طحت طيحه في هواكم
للكاتب: السولعي الجزء الأول مانع: والله ياانه هوا البر ما فيه حيله . سالم: هيه والله وعاد اللي يحليه اكثر هالحظيره والظو المورايه.. والله انها ما تتفوت.. سيف: وبتحلو أكثر جان بيتكرم علينا الشيخ حمد وبيشل علينا شله غاويه .. سالم: هيه والله .. يالله يعلني أفداك سمعنا شلة من هالشلات الفنانه.. حمد: حاظرين والله .. ما طلبتوا الساع.. ((جفني جفا نوم الليالي .. متصوب والقلب ممحون .. يظويني طيفه في خيالي .. وأسري مع الأشواق مطعون.. كل ما ظوى ليلي طرالي .. غر جميل وباهي اللون .. ياللي هدب عينه ظلالي .. ينزع فوادي بحد مسنون .. ناعم عوده وميالي .. هايف و أنا بالخصر مفتون .. دوم يتغلى وهو غالي .. وأرخص لعينه كل مزيون)) وسوالم مانع: من قال سالم سيف: صح لسانك الشاعر سالم: يعلني ما اخلا من طاريك يا بو شهاب.. حمد: الله يسلمكم والله سيف: صدقت عمرك تراك .. يالله شله وحده بس .. بل بل شو هالبخل اللي فيك.. مانع: هيه والله .. افاا والله افاا يا بو شهاب... ما أحيدك بخيل اللي احيده انك كريم.. سالم: صدقهم الشباب .. لا وراك شغله ولا مشغله.. حمد: لوالشور شوري جان سهرتكم لين فير الله باس شو نسوي ما باليد حيله.. مانع: خير ان شاء الله .. شو وراك بعدها الساعه 7 المغرب حمد:الله يسلمك اميه بتروح صوب عربان دبي لان عندهم عرس وتعرفون انتم الحريم ما يحتاي اخبركم عنهن .. سالم: الله يعينك بعدك بتظرب خط من العين لين دبي حمد: شو نسوي بعد ..تعرف انته الحريم بيحظرن العرس ولو في آخر الدنيا.. مانع: هيه والله صدقت .. بس الغريب ان اميه ما طرت سيره صوب دبي .. وشوي يصيح تلفون مانع .... مانع: مرحبا والله ام مانع: يا حي هالصوت مانع: الله يحييج العيوز ام مانع: يا مسود الويه انته.. مانع : كل شيء من الغالين مقبول ام مانع : اقول غناتي مانع : قولي لا خليت منج ان شاء الله ام مانع : ابغيك توديني دبي مانع : الله يهداج اميه هب لازم السيره ام مانع : لا لازم .. بتوديني انته ولا الشو؟؟ مانع : افا كله ولا اردج الشيخه .. منو بيسير فياج؟ ام مانع : والله ما ادري احيد خالتك موزه بسير فيا ولدها بو شهاب.. مانع :اقول ..أنا عندي لج راي .. شو رايج نخاويهم ام مانع : انا ما عندي خلاف والله .. مانع : يالله عيل تزهبي الحين بني صوبج ام مانع : يالله فمان الله مانع : مع السلامه سالم : مانع .. جنك الا بتخاوي حمد صوب دبي؟! مانع : هيه الغالي حمد : زين والله.. حصلتليه ونيس في السياره .. هب اميه الله يهداها الا هوش وبوش .. مانع : ((وهو يضحك)).. والله أنك سوالف .. حمد : يالله عيل نسترخص منكم الحين.. سيف : الله يحفظكم سالم : ردوا السلام على عربان دبي مانع : سلامن يبلغ.. ..::في بيت حمد::.. حمد : اميه ..يا ام حمد ام حمد: عونك غناتي حمد:اميه.. تراني بسير اتسبح وبتلبس وبيي .. خلصي شغلج ام حمد: أنا خالصه ما باجي غير اني اتدخن حمد : يالله عيل بخليج .. اوووه صح نسيت أخبرج..ترا خالتيه عوشه وولدها مانع بيسيرون فيانا.. ام حمد: حياهم الله .. ان ما شلهم الموتر تشيلهم عيونا حمد: يعلني ما أخلا منج الشيخه ام حمد: يالله الغالي سيرخلص مونتك وتعال حمد :على هالخشم ..::وفي دبي وبالتحديد في بيت عليا خالة حمد::.. مهره : ميروه ..ميروه وين انتي؟ ميره : انا هينا .. هينا هو.. شو تبغين؟؟ حشرتينا تراج مهره : الله ينطبج انتي هنيه وانا جالبه البيت فوق تحت ادورج ميره : احم احم .. لهالدرجه تحبوني مهره : سيري لا .. ما شيء شغل.. اقول ترا اميه تقولج سوي دخون ودخني صالة الحريم وميلس الرياييل .. ميره : منو بيي؟ مهره : قوم خالتيه موزه وعوشه بيوون ميره : الله يعني البنات بيون وياها مهره : لا تفرحين وايد .. بس بروحهم يايين.. وهم هب يايين عسب سواد عيونج غناتي هم يايين عسب العرس.. ميره : حرام والله اشتقت لبنات خالتيه يعلني افداهن مهره : خلي عنج هالهذره اللي ما منها فايده وسيري سوي دخون قبل لا ايوون ميره : وليش انا بالذات وشمعنى انتي ما تسوينه؟ مهره : يالله يا كثر ما تتشكين .. يا بنت الحلال انا ورايه شغل ميره : أي شغل ؟ مهره : بسير أسوي عصير وبحطلهم الفواله وبساعد اميه في المطبخ .. بتبادلين؟؟؟ ميره : لا غناتي اسوي دخون ابرك.. مهره : يالله عيل بسرعه قبل لا ايوون توهم مسوين تلفون ويقولون انهم في الدرب.. ميره : انزين.. ..:: في سيارة حمد ::.. حمد : ام بو شهاب ام حمد : عونك الغالي حمد : ترانا عقب ما نوطيج انتي وخالتيه عوشه عند قوم خالتيه عليا بنسير عنكن وبنرد لكن عقب ام حمد : لا تسير ولا الله قاله .. بتنزلون وبتسلمون على خالتكم وعلى عيال خالتكم وعقب سيروا وين ما تبون.. مانع : الله يهديج يا خالتيه .. ورانا حاية بنقظيها وبنرد لكم ام مانع : وشو هالحايه بعد؟؟ مانع : بنسير مركز من هالمراكزبنتحوط شوي .. وقبل لا يكمل جملته ام حمد : ومغازل البنات تسمونها حاية.. حمد : افاا والله الغاليه .. تعرفين اننا هب رواعي هالسوالف مانع : ((وهو يضحك ويغمز لحمد)) صدقه بو شهاب ام حمد : انا ما يخصنيه.. أبغيك يوم أقولك شيء تقولليه حاظر حمد : من عيوني الشيخه ... كله ولا زعل الغالين ام حمد : هيه جيه اباك .. ..:: في دبي وبالتحديد في المطبخ ::.. ام مهره : مهروه غناتي مهره: عونج ام مهره: قلتي حق ختج تسوي دخون مهره: هيه الغاليه ام مهره : سيري يعلني لا خليت منج .. شو فيها أخاف الا نست والعرب الحين بيعطنون مهره : من عيوني فديتج ويوم دخلت مهرة الفله وسارت صوب صالة الحريم حصلتها مدخنه بس ماحصلت ميره يالسه في الصاله كعادتها ويوم ركبت الطابق الثاني سارت صوب حجرتهم وقبل لا تفتح الباب سمعت ميره تتحرطم ميره : براويك يا مسود الويه... ويوم دخلت مهره عليها حصلت ميره يالسه تلقط شيء من على الارض مهره : ميرووه شو بلاج ؟؟ ميره : ما شيء بس في خاطريه اجتل حد.. مهره : منووه ؟ ميره : ميووود مهره : فديته انا ليش شو مسوي بعد؟ ميره : ما شيء بس يوم قلتيلي سوي دخون يبت ميوودي الحجره عسب ما يطلع برع وعطيته علبة الوان وورقه عااااد هو بدال ما يرسم لوحه فنيه على الورقه رسمها على اليدار مهره : (وهيه تضحك) حرام عليج الا هو ميوود ميره : ميووود ولا غيره براويه مهره : اللي يسمعج يقول ان امج بتخليج تظربينه ميره : قلنا اخر العنقود بس هب لدرجه انه ما ينظرب على الغلط مهره : وهو شو فهمه الصح من الغلط الا هو بو ثلاث سنين ميره : انا قلت بظربه يعني بظربه ان طال الزمن ولا قصر مهره : لا حوووول .. وين سار الحينه ميره : ما ادري هزبته وطلع من الحجره وهو يصيح مهره : حراااااااام عليج الحين بعدني بسير أدوره .. المهم الحين .. دخنتي ميلس الرياييل ؟؟ ميره : لا الحين بسير مهره :شو تترين يالله بسرعه قبل لا ايوون ميره انزين مهره : وعقب ما تخلصين تعالي المطبخ ميره : أوكيك عقب ما ظهرت مهره من عند ميره سارت صوب حجرة اخوها راشد عسب اتدور اخوها الصغير مايد وما حصلته ويوم يارت حجرة امها حصلت الباب مفتوح لاكن محد في الحجره وعقب دخلت داخل وشغلت الليت ويوم سارت الصوب الثاني من السرير حصلت مايد راقد والدموع على خده .. شلته مهره ومسحت دموعه وحطته فوق السرير وبندت الليت وطلعت وعقب سارت صوب امها في المطبخ ... ويوم سارت ميره صوب ميلس الرياييل دخنته ويوم وصلت آخر الصاله سمعت حد بيدخل داخل الميلس.. فسيده تغشت واول ما صدت وراها فز قلبها من مكانه ... كان مانع لابس كندوره كركميه وهوه ما شاء الله عليه حلو وغاوي وكان حمد لابس كندوره بيضا وبعد ما شاء الله عليه ..عليه وسامه لدرجه تلت الانظار حمد : هوود ميره : هدى ولد خالتيه .. اقرب مانع : افاا والله وانا ولد البطه السوده ميره : افاا عليك والله ... اقرب انته بعد حمد : ما تقصرين والله مانع : ممكن أسأل سؤال؟؟ ميره :آمر نغز حمد مانع على جتـفته مانع : بس من دون ما تتغيظين ميره : حاظرين مانع : انتي مهره ولا ميره؟ ميره : انته شو رايك؟ مانع : ما ادري والله أول كنت أفرق بينكم بالصوت بس شكلج ميهووده من الزجام .. ميره : هيه والله الزجام لا خلا لا صغير ولا كبير بس على كل حال انا ميره.. مانع : اسمحيلي يوم ما عرفتج ميره : بالحل الشيخ.. حمد : عيل وين بو سنيده ميره : واقع انه في العزبه حمد : وخالتيه ؟ ميره : في المطبخ حمد :ازقريها خلينا نسلم عليها قبل لا نروح ميره : شو عايلنكم .. يلسوا تقهويووا مانع : اسمحيلنا الشيخه ورانا حاية بنقضيها وبنرد ميره : عيل ثواني بسير ازقرها عقب ما طلعت ميره من الصاله حمد : انته ما تخيل على ويهك مانع : جيه شو سويتبك أنا؟ حمد : عنبو انته ما تيوز عن سوالفك مانع : أي سوالف ؟! تراك زيغتنيه حمد : عنبو كل ما تشوف وحده منهن تسألها (ويقلد جملة مانع بصوت يظحك) انتي مهره ولا ميره؟ مانع : الله يخس بليسك عبالي شيء يستاهل حمد : اقول .. قم بس قم خلنا نروح مانع : وخالتيه؟ حمد : بنتلقف لها عند الباب.. مانع : يالله عيل ويوم طلعوا برع الميلس تلاقفوا ويا خالتهم وسلموا عليها وكانت ميره ويا مهره يالسات يشوفونهم من دريشة المطبخ العاكس ميره : يا ويل حالي انا مهره : بسج عااد ميره : حرام عليج والله اني احبه بس هو عديم الاحساس... مهره : خليه عنج الحين والله ما شيء شغل ميره : لا واللي غيظ بي اكثر انه يسألني وبقواة عين أونه انتي مهره ولا ميره؟؟ والله انه يقهر مهره : ( وهيه تضحك ) لين الحين ما ياز عن سوالفه؟ ميره : يا ويل حالي عليه .. يا حلاة الكندوره الكركميه عليه .. يذبحني هالإنسان!! مهره : الله يهديج طلعوا حمد و مانع من بيت خالتهم عليا وركبوا السياره وعقب سارت خالتهم صوب خواتها.. ..:: في سيارة حمد ::.. حمد : مانع وين تبانا نيسر الحين؟؟ مانع : (( سرحان )) حمد : حووه ..شو عنده الحبيب سرحان؟ مانع : شو ؟؟ شو تقول؟ حمد : (وهو يضحك) سلامتك الغالي ... قلت وين تبانا نسير؟؟ مانع : شو رايك نسير الستي تراهم يمدحونه حمد : ( وهو يضحك ) يا اللوتي مانع : اووه .. زخيتني!! حمد : يالله عيل بنسيرله.. تراهم على قولتك يمدحونه ونحن بعد ما ورانا شيء مانع : صدقك والله ما ورانا شيء ( يقولها وهو يضحك ) حمد : اقول شو فخاطرك تسمع لميحد مانع : امممم طال ليلي من تعليلي من تجافي خلي الغالي حمد : ما طلبت الساع .. حط حمد غنية طال ليلي وطول على المسجل ويلسوا مرتبشين في السيارة.. ويوم وصلوا الستي سنتر وقفوا سيارتهم في الباركنات اللي تحت ونزلوا ودخلوا المركز.. يلس حمد يتحوط ويا مانع في الستي فخطفوا جدام محل العطور فدخلوا داخله .. مانع اشترى العطر اللي يبغيه بس حمد ما عرف شو يشتري فطاحت عينه على عطر فهرنهايت على الرف .. اشترى حمد العطر وعقب كملوا حواطتهم .. وعقب ما خلصوا من الحواطه ساروا صوب الكوفي شوب يلس مانع مجابل حمد وكان مجابل حمد يعني ورا مانع طاوله وكانن يالسات عليها بنتين وحده متنقبه والثانيه متغشية وكانت وياهن بنت صغيرة تقريبا عمرها 3 سنين وشوي .. وحمد من النوع اللي وايد يتعلق باليهال ويحب يلعب وهوه بعد وايد متعلق في مايد اخو مهره وميره .. وكانت البنت الصغيره تحوط في الكوفي شوب وتلعب بين الطاولات ويوم خطفت عدالهم اشر لها حمد فسارت البنت صوبه .. فيوم يت صوبه لف حمد الكرسي ويود ايدها .. شو تتوقعون بيقولها حمد؟؟ هل بتلعب هالبنت دور في حياته ؟؟ |
|
الجزء الثاني
حمد : هلا حبوبه .. شو اسمج؟ البنت : اتمي لودة حمد : حيالله روضه .. مانع : شو تبابها بنت العرب؟ حمد : وانته شو تبابي .. اهالها اللي هم اهلها ما اعترضوا انته بتعترض والله حاله .. مانع : خل عنك ..المهم بو شهاب احس اني اعرف هالبنت او اني شايفنها مكان بس ما اذكر وين.. حمد : الله يهداك انته بس .. محد عنا في العايلة ع سناها غير ميوود.. مانع : ما ادري والله.. بس تاخذ شوي من رفيعه ولا ما ادري شو اسمها.. وهيه بنت ولد عم بنات خالتيه عليا .. حمد : فديتها والله.. اعديبها يوم كانت ام سنه ومن سنين تقريبا انتقلوا بوظبي والحين تقوللية اميه انهم من شهرين في المانيا عسب علاج امها وبييون جريب .. وما ادلهم جان ردوا ولا بعدهم .. فديتها والله كانت وايد متعلقة فيه وانا بعد كنت متعلق فيها واتصدق حتى شكلها نسيته .. مانع : وتحيد عمتها والله حتى نسيت اسمها المهم .. تحيد قبل يو كنا دوم نتضارب وياها هيه ومهرة وميره وكنا مرة ما نتدانا .. حمد : وتذكر سالفتك يو ظربت ميره ما ادري مهرة ومطيت شعرها عسب ما كانت تلعب ويانا وهيه كانت تصيح وتسير صوب امها مانع :هي والله اذكر وحتى كان ويانا اخوك غيث .. حمد : صدقك والله( ويفتر صوب روضه) اقول حبوبة شو رايج نتحوط شوي ؟ مانع :حووه يا الخدية سير صوب هلها وتخرص منهم هب الا تاخذها منيه والدرب حمد : أكيد بسير .. وقام حمد وسار صوب طاولة البنات فسيدة ربعت روضه صوب امها اللي كانت لابسه نقاب .. حمد : السلام عليكم ام روضه وعمتها : وعليكم السلام والرحمه روضه قابظه عباة امها وتهزها روضه : ماماتي ابا الووح ويا أمد ام روضه : لا ما شيء سيره .. الحين بنروح حمد : لو سمحتي ختيه ممكن آخذ بنتكم عسب أحوطها شوي؟ وما شاء الله على حمد الله عاطنه وسامه وويه سمح واللي يشوفه يقول انه طيب ولو ما يعرفه .. ام روضه : صدقي اخويه بتتعبك .. ما شاء الله عليها ما تقر في مكان واحد .. حمد : ما عليج .. متعود .. ام روضه : على راحتك اخويه بس ياليت انك ما تتأخر علينا لاننا عقب شوي مروحين حمد : ان شاء الله الشيخه شل حمد روضه وسار ويا مانع عسب يحوطون روضه .. فساروا سيده صوب محل الألعاب فاشترى حمد لروضه دبدوب بني متوسط الحجم وكان في المحل زحمه شوي فلقوا صعوبه شوي يوم حاسبوا وعقب ما حاسبوا ساروا صوب باسكن روبنز واشترا كل واحد منهم اسكريم .. وعقب ردوا صوب الكوفي شوب فما لقوا اهلها هناك .. حمد : مانع .. شو الراي الحينه ؟ مانع : بنتريا شوي واذا ما يووا بنسير ندورهم.. حمد : واذا ما يووا ؟ مانع : لا ان الله راد بيوون .. وعقب فتره ..... حمد : والحين؟؟ مانع : والله علمي علمك؟ حمد : البنت تنود تبغي ترقد مانع : شو رايك نسير الموقف ندورهناك لأني يوم نزلنت لمحت ريال فيه شبه من روضه واتصدق ان فيه شوية شبه من خليفه ولد عم بنات خالتيه عليا .. حمد : يالله نسير .. الرقاد موصل حده عند البنت مانع : يالله عيل قوم .. عقب ما ظهروا من الكوفي شوب ساروا صوب موقف السيارات فحصلوا حرمه متنقبه عاطيه ظهرها لهم ويالسه ترمس بالتلفون .. أول ما صدت ام روضه صوبهم نزلت على مستوى روضه وفتحت ايدها من بعيد .. اول ما شافت روضه امها طار الرقاااد عنها وربعت صوبها ولوت عليها .. ساروا حمد ومانع صوبها .. حمد : السموحه منج ختيه .. كان في زحمة شوي في المحل .. ام روضه : بالحل اخويه .. شفتك اتأخرت فسرت أدور عليك وما حصلتك فقلت لابوها وعمتها يدورونها وانا يلست عند السيارة .. حمد : عيل طمني ابوها عليها ام روضه : ان شاء الله .. وعقب ما سوت تلفون حق ريلها استرخصوا حمد ومانع عنها وساروا صوب سيارتهم.. وقبل لا يركب مانع حط ايده على مخباه .. مانع : والقووووم ... نسيت تلفونيه في الكوفي شوب حمد : الله يهدااااك .. سير ييبه شو تتريا ؟؟ وسار مانع اييب تلفونه .. ويوم ركب حمد السياره شغلها وحط غنيه يا طارشي ويلس يسمعها وسدح السيت وغمض عينه .. ويوم فتح عينه مره ثانيه حصل ريال خاطف جدام سيارته وكان مثل ما قال مانع .. انه فيه شبه من روضه .. فسيده عرفه انها ابوها .. وكانن السيارتين في سيد واحد بس كانن بينهن 3 سيارات وركبوا كلهم السيارة ويلسوا يتريون عمة روضه .. وفي الوقت اللي كان حمد فيه يعدل السيت شاف وحدة متغشيه فسيده عرفها من شنطتها .. بس الغريب انها لفت صوب سيارته وكانت سيارة حمد مظلم شرات سيارة قوم روضه بالضبط يعني نيسان ابيض مظلم .. فتحت عمة روضه الباب وركبت بدون ما تشوف اللي يالس جدام بس الحمد لله انها نا عقت الغشوة .. عمة روضه : (( بعصبيه)) شو هالحالة .. لاعت جبدي وانا ادور رويض وآخر شيء اييبها الأخ لين عندكم .. والله حاله !! أول ما سمع حمد هالجمله ضحك ضحكه تلفت الأنظار .. وأول ما شافته عمة روضه عورها ويهها فسيده نزلت وقالت السموحه وبندت الباب .. وعقب سارت صوب سيارتهم وأول ما ركبت سيارتهم .. أم روضه : شو أخرج؟ وروضه من كثر ما اثرت فيها الصدمه ما رامت تقول شيء.. أم روضه : حوووه وينج .. ارمسج انا عمة روضه : وياج أم روضه : باين غناتي وتمت عمة روضه تفكر طول الوقت في حمد وفي موقفها وياه .. ويوم رد مانع وركب السياره .. مانع : زين أن محد شله.. حمد سادح السيت وسرحان مانع : حمد حمد : شو بلاك مانع : شو وين وصلت؟ حمد : آآآآآآآآه مانع : اووووه شكلها السالفه فيها ان حمد : لا ان ولا لعل مانع : علينا هالسوالف يا بو شهاب حمد : اقول مانع : قول حمد : طحت طيحه في هواهم يا مانع مانع : اهااا ثرها جيه السالفه .. منو ؟ حمد : ما أعرف مانع :من متى؟ حمد : من سبع دقايق مانع : وشو استوى بالضبط حمد : سير لا .. هب جني عطيتك ويه زياده عن اللزوم حط حمد شريط مرحبا بطارش نباكم ويلس مرتبش.. ويوم وصلوا بيت خالتهم يلسوا يرمسون شوي في الحوي.. وبالصدفه كانت مهره توايج من الدريشه اللي فوق .. مهره : ميرووه .. الحقي ميره : شو بلاج؟ مهره : حبيب القلب وصل ميره : ها شو؟؟ قولي والله مهره : وحياااتج ميره : فز قلب مياري .. وسيده سارت صوب الدريشه ميره : أكرهك مهره : من قلبج؟ ميره : تبين الصراحه لا مهره : وليش تكرهينه؟ ميره : بس جيه .. بلا سبب مهره : خلي عنج هالسالفه وتعالي بنسير نيلس في الصاله اللي تحت لان قوم اميه الحين بيون ..ونزلت ميره ومهره في الصاله اللي تحت.. ميره : مهاري .. اميه ما سوت تلفون ؟ مهره : سوت ويوم رمستها كانن توهن طالعين من الفندق ميره : ومتى سوت مهره : من ربع ساعه تقريبا ميره : يعني الحين بيوون وفجأة يصيح التلفون وشلته ميره .. ميره : الو ..... : مرحبا ميره : (مرتبكه) مرحبا ملايين ظنكم من اللي متصل ؟؟ وهل بيستوي شيء في حياة حمد بيجلب حياته ؟؟ |
|
الجزء الثالث
