقيناها ندور في program وبنحصل البرنامج دواير خضرا مثل ما هو موضح في الصوره...
نضغط عليه وبيطلع لنا مربع يديد نختار منه اللي انا محدده عليه
بتفتح لنا صفحه يديده هي فولدر ولازم تطلع فيه صورة التلفون ولو ما
طلعت لازم نسوي ريستارت للكمبيوتر...ولما يطلع لنا صورة تلفون جي نبدا باقي الخطوات نفس ما هو موضح بالصور..
عقب ما نفج فولدر عليه رقم ونوع التلفون بيطلع لنا مربعين الأول فولدر لا تفجونه والثاني مال الـــ Memory
نضغط عليه ونفتحه
وبنلاقي فيه فولدرات وايده نفس ماهو موضح بالصوره ونختار من الكمبيوتر أي شي نبغيه ونحطه في مكانه المناسب.... وبجي تكون خلصت العمليه
ان شاء الله يكون الشرح وافي وكافي...
ملاحظه مهمه جداً: اي شي نسحبه من الكمبيوتر للتلفون تراه يوصل للتلفون ويختفي من الكمبيوتر على طول ،، عسب جي نصيحه أي شي تبون تنقلونه سووله كوبي وعقب بيست على الدسك توب يعني يكون فيه نسختين عسب ما تفقدونه وما تلاقونه لو دخل التلفون..
البحث فى الدروس 
تاريخ الإضافة :: 23/10/2004 || 
عدد الزوار :: 3696 
كاتب الدرس :: شوق بوظبي