وفجأة يصيح التلفون وشلته ميره .. ميره : الو مانع : مرحبا ميره : (مرتبكه) مرحبا ملايين مانع :شحالج ؟ ميره : يسرك الحال والله مانع : ممكن أسأل سؤال بس بدون اي عصبيه ؟ ميره : ما في داعي تتعب عمرك .. أنا ميره مانع : ( وهو يضحك) كنت متعمد أغيظ بج ميره : ساكته وفي خاطرها تضحك مانع : عيل وين خالاتيه واميه؟ ميره : بعدهن ما ين حمد : عنبووو لين الحين .. انزين وما قالن لكن متى بيظون ؟ ميره : مهره تقول انها يوم رمستهم كانن ظاهرات من الفندق يعني أكيد انهن الحين واصلات حمد : زين عيل .. في وداعة الله ميره : الرب حافظ مهره : منو هذا ؟ ميره : فارس الأحلام وشوي ان امهن وخا لاتهن داخلات عليهن ام راشد وام حمد وام مانع : السلام عليكم؟ ميره ومهره : وعليكم السلام و الرحمه ميره : حي الله العيايز ام حمد : منو العيايز ؟ جان تتطرين امج برايج ام راشد : لا امها شباب مهره : خلاص كله ولا زعلكن .. كلكن غرشوبات والكل يتمناكن والكل ضحك على جملة مهاري ام مانع : بناتي .. ما يواا قوم مانع؟؟ ميره : يواا .. بتلقينهم يالسين في الميلس ام مانع : عيل انا بسير صوبهم ام حمد : صبري بعق عباتيه وبيي فياج ام مانع : يالله عيل .. وانا بعد بعق العباة ام راشد : تجدمني انتن .. وانا بسير المطبخ بييب دلة القهوه وبيي.. وسارن موزه وعوشه صوب عيالهن في الميلس وهن لابسات الشيل السود وعاقات العبي ودخلن الميلس .. حمد : هلا بالطش والرش .. أسفرت وأنورت .. مرحبا ملايين ولا يسدن في ذمتيه .. ام حمد : الله يحييك غناتي أم مانع : مانع مانع : لبيه فديتج أم مانع : يا الهرم مانع : افاا .. ليش؟ أم مانع : شعنه ما تغدي شرات بو شهاب؟ مانع : في الشو؟ أم مانع : في منطوقه يعلني افدااه مانع : حمد غير أم مانع : في الشو غير بعد ؟ مانع : بو شهاب شاعر وكلهم ظحكوا على هالجمله.. وشوي تدخل عليهم ام راشد ام راشد : حيا الله باللي لفانا حمد ومانع : الله يحييج ويلسوا يسولفون وعقب ساعه تقريبا .. أم حمد : يالله عيل بخليكم .. بسير أرقد أم مانع : وأنا بعد شليني فياج حمد : شو السالفه ؟!! أسمع طاري رقاد مانع : ان شاء الله ناويات ترقدن هنيه ؟؟ أم مانع : إلا معزمات أم حمد : تعرف اننا ولا جد مره يينا دبي ولا بتنا حمد : هذاك يوم نكون كلنا يايين بس الحين حصه وعلاوي في البيت منو بييلس عندهم هناك؟ ام حمد : ما عليك انته .. غيث اخوك غيث وياهم حمد : اميه تعرفين ان غيث ما يقر في البيت ام حمد : شو الراي الحين ؟؟ شو تباني اسوي؟ حمد : اليوم ما شيء بيات بنرد العين ام راشد : بس يا حمد الوقت متأخر.. ما تروم بعدك تظرب خط لين العين مانع : انا عندي لكن شور ام مانع : قول لا خليت منك مانع : شو رايكن الحين نرد العين وان الله راد الاسبوع الياي بنيكم بالاربعا ونرد باليمعه.. ام مانع : شور غاوي شو رايج ام حمد ؟ ام حمد : شوركم وهداية الله ام مانع : عيل صبروا علينا بنسير داخل بنييب قشارنا وبنييكم ام حمد : وانتوا ركبوا السياره لين ما نيكم حمد : ان شاء الله فديت روحج مانع : هب تتأخرن ورانا درب ام مانع : ان شاء الله وعقب ما يابن قشارهن ردوا العين ..:: في بيت روضه ::.. عمة روضه يالسه في الحجره وتفكر في حمد وكانت تتخيل شكله يوم هو يالس في السياره كان عاق سفرته وعاقنها على السيت وكان شعره طالع من تحت القحفية .. وكان يذبح وكانت تتمنى ان الدنيا توقف عند هاللقطه .. ..:: في بيت حمد ::. حمد يالس في حجرته وكان يالس جدام المنظره يسحي شعره لانه كان توه ظاهر من الحمام وكانت الساعه 2 فليل تقريبا .. كان حمد يغني طال ليلي بصوت خفيف وفجأة يسمع صوت دق على الباب حمد : منوه ؟ حصه : انا حصووه حمد : دخلي دخلت حصه وبندت الباب وراها حصه : علومك بو شهاب؟ حمد : ماا شيء علوم والله حصه : وشحال عربان دبي حمد : يسرج حالهم والله حصه : الحمد لله حمد : وانتي شو مسهرنج لين الحينه؟ حصه : إجازه وتباني ارقد من وقت .. لازم اتهنى في الاجازه حمد : اهااا ونعم الراحه عيل حصه : انزين بو شهاب ليش رديتوا أحيدكم بتباتون هناك؟ حمد : ما شاء الله ثرها العايله الكريمه كلها تدري وأنا آخر من يعلم حصه : وهاي يبالها قول يعني .. تعرف اميه ان سارت دبي لازم تبيت عندهم .. حمد : الله يسلمج هالمره ما باتنا لاني ما كنت متزهب للبيات .. وان الله راد الاسبوع الياي كلنا بنسير نبات هناك حصه : حتى أنا حمد : أكيد حتى انتي .. عيل بنخليج بروحج حصه : يعلني ما اخلا منك يا بو شهاب حمد : عيل وين غيث حصه : راقد حمد : من رقد ؟ حصه : قبل لا توون بساعه تقريبا حمد : يعني الساعه 12 ونص حصه : هيه حمد : وعلاوي حصه : فديته راقد حمد : انزين اقول حصه : قول حمد : شو الثنوية وياج؟ حصه : يمشي حالها حمد : ومنو غيرج في الثنويه هالسنه ؟ حصه : بنات خالتيه عليا حمد : ما شاء الله يعني عندنا ثلاث ..يالله يوفجكن حصه : آمين حمد : حصووه حصه : لبيه حمد : قبظي الباب حصه : افاا .. بس يالله مقبوله منك حمد : وبندي الباب وراج حصه : من عيوني لو تطلب اعيووني ويوم ورا يوم ياي يوم الأربعاء ..:: في بيت حمد ::.. حمد نازل من الدري ويزقر امه اللي كانت في المطبخ حمد : اميه .. أم حمد : عونك غناتي وسار صوب امه في المطبخ وحبها على جتفها حمد : اقول اميه ام حمد : قول يعلني لا خليت منك حمد : رد علاوي من المدرسه ولا بعده ؟ ام حمد : هيه فديته توه ياي .. حمد : وغيث؟؟ ام حمد: على قولته أول يوم بيخلص من الجامعه بيلحقنا هناك حمد : وحصه ؟؟ ام حمد : بعدها ما يت الساعه ثنتين بيرخصونها حمد : ومنو بيبها ام حمد : الدريول والبشكاره.. حمد : خلاص أنا بييبها ام حمد : زين سويت غناتي .. ابغي الدريول يقظي لي حايه حمد : يالله عيل بسيير اييبها عقب شوي بيرخصونها ام حمد : الله يحفظك سار حمد صوب مدرسة حصه وكان راكب سيارته النيسان وكان منزل الدريشه لان السياره كانت صكه شوي وكان حاط غنية هاذي القصيده مني ومطوول عليها شوي .. وكانت حصه تتأكد من السياره ويوم تأكدت انها سيارة اخوها جان تسير صوبه وتركب عداله .. حصه : مرحبا حمد : مرحبتين حصه : اوووه غريبه.. من وين طالعه الشمس؟؟ حمد ياي المدرسه عسب يردني البيت لا ما أصدق .. ابا اتأكد.. حمد :جان يصفعها طراق خفيف على سطارها .. ها تأكدتي ولا أزيدج؟؟ حصه : لا خلاص تأكدت حمد : حمدي ربج انتي.. وحبي ايدج من ورا وجدام بعد .. حصه : الحمد لله رب العالمين حمد : ((ساكت)) حصه : اتصدق حمد البنات كلهن تينن عليك حمد : احم احم .. اخجلتي تواضعي .. حصه : هب تصدق عمرك عاد حمد : يا ويلي على الغيرة حصه : على شو يحظي حمد : على هالاخو اللي الله انعم عليج به حصه : خل عنك الرمسه وشوف الدرب حمد : انزين حصوه .. ترانا عقب ما نصلي العصر سيده بنسير دبي I am ready for that حصه : اوكيه .. حمد : شو رديدات بعد؟ حصه : وهيه تضحك (( يعني انا جاهزه للسيره )) حمد : الله يعينا بس وعلى الساعه 4 العصر ظهروا قوم مانع وحد من البيت وطبعا كل واحد في سيارته مع هله.. و تقريباعلى الساعه 5 الا ربع وصلوا دبي .. ويوم نزلوا من السياره الحريم سارن داخل الفله واما بو مانع فما ياي وياهم لان عنده ركض في سويحان يوم الخميس ونزلزا حمد ومانع القشار من السيارات وزقروا البشاكير عسل يشلن القشار ويودنه داخل الفله .. ويوم شلنه وروحن لاحظ حمد ان هناك كيسه نسى ينزلها .. جان اييبها ويسير دام الباب الرئيسي وعقب حط الكيسه عند الباب ورد صوب سيارته عسب يقفلها ويود كان بيسر صوب السياره سمع حد يزقره من وراه وأول ما صد وراه شاف روضه طالعه من الباب الرئيسي وتزقره بصوووت عالي وعب ركضت صوبه نزا حمد على مستوها وفتح ايده وعقب شلها وحبها وكانت مهره توها ظاهره من المطبخ واول ما انتبهت ان حمد كان جدامها تغشت وطبعا حمد ما شافها لانه كان مشغول بروضه بس طبعا حمد ما عرفها اذا هيه ميره او مهره.. مهره : السلام عليك حمد حمد : وعليج السلام .. شحالج ؟ مهره : يسرك الحال والله .. انته شخبارك ؟ حمد : والله ما شيء أخبار مهره : اووه رواضي هنيه .. منو ياي وياج حبيبي روضه : عمووووه وهنيه فز قلب حمد مهره : ووينها الحين روضه : داخل بيت ويا ميلة مهره : يالله عيل بترخص عنك الحين .. يالله روضه تعالي روضه : ما أليد حمد : خليها ويايه وبعيدين بييبها صوبكم مهره : اوكيه عيل وسارت مهره عنهم ودخلت الفله وسار حمد صوب الميلس عند مانع وكان شال روضه وطبعا يلس حمد يفكر في الدرب وحس بالفضول لانه ما عرف اسم عمتها ويوم دخل حمد الميلس حصل مانع يرمس بالتلفون ومانع ما حس بهم لانه كان عاطي ظهره للباب .. ويلس حمد يلعب ويا روضه وأول ما انتبه مانع لهم سكر التلفون وهو مصدوم مانع : بو شهاب .. هب جنها هاي روضه حمد : اتصدق عاد مانع : شو يابها هنيه حمد: علمي علمك .. مانع : افا عليك انا بسأل ولا عليك انته بس وشوي ان ام راشد تدخل عليهم ويقومون يسلمون عليها حمد : شحالج خالتيه ام راشد : يسرح حالي غناتي مانع : وشو العلوم ؟ ام راشد : والله ما شيء من صوبنا جان الا من صوبكم انتوا حمد : ما شيء من صوبنا طال عمرج وانتبهت ام راشد ان روضه كانت تلعب وراهم ام راشد : فديت روضه انا .. منو يابج غناتي روضه : عمووووه ام راشد : ووينها الحين روضه : عند ميله داخل بيت ام راشد : يا حيكم والله مانع : اقول خالتيه من بنته روضه ام راشد : وااااايه يا مانعع ما عرفتها؟؟ مانع : لا والله ما عرفتها ام راشد : هاي روضه بنت خليفه ولد اخو بو راشد حمد : بس على أساس انهم مسافرين ام راشد الا من ثلاث ايام رادين مانع : اللي اذكره انهم عايشين في بوظبي ام راشد لا فديتك الحين ردوا بيتهم الاولي هذا اللي حذالنا حمد : اهاااا وبينما كانوا يرمسون كانت رووضه تشرب الماي جان تلعبه وتجبه على عمرها ويوم صدت ام راشد صوبها ام راشد : روضووه شعنه خيستي ثيابج ...يالله سيري صوب رفوع خليها تبدلج اياهن .. وربعت روضه صوب عمتها في الفله وهنيه ارتبش حمد واستانس لانه عرف اسمها ام راشد : يالله عيل بخليكم .. بسير أيلس عند خواتي وبخلي بو سنيده ايي صوبكم حمد ومانع : الرب حافظ واتصلت ام راشد براشد اللي كان ياي في الطريج وقالتله يسير صوب عيال خالته في الميلس وييلس وياهم وعقب فتره ظهر حمد من الميلس وكان يبغي يسير صوب سيارته عسب اييب تلفونه اللي نساه هناك ويوم كان يمشي في الحوي كانت رفيعه تشوف من دريشة المطبخ روضه وهيه تلعب بالسيكل في الحوي .. فأول ما انتبه حمد لروضه سار صوبها وشلها وحبها ويلس يكلمها شوي.. وطبعا حمد ما انتبه لرفيعه لان الدريشه كانت عاكس .. رفيعه : ( منصدمه وفي نفس الوقت كانت تبا تعرف اسمه) أقول مهاري منو هذا اللي شال روضه؟ مهره : وسارت صوب الدريشه ( هذا حمد ولد خالتيه موزه ) رفيعه : ( منصدمه ) هذا اللي كنا نلعب وياه يوم كنا صغار مهره : هيه رفيعه : قولي والله مهره : وحياتج ، ليش يعني رفيعه : ما شيء .. وتذكرت موقفها وياه جان تبتسم وشوي ان حصه وميره يدخلن عليهن حصه : اووووه اشوف رفوع عندكم رفيعه : هيه غناتي الا من العصر يايتنهم ويسلمن على بعض حصه : شحالج؟ رفيعه : بخير وسهاله حصه : عساه دوم .. وشحال بوظبي بعد رفيعه : الحمد لله حالها تمام حصه : من متى انتوا هنيه رفيعه : الا من ثلاث ايام حصه : ياحيكم والله رفيعه : الله يحييج حصه : شو شكلكم ودرتوا بوظبي رفيعه : هيه فديتج حصه : يا حظج على الأقل مهاري ومياري عدالج رفيعه : هيه والله يعلني افداهن ميره : ونرجع لمحور حديثنا .. ليش متفيزرات عند الدريشه ؟ مهره : ما شيء رفيعه: أقول بنات شو رايكن نرد الفله .. خلصنا شغلنا هنيه ميره : يالله عيل مهره : انتن سبقني وانا بيي عقب شوي وظهرن رفيعه وميره وحصه من المطبخ وهن متغشيات ما عدا حصه ويوم انتبهت حصه حق روضه حصه : يالله فديت رواضي .. من زمتن ما شفتها .. بسير صوبها منو بيسير فيايه رفيعه : لا الغلا انا هب سايره بترياكن هنيه ميره : انا بسير وياج بسلم على حمد وبييب رواضي وسارن حصه وميره صوب حمد وروضه .. أول ما وصلت حصه هناك شلت روضه ويلست تتفداها ميره : شحالك حمد ؟ حمد : تمام والله .. انتي شخبارج ؟ ميره : بخير الحمد لله حمد : عساه دوم وانتبه حمد لرفيعه اللي كانت واقفه عند المطبخ فابتسم لها واول ما شافته رفيعه تذكرت موقفها معاه ونزلت راسها حصه : اقول بو شهاب متى بيي غيث حمد : عقب ما يخلص دوامه بيي حصه : اهاا حمد : عيل وين علاوي عنكم حصه : أحيده يلعب ويا مايد بالسياير عند الزراعه حمد : توالفوا .. الله يعينا بعونته ميره : الله يعينا على حشرتهم فليل حصه : عادي الا هم مايد وعلي يعلني هب بلياهم حمد : هه الغاليه لو هم ييلسون عندكم ..المصيبه انهم ييلسون عندنا حصه : حتى رواضي تيلس عندنا حمد : س روضه فديتها هاديه ميره : عيل بعدك ما عرفتها عدل حمد : دام انها جيه السالفه .. مره ما ابغي اعرفها ميره : بتفتك من الصدعه حصه : يالله عيل بنسير الحين وسارن حصه وميه وروضه صوب رفيعه وعقب صدت روضه صوب حمد وتسوي بيباي له سار حمد صوب سيارته ويوم ركبها شل تلفونه وبعدين تنهد وحط راسه علىالكرسي.. شو ظنكم بيستوي ؟؟ |
|
الجزء الرابع
وبعدين نزل من السيارة وسار صوب الميلس وعقب صلاة العشا يلسوا قوم حمد ومانع وراشد وبو راشد في الحوي وكانوا مايد وعلاوي يلعبون بالسياكل وكانوا مسوين حشره ..وشوي انهم يسمعون صوت سيارة عند الباب .. وكانت هاذي السيارة سيارة غيث واول ما دخل البيت شافه مايد جان يربع صوبه وسلم عليه ، شل غيث مايد وساروا صوب الرياييل وقاموا وسلموا عليه ويلسوا يسولفون .. ..:: داخل الفلة ::.. مهرة وميره وحصة ورفيعه يالسات في الحجرة اللي فوق وامهاتهن يالسات في الصالة اللي تحت.. وكانت روضه يالسة وياههن في الحجرة وكانت لابسة الشيلة السودة وشالة الشنطة في ايدها وكانت لابسة الكعب .. وتوها كانت بتظهر من الحجرة .. رفيعه : حوه .. رواضي ، على وين؟ روضه : بتيل اتلم على عموووه عليا رفيعه : اها ، سيري بس لا تظهرين برع ويوم ظهرت روضه ... ميره : بنات شو رايكن نقنع الأهل ؟ رفيعه : بشوو؟ ميره : اننا نسير المزرعه باجر ونبات هناك مهره : فكرة حلوة حصه : زين والله .. من زمان ما سرنا رباعه رفيعه : ذكرتيني بأيام قبل مهره : هيه والله ..الله يعودهن علينا ان شاء الله حصه : يالله عيل خلونا نسير صوب العيايز .. رفيعه : تعااالوا ، على طاري العيايز وين يدي؟ ميره : الله يسلمج من العصر وهوه في العزبه .. على قولته عنده شغله ، بتلقينه ياي الحين رفيعه : واااااااااايه فديته ما يصبر عن حلاله مهره : إلا تعيبج سوالفه يعلني أفدااااااه حصه : يالله عيل خلنا نلحق نرمسهم عسب يتزهبون وسارن مهره وميره وحصه ويوم وصلوا عند الباب انتبهوا ان رفيعه هب وياهم .. وردن يزقرنها ميره : رفوع جيه الغالي ؟؟ تترين عزيمه رفيعه : على شو؟ ميره : اونج ما تعرفين رفيعه : وانا شو يخصني ؟ مهره : ويدي ، جيه الشيخه ما تبين تروحين ويانا؟ رفيعه : والله ودي اليوم قبل باجر .. بس أخاف ان اميه وابويه ما يرضون ميره : ما عليج انتي خليهم علينا حصه : والحين يالله كلكن جدامي وعقب طلعة روح العيايز وافقن لان كل وحده منهن تعلثت بحلالها .. وعقب سوت ام راشد تلفون حق بو راشد عسب تتخبره .. ووافق بو راشد على السيرة .. ميره : حرمة عمي .. طلبناااااج قولي تم مهره : فديتج الشيخه لا تردينا ام رفيعه : انتن قولن بالاول وان الله راد ما بردكن ميره : نبغي رفوع تروح ويانا المزرعه رفيعه : دخيلج يا اميه ام رفيعه : والله يا بناتي الشور هب عندي .. شورها عند عمكن ولا انا مره ما بردها عنكن.. مهره : تسلمين غناتي .. ولا عمي خليه علينا وردن فوووق وأول ما دخلن الحجرة ظحكن من الخاطر.. كانت روضه يالسه جدام المنظره وقابظه في ايدها الجحال وكانت مشخطه ويهها به .. رفيعه : غربلات عدووج ... رويض انتي متى غافلتينا وركبتي فوق؟؟ ويلسن البنات يظحكن عليها .. شلت رفيعه روضه وودتها الحمام وغسلت ويهها ويوم كانت رفيعه تمش ويه روضه بالفوده .. حصه : رفووووع رفيعه : عونها حصه : شو رايج تباتين فيانا اليوم؟ رفيعه : اممممم بفكر ميره : ويا هالراااااس وهاي يبالها تفكير بعد مهره : صدقهن والله (( وتفر عليها كرتون الكلينكس )) رفيعه : اممم .. انا بمشي على شور روضه ان قالت هيه ببات وان قالت لا وكان الله غفورا رحيما حصه : رفوع .. ورواضي شو فهمها؟ مهره : ما عليه خليها على هواها .. يالله رفوع اسأليها رفيعه : رويض تبيني ارقد عندهم اليوم ولا لا؟ روضه : لا ميره : (( وهيه تضحك )) هب حولج حصه : خيرها فغيرها رفيعه : وعااااااااد انا اموووووت في شيء اسمه عناد .. وإلا اليوم أتم عله على قلوبكن وببات عندكم .. مهره : تعيش بنت سالم تعيش حصه : فالتحيااااااااا رفوع ميره : الحمد لله والشكر ولا الإنتخابات ..:: عند الشباب ::.. راشد : بو شهاب حمد : عونك بو سنيده راشد : طلبتك قول تم مانع : جني عرفت طلبك غيث : وأنا بعد عرفته بو راشد : بلاكم تتناغزون بالرمسه راشد : بلّول يقول بو شهاب تم حمد : تم راشد : ابغيك تشل علينا شله غيث : والله يا اني دريت ان هذا طلبك حمد : إلا هذا طلبك .. حاظرين بو سنيده .. وفي نفس الوقت كانت الدريشه مالت الحجرة اللي فوق مفتوحه حمد : (( ما لوم عيني تسهرعليك .. وأحلمك في غمظة عيوني.. طبعك حلو ميت أنا فيك.. واللي شراتك من يكوني .. محلاك لاكن من يساويك .. انت الذي ساكن عيوني .. أغليك يا المحبوب أغليك .. غصبن على ناس اعذلوني .. لو ذقت منك هجر بعطيك .. حب وغلا وأحلا شجوني .. لا تظن يالمحبوب ناسيك .. لا تظن حبك لي يهوني )) .. وفي نفس الوقت كانن البنات يسولفن وفجأة سكتن يوم سمعن صوت حمد.. حصه : واااااااااايه فديت بو شهاب مهره : ما شاء الله عليه صوته فنان ميره : الله يوفجه ورفيعه كانت سرحانه في شلة حمد ولا تدريبهم .. ..:: عند الشباب ::.. راشد : من قال سالم مانع : صح لسانك الشاعر غيث : تسلم يا بو شهاب حمد : الله يسلمكم بو راشد : ليت ابوك ما غاب .. جان افتخر ان عنده ولد شراتك يا بو شهاب حمد : الله يرحمه ويغمد روحه الينه غيث ومانع وراشد : آمين وفجأة يسمع حمد صوت روضه من وراه .. ويوم صد وراه شاف روضه تربع صوبه .. جان ييلسها عداله وكان يلعبها .. وكانت تضحك بصوت عالي رفيعه : غربلات العدو وين رويض؟ مهره : جني اسمعها برع في الحوي رفيعه : يالله مقوى هالبنت قايلتلها ما تظهر خاري .. حصه : ما عليها شر الا يالسه ويا عمها برع رفيعه : ما عليه ما بتكمل خمس دقايق والا بتشوفينها يايه تصيح ميره : وشو يصيحها رفيعه : ومنو غير ميوود مهره : عااد ها الشيء اظمنه لج رفيعه : الحين خلونا من سالفة رويضه .. والحين أي مزرعه قررتوا اتسيرون؟ مهره : شو رايكم نسير مزرعتنا اللي في الذيد .. ابويه يقول أن الجو فنان هناك ومن كمن يوم طايح فيها مطر.. حصه : الله يعينا على البرد عيل .. وخصة اننا في الشتا ، اسميه المرض بيضوي .. ميره : أحسن عسب أمرض وما اسير المدرسه رفيعه : هيه لازم تبيها من الله .. ويلسوا يظحكون .. ..:: عند الشباب ::.. حمد : رواضي حبيبي .. تعرفين تغنين طال ليلي ؟ روضه : ( هزت راسها على انها تعرف ) حمد : يالله عيل قوليلنا اياها روضه : سااااااكتة حمد : انا ما قلتيلي ما بوديج الدكان ولا بشتريلج حلاوة روضه : انا ابا حلاوة حمد : أول قولي وعقب بوديج انتي وعلاوي وميود الدكان.. غيث : لا انا بقول روضه : لا انا بقول حمد : يالله عيل روضه : ( تال ليلي من تأليلي من تدافي خلي الغالي ، باتوا ابوعي مداهيلي والخلي من ليأتي خالي ) حمد : فديتج انا ويحبها على راسها روضه : يالله نتيل الدكان حمد : يالله سيري ازقري علاوي وميود من الميلس والبسوا نعولكم و تعالوا .. وسارت روضه تزقرهم .. وشوي ان يد راشد يدخل البيت ، جان يسير صوبهم يد راشد : مرحبا الساع والله ويقومن حمد و غيث ومانع ويسلمون عليه ويحبوبه على راسه .. يد راشد : يا حيبه غيث ومانع وحمد : الله يحييك وشوي أن روضه وعلاوي وميود يايين حمد : يالله عيل اترخص عنكم الحين يد راشد : وين بتسير ؟ ما يلست حمد : بلووووف على الدكان وبرد يد راشد : هيه .. عيل مرخوص مانع : اقول بو شهاب ييبلي وياك ريد بول يد راشد : يخسي ويهبي اسميك ما شربته دام اني حي حمد : ليش ؟ يد راشد : ما سمعتوا عن الريال اللي مات بسبته .. الله يعدمه من بول مانع : خلاص بس هالمره يد راشد : والله ين يبته يا حمد يا اغسل شراعك انته وهالهرم منووع حمد : على هالخشم طال عمرك مانع : لا حوووول .. خلاص عصير برتقال يمشي حاله يد راشد : لا ما شيء .. عنبو تخسر بيزاتك على شيء ما يرزى يا مسود الويه.. مانع : عيل !! يد راشد : الحين بخليهم يسوولك واحد فرش .. غيث : اوووه .. اوووه ، علموه الشيبه فرش بعد .. من قدك راشد : هيه بعد ما نرومله اونه قد مورنق والله حاله يد راشد : بتسكتون ولا اغسلكم بهالعصا اللي عندي غيث : لا خلاص كله ولا عصاتك .. ذايقين المر منها.. حمد : (يضحك ) يالله عيل تامرون بشيء كلهم : سلامتك وسار حمد الدكان وشل وياه علاوي وروضه ومايد يد راشد : بو سنيده عيل وين ابوك؟ راشد : ما ادله والله الا قبل شوي ساير .. الحين بيرد ..:: عند البنات ::.. رفيعه : اقول بنات ظنكن ان قلت لليازيه اني اشل بنتها بتوافج؟؟ مهره : ان الله راد بتوافج ميره : فديت رواضي ما نروم نستغني عنها حصه : ما عليج ان شاء الله بتوافج وشوي يسكتن.. حصه : رفوع .. شحال الكليه وياج ؟؟ رفيعه : تمام الحمد لله .. نقلت من بوظبي لين كلية دبي مهره : زين والله وشوي أن البشكاره تدخل عليهن البشكاره : ( توجه كلامها لرفوع ) ما ما يريد انتي تحت رفيعه : اوكيه قوليلها الحين بيي.. وانتي ظاهره برع هاتي روضه وياج .. البشكاره : روضه ما في داخل بيت رفيعه : (( مستقطعه )) عيل وين سارت غرلات العدو أخاف انها طلعت برع البيت .. وشوي أن روضه تدخل عليهم وفي ايدها كيسه ممزوره حلاوه .. مهره : هاذي ما عليها شر رفيعه : رواضي وين روحتي ؟؟ روضه : سرت الدكان ويا ألاوي و ميود.. رفيعه : ومنو مودنكم؟؟ روضه : أمد حصه : ياحيكم والله .. رفيعه : يالله عيل بويه عنكم ..بسير البيت بقنع اليازيه وبقول حق اميه انني ببات عندكم .. ميره : في حفظ الله وسارت رفيعه ويا امها وروضه بيتهم وهيه في الطريج خبرت أمها انها بتبات عن قوم قمها فوافقت . وأول ما دخلت رفيعه حجرتها فتحت كبتها وجهزت ثيابها حق الكشته وفجأة خلت اللي في ايدها وتيلس على السرير لانها كانت شاكه ان ابوها ما بيوافج على سيرتهابروحها الكشته بدون اهلها وفجأه يصيح التلفون اللي في الصاله وسارت رفيعه تشله .. رفيعه : ألو ميره : مرحبا رفيعه : مرحبا ملايين ميره : عندي لج خبر مب حلو رفيعه : أكيد أبويه ما وافق ميره : يلسنا أنا ومهره نحايله لاكن مافي فايده .. رفيعه : اتصدقين كنت حاسه .. ميره : وشو الحل الحين ؟ رفيعه : اليلسه في البيت أحسن حل .. وخيرها فغيرها ميره :الصراااااااااااحه ما توقعت أن عمي عنيد لهالدرجه .. وأقول هالعناد اللي فيج من وين يايبتنه؟ رفيعه : يالله خليها على الله ميره : أوكيه عيل بخليج رفيعه : أوكيه وسلمي على البنات ميره : سلامن يبلغ رفيعه : مع السلامه ميره : اووه صبري .. نسيت أقولج شيء رفيعه : واللي هو؟؟ ميره : صادووه رفيعه : شو قصدج؟ ميره : يعني كل اللي قلته لج كان مجرد مقلب وان عمي اللي هوه ابوج وافق تروحين ويانا .. رفيعه : ويا ويهج ميره : ((وهي تضحك )) واحد.. صفر رفيعه : وعقب شوي بتستوي واحد .. واحد ميره : كيف يعني؟ رفيعه : ما شيء بس عقب شوي بتعرفين ميره : بنشوف رفيعه : اوكيه ميره : انزين بتخبرج .. رمستي اليازيه؟! رفيعه : لا الحين بسير ميره : أوكيه عيل بخليج رفيعه :الرب حافظ ميره : في وداعة الله أول ما بندت رفيعه التلفون كملت تزهيب ثيابها وعقب ما خلصت سارت عند ام روضه اليازيه .. ويوم دخلت الحجرة حصلتها تلبس روضه .. رفيعه : السلام عليكم اليازيه : وعليكم السلام والرحمه رفيعه : شو تسوين؟ اليازيه : مثل ما تشوفين يالسه ألبس روضه رفيعه : اها اليازيه : شو السالفه ؟ رفيعه : أي سالفه ؟ اليازيه : من ييتي دبي ما قمنا نشوفج رفيعه : الله يسلمج لأن في بوظبي محد كان عندي أما الحين بنات عمي عندي يعلني ما أخلا منهن اليازيه : ونحن ؟؟ رفيعه : وانتوا بعد الله لا يحرمني منكم اليازيه : تسلمين غناتي رفيعه : أقول اليازيه اليازيه : عونها رفيعه : ممكن أطلب طلب بس يا ليت ما ترديني اليازيه : ان الله راد ما بردج رفيعه : انزين سمعي السالفه .. إن الله راد باجر بسير ويا قوم عمي ثاني المزرعه .. اليازيه : يا حيكم .. رفيعه : والمطلووب انج توافجين على اني أشل رواضي ويايه اليازيه : لا غناتي ما تروميلها .. رويض روحها عباله رفيعه : لا عباله ولا شيء أقوولج رفيعه : أنا بيودها وبأكلها وكل شىء بس دخيلج وافقي .. اليازيه : والله لو ما اني واثقه فيج جان ما خليتها تسير .. بس الشيمه شوفيها عدل .. رفيعه : من عيوني الشيخه اليازيه : عيل ازقريلي البشكاره قبل لا ترقد عسب تزهب قشار روضه رفيعه : اوكيه .. الحين بروح عند قوم عمي ثاني وباجر الصبح بسويلج تلفون عسب اتطرشين رواضي وقشاري.. روضه : انا بتيل وياج رفيعه : لا حبيبي باجر الصبح تعالي اليازيه : وبتباتين عندهم اليوم رفيعه : هيه اليازيه : ووين حاطه قشارج؟ رفيعه : عدال الكبت في الكيسه العنابيه اليازيه : اوكيه رفيعه : يالله عيل تصبحين على خير اليازيه : وانتي من أهل وسارت رفيعه صوب بيت عمها .. وقبل لا تدخل شافت نيسان حمد موقفه على الباب .. خطفت عدالها ووقفت عندها ولمستها بإيدها وعقب كملت طريجها ويوم دخلت خافت انها تحصل الشباب يالسين في الحوي .. بس الحمد لله أن محد كان يالس .. وكانوا كلهم يالسين في الميلس ويوم وصلت رفيعه نص الحوي طلع حمد من الميلس وكان ساير صوب سيارته وانتبه حمد لرفيعه بس رفيعه ما عرفت انه حمد لانها ما صدت وراها .. وكمل حمد طريجه وكملت رفيعه طريجها .. دخلت رفيعه الفله وركبت فوق ودخلت حجرة البنات .. ويوم دخلت حصلت مهره وحصه طايحات على السرير يسولفن .. رفيعه : هلا بنات مهره : أهلين رفيعه : عيل وين العيايز مالهن شوف في الصاله التحتيه؟ مهره : اميه رقدت في حجرتها وخالاتيه رقدن في الحجرة النصفانيه.. رفيعه: وميرووووه ؟ حصه : تتسبح رفيعه : (( بنبرة مكر )) أهااا.. وشوي أن رفوع تظهر من الحجرة وترد عقب دقيقتين وفي ايدها كوب ماي بارد.. مهره : رفوع ترا الماي اللي في ايديد بييبلج العوق رفيعه : ومنو قالج اني بشربه؟؟ حصه : عيل رفيعه : بتعرفن عقب شوي مهره : الله يعينا رفيعه : ومتى بتظهر مياري؟ مهره : أكيد الحين لانها من فتره داشه سارت رفيعه ووقفت عدال باب الحمام .. وعقب 3 دقايق تقريبا فتحت ميره الباب فسيده رشت رفيعه عليها الماي .. وأول ما انرشت ميره شهقت من الخاطر وتمن البنات يظحكن عليها.. رفيعه : واحد واحد غناتي ميره : الله ينطبج .. قلنا انتقام بس مب جيه ويا راسج رفيعه : المهم اني رديت مقلبج ميره : اوكيه مردووده ان شاء الله رفيعه : بنشوف ويلسن كلهم يسولفن .. وعقب رقدن كلهن ما عدا رفيعه .. يلست تتذكر يوم تلمس سياره حمد وتتذكر سالفتها معاه .. وعقب رقدت |
|
الجزء الخامس
وعلى الساعه خمس الفير دخلت أم راشد عليهن ووعتهن حق صلاة الفير والشباب كلهم ساروا المسيد .. وعقب ما صلن سارن المطبخ عسب يفزعن لامهاتهن في المطبخ.. ..::وفي المطبخ::.. أم راشد : مهره غناتي مهره : عونج الشيخه أم راشد : سيري انتي ووحده من خواتج وفرشن الحصير في الحوي وتعالن عقب ما تخلصن عسب أعطيكن كوار الضو وتحطنه هناك لان الدنيا ما تتلاغى برع.. مهره : من عيوني رفيعه : أنا بسير وياج .. مهره : يالله عيل قبل لا ايوون من المسيد وسارن مهره ورفيعه وفرشن الحصير برع وردن المطبخ عسب اييبن الكوار وسارت رفيعه وشلت الكوار وحطته على الحصير ويوم توها بتقوم الشباب كانوا توهم رادين من المسيد .. أول ما شافتهم رفيعه سيدة تغشت و ردت المطبخ هنيه حمد تيبس محله .. يحقله والله لان رفيعه ما شاء الله عليها عليها جسم فنان يعني لا هيه بمتينة ولا هيه بضعيفه ولا هيه بقصيرة ولا هيه بطويله يعني نص نص .. وبشرتها بيضا و أحلى ما فيها ابتسامتها لان غمازيتها محليتنها وخدودها طبيعيات فيهن شوية احمرار وعيونها بنيه غامجه .. وثمها صغير وحلو وشعرها ما شاء الله يوصل لين ركبها ولونه اسود مايل للبني.. ما شاء الله عليها جميله بمعنى الكلمة وطبعا حمد ما شاف ويهها.. وهو ما شافها من يوم كانوا صغار يعني نسى ملامح ويهها بس كان يذكر ابتسامتها وغمازيتها .. وعقب ما خلصن الحريم من تجهيز الريوق طرشنه ويا البشكاره صوب الرياييل .. وسارن الحريم الفلة عسب يتريقن وعلى الريوق.. أم راشد : أقول بناتي ترانا الساعه سبع سارحين ميره : يعني عقب ساعة مهره : ان شاء الله .. نحن جاهزين وعقب ما خلصن البنات من الريوق سارن الحجرة اللي فوق . ميره : يالله خلنا ننزل القشار تحت عسب يحملونهن في السيارة رفيعه : أنا بسوي تلفون حق اليازيه وبقولها تطرش روضه والقشار مهره : اوكيه نحن بننزلقشارنا تحت وبنرد عسب نتجهز شلن مهره وميره وحصه القشار ونزلنه تحت وسارت رفيعه الصاله اللي فوق وسوت تلفون حق اليازيه وقالتلها تطرش روضه والقشار ..::عند الشباب::.. راشد : شو الحين.. في كمن سيارة بتروحون فيها بو راشد : والله ما أدلكم مانع : أربع سيايير حمد : شو أربع سياير وايد .. 3 سيايير يسدن غيث : أنا عندي لكم شور .. بنسير في ثلاث سيايير، سيارتيه وسيارة حمد وسيارة راشد .. راشد : سيارتيه فيها علة ما اضني بتتحمل وعرة اليبال.. مانع : ما عليه خذ سيارتيه غيث : خلاص عيل راشد خذ انته سياره مانع ..المهم الحين ، أنا ومانع و يديه محمد والقشار في سيارتيه .. والعيايز كلهن في سيارة حمد وعلاوي واخته حصة .. وفي سيارة مانع بيركب راشد وميود وعمي ثاني والبنات .. يد راشد : خلاص عيل توكلنا على الله وفجأة يسمعون صوت حد يفتح الباب ويوم صدوا صوبه كانت البشكارة ميوده روضه وفي ايدها الثانية القشار .. أول ما شافها حمد فتح ايده لها.. ربعت صوبه ويلست على ثبانه والبشكاره سارت داخل الفله .. حمد : رويضه بتسيرين فيانا روضه : هيه حمد : فديتج انا .. أصلا السيرة بلياج ما تسوى شيء وشوي أن مايد يطلع من الفلة ووهو متلبس وجاهز وأول ما شاف روضه يالسة على ثبان حمد ربع صوبها ومط شعرها وتمت روضه تصيح .. راشد : ميووووود يالهرم .. ليش تضربها؟؟ مايد : كيبي .. ما أهبها راشد : دخيلك بس .. يعني هيه اللي ميته فيك الحين .. هزب راشد مايد .. ومايد ما يود عمره وسار صوب يده وتم يصيح يد راشد : ياللي ما تستحون ولا تخيلون جيه تضربون شيخكم؟ راشد : الهرم ظارب روضه بلا سبب يد راشد : عااااااد اللي يسمعكم الحين يقول مره ما سويتوا شيء .. ما أدري منو كان يتظارب ويا بناتنا يوم هن صغار بليا سبب .. وهنيه كل الشباب يسكتون يوم عرفوا عمارهم .. ويرد راشد يرمس راشد : بس نحن كنّا ننضرب بعصاتك بس ما نقول شيء مب هاللي عندك الا من الهزبه صااح .. يد راشد : يحقله فديته .. كله ولا مايد بن ثاني بو راشد : ابويه تراك بتخرب الولد يد راشد : برايه انتوا شو عليكم.. حمد : مستحيل رواضي ومايد ييلسون في سياره وحده .. أنا بركب روضه عندي وخلوا مايد عندكم في سيارة راشد .. بو راشد : يالله عيل روحنا الساعه جريب السبع مانع : يالله بو راشد : راشد .. سو لأمك تلفون وخلها تظهر هيه والحرمات راشد : ان شاء الله.. نشوا كل الرياييل وكل واحد منهم ساير صوب سيارته وسوى راشد تلفون حق امه وقالها يظهرن برع .. وشل حمد روضه وشاف في طريجه بشكارة قوم رفيعه .. حمد : سيري عند ماما رفيعه وقوليلها روضه بتسير فيا حمد.. سارت البشكارة عند رفيعه وقالتلها.. رفيعه : ريتا وين روضه ؟؟ البشكاره : عند بابا حمد.. رفيعه : سيري هاتيها البشكاره : بابا حمد كلام روضه سيري سيم سيم هوّه .. رفيعه : يالله تغربلتي جنج خربتي رمستنا .. خلاص يالله ردي البيت سارن الحرمات وركبت كل وحده منهن السياره اللي بتروح فيها .. وسرحوا صوب المزرعه ... وأول ما وصلوا المزرعه سارن الحريم البيت .. والبيت أرضي يتكون من ثلاث حجر ومطبخ وصاله حريم لها بابيين باب يودي للحجر والباب الثاني يودي على الممر ومجابلنه ميلس الرياييل وله بعد بابيين باب يودي برع والثاني بعد على الممر.. وعقب ما نزّلوا الشباب القشار يلسوا على الحصير.. وشوي أن أم حمد تزقر ولدها حمد .. وسار حمد صوب أمه .. أم حمد : غناتي يوّد الغسول ودلة القهوة وودهن صوب الرياييل وان احتيتوا شيء سير المطبخ بتحصله هناك.. حمد : هب عدلة أدش يا اميه والبنات داخل أم حمد : يالله فديت مذهبك يالغالي .. ما عليك انته محد بيتم هنيه كلنا بنسير المزرعة وبنحوط فيها ... حمد : إنزين عيل ورد حمد عند الرياييل .. ..::عند البنات::.. رفوع طايحه على السرير .. وحصة عدالها ميره : بلاكن طايحات على السرير .. يالله انقفظن بنسير المزرعه حصه : يالله رفوع رفيعه : السموحه منكن والله .. شوي ظاربني عوار في راسي من السيارة انتن سيرن وانا ان آنست عمري بخير بلحقكن .. ميره : تبيني أيلس وياج؟ رفيعه : لا غناتي ما يحتاي ميره : لا عادي والله .. أقول حصوص سيري صوب العيايز وقوليلهن اننا بنيلس وبعدين بنلحقهن .. رفيعه : ميروه والله ما في داعي تيلسين ميرة : متأكده؟؟ رفيعه : هيه سارت ميرة صوب شنطة امها وظهرت حبة بندول و عطتها حق رفوع .. ميره : يالله عيل حصوه قمنا نروح وروحن الحريم المزرعة وتمت رفيعة بروحها في البيت .:: عند الشباب ::.. يد راشد : أسميهن الحرمات ما عيّنن خير يوم انهن روحت ولا حطن لنا كمن سحيحه.. بو راشد : راشد راشد : نعم بو راشد : قوم ولديه وهات السح من داخل حمد : (يقوم ويضغط على جتف راشد) خل عنك الغالي أنا بسير عنك راشد : تسلم بو شهاب وسار حمد ميلس الرياييل وفتح الباب اللي يودي على الممر ويوم مشى في الممر وساير صوب المطبخ و كان باب صالة الحريم مفتوح وكانت رفيعه يالسة على الغنفة اللي عدال الباب وحاطة الشيله على جتفها ورابطه شعرها ومنزلة قصتها الطويلة على ويهها وكانت تقرا المجلة اللي اشترتها مهره من محطة البترول .. وهنيه ما عرف حمد شو يسوي.. يكمل طريقه أو انه يرد .. ومنيه كان حاس حمد بفضووووووول لانه يبغي يعرف منو هاذي .. رد حمد عند باب الممر وتحنحن بصوت عالي .. وأول ما سمعته رفيعه لبست شيلتها بسرعة وربعت الحجرة بدون ما تعرف ان اللي تحنحن هوه حمد.. كمل حمد طريجه ورد مره ثانيه ويلس عند الشباب .. ظنكم شو بيستوي الحين؟؟ وكيف بيعرف حمد أن رفيعه هيه نفسها اللي في الصاله ؟؟ |
|
الجزء السادس
و يوم توه بييلس صاح تلفونه وكان ربيعه سالم مسوله تلفون ... سار حمد عنهم شوي ويلس يرمس سالم وأول ما خلص رد وفي طريجه صوب الشباب شاف روضه تربع صوبه .. شلها حمد ويلسها على مدعمية سيارته وقبض ايدها .. حمد : رواضي .. منو سار فياكم المزرعه؟ روضه : عموه أليا((عليا)) وعموه أوته ((عوشه)) وعموه موده ((موزه)) وميله ((ميره)) ومهره وأته ((حصه)) ، اوووو حمد : رفيعه روضه : لا ألاوي وميود حمد : ورفيعه ؟؟؟ روضه : لا عموه لبيعه ما تالت هنيه تأكد حمد ان اللي شافها في الصاله هيه نفسها رفيعه .. وبعدين ردوا ويلسوا عند الرياييل .. وخطف الوقت .. وقبل المغرب ..::عند البنات::.. الحرمات يالسات في الصاله ووياهن مهره وحصه يشوفن التلفزيون.. ورفيعه ومهره يالسات في الحجره.. وكانت ميره تسحي شعرها جدام المنظره وكانت رفيعه يالسه على السرير.. ميره : رفوع .. شو راسج الحين؟ رفيعه : الحمد لله تمام ميره :ليتج كنتي ويانا رفيعه : ليش؟ ميره : سرنا أنا ومهاري صوب الحوض اللي في نص المزرعه وجيه ما نشوفلج ذاك الضفدع رفيعه : اوووه .. وشو سوت مهره أحيدها تبغضه؟ ميره : بس صارخت وربعت صوب العيايز وهيه مستقطعه رفيعه : هههههههه .. أحيد يوم ان مانع وغيث يزخونه ويروغونها به ميره : هيه والله .. وفجأة تفتح مهره الباب عليهم مهره : تعالن بسرعة رفيعه : بسم الله شو استوى ؟! ميره : شو السالفه ؟؟ مهره : غنية طال ليلي على التلفزيون ويفزن ميره ورفيعه من مكانهن ويترابعن صوب الصاله وفي نفس الوقت كانت أم حمد ترمس ولدها حمد في التلفون .. رفيعه : سلامي عليك يا ميحد وأول ما سمع حمد صوت رفيعه سكت وما انتبه لرمسة امه .. ميره : يا ويل حالي انا مهره : أسميه ميحد ابدع فيها أم مانع : ولا البنت ما اغواها .. رحيمه ام راشد : صدقج والله .. مزيونه ميره : واايه فديت الياهل انا .. حصه : هذا راشد بن مزيود .. ماشاء الله عليه رفيعه : يالله .. اناااااااا موتي على اليواله أول ما سمع حمد هالجمله رد يرمس امه حمد : أقول اميه ليش ما تن انتي وخالاتيه برع وتيلسن فيانا .. ام حمد : ان شاء الله الحين بني.. وسارن الحرمات برع وعقب ما غلصت الغنيه ردن البنات الحجره .. وأول ما دخلن الحجره سارت رفيعه جدام المنظره تعدل قصتها وسارت ميره عند الدريشه وفتحتها ويلست تشوف الجو .. والصراحه كان الجو فنان ومغّيم .. وسارن مهره وحصه و يلسن على الارض يقرن جرايد اليوم وصدت ميره صوبهن.. ميره : في حياتي ما شفت حد يقرا أخبار بايته شراتكن .. وردت تصد صوب الدريشه وفي نفس الوقت قام حمد وسار صوب سيارته وشغل غنيه يا طارشي وطول على الآخر وطلع الكلاشن مالته ويلس ايّول جدام اللي يالسين وكان قاصد يطول عليه عسب تنتبهله رفيعه واتشوفه وهو ايّول .. صدت ميره لمصدر الصوت وانتبهت لحمد وهو ايّول .. ميره : تلاحقن يا بنات .. بسرعه مهره : بلاج ؟؟ رفيعه : شو السالفه ؟ ميره : تلاحقن على بو شهاب وهو ايّول.. وأول ما سمعت رفيعه هالجمله خلت كل اللي في ايدها ولبست شيلتها وسارت صوب الدريشه وسارن مهره وحصه وياها.. ميره : تعالن صوب دريشة الصاله سيدة مجابلتنهم.. ويربعن البنات هناك وبما أن الوقت نهار فالدريشه كانت عاكس .. يعني البنات يشوفون اللي برع واللي برع ما يشوفونهن ... وشوي أن غيث ومانع وراشد يقومون ويشلون عصّّي من السيارة ويلسوا ايّولون ويا حمد .. وسوّوا سطر واحد ونزلوا تحت ويبسّوا .. وهنيه البنات تخبلن على هاذي الحركه وخصوصا رفيعه .. لأن حمد كان أحلاهم وأحلى شيء فيه طوله وعرض عضامه وهيبة مشيته .. وكان حمد لابس كندوره عنابيه وغتره على نفس لون الكندوره .. وحمد أكبر عن رفيعه بسنة يعني عمره20 سنة .. والوحيدين اللي على سنّات رفيعه هم راشد وغيث .. ورفيعه تعتبر راشد كأخوها وحتى انها ما تتغشى منه .. ومانع أصغر من حمد 4 شهور بس من هم صغار وهو ويا بعض ووايد متعلقين ببعض ... ويلسوا الشباب مرتبشين باليواله .. وشوي أن حمد ينزل وييبس وغترته ما كانت مظبوطه عدل ويوم يبّس طاحت غترته على الأرض وما شاء لله على شعره لايق وايد مع وسامته .. وشعره طويل شوي وفيه نعومه وبين ماكان ايبس كان شعره يرد على ويهه ويلس ايّول بلا غتره .. (آه عنلاتك يا حمد .. ما تعرف انك تذبحني بحركاتك ؟!) .. رفيعه فخاطرها .. ويلس (محمد) يد راشد مرتبش ويا الشبيّبه ويلس ايّول بعصاته وهو يالس.. ومر الوقت وهم مرتبشين .. وعقب صلاة المغرب سار حمد صوب سيارته عسب اييب تلفونه اللي نساه في السياره قبل لا ايّول .. ويوم ركب السياره الا بروضه يايه صوبه وكانت تحاول تفج الباب بس ما رامت شلها حمد ويلسها على ثبانه ويوم فتح سدته عسب يظهر لروضه لبانة انجذبت روضه لعطر الفهرنهايت ماله شلته روضه .. روضه : أنا أليد أتيل .. ( كان شكل الغرشه يشبه غرشة العصير) حمد : هههه لا غناتي هذا مب عصير هذا عطر وفج حمد غطاة العطر وعطّر به روضه وعقب نزلوا من السياره .. وسار حمد صووووب الرياييل وسارت روضه عند عمتها .. رفيعه كانت تدور روضه في البيت ويوم دشت روضه رفيعه : رويضه .. وين سرتي وانا أدورج يالله تعالي بلبسج بجامتج .. وسارت روضه ويا رفيعه عسب تلبّسها ... أول ما يلست رفيعه عسب تلبس روضه شمت ريحة العطر لانه ريحته وايد قويه .. رفيعه : رويضه منو معطرنج ؟؟ روضه : (وهيه تحك عيونها) أمد.. أول ما عرفت رفيعه أن العطر اللي متعطرتبه روضه هوه عطر حمد ما رامت تقاوم جان تشمها بقّو ومن شدة ما هو مركز كحّت كحة من الخاطر.. وشوي ان ميره تدش عليها .. ميره : بلاج اتكّحين ؟؟ وانتبهت لريحة العطر لان ريحنه كانت شاله البقعه.. ميره : حد من الرياييل دش الصاله؟ عنبو يا ريحته شلت البقعه شل رفيعه : هههه لا والله هاذي رويض متعطره ميره : يا حيها ومنو اللي معطرنها رفيعه : وقلبها يدق لانها بتنطق بإسمه .. على قولتها حمد اللي معطرها ميره : ( تشوف رفيعه بطرف عينها وتنغزها بالرمسه ) اهااااااا .. حمد رفيعه : وليش تقولينها بهالطريقه؟ ميره : سلامتج الشيخه .. انزين عقب ما تخلصين تعالي الحجرة عسب نلعب بالكيرم.. رفيعه : كيرم!! منو وين يبتوها؟؟ ميره : الله يسلمج هفّيناها من ميلس الرياييل .. رفيعه : أسميكن ما تنرامن.. تريّني بلّس رويضه وبيي ميره : اوكيه نترياااااج.. وعقب العشا يلسوا الرياييل يسولفون برع وعقب دخلوا كلهم داخل عسب يرقدون .. ورقد بو راشد ويا حرمته في حجره وام مانع وام حمد وميود وعلاوي في حجره والبنات في حجرة ويد راشد رقد في حجرته اللي مسونها له على زاويه البيت من برع .. ورقدوا الشبيّّبه كلهم في الميلس .. رقد راشد على الغنفة الطويله .. ورقد غيث على الغنفه الثانيه .. وأما حمد ومانع فرشولهم تحت ورقدوا .. وعلى الساعه ثنتين فليل نشت رفيعه من الرقاد وكانت عطشانه ويوم سارت الصاله حصلت الدبه مخلصه .. لبست رفيعه شيلتها وسارت المطبخ ويوم خطفت جدام الميلس شافت الشبيّبه كلهم رقوود .. لمحت حمد راقد تحت وعرفته من غترته اللي كانت عداله وكان راد باللحاف على ويهه .. تأملته شوي بعدين خافت حد ينش ويشوفها في هالموقف .. فكملت دربها وسارت المطبخ وشربت ماي وهيه راده عيونها خانتها وصدت صوب حمد .. وهنيه رفيعه زاغت قبل دقيقيتين كان هنيه .. وين اختفى ؟!! وحطت في بالها انه يمكن يكون برع .. ويوم سارت صوب دريشة الصاله وايجت منها .. وشافت حمد متلثم ويالس يحك ايدينه في بعض وكان متساند على مدعمية سيارته .. والصراااحه الجو كان وايد بارد .. يلست رفيعه تتأمل حمد.. وشوي ان حمد يحط ايده على راسه ويهوّس عليه .. هنيه عرفت رفيعه ان حمد ما رقد لين الحين لأن راسه يعوره .. وحمد صدق كان راسه يعوره ودور في سيارته عن حبة بندول وما حصل وما رام يزعج حد أو أنه يوعييه من الرقاد .. سارت رفيعه صوب الحجره وفتحت شنطة ميره وطلعت حبة بندول وسارت المطبخ وصبت كوب ماي ودخلت الميلس شوي شوي وبدون محد يحس فيها حطت الكوب والحبة عدال غترة حمد .. وردت رفيعه الحجرة ورقدت طبعا عقب ما فكرت في حمد .. وبالباجر الصبح كلهم نشوا على الساعه سبع الصبح وطبعا كانوا مصلين الصبح قبل.. ويلسوا الرياييل برع والحريم يلسن داخل يعابلن الريوق وعلى الساعه ثمان حطولهم الريوق.. وعقب الريوق شل حمد روضه ويلس يلعبها وشوي شوي ركبها السياره .. طلع حمد ورقه وكتب فيها شيء .. .. ربّع حمد الورقه وحطها في مخباة روضه لانه يعرف ان رفيعه هيه الوحيده اللي تلبّس روضه ... حمد : رواضي حبيبي سيري عند عموه رفيعه وخليها تبدل ثيابج .. نزّل حمد روضه من السياره ورد حمد ويلس عند الرياييل .. ويوم دشّت روضه الحجرة حصلت رفيعه تتسبح وميره يالسه جدام المنظره تسحي شعرها.. ميره : شو رويضه .. تريقتي ولا بعدج؟ هزت روضه راسها على انها تريقت .. ميره : تعالي حبيبي بلبسّج .. بعدها عموه في الحمام شلت ميره روضه ويلست وياها على الارض ويوم عقت ثيابها حصلت شيء غريب في مخباها.. حطت ميره ايدها في مخبا روضه وطلعت الورقه .. ويوم فتحت الورقه حصلت مكتوب فيها .. (( السلام عليج .. شحالج الشيخه ؟؟ ما بطوّل عليج بس بغيت أسألج اذا انتي اللي كنتي حاطة حبة البندول عدالي .. واذا كنتي انتي اقولج مشكوره من الخااطر لاني الصرااحه كنت محتاجلها وايد .. تسلمين الشيخه .. حمد بن سهيل )) .. هنيه انصدمت ميره من اللي مكتوب .. وعرفت ان الرساله موجهه لرفيعه .. وأول مره حمد يسوي هالحركة .. ما جد سواها من قبل .. صح انه راعي سوالف وظحك بس مع ذالك حشيم ومرباي عدل مع ان ابوه متوفي .. وفجأة تظهر رفيعه من الحمام .. دسّت ميره الورقه في مخباها .. وكملت تلبيس روضه .. رفيعه : ليش عذبتي عمرج ولبستي رويض .. جان خليتيني انا بلبّسها.. ميره : لا والله عادي .. وهنيه ما عرفت ميره شو تسوي .. تعطي رفيعه الرساله أو انها تنسى أمرها .. وعقب صلاة العصر ردوا كلهم دبي .. وأول ما وصلوا ردوا أهل العين دارهم وردت رفيعه ويا روضه بيتهم ..وفي دار الزين بالتحديد في حجرة حمد وعلى الساعه سبع المغرب .. حمد يالس يسحي شعره جدام المنظره ويغني غنية يا طير سلم عالحبيب .. وشوي أن أمه تدخل عليه .. ام حمد : تسبحّت ولا بعدك ؟؟ حمد : تسبحت غناتي .. ام حمد : وين ؟؟ وين بهااا حمد : الهير ام حمد : بتلووف على حرمة ابوك حمد : ان حصلت وقت بخطف عليهم ام حمد : هيه غناتي سير صوبهم وسلم عليهم من اسبوعين محد ويّه صوبهم .. حمد : ان شاء الله الشيخه .. ام حمد : وشو بتسوي هناك ؟ حمد : الله يسلمج ربيعي سالم عازمنيه أنا ومانع وغيث والشباب عنده على العشا .. ام حمد : في البيت ولا في العزبه؟ حمد :في البيت ام حمد : يا حيكم حمد : ووين غيث عيل ؟؟ ام حمد : يالس فيا مانع في الميلس وسار حمد ووقف جدام امه وكان يعدل طربوشته حمد : تامرين بشيء غناتي ؟ ام حمد : سلامتك .. بس عن السرعه حمد : على هالخشم .. ويحبها على راسها ويطلع وعقب سار صوب مانع.. حمد : السلاام مانع : هلا والله بغرشوب العين حمد : يتحنحن مانع : اسميك بتظوي رووس بنات الهير كلهن حمد : وانته ليش غيران مانع : على الشوووووو يا حسره .. كافي أن بنات دبي ظوّن راسي.. كان مانع يقصد ميره بهالجمله ... مانع يحب ميره حب ما يخطر على بال حد .. يحبها بس في حياته ما تجرأ وصارحها بحبه اتجاهها وحتى ميره نفس الحاله .. وهيه حاطه في بالها ان مانع دايما مطنشها .. بس العكس هوه الصح .. كان حمد يرقب اليوم اللي يسمع صوتها أو يشوف شكلها ومع انها تتغشى عنه ما تغير شعوره صوبها بالعكس زاااد وكبرت في عينه .. وكلامهم ما يتخطى سلام وسوالف على الطاير .. بس عيونهم تنطق بكلام ما ألّف معانيه شاعر.. حمد : منو قصدك ؟؟ مانع : يا خي ما جننا تأخرنا يالله قمنا نروح ظحكوا حمد وغيث عليه لانه غيّر السالفه بطريقه تضحّك.. وعقب كلهم ركبوا سيارة حمد وروحوا .. وفي دبي وبالتحديد في صالة قوم رفيعه .. أم رفيعه ورفيعه واليازيه وخليفه يالسين يسولفون.. خليفة : رفوع .. متى بتخلصون من الدوام ؟! رفيعه : باجّلي ثلاث اسابيع .. بس المدارس بيخلصون عقب اسبوعين اليازيه : وشمعنى انتوا ثلاث اسابيع ؟؟ رفيعه : لعاااااانه أم خليفه : يالله ما شيء باجي .. هانت خليفه : الله يوفجج رفيعه : آآمييييين خليفه : اقول اميه .. وين ريلج؟ ام خليفه : ابوك في الميلس وياه ريال وعمك ثاني.. خليفه : منو الريال ؟! ام خليفه : فضل بن سيف خليفه : من متى ؟؟ ام خليفه : الا من شوي .. خليفه : يالله عيل بخليكم بسير صوبهم كلهم : الله يحفظك.. سار خليفة عند ابوه في الميلس ويلس وياهم .. وتمت رفيعة واليازيه وأم خليفه يالسات في الصاله .. وشوي أن ام خليفه تقوم من محلها وتظهر برع وعند الباب .. رفيعه : اميه وين بتسيرين؟ ام خليفه : بسير المطبخ بشوف رولا شو سوّت بالعشا .. اليازيه : عمتيه تبيني افزعلج؟! ام خليفه : لا غناااااتي ارتاحي انتي .. التعب هب زين لج.. وتروح صوب المطبخ.. رفيعه : هههههههههه جيه حامل ؟! اليازيه : وليش لا؟ رفيعه : (عقب ما عدلت يلستها) يزّوي صدق ولا تتمصخرين؟! اليازيه : صدق رفيعه : والله .. مبروووووك اليازيه : الله يبارك فيج رفيعه : وفي أي شهر الحين ؟؟ اليازيه : الثاني رفيعه : يعتي بتربين في اجازة الصيف اليازيه : بإذن الله رفيعه : ومتى سرتي المستشفى؟؟ اليازيه : اليوم صبح رفيعه : اهااا .. وأخيرا بيكون لروضه أخو اليازيه : وليش ما تكون اخت؟ رفيعه : وانتي شو تبين ؟ اليازيه : اللي اييبه الله حياه الله رفيعه : لا صدق.. انتي شو في خاطرج ؟ اليازيه : الصرااحه خاطريه بولد .. وخليفه حان علّيه يبغي ولد رفيعه : الله يرزقكم اياااااه اليازيه : الله يسمع منج ان شاء الله وفي نفس الوقت في بيت قوم راشد .. ميره وراشد وام راشد يالسين في الحوي .. ام راشد : ميره متى بتخلصون من المدرسه ؟ ميره : عقب اسبوعين.. ام راشد : وانته بو سنيده متى بتخلص من الجامعه ؟؟ راشد : عقب ثلاث اسابيع ام راشد : الله يوفجكم .. راشد : عيل وين ابويه؟ ام راشد : عند عمك سالم .. وقام راشد من محله ووقف راشد : اوكيه عيل بخليكم .. ام راشد : وين بتسير ما شيء باجي عن العشا راشد : بسير ويا الشباب السينما .. ام راشد : وشو لك من الحاله هناك؟ راشد :يقوولوولج منزلين فلم يديد .. انما اييه .. كلهم يمدحوووونه ام راشد : الله يحفظك .. بس عن التأخير .. باجر عليك دوام ما فيّه الصبح اقيّل طرّووووق صوب حجرتك عسب أوعيك راشد : بحاول ميره : فديتك بو سنيده هاتلنا أسكريم باسكن روبنز وانته راد .. مشتهيتنه راشد : كم واحد؟ ميره : ثنينه حقي وحق ميره .. لأنه محد غيرنا بيكون واعي راشد أوكيه .. يالله عيل بخليكم ام راشد وميره : الله يحفظك ويسوي حركه لامه وهيه انه يبوس ايده وينفخ البوسه صووب امه .. و طلع برع .. ويلست ميره تسولف ويا امها وشوي ان مهره تتطب عليهم .. مهره : باااااااااااااو ام راشد : هبي هباج الله ميره : ( تحب ايدها من ورا وجدام )الحمد لله والشكر ام راشد : وين سرتي ما ييتي تيلسين ويانا .. مهره : حسبي الله على ميود .. قص عليّه وخلاني ألعب وياه بمكعباته .. أم راشد : ووينه هوه الحين ؟؟ مهره : عند رولا تعشّيه .. ظنكم بيلووف حمد صوب حرمة بوه ؟ شو تسوي مهره بالرساله ؟ يا ترى هل بيلتقي حمد برفيعه أوأن مانع بيلتقي بميره ؟ شو المفاااجأة اللي بتتفاجأبها رفيعه وبيخليها تصيييييييح من الخاطر ؟؟ |
|
الجزء السابع
مرت الأيام بسرعه .. على حالها ما تغير فيها شيء وكلهم خلصوا من الدوامات والحين بدت اجازه نص السنة .. وفي بيت قوم راشد الساعه ست المغرب.. مهره وميره يالسات في الصاله اللي فوق ويشوفن التلفزيون.. ميره : متى بيبدأ المهرجان؟ مهره :على ما اضن الاسبوع الياي.. ميره : مهرجان+اجازه=ونااااااااسه مهره : من زينها الاجازه الا خمس تعشر يوم ميره : المهم اجااااااااااااااااازه مهره : بندور لنا يوم حق قرية التراث ميره : هيه والله يبالنا سيره هناك وخصوصا حق اليواااااااااااله مهره : العوووووووووق وفجأة تدخل عليهم رفيعه .. رفيعه : مرحباااا بنات مهره وميره : مرحبا ملايين وتسلم عليهن وتيلس عداااالهن رفيعه : علومكن ؟؟ ميره : والله ما شيء علوم جان الا من صوبج؟! رفيعه : هيه نعم عندي.. لاكنها بااااااااايته من ثلاث أساااااابيع ميره : ويا راسج توّج تفيّقتي ترمسين مهره : قولي رفيعه : اليازيه حاااااااااااااااااااااااامل ميره : يااا ........ شو أقول ؟؟ وهذا خبر ينخّش ويا ويهج مهره : صدق انج خاينه.. رفيعه : والله نسيت .. الا توني ذكرت مهره : تستاااااااهل ام روضه وميره في عالم ثاني يالسه تفكّر في الرساله .. هل تعطيها رفووووووع او لا ؟ مهره : يالله عيل بخليكن بسير أسويلكن ذيج الكيكه رفيعه : الله يخليج مهاري سويها كاكاو .. مشتهيتنه مهره : من عيوني رفيعه : تسلميييييين روحت مهره المطبخ وتمّن ميره ورفيعه بروحهن في الصاله .. بندت ميره التلفزيون وافترّت باليلسه صوب رفوع.. ميره : رفوغ قمنا نسير الحجره .. ظجت من الصاله رفيعه : اوكيك سارت ميره حجرتها ويا رفيعه .. يلست رفيعه على طرف السرير وتمت ميره واقفه ..رفيعه وميره متعلقات وايد ببعضهن ودوم ويا بعض.. ولا وحده تخّش عن الثانيه شيء.. وقفت ميره جدام مكتبها وتساندت عليه وكانت ملامحها جديه ورفيعه أول مره تشوفها بهالملامح.. رفيعه : مياري .. شو بلاج؟ ميره : اللي بلاج رفيعه : شو قصدج؟ ميره : قصدي أن اللي بلاني بلاج رفيعه : رمسي عدل مافيّه حق الألغاز ميره : هيه كلمة وحد بس رفيعه : شوووووو ميره : حمد رفيعه : ( وقلبهااااا يدّق بقووو) شو بلاه ؟؟ فتحت ميره سدة المكتب وطلعت الرساله وسارت صوب رفيعه وحطتها في ايدها .. رفيعه : شو هذا؟ ميره : يقولون ورقه طالعت رفيعه الورقه اللي في ايدها وردت وحطّت عينها في عين ميره ميره : فجيها فجّت رفيعه الورقة وقرت المكتوب فيها وهيه ترتجف .. ويوم شافت اسم حمد انصدمت .. ميره : ( وهيه مبتسمه ) شو سالفة حبة البندوول؟ رفيعه : ما شيء ميره : رفووع .. قصي على غيري رفيعه : صدقيني ما شيء يستاهل .. ميره : ما عليه قولي رفيعه : تحيدين يوم سرنا المزرعه ذاك اليوم؟؟ ميره : هيه رفيعه : في ذاك اليوم نشيت الساعه ثنتين فليل لا ني كنت عطشااانه فسرت المطبخ وشرت مااي .. ويوم رديت دخلت الصاله وسرت صوب الدريشه وحصلت حمد يالس برع بروحه وكان قابظ راسه هنيه عرفت ان راسه يعوره .. فسرت الحجره وخذت حبة بندول من شنطتج وبعدين سرت المطبخ وصبيت كوب ماي وسرت ميلس الرياييل وبدون ما احد يحس فيه وطيت الكوب والحبة تحت وظهرت .. وهاذي كل السااااااااااالفه .. شفتي ما تستاهل؟!! ميره : اهااا .. بس جيه رفيعه : (عقب ما عقّدت حيّاتها) ميرووه .. شو اللي تبين توصليله بالضبط ميره : اوكيه .. شو اللي تحسيب جدا حمد ؟؟؟ رفيعه : (منصدمه) شــ ــ ـو ياب هالسـ ـ ـ ـؤال على بالج ميره : رفوع .. جاوبيني بصراحه .. رفيعه : ما أعرف ميره : لا تعرفين رفيعه : صدقيني ما أعرف .. (ونزلت دمعه من عينها وكانت منزلة راسها) ميره : (تطالعها بطرف عين) تحبينه رفوووع؟!!! .. رفيعه : ما أدري.. بليز ميرووه بليز اعفيني من هالأسئله ميره : (عقب ما تجدّمت عند رفيعه ويلست جدامها وهيه ميوده ايدها) .. أنا ما بغصبج على الرمسه .. ومتى ما بغيتي تقوليلي أي شيء تراني موجوده .. رفيعه : (ابتسمت) تسلميلي غناتي ..( وتمسح دمعتها ) ميره : يالله خلينا من هالسالفه ... تعالي نسير المطبخ نفزع مهرووه .. وقبظت رفيعة من ايدها وسحبتها وياها صوب المطبخ .. وفي امريكا... عيسى و حارب يالسين في الشقه .. عيسى قابظ الجهاز ويبدل في هالقنوات .. وحارب يالس على الغنفه وحاط ريله على الطاولة اللي جدامه وحاط ايده ورا راسه .. حارب : متى بيخلص هالأسبوع .. والله ما فيّه صبر عيسى : يا خي صبرت سنة ونص ما رمت تصبر اسبووووع حارب : آآآآآآآآآآآآآآآآآآه .. والله يا اني متوله على الدار .. لدرجه ما تتصورها .. عيسى : والله أنا بعد .. بس شو نسوي غصبا عنّا .. الله يعدمها من دراسه.. حارب : باجر المغرب بسير فياك السوق وبنشتري شويه هدايا للأهل .. عيسى : اوكيه تم .. حارب : أقووول عوّاس.. ظنك نخبر الأهل بردتنا ولا لا؟؟ عيسى : اممم .. لا خلنا نسويها مفاجأة أحسن حارب : بس ياخي لازم حد يستقبلنا في المطار.. عيسى : ظنّك .. حارب : شووف بما اننا بننزل في مطار دبي .. وأهل دبي ما نبغيهم يعرفون بردتنا بقوول حق ربيعيه حمد اللي في العين يستقبلنا .. عيسى : والله بتعبلّه جنك .. عنبووو بتعنيه من العين عسب يستقبلنا حارب : ما عليك منه انته هوه 24 ساعه مطّيح في دبي .. واذا شفته مشغول بشوف غيره .. عيسى : والله اللي تشوفه سوى حارب حق حمد اللي كان في طريجه صوب العزبه.. حارب : مرحبا بو شهاب حمد :هلا والله ومرحبا حارب :علوووومك يا ريال !! حمد : تمام والله .. انته شحالك ؟؟ وشحال عوّاس؟؟ وشحال الدراسه وياااااااك؟؟ حارب : نحن بخير ما نشكي باااس والدراسه يمشي حالها والله .. افتكينا ما باجي غير اسبووووع.. حمد : والله .. يعني بتردون البلاد؟؟ حارب : يقولون حمد : عنلاتك والله تولهت عسوالفك حارب : والله ان بعد ..وخصوصا لليمعه اللي في العزبه حمد : هههه لاحق عليها حارب : هههههه حمد : وكم عاطينكم اجازه؟؟ حارب : شهرين حمد : زين والله حارب : انزين وشحال عربك ومانع وغيث ومنصور والشباب ؟ حمد : يشقحوون .. مشتاقين لشوفتكم حارب : اشتاقتلهم العافيه .. رد السلام عليهم حمد : سلامن يبلغ .. اقول حمدان متى طيارتكم ؟؟ حارب : الله يسلمك يوم الأربعا الساعه وحدة فليل حمد : تمام عيل انا ومانع بنكون هناك عندنا شغله بنخلصها وبنرد عليكم الساعه وحده .. حارب : تسلمووووووون والله حمد : ولّو ما سوينا شيء حارب : الشيمه بو شهاااااااااب لا تيب طاري لحد حمد : ليش ؟؟ ناوين تسووونها مفاجأة؟؟ حارب : عيل الشو سنة ونص غربه على الفاضي حمد : اتصدق حمدان انا فيّه طبع ما أقدر أغيره .. النذااااااااااااله الحين بسوي للأهل بقولهم يالله مع السلامه حارب : بزواااااااااااااااااااااااالك حمد : ههههههه اوكيه الغالي حارب : هههه يالله عيل بخليك الشيخ.. رد السلام عليهم كلهم حمد : ان شاء الله حارب : مع السلامه .. بند حارب عن حمد .. وكمّل حمد طريجه صوب العزبه وفي الهير وبالتحديد في بيت حرمة ابو حمد .. منصور في حجرته ويالس جدام الكمبيوتر .. ((منصور: اخو حمد من الأبو.. الولد البكر لأمه .. في الصف الثاني ثنوي وتوّه داش السبع تعشر.. يدرس في مدرسه خاصه والانجليزي ماله تووب .. سوالف لدرجه ما تتصورونها .. اجتماعي .. كلهم يحبونه .. وسيم وملامحه فنانه .. بسرعه يختلط مع الناس ولو مايعرفهم .. ما يحط في خاطره من حد .. ومشجّع فظيييييييييييع لنادي العين )) .. وشوي ان امه داشه عليه .. ام منصور : منصووووووووووور عنبو عيونك بتروح من مجابل هالكمبيوتر.. منصور : خلاص ولا يهمج... الحييين ببنده بند منصور الكمبيوتر وسار صوب امه وحبها على راسها .. منصور : كله ولا عصبيتج .. وسار جدام المنظره عسب يلبس غترته ام منصور : انزين ولديه ترا اخوانك غيث وحمد وولد خالتك مانع بييون يسلمون عقب صلاة العشى.. هب تسير منيه ولا منّاك .. منصور : ان شاء الله على هالخشم .. (( ويحط ايده على خشمه )) .. ام منصور : سير صوب عنود من اصبحت تدورك منصور : فديتها انا .. ما شفتها اليوووووووووووووم ام منصور : وانته تقّر في البيت عسب اتشوفها ؟! منصور : انزين خلاص يا اميه .. دومج تقطعيني فالرمسه.. الحين بسير صوبها .. ام منصور : بتحصلها في حجرة شميم.. سار حمد صوب حجرة اخته شمه وكانت شمة ترتب كبتها وعنود كانت طايحه على الأرض وهيه تلّون .. (( شمه أصغر عن منصور بسنه يعني اول ثنوي .. حبووبه وراعية سوالف بعد .. وعنوووود آخر العنقود وعمرها خمس سنين .. وايد متعلقه بمنصور لأنه دووووم يلعب وياها)) .. أول ما شافته عنود قامت وربعت صوبه ولوت عليه .. ويلس منصووور يلعب وياها وتمت شمه تظحك عليهم .. وشوي ان امهم داشة عليهم واول ما شافت منصور عصبت .. ام منصور : ويدي.. منيصير شقايل المسيد صلى وانته بعدك هنيه؟؟ شاف منصور ساعته وانصدم ان الوقت خطف ومن دون ما يحس.. وانه وقت الصلاة صدق فاته .. منصور : اوووه صدقج والله .. التهيت بعنوده ولا شفت ساعتيه ام منصور : يالله قم صل فحجرتك وعقب تعال برع لانهم عقب شوي بيووون منصور : اوكيييييييييييه سار حمد حجرته عسب يصلي وقال حق شمه انه تييب عنود الحجرة عقب ما تخلص الصلاة ... وعقب ما صلّت شمه ودّت عنود صوب منصور اللي كان توه مخلص صلاة .. وردت شمه ويلست فيا امها في الحوي .. وشوي أن سيارتين داخلات البيت .. نزل حمد من سيارته ونزل مانع من سيارته ويا غيث .. وساروا صوبهم أول ما شافتهم ام منصور نشّت وشمه تحجبت ونشت وياها .. سلموا غيث وحمد عليهن كلهن ووايهوهن .. واما مانع سلم على ام منصور اللي يحبسها شرات خالته .. وشاف شمه عدالها .. مانع : شحالج شمه ؟؟ شمه : يسرك الحال والله .. ويلسوا كلهم يسولفون .. طلع منصوور من الفلة وشال عنوووووده على جتوفه .. وأول ما وصل عندهم نزّلها و سلم عليهم ويلس وياهم .. منصور : شحالكم شباااب ؟؟ حمد : تمااام مانع : وينك يا القاطع .. امرررررره مالك شووووف؟؟!! منصور : والله موجوووووووووود .. غيث : ما بتي ويانا؟؟ منصور : وين بعد ؟؟ غيث : بيتنا.. يعني وين بعد ؟؟ منصور : لا ما فيّه منو بييلس هنيه غيث : عرااااااااحتك والله .. امبونا نبغيك ترّفه عن نفسك شوي .. وتسير فيانا العزبة ونلعب بذييييج البانشي .. بس بما انك ما تبغي ... كييييييييفك أول ما سمع منصور طاري دراااااجات ارتبش منصور : ومنو هاذا الخرّيييييييييط اللي قالك ما أبغي .. حمد : أنته قلت بعد منووووووو غيرك؟؟ منصور : انا ما قلت ولا الله قاله.. أنا قلت حاظر وبالشوووووووووووووفه وكلهم ظحكوا على منصوووور .. منصور : متى بتسيرون؟؟ مانع : بااااجر العصر .. غيث : اميه شو رايج باجر تووون بيتنا وتاخذون لكم كم يوم عندنا ؟؟ ام منصور : ما أدري والله .. شمة : دخيلج اميه خلينا نسير .. تولهت عليهم هناك .. ومنّااااك نغير جو.. ام منصور : يصير خير .. حمد : حد بييبكم ولا تبوني اييكم ؟؟ منصور : افاا والله افاا .. وأنا هب تارس عينك .. حمد عقّد حياته) منصور ما شيء سواقه إلاّ يوم بتاخذ الليسن .. منصور : اللي يسمعكم الحين يقووول بظرب بها خط لين دبي الا تراني في العين.. مانع : ولو .. وكااااااد يزخونك الشرطه .. بعدين شو بيفجّك منهم ؟؟ منصور : شو عليه .. انا بصبر الحين .. بس خل هالسنة تخطف .. غيث : ما عليه خير لين ذاك اليوم .. ام منصور : قومي بنتي قولي حق البشكارة تحط العشا شمة : ان شاء الله وعقب ما تعشوا الشباب رد كل واحد منهم داااااااااره .. وبالباجر الساعه تسع الصبح ظهروا قوم منصور ويا الدريول وويّهوا صوب قوم حمد بن سهيل .. وأول ما وصلوا حصلوا ام حمد وحمد غيث وعلاااااوي يتريونهم في الحوي ..ويوم نزلوا من السيارة ساروا صوبهم وسلموا عليهم وساروا الصاله اللي داخل الفله ويلسوا هناك .. وكان منصور يالس عدال غيث .. منصور : اقول غيث .. عيل وين حصيص؟! غيث : داخل حجرتها منصور : اوكييييه .. وسار صوب اخته شمة وقبظ ايدها وسحبها ويااااااااااه .. ويوم وصلوا آخر الدري انتبه ان باب حجرة حصه مفتوووح .. صد منصور صوب شمه وحط صبعه جدام ثمه ويقصد بها (( لا تصدرين أي صووووت )) هزّت شمه راسها على انها فهمت اللي كان يقصده .. وشوي شوي يدخلون الحجره .. وقفت شمه عند الباب وكمل منصور طريجه صوب حصه اللي كانت عاطيه ظهرها للباب ومجابلة كبتها .. أول ما وصل منصور عندها حط ايده على عيوووونها ... حصه : والله انك متفيج يا حمد .. خلني أخص شغلتيه قبل ما ايّووون .. يوّد منصور ظحكته .. وقالها وهوه يقلد صوت عيوووووووز.. منصور : حاااااااولي مرة ثانيه .. حصه : (مستااانسه) منصوووووووووووووووور منصور : غلط .. عمج وشيخج وتاج راسج منصور ( وخوّز ايده عن عيونها ) سلمت حصه عليه وعلى اختها شمه .. حصه : متى ييتوا ؟ شمه : الا من شوي .. عطت حصه منصور بكس خفيف على خده .. حصه : والله اشتقت للظرابه وياااااااك منصور :ههههههه لاحقة انزين .. بطلع لج قرووووون .. بس هب اليوم .. اليوم كله بيزي .. حصه : اوووه اوووه .. اونه الحين بزنس ماااااااان منصور : لا بااااااات مان ظحكن حصه شمة عليه .. منصور : شو يالسه اتسوين ؟؟ حصه : ادورلي كندوره .. دز منصور حصه عن الكبت ووقف جدامه وهو يناظر كندوره كندوووره .. وأول ما طاحت عينه على كندورة ومب أي كندوره .. كندووووووره عيناوية وبالقووو .. منصور : هااااااااي المطلوبه حصه : أي وحده ؟ طلع منصور الكندوره وحطها على السرير .. أول ما شافنه حصه وشمه ظحكن.. حصه : هههههههه .. ده بعدك!! عناد فيك ما بلبسها .. منصور : ( يطالع حصه بنظره بريئه مستصنعه ) افااا ذوقي مب حلو ؟؟ حصه : العب على غيري .. ما يخصها بالذوووووق .. انته تباني ألبسها لانها عيناويه .. بس عنااداا فيك بلبس هاذيج الصفرة .. فنانه منصور : عيل ورفجه بو خليفه تلبسينها .. شمه : حصوه لبسيها .. ومهما سويتي بتلبسينها غصبا عنج دام ان هذا عندج ؟؟ حصه : شوف انا بلبسها عسبة انك بس رفجت ولاّ أنها حرام ما طاحت ينبي .. منصور : ( رافع حاجب ومنزل حاجب ويبتسم ) جذه ابااااااج حصه : على امرك الشيخ .. والحين ممكن اطلب منك طلب؟؟ منصور : احم احم .. ليش لا ؟؟ حصه : ممكن تجلب ويهك وتطلع برع .. منصور : افاااااااااااااا ليش ؟؟ حصه : بتلبس .. عندك مانع ؟؟ منصور : لا والله عندي حمد حصه : ( عقب ما طفرها منصور قررت تجذب عليه ) أقول منصور على طاري حمد .. سير حجرته بتحصل في السدة اللي عداله شريط ميحد حمد اليديد .. منصور : ههههه .. جديمه غناتي ..من أول ما نزل وهوه عندي .. خيرها فغيرها حصه : ( طفرت من الخاطر ) منصوووووووووووووور وطبعا بعناد منصور وغلاسته اللي ما ييوز عنها قرر يطفرها أكثر لانه يداني حصه يوم تتضيج منه .. منصور : ( عقب ما يلس على السرير وحط ريل على ريل وشبك ايده وحطهن على ركبته ) هب ظاهر لين ما ترمسيني باحترام ..مثل ويقلد صوت حصه (( أقول الشيخ منصور بن سهيل .. غناتي .. فديتك ممكن تترخص عنا وتسير وين ما تبا لاني ابغي اتلبس.. وهاذا بعد موافقتك طبعا !!)) حصه : سير لا .. هاللي ناقص .. أتفداااااااك والله حاله .. نش منصور من مكانه ووقف .. منصور : شوفي .. انا الحين بطنّش وبسوي عمري ما سمعت شيء من رمسج .. وبطلع بكرامتي لان اللي تحت من ييت وهم يتمنون أيلس وياهم .. وتمن البنات يظحكن على منصور وهوه طالع وبهيبة في مشتيه .. وسار ويلس في الصاله وياهم .. ويوم دخل الصاله حصل مانع موجود .. سلم منصور عليه ويلس في الكرسي اللي مجابلنه .. وعقب ما تلبست حصه نزلت ويا شمه تحت ويوم وصلوا نص الدري سمعوا صوت مانع .. تحجبن وكملن طريجهن صوب الصاله .. ويوم دخلن سلمت حصه على امها وامها ام منصور.. (( حصة ما تتغشى من مانع لانه يوميا وياهم وتحسبه شرات أخوها وهو بعد يحس بأنهم أهله لأن الله ما عطاه خوان ولا خوات .. فلهاذا هوه متعلق فيهم وايد وايد )) ويوم انتبه مانع لهن لانه كان يرمس ويا حمد .. مانع : شحالكن بناااااات .. شمه وحصه : بخير الحمدلله وسارن ويلسن عدال منصور وتمّن يدّقن سوالف وياه .. خطف الوقت وعقب العشا وطبعا عقب ما ردوا الشبيبه كلهم من العزبه وعقب ما لعبوا بالدراجات .. رد مانع بيته .. وكل واحد منهم سار الحجرة اللي بيرقد فيها .. وكان التوزيع كالتالي .. شمه عند حصه .. منصور عند غيث .. ام منصور وعنود في حجرة الضيوف وام حمد وعلاوي في حجرتهم وحمد بروحه في حجرته .. ونرد لأجواء دبي وبالتحديد في حجرة رفيعه .. كانت رفيعه طايحه على السرير وهيه تقرا مجلة طالبتنها من اليازيه .. وفجأة تسمع حد يدق على الباب .. رفيعه : ادخل كان حد يحاول يفتح الباب بس ما قدر .. رفيعه :أكيد هاذي رواضي.. وقامت رفيعه وفتحت لها الباب .. أول ما شافتها رفيعه حسّت أن شعر ينبها وقف .. وأن قلبها بيطلع من محله .. لأنها شافت روضه لاويةعلى الدبدوب البني اللي اشتراه حمد لروضه يوم كانوا في الستي .. شلت رفيعه روضه ويلستها وياها على السرير ويلست تلعب وياها ..وبعدين يت خدامة روضه تبغي روضه عسب ترّقدها .. وعقب ما طلعت الخدامة ووياها روضه انتبهت رفيعه للدبدوب اللي نسته روضه فوق السرير.. ما قدرت رفيعه تقاوم الدبدوب لانه شكله يجذب من الخاطر.. شلته رفيعه ولوت عليه وبندت عينها .. معقووووولة أنا أحب حمد ؟؟ لا لا !! ليش أنا أفكر بهالطريقه ..معقوووووله كلام ميره يكون صح ؟؟ مستحيييل طبعا .. فقدت سيطرتها على نفسها وتذكرت شكله وهوه يالس في السياره وعاق السفره على السيت اللي يالس عليه .. وتذكرت شكله وهو ايّول .. آآآآآآآآآآآآآآآآآآآآآآآآآآآه يا كثر ما انذبح قلبي .. انتبهت حصلة لتفكيرها .. يالله هل انا أحب حمد ولا لا ؟؟ وهالشعور اللي أحسبه جداه .. هل هوه اللي يسموونه الحب ولا لا ؟؟ اووووووه انا شو يخصني بهالسوالف ؟؟ وحطت الدبدوب عدالها وطاحت وانسدحت على السرير ومن غير ما تحس استسلمت للرقااااااااد .. وفي هالوقت وفي بيت ثاني بن محمد .. وعلى الساعه اثنعشر فليل ..مهره طايحه على السرير في حجرتها وكانت توها بترقد لولا ان اختها الحشره ميرووه يايتنها مفرفشه .. ميره : اوووووه الديايه .. بترقدين ؟؟ مهره : انتي شو رايج ؟؟ ميره : رايي انج ما بترقدين لانج ما تبين تفوتين الفلم مهره : أي فلم؟؟ ميره : فلم هندي .. رهييييييب .. أبطاله روعه مهره : الله يهديج .. مهما استوا معروفه النهايه البطل بياخذ البطله طبعا ما بيقضي البطل على أعوان الشر .. ولو حتى ماااات بتستوي معجزه وبيقوم بعد واقف .. سيري لا .. انا برقد هب متفيجه لخريطهم ميره : هههه .. وشو الحل يعني .. أسهر بروحي ؟؟ طبع لا .. مهره : سو بيستويبج يعني .. ميره : بليز مهروه ما ابغي أسهر روحي مهره : وانتي شو كاظنج تسهرين .. سيري وطي راسج ابرك لج . ميره : ما ياني الرقااااااااد مهره : عاد انا ياني .. شو تبيني اسوي يعني .. أقوله يالله اجلب ويهك ورد من وين ماييت .. ميره : هههههههههه .. حلووووووووووووووه مهره : يالله يالله .. جلبي ويهج ميره : ( بنبرة بريئه ) بليز مهره : افف .. بس على شرط ميره : شوووو مهره : امممم .. اذا شيء بيبسي وحب حق السهره بسير .. واذا ما شيء (( بإبتسامه مكر )) وكان الله غفورااااااا رحيماااااا ميره : ههههه .. ما عندج عذر كله مجهزتنه ..هههههه وفوق هذا بعد كرتون كلينكس مهره :هههههههه .. عنبوووووووو زاد .. ما يفوتج شيء صدق انج خراب دار.. ميره :هههههههه توج تدرين .. يالله فزي.. الحين بيبدأ الفلم مهره : اوكيه .. خطفن الأيام وياي يوم الأربعا.. وفي بيت حمد بن سهيل وعلى الساعه ثمان الصبح .. حمد وشمه وحصه وام منصور وام حمد وعنود وعلاوي يالسين يتريقون في الصاله.. ام منصور : عيل وين منصوور وغيث ؟؟ حصه : البارحه رادين متأخرين ولين الحين راقديين.. ام حمد : الله يهديهم .. حمد : أقول اميه .. تراني أنا ومانع بنسير دبي ويمكن نبات هناك .. ام حمد : ان شاء الله غناتي .. برمس خالتك عليا وبقولها تزّهب لكم حجرة الضيووف .. حمد : تسلمين أم حمد.. حصه : أقوووووول بو شهاب .. شو رايك تودينا أنا وشميم وياك نتحوّط ؟؟ حمد : وين تبن تسيرن ؟؟ أنا بسير فيا مانع وهناك بنتلاقا فيا شباب.. شو سايرات تدورن ؟؟ ام حمد : صدقه اخووووكن .. وين تبن؟؟ صكن التراااااااب .. برطمن حصه وشمه .. حمد : بس عااااااااد عن مد البوز .. بدور لي يوم بفضى فيه وبحوطكن في العين .. حصه وشمه : والله حمد : ههههه من متى أوعد ولا أوفي .. حصه : وأنا أشهد .. شمه : انزين عاااد متى ؟؟ حمد : يا بنات الحلال .. قلتلكن يوم بفضى .. لا تخّلني أكنسل .. حصه : خلاص خلاص .. كله ولا انك تكنسل .. خلاص سكتنا .. وكان حمد يالس بينهن .. سارت حصه وباست حمد على خده اللي من صوبها وشمه من الخد اللي صوبهاااااااا .. حمد :ههههههههههه .. الحااااااااااايه بنت حرااااااااااااااااااام ويلسن البناااااااات مستانسات .. خلاااااص ضمنن السيره .. وعقب ما خلص حمد من الريوق سار ويا مانع عقب ما خطف عليه وشله وياه صوب دبي عسب يغيرون مكينة سيارة حمد .. يوم وصلوا دبي كانت الساعه 11 وربع الضحى .. فساروا سيده صوب بيت خالتهم عسب يريحون شوي وعقب الغدا يسيرون يخلصووون شغلهم اللي يايين عشانه .. وأول ما وصلوا البيت دخلوا السيارة في الكرااااج وكانت سيارة راشد عدالهم .. ودخلوا وساروا صوب الميلس ويلسوا هناك .. وكل ما يدقون على راشد يحصلون تلفونه مشغول .. وعقب ربع ساعه طلع راشد من الفلة وحاط سفرته على جتفه ويفصص في تلفونه وما انتبه للنعول اللي جدام الميلس.. ويوم ظهر من البيت انتبه لسيارة حمد .. سار صوبها وشاف رقمها وتأكد انها هيه.. ويوم رد البيت سار صوب الميلس بعد ما انتبه لنعولهم ... راشد : هلا والله .. أقول ليش دبي مظلمة أووه قصدي منوره .. مانع : يا الخااااااااااااااااااام وسلم عليهم ويلس عدالهم .. حمد : علومك بو سنيده ؟؟ راشد : علوم الخير والله .. مانع : يا الهرم من ربع ساعه نسويلك تلفون وكله مشغوول .. منو ترمس هالكثر ؟؟ راشد : كنت أرمس ربيعي علووه متصل من مصر.. حمد : وشو يسوي في مصر ؟؟ راشد : ابوه بيسووله عملية في عيونه ... حمد : الله يردهم بالسلامة مانع : آمين .. عيل وين خالتيه؟؟ راشد : شوف الساعه كم شاف مانع ساعته .. مانع : الساعه 12 الا ربع راشد : والحين وقت الشو حمد : وياااااا راسك قول في المطبخ وفكنا .. راشد : هههه لازم بعد نطفر بكم شوي وعقب ربع ساعه من السوالف صاح تلفون راشد وكانت امه مسويه تلفون .. راشد : هلا والله بالغاليه أم راشد : بالمهلي فديتك.. وين دارك الحين ؟ راشد : يالس ويا أهل العين .. أم راشد : (معصبه) رويشد ..خل عنك الجذب ... اتحرااااه بيفيدك يا مسود الويه .. راشد : افا وانا بو سنيده .. تجذبيني ؟!! ما هقيتها منج ام راشد .. بس ما عليه هاذوووه الدليل .. وعطا تلفونه لمانع لانه كان أقربله من حمد.. مانع : مرحبااااااااا ملايين ولا يسدن بشيخه دبي وضواحيها .. وهنيه ام راشد استقطعت .. طلعت رمسة ولدها صدق ... ام راشد : هلا ولديه مانع .. شحالك؟؟ مانع : يسرج الحال فديتج.. ويسحب راشد التلفون من مانع.. راشد : هاذا اللي ناقص .. تتغزل في اميه .. وحط التلفون على اذنه .. راشد : ها شو الحين ؟؟!! صدقتيني ام راشد : ما عليه يا الهرم .. خل ابوك ويدك ايوون عسب يأدبونك .. يا مسود الويه راشد : وانا شو سويت؟؟ ام راشد : الا من فترة كنت داخل شو خلاك توصل هناك بسرعه .. أكيد كنت مسرع ؟؟ راشد : شوي .. ام راشد : ما عليه انزين بيوصل الخبر عند ابووووك راشد : ههههههه ام راشد : يالله بند يا مسود الويه راشد : ما عليه الحين ببند .. بس وين بتروحين الحين؟؟ ام راشد : ( معصبه ) وانته شو تبابي يالهرم راشد : بس يا اميه من متى تسبيني ما شبعتي ؟؟ ام راشد : ما بشبع الا يوم ابوك بيدور لك صرفه .. عنبو شو كاظنك على السرعه .. لا سمح الله الحين نفدت بهالموتر الله يعدمه .. شو بيفيدك بعدين ؟؟ راشد : ( حط ايده على التلفون عسب امه ما تسمعه وهو يرمس حمد ومانع ) شو بيفكني من العيوز .. حمد : محد قالك اجذب عليها .. مانع : فك عمرك وقولها الصدق.. راااااااشد : ههههههه عقب هالسب والتهديد آخر شيء أقولها الصدق .. نووووو وييييييي.. ورد يرمس امه ام راشد : رويشد وين ذلفت ؟ راشد : وياااااج .. انزين اميه ما قلتيلي وين بتسيرين الحين ام راشد : وين بسير بعد تراني الا في المطبخ راشد : والميلس ما بتسيرن صوبه ام راشد : لا وهنيه حس راشد أن خطته فشلت ومافي أمل تنجح .. اممم .. لا في أمل راشد : اووووووه أقول غناتي .. بتحصلين بوكي فوق المكتبه .. نسيته هناك ابغيج تيودينه عندج لين ما ايي.. ام راشد : ما عليه الحين بسير .. بس هب تتحسب اني بنسى السالفه !! راشد : ههههههههه ما عليه خبري ريلج؟؟ ام راشد : عنلاتك يالله بند راشد : هههه مع السلامه.. أول ما بند راشد عن امه صد صوب حمد وغيث .. راشد : ههههههههههههاي .. نجحت الخطه .. الحين بتيي حمد : بتلقاها الحين وشوي ان ام راشد داشه الميلس وهيه محتشرة حتى انها ما انتبهت للنعول.. وأول ما دشت شافت راشد يظحك من الخاطر وحمد ومانع يظحكون بس هب شرات راشد .. ام راشد : ( معقده حياتها وتشوف راشد )عنلاااااااااااااااااااتك يالحمار وسارت صوب حمد ومانع وسلمت عليهم .. ويوم يلست وياهم قبظت مخدة صغيره كانت عدالها وفلعت راشد بها ام راشد : أشوفك مره ثانيه تجذب.. راشد : آآآآآآآآآآي .. بس ما يعور هههههههههه وسار راشد صوب امه وحبها على راسها .. ويلسوا يسولفون .. وعقب أذن الظهر .. ساروا الشباب المسيد وام راشد ردت الفله.. وعند مهره وميره .. ميره كانت توها طالعه من الحمام متمسحه ومهرة كانت توها داشه عليها طبعا عقب ما صلت .. مهره : ميرووه ميره : شو.. مهره : خمني منو عندنا .. ميرة : منو؟ مهره : انتي خمني قبل .. ميره : ما ادري يودت مهره ميره من ايدها وسارن صوب الدريشه .. واشرت مهره صوب الميلس.. أول ما شافت ميره النعوووول .. حطت ايدها على ثمها ميره : حلفي مهره : وحياااااتج.. ميره : من متى ؟؟ مهره : من ساعتين تقريبا ميره : فدييييييييييييييييييييته والله (طبعا في قلبها) .. مهره : وازيدج من الشعر بيت .. في احتماااااااااال يباتون بعد ميره : زين زين .. وتدخل عليهم امهم .. ام راشد : بناتي عقب ما تخلصن تعالن المطبخ ابغيكن تفزعلي .. مهره : انا خلصت غناتي .. ميره : انا بصلي وبلحقكن .. روحت ام راشد ويا مهره المطبخ وتمن يعابلن الغدا .. وعقب ما خلصت ميره من الصلاة تمت توايج من الدريشه عّل وعسى تشوف مانع في أي لحظه ... بس يا خساااااااره .. ما ظهر .. تململت ميره وهيه تترياه فقررت تلحق امها واختها في المطبخ.. وعقب الغدا ساروا قوم حمد ومانع يقضون حايتهم وسار راشد فيا ابوه يتابعون حلالهم .. وعلى الساعه 5 العصر في بيت حمد بن سهيل .. شمه وحصه يعابلون في المطبخ يسوون كيكه .. ويدخل عليهم منصور لابس كندورة كويتيه ومتغتر وكان يسكر عقمته .. وكانت شمه عند الفرن وحصه كانت تسوي الكريمه.. منصور : شو تسوون ؟؟ حصه : نسوي قوزي .. ما تشوف انها كيكه يعني.. منصور : ( يبتسم) فديتج ليش تعّبتي عمرج ... والله ما يحتاي وانا مب غريب .. لا وبالكاكاو بعد .. المفضله عندي .. تسلمين الشيخه.. حصه : ( تضحك بمصخره ) لا وانته الصااااج ... حق الشيخ منصور بن سهيل.. منصور :احم حم .. اخجلتي تواضعي والله .. حصه : سير لا هذا اللي ناقص بعد.. اسويها حقك جيه قّلوا العرب منصور : لا يكووووون طايح من عينج غناتي .. حصه : خل عنك انته الحين .. شو هالكشخه كلها .. على وين ؟؟ منصور : الله يسلمج بسير ويا اخوج المصووون المووووول... حصه : اهااااااا وشو لكم من الحاية هناك منصور : وانتي شو حارّنج .. حصه : ههههههه .. وليش احتر الغالي .. ما في داعي .. وشوي انا غيث داخل عليهم .. غيث : يالله منصور .. روحنا.. منصور : يالله.. وراااااك ويوم روح غيث السياره شغلها عاد منصور لازم يغلس على حصه قبل ما يروح .. سار صوب صحن الكريمة اللي جدام حصه وحط صبعه وشل كريما وحطها على خشم حصه وشرد .. منصور : واااااااااااحد صفر.. حصه : ما عليه ... وراك وراك والزمن طويل ... وفي بيت ثاني بن محمد.. ميره ومهره ورفيعه يالسات في البلكونة اللي فوق .. مهره : رفوع ليش ما يبتي رواضي وياج .. رفيعه : سارت ويا امها الجمعيه وعقب بيسيرون بيبي شوب بيشترولها ثياب .. ميره : اها .. يعني ما بتلحق عليه .. رفيعه : على منو ؟ ميره : ( ترفع حاجبها وتنزل الثاني ) على حمد .. رفيعه : ( مرتبكه شوي ) ما اظن .. رفيعه كان في خاطرها تسأل ميره عند حمد ومتى يا؟؟ ومتى بيروح؟؟ ووينه الحين ؟؟.. بس طبعا ما قدرت لانا تخاف ميره تحس فيها أو بالأحرى تفهم الموضوع غلط.. على طوووول غيرت الموضوع وجلبت السالفه .. رفيعه : شو الحين ؟؟ وين بتكملن دراستكن ؟؟ مهره : أنا أفكر في تقنيه دبي.. رفيعه : والله .. زين عيل .. وأخيرا بيكون حد منكن عندي في التقنيه .. ميره : بما انج هناك عشان جيه غير وجهتيه لجامعة الامارات .. رفيعه :ههههه ويا ويهج .. ارمسج جد ميره : صدق انزين .. انا بسير جامعة الامارات مهره : ومنو بيخليج اصلا .. رفيعه : صدقها والله.. عمي ما بيخليج تسكنين عند حد غرب .. ميره : ومنو قالج اني بسكن عند ناس غرب.. رفيعه :عيل وين بتسكنين .. ميره : عند خالتيه موزه .. مهره : وشاورتي اميه وابويه .. ميره : ان وافق ابويه اميه بتوافق .. وخلوه عليّه بقردنه بالرمسه لين يوافق.. رفيعه : على قولتج .. وعلى الساعه 10 فليل وفي بيت حمد بن سهيل .. حصه وشمه يالسات في الصاله اللي فوق يشوفن برنامج الحوادث .. وكانت حصه منسدحة على الغنفه وشمه يالسه على الارض .. ودخلوا عليهم غيث ومنصور .. سار غيث حجرته عسب يبدل ثيابه و أول ما شاف منصور حصه يالسه ومستريحه طبعا هالمنظر لازم ما يخليه على حاله .. سار صوبها ووقف جدام التلفزيون .. منصور : حصيص .. يبونج على التلفون .. وحصه حتى ما فكرت ان منصور يجذب عليها .. واصلا التلفون ما صاح وهيه على نياتها قامت من مكانها وسارت صوب التلفزيون ومنصور أول ما شافها تقوم انسدح مكانها .. ويوم انتبهت انه مقلب ردت معصبه ووااااصله حدها .. حصه : منصور منصور : نعم حصه : قوم من مكاني بالطيب يعني .. زين أني للحين قابظه أعصابي منصور : اممم .. بقوم بس على شرط .. حصه : لا والله .. منصور: تيبيلي كوب عصير بارد وياريت يكون همبا .. حصه : ( مبتسمه له ) حاااااااااااظر .. وسارت المطبخ استغرب منصوووور من ردة فعلها .. بس يالله زين منها الصراحه مشتهي عصير .. وعقب شوي حصه تدخل عليه وفي ايدها كوب عصير واحد حاطنه في الصينيه مالته .. حصه : تفضل .. وسارت يلست على الغنفه اللي عدال الباب .. شو هالأدب اللي نزل عليها مرة وحده .. حاظر وتفضل .. شو السالفه ؟!! ابد هب طبيعيه عدل منصور يلسته وقبظ كوب العصير ويوم شربه العصير اللي شربه تففففففففففف برع ثمه .. أول ما شافته حصه ظحكت عليه و قالتله واحد واحد .. وسيده عالحجرة وقفلت الباب .. الأنسه حصة تعمدت تحط في العصير بدل السكر ملح.. وهنيه قام منصور من مكانه وسار صوب حجرة حصه ..وقالها.. منصور : مردووووووووووده الشيخه .. كل هذا وشمه تظحك عليهم .. ونرد لدار الحي وعلى الساعه 12 .. حمد ومانع يالسين على الممزر يتريون الساعه وحدة توصل عسب يسيرون المطار .. كان كل واحد منهم يشوف البحر ويفكر في حالته .. مانع يفكر في ميره .. ما يعرف كيف يبين لها شعوره .. واذا عرفت شو بتكون ردة فعلها .. يا ترا هل بتجرأ وبقولها ؟؟!! .. وحمد يفكر في حالته ويا رفيعه .. شو هالشعور الغريب اللي أحسبه كل ما اشوفها ؟؟ وليش كل ما ابتعد عنها اتوله لها واترقب شوفتها ؟؟ .. وكثير من التساؤلات اللي ما لقولها جواااااب .. وعقب نص ساعه روحوا المطار ويوم وصلوا هناك كان باقي ربع ساعه عن الطياره فيلسوا في الكوفي شوب .. وعلى الساعه وحده ساروا صوب قسم الاستقبال .. وعقب عشر دقايق تقريبا يطلعون حارب وعيسى من البوابة .. ودارت عيونهم على الموجودين لين ما طاحت عينهم على مانع وحمد .. سلموا عليهم ويابوا شنطهم وطلعوا برع المطار.. وفي سيارة حمد .. حمد كان يسوق وكان حارب عداله ووراه عيسى سادح السيت وباخنها رقدة لان التعب كان مسيطر عليه وحارب كان بعد تعبان بس سيطر على عمره وخلى الرقاد للبيت.. حمد : يا حيكم والله وشو الدراسه هناك ؟؟ حارب : تمام والله .. انته شحالك وشحال الاهل يعلهم بخير ؟؟ حمد : يسرك حالهم والله .. كلهم بخير وسهاله .. حارب : وانته مانع شحالك وشحال هلك ؟؟ مانع : والله طيبين.. حارب : شو بتكملون طريجكم ولا بتباتون هنيه حمد : ما اظني انكمل يمكن نبات في بيت خالتيه عليا .. حارب : عيل باجر غداكم عندنا في البيت .. مانع : ما يحتاي تعبل عمرك .. حارب : وانته شو يخصك أعبل ولا ما أعبل .. بتون انتوا بتون .. حمد : ههههه خلاص تم .. ويوم وصلوا بيت عيسى .. نزل عيسى من السيارة بعد ما خبرووه ان الغدا باجر في بيت حارب ونزل شنطه من ورا ودخل داخل بيتهم .. ويوم وصلوا بيت حارب .. نزل حارب ونزل شنطه من ورا بمساعده حمد .. ويوم ركب حمد السيارة ياه حارب عند دريشته وقاله .. حارب : باجر ان الله راد بييكم في الميلس .. حمد : اوكيه .. نترياك وساروا قوم حمد بيت خالتهم عليا وساروا حجرة الضيوف اللي عدال الميلس .. وحصلوها جاهزه فرقدوا سيده من التعب .. أول ما دخل حارب بيتهم سار صوب الميلس وحط قشاره على طرف الميلس دخل الفله لان كان عنده مفتاحها .. دخل شوي شوي ركب الدري وسار حجرته وفتحها .. كانت الحجرة نظيفه لان الخدامة بين كل فتره وفتره تنظفها .. بدل ثيابه ولا اراديا اول ما انسدح على الشبريه رقد .. وباليوم الثاني في بيت سالم بن محمد .. وعلى الساعه ثمان الصبح ..كانت رفيعه وامها وابوها واخوها خليفة يالسين يتريقون في الصاله .. ام خليفه : غربلاتها البشكارة ما ملحت البيض خلته تهم .. الله يعدم مونتها.. بو خليفه : أحسن .. والملح شو له من الحايه من يومين رافعليه ضغطيه يعلني بلاااااه .. خليفه : اقول رفوع غسلي كوب الماي عن حد يشرب منه عقبيه .. مافيه أعادي حد بهالزجااااام .. رفيعه : ان شاء الله وقفت رفيعه و شلت الكوب وياها ويوم طلعت برع الصاله.. كان حارب توه نازل من الدري وأول ما شافها ابتسم وينزل حيّاته ويرفعهن .. عقت رفيعه الكوب من ايدها وربعت صوبه ولوت عليه وهيه تصيح .. (( حارب اخو رفيعه ووايد يحبها ووهوه أكبر عنها بسنتين .. يدرس في امريكا .. رفيعه تعتبره أقرب واحد لقلبها..)) زاغت ام خليفه من هالصياح .. شو بلاها البنت ؟؟ ربعت برع الصاله وأول ما شافت حارب تيبست محلها .. سار حارب صوبها وحبها على راسها ولوا عليها وهيه تصيح وحتى هوه نزلت من عينه دمعه لانه من الخاطر توله عليهم وبعدين ياه ابوه واخوه خليفه .. تخيلوا انه من سنة ونص ما شاف أهله .. عاد أنتووا الحين تخيلوا كيف بيكون اللقاء ... وطبعا من شافوه ما فجووه الا عقب ساعه وشي وهم يتنشّدونه عن أخباره وأخبار الدراسه ووووو الخ .. وعقب ما تفجج عنهم وعقب طلعة رووح .. ترخص منهم وسار صوب ميلس عمه ثاني بس قبل لا يدخل خطف على المطبخ بيشرب ماي وبيكمل طريجه ويوم دش المطبخ حصل بنت عاطيتنه ظهره وتطلع شيء من السده .. هنيه حارب تيبس محله.. ان شاء الله تكون مهره .. يا رب يارب .. يالله يا رب ما تكون ميره .. يااااااااااااااااااااااااااااااااااا رب حارب : احم احم أول ما سمعته سيدة تغشت ويوم صدت وراها انصدمت ما توقعت انه حارب .. متى يا من أمريكا.. حارب : السلام عليج .......: وعليك السلام والرحمه حارب : شحالج بنت عمي ؟؟ ......: بخير وسهاله .. شخبارك انته ؟؟!! الحمد لله على السلامه هنيه حس حارب بأن حد صفعه على ويهه .. اوووووه هاذي ميرووووه .. مهره مب جريئه .. يالله يالله ترد السلام .. يا ربي وين مهره ؟؟؟ والله اني مشتاقلها لدرجة ما تتصورها .. وهيه ابد ولا همهاااا.. حارب : الله يسلمج ميره .. ميره : اووه غريبه .. أول مره حد يعرفني حارب في خاطره ..( وانتي حد ما يعرفج .. ما شاء لله عليييييييييج) حارب : بعد ربج .. وعقب سار صوب ثلاجة المااااي وشرب منها ورد يكلمها .. حارب : تامرين بشيء .. ميره : سلامتك ولد عمي طلع حارب من المطبخ وهوه متحسف لانه ما شاف مهره .. حارب يحب مهره حب صادق ومن قلبه بعد .. وحاط في باله انه ما يهمها .. بالعكس .. مهره تموووووت عليه بس في حياتها ما صارحت حد بهالشيء لان طبيعتها جذيه .. هاديه وفي بيت ثاني بن محمد مهره وميره يالسات في الصاله ويا امهن .. ميره : امييه متى بيون قوم خالتيه عوشه وموزه ام راشد : والله ما أدلهم يا بنتي.. مهره : ليش ما تعزمينهم يا اميه .. ام راشد : ما ادري والله .. ميره : الحين بييبلج التلفون واعزميهم اليوم العصر.. ام راشد : ما شاء الله وانتي جاهزه .. يالله قومي هاتيه .. ميره : حاااااظر من عيوني الثنتين مهره : لازم .. هههههههه طبعا ميره ما تسوي هالشيء الا بثمن .. والثمن هوه شوفه مانع طبعا .. والحين املها كبر بما ان امه بتي .. اتصلت ام راشد ببيت حمد بن سهيل وعزمت اختها عوشه وموزه عندهم ويوم عرفت ان ( غايه ) أم منصور عندهم عزمتها بعد ويااهم .. وطبعا عقب محايل وافقوا ... وقرروا ايوون على دفعتين .. دفعة غيث اللي شل وياه شمة وحصه والقشار ودفعة منصور مع الدريول وام منصور وام حمد وام مانع وعلاوي وعنود اما بو مانع فما يا وياهم لانه كان مسافر قطر عسبة الركظ .. وعلى هذا الحال طلعوا مناك على الساعه 4 العصر.. وطبعا بما ان حمد ومانع محد وياهم فلذالك استفرد منصور بالدريول عقه عداله وهوه اللي ساق .. صح ان الحريم احتشرن شوي بس سكتن يوم شافن أن سواقته عدله .. ويوم عدااه وصل دبي وقف السياره على طرف الشارع وبدل مكانه مع الدريول بسرعه.. عاد أونه المسكين ما يخصه .. ولا جنه سوا شيء ..صح انه غيث شافه لاكن ما رام يسوي شيء لان منصور مستهتر اذا كان حاط شيء في راسه بيسويه ولو شو استوى وشاف بعد أن ما عليه شر لأن سواقته فنانه وواثق فيه .. ويوم وصلوا دبي حصلوا أهل دبي يتريوونهم .. ما عدا الشباب حمد ومانع وراشد وحارب وعيسى اللي كانوا يحوطون .. وطبعا أجلوا العزيمه لباجر.. كانن مهره وميره متغشيات ويسلمن على خالاتهن وشمه وحصه.. وكانت ميره لابسه كندوره عيناويه .. ومهره لابسه كندوره صفره .. وكله طبعا صدفه .. كانن الحرمات على طرف يكملن سلامهن .. امها حصه وشمه ومهره وميره كانن واقفات على طرف ..واما غيث تواعد ويا الشباب وروح وشوي ان منصور نازل من السياره وسار سلم على خالته عليا ورد صوب البنات .. عاد هوه من شاف وحده لابسه كندوره عيناويه ارتبش واستااااانس... منصور ما يستحي ابدا .. بالعكس كل ما يشوف حد لازم يطفربه مهما كان .. بنت او ولد ..عيوز أو شيبه كله واااااااحد .. وطبعا ميره ومهره عرفنه .. منصوره : مرحبا والله بالعيناويه .. شحالج؟ وطبعا مااستغربت ميره من جرأته عادي متعوده عليه .. وكانت تعرف انها هيه المقصووووده فما كان منها الا انها ردت عليه .. ميره : يسرك الحال والله ؟؟ شحالك انته؟؟ منصور : نشقح .. وانتبه لمهره وبما انها لابسه أصفر وهذا يمثله نادي الوصل اللي ما يدانيه بعيشه الله .. بس بالله لازم يطفربها شوي .. منصور: وانتي يا العدوة اووه قصدي الوصلاويه .. شحالج بعد ؟؟ مهره ويهها عورها .. وهيه الا شراته تشجع العين وتبغض الوصل بس منصور فهمها غلط .. مهره : الحمد لله بخير منصور : عساه دوم .. انزين حصيص .. بتحصلين في دبة السيارة كيستين فيهن ثياب حمد ومانع نزليهن فيا وخليهن عندج .. حصه : اوكيه .. وحط السويج في ايد حصه وسار سيده وراغ الدريول من السياره وقاله ييلس عند ربيعه اللي هوه دريول قوم مهره وميره .. وانتهز فرصة غياب حمد ومانع .. وسار منصور بالسيارة العزبه عسب يسلم على بو راشد ومحمد ( يد راشد ) لان منصور متعلق فيه يعيب بسوالفه وياه وطبعا حتى الشيبه ما سلم من غلاسته .. ومر الوقت وعلى الساعه ثمان المغرب رد كل من الشبيبه بيتهم يعني حارب رد بيتهم وعيسى رد بيتهم وحمد ومانع وراشد ردوا البيت .. وعند البنات .. مهره وميره وحصه يالسات في الصاله اللي فوق يشوفن التلفزيون .. والحريم كلهن تحت يالسات في الصالة التحتية يتقهوين .. ومنصور رد من العزبه وسار صوب الميلس ويلس ويا الشباب عقب ما نفى الشبهات عنه .. وعند البنات .. شمه كانت تتسبح في الحجرة و ميره منسدحة في الصاله عند التلفزيون وحصه ومهره يالسات يسولفن آخر الصاله .. وفجأة تبند ميره التلفزيون وتسير صوب البنات وتيلس عندهن .. كان ملامحها شرات الوحدة اللي تبا تقول كلام .. ميره : ابغي اقولكن رايي في شيء .. مهره : في الشو؟؟ ميره : نحن ليش نتغشى ؟؟ حصة : عسبة الرياييل ما يشوفونا .. ميره : وأي رياييل بالضبط ؟؟ مهره : اممم الرياييل عامة.. ميره : وحتى من الأهل؟!!!! حصه : ميروووووووه هاتيها من الآخر.. مهره : هيه والله .. ييبيها من الآخر ميره : اوكييييه.. بإختصاااااااار ليش نحن نتغشى من أهلنا .. مهره : لأن عاداتنا وتقاليدنا تقول جذيييه .. ميره : مليت من هالعادات والتقاليد .. الصراااااحه مليت انا .. كل ما اشوف حد من العايله اتغشى .. مب حاله هاي.. دام اننا متحجبات والحمد لله.. الغشوة شو لها من الحايه ؟ ؟ حصه : اصلا انا ما أتغشى الا من شخص واحد واللي هوه اخوكن راشد أما مانع ولد خالتيه مانع من استويت ما أتغشى عنه .. ميره ومهره منصدماااااااااااااااااااااااااات ميره ومهره : حلللللللللللفي حصه : صح النووووووووووووووم توكن تدرن .. ميره : الصراحه توني الا عرفت مهره : وانا بعد حصه : خلييكن مني الحين !! نرد لساااااااااالفتنا الأصلية .. ميره : احين شو الحل ؟؟ الصرااحه الصراااحه ما مليتن من هالحاله ؟؟ مهره : انا تعودت على عالشيء .. يعني بالنسبة لي عادي حصه : وانا عادي بعد ميره : انا ما عليّه منكن .. برمس اميه وبااااخذ شورها Is up to u!!مهره : ميره : أدري .. بس مب الحين.. يوم بحصل الوقت المناااااسب.. وقامت وشغلت التلفزيون وانسدحت في مكانها المعتاد حصه : عيل وين رفوع ؟؟ مهره : على ما أضن انها سارت ويا امها تسلم على خالتها .. أكيد الحين بتي .. وشوي يسمعون صوت حد يمشي على الدري .. والا بهااااااا رفيعه حصه : هلا والله .. بنت الحلاااااااااااااااااااال عند طااااااريها .. رفيعه : بالخير ولا ؟!! حصه : افااااا أكيد بالخير وسلمت عليهن ويلست عدالهن .. رفيعه : علومكن ؟! مهره : تمام والله .. ميره : انتي شخبارج يا الهوّاااامه ؟ رفيعه : ههههه والله ما شيء أخبار .. حصه : يا حيج والله .. رفيعه : الله يحييج .. والا انتوا من متى هنيه ؟؟ حصه : من العصر... رفيعه : بتقيلون ولا بتباتون؟ حصه : بنبات .. رفيعه : زين والله .. ميره بعدها مصره على رايها .. وترد تفتح السالفه مع رفوووع.. ميره : اقوول رفوع .. انتي تتغشين من اهلج .. رفيعه : لا .. ليش هالسؤال يعني ؟؟ ميره : عيل ليش نحن نتغشى منهم ؟! رفيعه : الا روووحكن والله .. انا ما أتغشى من عيال أعمامي ولا عيال خالاتي وخوالي .. ميره :اممم .. رفيعه : بلاج ؟ ميره : ما شيء .. خلونا من هالسالفه الحين .. عيل وين رواضي ؟؟ رفيعه : يبتها ويايه .. شافها واحد كان ظاهر من الميلس وشلها عني .. مهره : منو ؟؟ رفيعه : ما أدريبه والله ... ميره : كيف شكله ؟؟ رفيعه : اممم طويل .. لابس كندوره بيظه وسفرة حمرا حصه : اليوم حمد ومانع لا بسين كنادير بيض وسفرة حمرا رفيعه : لا لا .. ولا واحد منهم .. ميره : عي منو؟؟ رفيعه : يوم شاف رويضه لابسه بنطلون وقميص عيناوي ....... وقبل لا تكمل كلامها حصه : اهاااااااااااااااااااااااا .. هذا منصووووور رفيعه : منو هذا بعد؟ حصه : هذا منصور اخويه من ابويه رفيعه : قولي والله .. حصه : والله رفيعه : وايد تغير عن قبل .. واصلا نسيت ان عندج اخو من ابوج .. حصه : عندي اخو واللي هوه منصور وخوات والل هن شمه و عنود.. رفيعه : يا حظج والله على الأقل عندج خوات .. هب انا ميره : على طاري الاخوان .. على أي أساس يا آنسة رفوع ما تخبرينا ان حارب رد من السفر .. رفيعه : اسمحيلي والله .. اصلا نحن ما درينابه الا اليوم الصبح وهوه ياي البارحه فليل .. ومره على الساعه عشر الضحى روحنا صوب خالتيه ولين ساعتج هاذي .. فز قلب مهره من مكانه .. يالله متى رد؟؟ والله اني متولهه عليه .. يا ربي .. اباااا أشوفه .. مع هالوله والشوق كله ما ظهر منها الا هالجمله عشان ما تبين اللي في قلبها .. مهره : الحمد لله على سلامته رفيعه : الله يسلمج من الشر وشوي ان شمه تدخل عليهن وسلمت على رفيعه ويلسن يسولفن .. قامت مهره من مكانها وسارت صوب البلكونة ويلست هنااااك .. وتنهدت بقووو.. آآآآآآآآآآآآآآه ما أصدق انك رديت .. يالله يا كثر ماني متوله عليك .. متى بشوووفك .. يالله وأخيرا بشوفك عقب سنة ونص بعاااااد .. يارب عجل لقانا .. وشوي تشوف منصور وغيث ظاهرين من الميلس ويوم وصلوا نص الحوي شافت حد داخل من الباب .. ويوم ركزت عدل طلع انه حارب.. اللي التقى ويا منصور وغيث ويلس يسولف وياهم شوي .. يلست مهره تراقب حركاته حركه حركه .. يا الله يا حاااارب بعدك على حركاتك ما تغيرت .. لا تغيرت طولت شوي .. زين اني شفتك والله .. بس هالشوفه ما تسد وايد بعيده .. هذا اللي في قلب مهره لا قصدي جزء منه .. لان اللي في قلبها شيء ما يوصف .. ما تروم تظهره لان طبيعتها وهدوءها يحكم عليها هالشيء .. بس ان شاء الله ايي اليوووم اللي راح تظهر مهره كل اللي في قلبها .. بس متى ؟؟ الله يعلم .. مع الأياااام بنعرف ... ظنكم انهم بيتلاقون وجها لوجه؟ وشو هيه المقالب اللي راح يسويها منصور؟؟ هل حمد بيشوف رفيعه ؟؟ وشو بيستوي بينهم ؟؟ |
|
الجزء الثامن
عقب ما تلاقا حارب مع منصور وغيث وراشد و كمل حارب طريجه للميلس وسار عند حمد ومانع اللي تواعد وياهم.. ويوم دخل عليهم ..وايههم ويلس عدالهم .. حارب : ليش ما سرتوا تتحوطون وياهم ؟؟ حمد : نسير وياهم ؟؟ جيييه تخبلت انته .. روحي يوم اسير فيا راشد وغيث أتخبل .. لا وهالمره منصور وياهم .. جيييييه ما ابا عمري انا حارب : ههههههه أسميك انك .. حمد : اني بو شهاااااب حارب : هيه نعم .. اقول بو شهاب هب تنسى تراكم كلكم باجر معزومين عندنا .. حمد : ان شاء الله الشيخ .. هب ناسي .. حارب : وحتى عربك يا مانع .. مانع : هههه الله يخس بليسك .. الحين اميه سويتها عرب حارب : ههههه السموحه .. أطري امك مانع : اوكييييييييه حارب : تماااام عيل .. يالله شلوا عماركم وقمنا نتحوط حمد : وين؟ حارب : لازم تسال يعني .. قم يالله حمد : هههه اوكيه .. بس اصبر شوي بقولهم يطرشولي كندورتيه وسفرتيه .. حارب : ما يحتاي اللي عليك زينه مانع : شو عليك انته .. ياي من بيتكم متكشخ .. حمد : هههههههه ويا راسك بعد لازم نتكشخ شوي .. حارب : ويا راسك انته .. يالله خلصونا شغل حارب التلفزيون ويلس يجلب في هالقنوات لين ما يخلص حمد ومانع .. سوا حمد حق امه تلفون وقالها تطرش فيا البشكاره سفرته وسفرة مانع وكندورته وكندوره مانع .. وبدلوا حمد ومانع ثيابهم وساروا يتحووطون .. وعند البنات وعقب ما تعّشن.. ميره ومهره وحصه ورفيعه يالسات في الصاله اللي فوق ..وشمه ترخصت عنهن وسارت ترقد لانها كانت تعبانة شوي مهره : رفوع وين رواضي؟؟ رفيعه : شلتها ريتا وودتها البيت ميره :اهاا.. أقول رفووووع .. رفيعه : عيوووونها ميره : تسلمين والله .. بس بغيت أسألج ؟؟ رفيعه : عن ؟؟!!! ميره : شو مخططاتج لليوم ؟؟ رفيعه : الصراحه سؤال عجيييب .. ويا ويهج وهذا سؤال؟؟ شو مخططاتي بعد غير اني برد البيت وبنخمد ميره : اهااااااااااااا .. ويهون عليج هاليمعه وهالسوالف .. والفلم اللي طرشت رشود يشتريلي اياه واللي راح نسهر عليه والكيرم و........... رفيعه : بس .. حرااااااااااام عليج .. يعني لازم تقهريني ؟؟ ميره : ايوووووووووووه حصه : رفوع باتي اليوم ويانا هنيه .. مهره : هيه والله .. ( وتغمز لها ) بتفوتج السوالف ميره : والفلم حصه : واليمعه رفيعه : اووووووووه يا ربي ردن على المغايظ .. خلااااااااص بشاور العيوز أول .. سارت رفيعه صوب التلفون واتصلت حق امها وقالتلها انها بتبات عندهم .. و رفضت بسبب الشبيبه بأنهم في بيت ثاني بن محمد واللي هم غيث وحمد ومنصور .. فما يستوي هالشيء .. وردت وعطت السماعه لميره جااد تغير رايها..و عقب ما غسلت ميره راس حرمة عمها وقالتلها الشباب كلهم محد في البيت وكلهم بيرقدون برع في حجرة الضيوف اللي عدال الميلس .. فوافقت على ان رفوع تباااات .. وكله بسبة ميره اللي عندها اسلوووووب اقناع لا يعلى عليه .. ويوم بندت ميره السماعه كانت ملامحها حزينة وكانن البنات يشوفنها وكلهن أمل .. حصه : هااا شو قالت ؟ ميره : حاولت وياها وبعدها مصره على رايها .. رفيعه : انزيييين ليش ؟؟ ميره : اونه الشباب اللي عندنا مهره : وشو يخصهم انزين ؟؟ رفيعه : خلاص غسلن ايدكن انتن .. حصه : والله كان ودي انج تباتين رفيعه : شو نسوي بعد ما باليد حيله .. ان شاء الله المره اليايه .. وقفت ميره من مكانها وسارت عند باب حجرتها وقبل لا تدخل صدت صوبهن وابتسمت .. ميره : رفووووع (( ويوم انتبهت رفوع لها )) واااااااحد صفر مافهمت رفيعه المقصود بس في أقل من ست ثواني فهمتها .. رفيعه : ياااااا الحمارة .. هاااااااااي ثاني مره تسوينها فيه.. مهره وحصه ما فهمن السالفه .. شو واحد صفر بعد ؟؟ نشت رفوع من مكانها على اساس انها بتنتقم .. بس ميره كانت عامله حسابها ..بندت الباب وقفلته .. فما كان من رفيعه غير انها تحلفتلها .. وردت ويلست عند مهره وحصه ... وطبعااااااا طايره من الوناااااااسه مهره : شو سالفه الواااااااااحد صفر؟؟ رفيعه : عااااااااد اونج ما تعرفين حركات اختج .. بس ما عااليه بردها حصه : لا يكون هذا السبب اللي خلاج ترشينها بالماااي ذاك اليوم.. رفيعه : عيل شو غير جيه ؟؟ تحيدين يوم كنتن تقنعن ابويه عسبة سيرة المزرعه .. مهره : هيييييه رفيعه : الله يسلمج ذااك اليوم وعقب ما وافق ابويه على سيرتي وياكن .. ردت ميروه وسوتلي تلفون ويلست تقولي ان ابويه رفض السيره وانكن حاولتن وياه لين ماعيزتن .. وعاااد انا رضيت بالأمر الواقع و صدقت اختج.. فديتني والله على نياتي .. وقبل لا أبند عنها قلتلي واحد صفر وعاد اونها قّصت علّيه .. وقالتلي ان ابويه مواافج وعاد انا رديت هالشيء عليها بأني رشيت الماي عليها .. مهره : اهاااااا عسب جذيه ميره يوم دشت علينا ذاك اليوم كانت تضحك ويوم سألناها قالت ماشي .. رفيعه : ما عااااليه .. براويهااا حصه : غريبه والله ما جنها علقت في الحجرة ؟؟ سارت حصه ودقت الباب عليها حصه : ميرووه ميره : عيون ميرووووه حصه : ما ابغيهن عيونج .. شو ابابهن ؟؟ ابغيج انتي بكبرج .. يالله اظهري ميره : هههههههه ده بعدك .. أظهر والسفااحه رفوع برع .. نو ويي .. ضحكت حصه عليها حصه : ما بتسويبج شيء .. صدقيني ميره : نووووووو .. أول ييبيلي ضمان من عندها حصه : اسميج انج .. لازم الظمان بعد؟؟ ميره : ايوه وسارت حصه ورمست رفوع .. والنتيجه انهن قامن كلهن وسارن صوبها .. حصه : هاذيه يت هنيه عسب اتطمنج بروحها رفووووع : أشوفج فجي الباب بس .. بتحصلينها ميره : هاهاهاهاي وتبوتي افج الباب بعد رفيعه : يالله فجي الباب .. ميره : اول حلفي انج ما بتسويبي شيء الحين رفيعه : والله اني ما بسوييبج شيء الحين.. يالله فجي الباب تأكدت ميره منهن وسارت وفجت الباب .. وابتسمت بمكر رفيعه : ما عااااليه .. لاااااااااااحقه مهره : اسميكن عداااااايل .. يالله خلصن شغلكن وتسبحن وانا بسير اتسبح في هاذيج الحجرة وعقبي حصه وانتي وميره هنيه وعقب ما تخلصن تعالن الصاله بنلعب كيرم .. رفيعه : انا تسبحت قبل لا اييكن يعني ما يحتايلي .. مهره : اوكيه .. سارت مهره ويا حصه الحجرة وعقب ما تسبحت مهره دشت حصه وراها .. لبست مهره بجانتها وسارت صوب حجرة ميره اللي عدالهن وحصل رفيعه طايحه على السرير وتقرا مجلة .. طلعت مهره من الكبت بجامتين عطت الاولى حق رفيعه والثانيه لحصه .. وعقب ما خلصن شغلهن ظهرن من الحجرة ويلسن في الصاله .. الصراحه كانن فنانات بمعنى الكلمة .. كانن كلهن مطقمات ببجامة ( بنطلون وقميص ) اللي اشترنهن مهره وميره لهن الاربع كان لايق عليهن وايد ... ولونه وردي وفي نص القميص دبدوب صغير شكله روعه ... و حاطاات جحال داخل العين وقلووووس خفيف.. كانت ويووههن طفوليه .. وكانن يشربن حليب نسكافيه حق السهره وكانن ماخذات راحتهن لانهن يعرفت ان محد من الشباب بيدخل البيت اصلا .. يلسن البنات تحت ويابن التكيه وحطنها فنصهن .. ويابن الكيرم وحطنها وكل وحده وكوبها عدالها .. وتمن يلعبن.. وكانن يقظن وقتهن لين ما يوصل الفلم.. الصراحه كان جو ولا أروع.. وفي نفس الوقت وفي محل الأفلام.. غيث كان يدورله فلم دي في دي حق اللابتوب .. وكان راشد يدور فلم لاخواته في قسم الشرايط مال الفيديو ومنصور ما كانت له حايه هناك فيلس على الكراسي ويوم تململ سار صوب راشد.. منصور : انته شو اتدور من الصبح؟؟ راشد : ( يرمس منصور وهوه يطالع الافلام) ادور حبارى .. يعني ما تشوف افلام منصور : ويا راسك .. ادري انهن افلام ..قصدي شو منهن؟ راشد : أي شيء حق خواتي منصور : حصلت ولا بعدك راشد : لاااااا منصور : صبر الحين بدور لك سار منصور الجهة الثانيه للأفلااام .. ويلس يدور وحصل الفلم ورد عند راشد وحطه في ايده I find it.. منصور : راشد : ( عقب ما تفحص الفلم عدل من ورا وجدام) وحط عينه في عين منصور راشد : منصووووور .. فلم رعب .. شو اسويبه؟؟ منصور : تمنظر فيه . ويوم بتشبع رده على رفه .. يعني شو بتسويبه بعد ؟؟ وده لخواتك ..هب هن طالبات الفلم راشد : هن طالبات فلم بس هب رعب منصور : يا اخي رعب على الفاضي .. شايفنه مرتين في السينما .. ما يخّوف راشد : عاد انته ريال .. هاذيلا بنات .. من ادناااات الدون يزيغن .. منصور : انته وده لهن ما بيستويبك شيء .. راشد : ما فيّه لهن ولحشرتهن.. بياكلني اكل منصور : ( طالع راشد بطرف عينه ) اوكييييه برده .. اشترى راشد لهن فلم كوميدي حلو .. وعقب ما دفعوا الحساب ركبوا السياره .. وكل واحد منهم شال كيسه في ايده .. ويوم وصلوا البيت حصلوا الشباب يالسيين في الميلس وكانت الساعه جريب ال12 دش غيث داخل الصاله وتموا راشد ومنصور عند باب الميلس .. راشد : لاااا حول .. الحين ابتلشنا بهالفلم .. شقايل بنوصله لهن .. البشاكير ارقووووود.. منصور : يالذكي سو لهن تلفون على الصاله اللي فوق وخلهن يتلقن لك تحت .. راشد : ويا الذكي لو صاح اللي فوق بيصيح اللي تحت .. والمصيبة ان ابويه واميه والحريم راقدين تحت.. منصور : وخواتك هب غبيات لدرجة انهن ما يشلن التلفون لين ما ينتبهووون اللي في البيت بكبره .. راشد : اممم.. وشو الحل الحين؟ منصور : اتصل وخل الباقي على الله راشد : تم منصور : اوكييه عيل انا بسير الميلس شوي وبردلك.. راشد : اوكييييييه.. سار منصور ودخل الميلس واما راشد قبظ التلفون واتصل .. وفي نفس الوقت بالضبط كانن حصه ومهره يالسات في المطبخ التحضيري تحت يسون حليب حق السهره لان القبلي شارف على الانتهاء.. وكانن رفيعه وميره يالسات في الصاله اللي فوق يترينهن .. صاح التلفون .. قالت مهره حق حصه تشله بسرعه لان مهره كانت تراقب الحليب عن يفور وينجب .. ترددت حصه بس فالاخير ردت بسرعه عسبة ما يزعج اللي في البيت .. وفي نفس الوقت بعد شلته ميره .. والحين ثلاااااااااث أشخاااااااص على خط واحد ميره وحصه : الوووو طبعا ما استغرب راشد من هالشيء.. متعّوووووووووود..ولازم يخسس بهن شوي راشد : الوووو.. ميين معي.. ميره : معك ميره بنت ثاني بنت محمد بنت.... وقبل لا تكمل رمستها .. راشد : ( معصب ) ميرووووووه لايكون كل من يسوي تلفون تعطينه اسمج بعد .. بذبحج ميره :هههههه ... ويا راسك؟؟ ترا رقمك على الكاشف راشد : حسبالي بعد .. ابتسمت حصه على هالموقف ولين الحين ماقالت غير الووو راشد : صبري شوي.. خلينا نتعرف اللي على الخط الثاني .. الوووو استحت حصه من هالموقف.. يا ربي !!! شو اسوي الحين ؟؟ ابند التلفون .. لا لا عيييييييب.. ترددت حصه بس فالاخير ردت.. حصه : الوووو راشد : مين معي؟؟ حصه : حصه راشد : هلا والله ببنت سهيل .. شحالج؟ حصه : بخير الحمد لله ميره : احم احم .. خير راشد شو بغيت .. راشد : يبتلكن الفلم اللي طلبتنه .. ولاّ ما تبغنه ردت عليه ميره وبسرعه .. ميره : لا لا نبغيه شو ما نبغيه تخبلنا نحن راشد : عيل يالله ترييني عند الباب جان تبينه .. وبقواااة عين ميره وعيازتها عن النزله .. ميره : اقول حصه دام انج تحت تلقفيله انتي.. فجت حصه عيونها .. هااااااذي شو تقول .. تيننت الظاهر.. شو اتلقفله بعد .. لاوالمصيبه اني لابسه بجامه ..براوييج يالسخيفه بس خليني اوصلج فووووق .. حس راشد بأن حصه استحت من هالموقف.. راشد : ما في مشكله .. بطرش الفلم ويا منصور ميره : تمام عيل راشد : اوكيه عيل بخليكن ميره : مع السلامه حصه : الله يحفظك.. حس راشد بشيء غريب بس ما عبر هالشعور ورد يكلم منصور اللي كان توه ظاهر من الميلس وحط الفلم في ايده .. راشد : ود هالفلم لاختك حصه تترياك عند الباب منصور : (شك منصور في سالفه انه اتفق مع حصه على انها تترياه .. يعني رمسها بالتلفون!! .. بس خوّز هالشك بسرعه لانه يثق في راشد وايد ).. منصور : اوكيه .. دخل راشد الميلس ودش وياه منصور .. يلس راشد ويا الشباب .. أما منصور سار صوب الطاولة اللي في آخر الميلس وشاف كرتون كلينكس .. شله وحطه في الكيس وعقب سار صوب المكتبة وشل فلم ثاني وحطه في الكيس .. وكان عدال الفلم دفتر شله بعد ويااه ..طلع منصور من الميلس ويلس على الدري .. طلّع منصور من الكيسه الفلم اللي شارنه راشد لهن وهوه فلم كوميدي .. وحط بداااااله فلم هندي باااائس يصّيح اللي ما يصيح .. طبعا ما هناله انهن يضحكن .. عسبة جذييييه يبغي يخرب عليهن .. طر منصور من الدفتر ورقه وسندها على كرتون الكلينكس وكتب رساله وحطها في كرتون الكلينكس .. حط منصور الفلم في دريشة الميلس وكمل طريجه صوب باب الفله .. أول ما شافته حصه فتحت الباب له وما انتبهت للي سواااه منصور .. شلت حصه الكيسه من منصور ورد منصور ويلس عن الشباب.. وردت حصه وسارت عند البنات فوق .. أول ما دشت حصه الصاله فرت الكيسه على الطاولة وهيه معصبة من الخاطر .. سارت صوب ميره وظربتها بالمخدة على راسها ظربة صدق من الخاطر.. فهمت ميره على ردة فعلها عسبة جذيه ظحكت عليها من الخاطر .. فتحت مهره الكيسه وحصلت كرتون الكلينكس وما عبرته وفرته على الطاوله وظهرت الفلم من وعابلته ويا رفيعه .. كانت ميره تراضي حصه وتضحك وياها .. فجأة حست بعطسه فما كان منها الا انها ربعت صوب قوطي الكلينكس وطلعتلها كلينكسه وعطست .. وعقب ما شمّتنها البنات .. ردت ميره صوب الكلينكس لانها حّست بشيء غريب لمسته ايدها .. حطت ميره ايدها في كرتون الكلينكس وحصلت ورقه .. ويوم شافتها من الصوب الثاني حصلوا مكتوب فيها ..(( لا تفتح الا بعد متابعة الفلم الا النهاية .. وتحت النهاية خطين )) احترمن البنات هالشيء ويودن الورقة لعقب .. والفضوووووووووول ذابحنهن لدرجة فظيعه بس مع ذالك نسن سالفتها يوم بدا الفلم.. وفي ميلس الرياييل .. حمد راقد على الغنفة الطويلة وحاط غترته على ويهه لان راسه كان يعوره شوي ... وأما منصور وغيث وراشد ومانع يلسوا يلعبون ورقة .. منصور : أنا غاااسلنكم غاسلنكم .. هاهاهاااااااااااي غيث : ههههههه دخيلك بس .. منصور : احم احم أصلا أنا محد يروم يغلبني في الورقة ولا في الكيرم .. مانع : اهاااا .. منصور هات الكيرم براوييك .. راشد : من استويت يا مانع ما خسرت .. معروفة النتيجه منصور : هههههه .. ضحكتني والله مانع : ضحكتك هااااا .. بتشوووووف .. راشد : منصور لا تحاول انك تلعب ويا منوووع تراه غاسلنك غاسلنك.. منصور : أوكيه بنشووووووووووووووووووووووف سار منصور صوب مكان الكيرم المعتاد عسب اييبها بس ما حصلها .. ورد منصور : ما حصلتها .. راشد : دورها عدل .. منصور : يا خي جلبت المكان عليها وما حصلتها .. راشد : عيل وين نفدت .. طبعا الكيرم عند البنات .. وهم جالببين الدنيا عليها .. حليلهم والله غيث : خلوها توّلي الحين .. تعالوا كملوا اللعب .. مانع : باجر بنحصلها .. الحين تعالوا كملوا اللعب.. يلسوا راشد ومنصور وكملوا اللعب ويا مانع وغيث.. وعلى الساعه وحدة ونص خلصت السهره عند الشباب .. واما البنات بعدهن يتابعن الفلم التعيييس.. ظهرن كل اللي في خاطرهن في الصياح .. اسمييييييك يا منصور ما عينت خير.. عااااااد الشيء العجيب والاغرب من الغريب ان نهاية الفلم أتعس من التعااااسه .. المفروض تكون النهاية سعيده .. بس منصور اختار هالفلم بالعماله لان رباعته مجربينه ويا خواتهن وياب نتيجة .. الله يسلمكم كرتون كلينكس ما يسد .. كل وحدة حاطة في ثبانها كرتون كلينكس وتشتغل فيييييه .. والله انهن في حااااااااله .. اللي بيشوفهن بيضحك صدق من الخاطر .. جنهن عايشات الحدث بوقته ... وعلى الساعه ثنتين خلص الفلم أول ما خلص الفلم كلهن صدّن صوب ميره اللي كانت حاطة الرساله في مخباها .. هي ما فهمت نظراتهن .. بس عقب فتره بسيطه فهمتهن .. هيه نست سالفه الرساله .. طلعت ميره الرساله من مخباها .. وكل البنات تيمعن عدالها.. أول ما فتحتها حصلت مكتوب فيها .. (( بسم الله الرحمن الرحيم أما بعد .. إلى عيايز دبي وعيوز العين أولا ... أحسن الله عزاكم على الفلم .. والله ان البطل والبطلة ما فيهم حيلة .. عرفوا يمثلوووون.... هههه .. المهم الحين .. ترا هالكلينكس مال الميلس .. هب تخلصنه .. يا ويلكن بدّفعكن ثمنه .. عقب ما تخلصن المناحة ردنه محله .. وعن الفلم .. أدريبه أن حلوا ما في داعي تقولن والله ..أدري أن ذوقي لا يعلى عليه .. والحين أقولكن .. وااااااااااااااحد صفر لكن كلكن .. والسمووووووووووووووووووووووووحه شيخكن منصور بن سهيل ..)) ما توقعن ان منصور هوه الل مسوي هالحركه.. ومنهن اللي ضحك ومنهن اللي تحلّفت له ومنهن اللي ناويتله نيه .. الله يعينه بس .. وعقب هذا كله خلصت سهرة البنات .. وكل وحدة سارت ترقد .. رقدت رفيعه عند ميره وحصه عند مهره.. |
|
الجزء التاسع
وبالباجر الصبح وكان يوم الخميس .. وعلى الساعه سبع الصبح أول ما نشت رفيعه سارت بيتهم عسب تفزع لامها واما عن اللي في بيت ثاني بن محمد كلهم نشّوا .. ما عادا الشباب صح انهم راقدين قبل البنات بس العكس استوى ..وهو أن البنات هم اللي نشوا قبل الشباب .. والوحيد اللي نش من الشباب هوه منصور .. أول ما نش منصور طبعا كان مصلي قبل .. تسبح وتلبس وتعطر قصدي تسبح بالعطر .. وشل غترته وحطها على جتفه وظهر من الميلس .. شاف في نص الحوي يد راشد (محمد) وهوه يعتبره شرات يده بالضبط وحتى يزقره يدي.. وكان الشيبه يالس على الحصير وجدامه دلال القهوة والحليب والريوق .. سار منصور صوبه وسلم عليه وحبة على راسه .. يد راشد : صح النوم .. توّك ناش جان كملت رقادك بعد طبعا الشيبه ما عيبه هالحال لانه من الساعه خمس واعي ..مع انه بالنسبة لمنصور انه ناش من وقت ومفتخر بعد أنه ناش قبل الباجيين .. منصور : افاا والله يالشيبه هاذا بدل ما تتنشدني عن أخباري وتسأل عن علومي.. عاااد هنيه الشيبه ولّع .. ما يداني حد يقوله شيبه .. تلفت على يمينه وعلى يساره تداااارك منصور عمره ونش بسرعه عرف أن السالفة فيها عصاااا ..((واللي هيه عقدة العايله )) .. منصور : ها .. ها .. خل عنك .. كله ولا عصاتك .. وضحك عليه وسار منصور صوب سيارة حمد اللي كانت واقفه في آخر الحوي ووقف جدام الدريشه ويلس يتغتر .. وفي نفس الوقت كانن البنات طالعات من الفله يضحكن على سالفه .. وما انتبهن لمنصور وكانن متحجبات و عاقات الغشوه وهن يعرفن ان هالوقت مستحيل حد من الشباب يكون واعي .. سارن البنات ويلسن عند يدهن وصح أن مب يد حصه .. بس مع ذالك تعتبره حصه شرات يدها .. يعني كل اللي في العايله يعتبرونه يدهم .. عقب ما حبن البنات راس يدهن يلسن وياه وكل وحده منهن صبت لها كوب حليب .. وعقب عشر دقايق تقريبا طلع منصور من ورا السياره وهوه متكشخ ومتعدل الصراحه كان فناااااان .. انصدمن مهره وميره من هالموقف .. يا ربي شو نسوي الحين هذا شكله ياي صوبنا .. يعني لازم الحين نقوم .. كان منصور يمشي ومنزل راسه وكان يعابل تلفونه ما انتبه للبنات .. طبعا مهره وميره أول ما شافنه تغّشن .. مهره : يالله حصيص ردينا داخل .. يد راشد : وين تبن ؟؟ يلسن كملن ريوقكن وشربن حليبكن .. ميره : لا الغالي .. هاذوه ولد ام منصور ياي ييلس عندك .. يد راشد : خير انزين .. برايه ايي وييلس انتن شو عليكن منه .. استغربن البنات من هالشيء أول مره يدهن يسوي جيه .. لا وبعد غير هذا قالهن يعقن الغشوه عنه.. اونه منصور مب غريب .. ترددن البنات .. عاد هنيه هددهن الشيبه بالعصا عسبة جذيه من غير كلام عقن الغشوة .. ويلست حصه تشوفهن وهيه تبتسم وتحرك حياتّها .. ويوم وصل منصور عندهن رفع راسه وأول ما شاف ميره ومهره عاقات الغشوه ومنزلات راسهن .. عوره ويهه .. لا يكوون ما شافّني عنبو ما بيني وبينهن شيء كيف ما بيشوفوني ... يد راشد : بتيلس ولا بهالعصا على ينبك .. هنيه تبلّم منصور ما عرف شو يقول .. الشيبه يطلب منه ييلس ويا بنات ولده لا وبعد عاقات الغشوة .. ما تدخل العقل .. بس مع ذالك رد عليه وبأسلوبه الغلس .. منصور : ان شاء الله على هالخشم .. وانته ما تتعامل إلا بالعصا .. صدق انك شويبه .. رد يد راشد وولّع مره ثانيه وكانت العصا عداله أول ماقبظها الشيبه .. قبظ منصور ايد يد راشد اللي ميودة العصا.. منصور : افا والله يا بو ثاني امررررره ما تتحمل مصخره .. وضحكن البنات عليه .. وعقب فتره تأقلمن البنات واللي هن مهره وميره على الوضع ورفعن راسهن ويلسوا يسولفون ويا بعض.. ومنصور من يلس كل دقيقة والثانية يرفع عينه لميره ومهره ويدقق فيهن ويغير اتجاه نظرته عن ياكله الشيبه من هالنظرات .. أول مره يشوفهن من عقب هالفتره الطويله .. أول مره يشوف مقدار الشبه من بينهن .. حاول يطلع فرق واحد بينهن بس ما قدر .. الصراحه ان ميره ومهره يتشابهن لدرجة كبيره ..نفس الطول والعرض والبياض ونفس العين والخشم والثم وتدويره الويه وكل شيءبس في فرق واحد وهوه أن مهره فيها حبة خال تحت ثمها.. وطبعا اللي متعود عليهن يقدر يفرق بينهن اما الغريب فلوا يلس من اليوم لين باجر ما بيقدر .. وفي نفس الوقت .. وفي بيت سالم بن محمد.. كانت رفيعه توها طالعه من الحمام وهيه لافة شعرها بالفوده لانها غاسلتنه .. طاحت رفيعه على الشبريه وبندت عينها .. وفي لحظه خطر في بالها حمد .. ردت رفيعه وفتحت عينها وصدت على يمينها وشافت الدبدوب اللي محطوط على الطاوله .. مدت رفيعه ايدها للدبدوب وبشكل لا إرادي حضنته بقو .. فجأة تسمع دق عالباب .. رفيعه : منو ؟! حارب : أنا قامت رفيعه من مكانها وفرت الدبدوب على الشبريه وسارت صوب الباب .. و أول ما فجته ما حصلت حد .. يوم توها يايه توايج طلعلها حارب من ورا الباب يزيغها.. رفيعه : غربلااااات عدوك .. طيحت قلبي حارب : ههههه .. عادي دشت رفيعه الحجرة ودش حارب وراها .. سارت رفيعه صوب المنظره وسار حارب وطاح فوق الشبريه وطاحت عينه على الدبدوب .. حارب : اووووه .. يالياهل شو تبيبه هذا الدبدوب ؟؟ رفيعه : هب مالي .. هذا مال روضه نسته ذاك اليوم عندي حارب : وجيه ما رديتيه لها .. رفيعه : ما تفيجت حارب : اهااا .. عيل انا الحين متفيج .. بوديلها اياه يوم بطلع من عندج هنيه ما عرفت رفيعه شو تسوي ؟؟ ما تتخيل حياتها بدون هالدبدوب؟؟ لانه يذكرها بأشياء واااااايده.. ووايد تعلقت به في هاذي الفترة.. يا ربي شو أقوله الحين !!.. اذا قلتله لا بيقول شو سالفة هذا الدبدوب وأسئلة مالها أول ولا تالي .. واذا ما قلتله شيء بيفسر سكوتي بالرضا .. شو هالحااااااااله!!! رفيعه : لا لا .. خله أنا بوديه الحين يوم بطلع .. حارب : ما في داعي والله وانا ظاهر عنج بخطف على حجرتهم وبعطيها اياه رفيعه : لا لا أنا بوديه.. حارب : عنلاته من دبدوب .. ما يستاهل نتعازم عسبته .. خليه يولي ... أحسن حل اننا نخليه محله يوم بتي رويض هنيه عطيها اياه وفكينا من الدعنة .. ما صدّقت رفيعه أن حارب اقترح هالشيء حتى ما كملت ثانيه ردت عليه رفيعه : هيه هيه .. أحسن شيء حارب : انزين الحين خلينا من سالفة هالدبدوب .. متى بيوم قوم عمي ثاني وعربهم .. سارت رفيعه صوب الطاولة اللي عدال الحمام وخذت ساعتها ولبستها رفيعه : الساعه تسع بيوون حارب : يعني عقب ساعه رفيعه : هيه .. ليش تسأل يعني ؟!! حارب : مجرد سؤاااال رفيعه : اهاااااا حارب : انزين .......... رفيعه : شو حارب : لا خلاص ما شيء اسغربت رفيعه من حارب وحست انه يبغي يقول شيء بس ما بغت تغصبه ظهر حارب من الحجرة واول ما بند الباب .. آآآآآآآآآآآآآآآآآآخ زين يوم يودت عمري ولا تنشدت عن مهره .. كانت بتستوي مصيبه .. بس يالله زين يوم اني ما سألت .. أول ما طلع حارب من حجرة رفيعه سيده دخل حجرته المجابله تقريبا حجرة رفيعه .. بند حارب باب حجرته وسيده عق بعمره على الشبريه .. وحط ايده ورا راسه وتنهد .. يالله ما اصدق .. عقب ساعه بشوووووفج ...والله اني متوله عليج لدرجة ما تتصورينها .. يا ربي مب جنه ساعه واااايد .. بس يالله تهووون دام اننا بنشوف الغاليين.. عنبو صبرت سنه ونص ما اروم اصبر ساعه وحده بس .. مرن خمس دقايق ومن عقبهن حس حارب بالملل .. قبظ التلفون وسوا حق ربيعه عيسى .. حارب : مرحبا عيسى : هلااااااااااا والله .. مرحبا الساع حارب : علومك ؟؟ عيسى : علوم الخير والله .. انته شخبارك ؟؟ حارب : والله ما شيء أخبار عيسى : الله حيه حارب : الله يحييك عيسى : شحال عربك منّاك وشويبتكم؟؟ حارب : هههههه يسرك حالهم والله .. والشويبه ليته يسمعك .. بيشيطك بعصااه .. عيسى : ههههه .. دام ان السالفه فيها عصا خلني بعيد عنه أحسن حارب : هههههههه وتموا يهذربون لين الساعه ثمان ونص .. وعقب ما بند حارب عن عيسى سار صوب المنظره وشاف عمره في الدريشه .. باجي نص ساعه يالله هاااااااااانت سار حارب الحمام وتسبح بسرعه على أساس ان يخلص مونته ويطلع برع يستقبلهم .. بس ياااااااااااااااااااااااااااااال الأسف .. جدّموا قوم ثاني ييتهم .. ووصلوا على الساعه تسع الا ثلث .. وحارب بعده في الحمام وكله امل بشوفة مهره .. بس هالأمل ضااااااع وبدون ما حارب يدري .. وفي الحوي ثلاث سيايير .. سيارة حمد اللي شاله امه وحرمة ابوه واخوانه وسيارة غيث اللي شال مانع وسيارة راشد اللي شال فيها امه ويده وخواته .. وأما بو راشد من يومين في بوظبي واليوم المغرب بيي.. أول ما نزلوا العرب من السيايير الشبيبه كلهم ساروا الميلس وشلوا شويبتهم وياهم .. واما الحريم والبنات دشوا الفلة .. وكانت اليازيه وام رفيعه ورفيعه يالسات في الصاله اللي تحت يسولفون وتفاجأن هن بعد بييتهم من وقت .. وعقب ما خلصوا من السلام كلهن يلسن .. يلسن مهره وحصه ورفيعه في كرسي واحد ومهره وشمه في الكرسي اللي عدالهن .. وعقب خمس دقايق تقريبا .. ميره : أقول رفوع قمنا نسير حجرتج بنعق عبينا .. رفيعه : اوكيه يالله .. قامن البنات كلهن وسارن فوق اما عنودي وعلاوي وميود وروضه ساروا حجرة الألعاب يعني حق اللعب بس...و فيها بلاي استيشن والعاب ثانيه .. وعند البنات .. وعقب ماعقن البنات عبيهن ... ميره : يالله رفوووع قمنا ننزل تحت .. رفيعه : يالله .. مهره : انتن سيرن أنا بسير الحمام وعقب بلحقكن .. حصه : أوكيه .. نزلن البنات وتمت مهره في الحجره .. سارت مهره الحمام .. وفي نفس الوقت وفي حجرة حارب .. حارب توّه ظاهر من الحمام .. ولابس وزاره وفانيلته ويالس ينشف شعره .. أول شيء سواه حارب من طلع من الحمام وهوه انه سار صوب ساعته وشاف الساعه .. كانت الساعه تسع إلا عشر .. تلبس حارب كندورته بسرعه وسحى شعره وتغتر .. وسار صوب الطاولة اللي عدال الشبريه وخذ بوكه وتلفونه وحطه في مخباه.. طلع حارب من الحجرة وكله أمل بأنه يستقبل قوم عمه .. ويوه توه واصل جدام حجرة رفيعه بشوي انفتح الباب .. كان حاط حارب في باله ان اللي فاتح الباب اخته رفوع .. ومنو غيرها يعني .. أول ما لمحت مهره كندوره بيضه سيدة تغشت .. وكان حارب منزل راسه يلبس ساعته و كان رااد الطربوشه ورا ظهره .. ويوم لمح أن حد ظهر من الحجره رفع عينه .. عاد هنيه تخيلوا كيف كانت ملامح حارب .. اندهاش على استغراب على انصدام .. منو هااااااذي؟؟!! وليش تتغشى مني ... ول.......... لااااااااايكون قوم عمي يوّ .. لا مستحيل .. حاول حارب يرفض انه يصدق هذا الشيء بس قلبه ما قدر يقاوم انه يصدق .. أول ما رفعت مهره عينها حست أنها بطيح وهيه وااااقفه .. حاااااااااااااااارب .. حارب : السلام عليج مهره : وعليكم السلام والرحمه .. حارب : شحالج بنت عمي مهره : بخير الحمدلله .. انته شحالك ؟! حارب : يسرج حالي والله مهره : الحمد لله على السلامه حارب : الله يسلمج والله .. من متى انتوا هنيه؟؟ مهره : من ربع ساعه تقريبا حارب : اهاا .. يالله عيل أترخص عنج .. تامريني بشي؟؟ مهره : لا سلامتك .. روّح حارب ونزل من الدري وسار الميلس .. وهنيه مهره تبريدت محلها .. أول مره تتجرأ وترمسه جذيه .. بس مع ذالك فرحانة ومستانسه .. عقت مهره غشوتها ونزلت تحت .. و بينما كان حارب ساير صوب الميلس كان يفكر بمهره .. أول مره تتنشدني عن أخباري .. وترمس ويايه .. فديتها والله .. لو أدري أن السفر بيخليها جذيه جان كل اسبوع سافرت .. لا وكنت حاط أملي أشوفها يوم أستقبلهم .. وشفتها بروحها .. الحمد لله لك يا رب العالمين .. وصل حارب الميلس وسلم على الموجودين ويلس وياهم .. |
|
الجزء العاشر
وعند الساعه ثنعشر الظهر سارت ام رفيعه تشوف شو سوا الطبّاخ بالأكل .. ولحقنها ميره ومهره ورفيعه وحصه عسبة يفزعن للبشكارات في تحضير السلطات .. مر الوقت وعقب الغدا يلسوا كلهم تحت في الصاله يشربون جاهي ويسولفون أما البنات سارن فوق في حجرة رفيعه يسولفن .. وفي الحجرة ميره قابظه قلم يايبنه حارب لرفيعه ميره : روعه والله .. اخوج عنده ذووووق رفيعه : طبعا طالع على اخته .. ميره : ههههههه دخيلج بس رفيعه : شو قصدج ؟؟ يعني ذوقي مب حلوو مهره : لا فديتج ذوقج فناااااااان .. رفيعه : فديتج والله دومج ترفعين معنوياتي .. حصه : ههههه وميروه تهبطهن لج.. رفيعه : لازم .. ولا ما بتكون ميره بنت ثاني ميره : فديتني والله مهره : خلنها عنكن الحين؟؟ الساعه الحين وحده جدامنا لين الساعه خمس .. رفيعه : لا تقولين .. ما بتيلسون لين العشا؟ مهره : لا فديتج .. رفيعه : ليييييييش؟؟ ميره : حكم الأوي على الضعيف .. رفيعه : شو جييييه .. شو بيستويبكم ان تعشيتوا هنيه ؟؟ مهره : تعرفين ان الشوووور هب عندنا .. رفيعه : عيل عند منوووووووووه؟ ميره : عند عيايزنا .. رفيعه : لا عيل غسلن ايدكن .. عزاااات ما استوااا شيء حصه : واتصدقين أحسن الصراااااااحه.. العصر بنروووووووح العزبه وبنتعشى هناااااااااااااااااك.. شمه و ميره ومهره ورفيعه : حلفي ؟؟ حصه : والله ... شمة : وانتي شدرااااااااج؟؟ حصه : العصفوووور قالي مهره : حصووووه بلا عبط .. أرمسج جد حصه : عبااااالي عم اتصدقين ههههه ميره : حصيص تراج طفرتيبنا .. ارمسي حصه : اممممم .. سمعت اميه ترمس حمد بالتلفوون وسمعت طاري عزبه .. واننا كلنا بنسير يعني رفوع واهلها ونحن وانتن.. رفيعه : حتى نحن؟ حصه : ايووووووووه رفيعه : زيين والله تولهت على العزبه مهره : وعلى المشاااااااوي اللي يخلص قبل ما نحط العشاااااا ميره : هههه وعلى العراقيب وغافتنا .. حصه : ولا تنسن عريشنااااااا .. شمه : الصراااحه أول مره أسير عزبتكم .. رفيعه : الله يعيينج عيل .. أسميج حتى ما تبين تفارقينها .. مهره : ياااويل حالي أنا على طاري المشاوي شرايكن نسير الجمعيه ونشتريلنا مشاوي وبعض السامان .. ما بيواحيلنا نسوي شيء .. ميره : خلاص تم .. حصه : لا والله ظمنتي السيره طال عمرج.. رفيعه : ما عليج دام ان السالفه فيها ميره .. ميره : عطوني 5 دقايق بالكثير بسير وبرد .. مهره : يالله انزين .. طلعت مهره من عندهن ونزلت تحت .. وسارت الصاله وشافت اليازيه وغايه ( ام منصور) يالسين يرمسن وحصلت ام راشد وام مانع وامها مسدحاات تحت وراقدات.. لازم قيلوووووولة الظهر ما ايوووووزن عنها .. اشرت ميره على اليازيه ويوم انتبهت اليازيه اشرت ميره صوب امها وسألتها اذا رقدت ولا لا .. ردت عليها انها رقدت تقفطت ميره وردت ركبت فوق .. وهالمره صدق كانت ملامح حزينه مسيطره على ويهها .. شمه : هااااه بشري ؟؟ ميره : هزت راسها .. الرفض طبعا رفيعه : اقووووووووول ميرووه كان غيرج اشطر .. ميره : هالمره صدق .. رفيعه : دوري ربعج.. مهره : ميروووووووه رمسي عدل .. ميره : اميه راااااااقده ههههههه رفيعه : قلت .. غريبه حد يردج...هههه ميره : ان الله راد عالساعه اربع بقولها تودينا .. مهره : تمااام ... ميره : عيل وين حصوووووووه؟ .. شمه : سارت الحمام تغسل الجاهي اللي انجب على كندورتها .. ميره : اهاااااااا سارت ميره ووقفت عدال باب الحمام تتريا حصه تظهر .. وأول ما لمحتها تظهر .. ميره : بووووووووووووووووووو حصه : ابيييييه .. ابييييييه ابي ابوي ابي امي لا ماني قادرة .. رفيعه : وييييييدي غديتيلنا شرات هاااي حليب هولند (( حليمه بولند)) عقولة اميه .. ههههههههههه وهاي سوالف البنات لين الساعه ثلاث ونص الظهر .. وعند العيايز... اليوازي وغايه يرمسن .. وروضه وعنود يالسات في الحجره المجابله للصاله ويلعبن بالمكعبات والعيايز الباجيات لين الحين رقوووود ... اليوازي وايد خذت على غايه .. حست بها وايد جريبه لأفكارها .. والحين ننتقل للمصيبة العووووووووووووده .. الشباااااااااااااب .. الشويبه يالس وميلّس عداله منصور .. وعلى الينب الثاني راشد وحمد ومانع وغيث مجابلينهم.. ومايد وعلاوي يالسين على طرف عااااد أونهم يلعبوون ورقه .. حمد : يدي طلبك طلبة قوووول تم .. محمد : حاظرين.. حمد : أبغى من عندك هاذيج البكره اللي ولدت من اسبوعين .. بشتريها هيه وحوااااارها .. محمد : أي وحده .. عندي ثنتين ولدن من اسبوعين .. تطري لناقه اللي اشترتها من على بن حمد ولا اللي امبونها عندي.. حمد : لا اللي امبوووونها عندك .. محمد : خلاص تم بو شهاب .. حمد : تسلم طال عمرك .. محمد : الله يسلمك .. المهم خلونها من هالسالفه الحين .. سمعوااااا ترانا العصر بنويه صووب العزبه .. وبنتعشى هناااااااك غيث صد صوب منصور وعقّد حياته .. منصور : بس أنا وغيث عندنا شغله محمد : اشووووووووووووووووه .. لا ما شيء بتسيرون يعني بتسيرون .. امبووووني ما بشاوركم .. منصور : انزين بنقضي حايتنا وبنلحقكم ... محمد : لا .. يوم أقول بتسيرون يعني بتسيرون عليّه منكم أنا .. منصور يصد صوووب غيث وابتسمله ورفع حوايبه على أساس (((( اغســـــــــــــل ايدك )))) غيث هز راسه من هالشيء بس تأقلم ويا الوضع بسرعه ..... وعلىالساعه اربع العصر وعند البنات .. ميره : أظني إلا اميه نشّت بسير أرمسها .. طلعت ميره من عند البنات ونزلت للصاله اللي تحت .. ويوم دخلت ما حصلت غير العيايز راقدات واليوازي شلت غايه تراويها ملحقها ... تقفطت ميره للمره الثانيه .. شافت ميره ساعتها وحصلها جيب الأذااااان .. قالت في خاطرها الحمد لله .. سارت ميره صوب روضه وعنود وحصلتهن منسدحات على الأرض وقابظات قلم ودفتر .. ويوم جربت أكثر حصلت براقع ام حارب منثورات على الأرض والبنااااات يشخطن في هالدفتر اللي مخصص للبراقع.. ميره : روويض وعنوووووود يا ويلكم.. روضه : لييييت ؟ ميره : انتي خصوصا يا ويلج هالبراقع مالات امج العوده ( عليا ) إذا شافتج بتهزبج .. حسن البنات بالذنب ولقطن البراقع وردنهن في الدفتر .. وبدااااال ما يجحلنها عمنها .. ردن البراقع وحطنهن داخل الدفتر وهن معفصات وبندن عليهن .. ميره : هههه ما شاء الله عليكن .. ييتن تجحلنها عميتنها ... أسميكن متعبلات.. سارت ميره وردت البراقع عدل في الدفتر وعقب حذرت البنات من انهن يلعببه.. سمعت ميره صوووت أذان ما صدقت .. وأخيرا حصلت فرصه .. سارت الصاله وتريت الأذان يخلص عقب دخلت عليهن ووعتهن وقالت لهن انه أذن العصر .. طبعا ميره ما بتبدي سيرة الجمعيه على الصلاه .. سارت فوق وقالت للبنات أنه أذن..وعقب ما خلصت صلاة ردت تحت وحصلت ام حمد وام مانع يالسين .. ميره : أقول خالتيه عيل وين اميه عنكن ؟؟ ام حمد: سارت المطبخ ويا حرمة عمج.. ميره : ( وعقب ما تقفطت للمره الألف ) خلاص عيل سارت ميره صوب الباب الرئيسي وتحجبت عدل وتغشت وسارت صوب المطبخ اللي برع.. دخلت المطبخ حصلت البشاكيير يصفّن الفواكه في السله وحصلت أم حارب تصب القهوه في الدله.. وما حصلت أمها.. ميره : ( وعقب ما تقفطت للمره المليووووووون ) ميره : عمتيه .. (بحسبة عمتها ) عيل وين اميه عنج؟ ام حارب : فديتج بتحصلينها في الستوووور .. ميره : تسلمين غناتي.. وما صدقت عالله .. سيده سارت صوب الستووووووووور وأول ما دشت ما حصلت حد .. وبعد ما تقفطت للمره العشرطعش.. يالله بستررررررررررررررك.. وفجأة تسمع من ورا الباب حد يقول .. آآمين .. ويوم صدت ورا الباب حصل امها اتشووف ايدها .. ميره : بلاج اميه ؟ ام راشد : طريت يدي بحد هالصندوووووق.. ميره : أشووووف .. سارت ميره وشافتها .. كانت طره بسيطه وكان طالع منها شويه دم .. طلعت ميره كلينكسه من مخباها وسارت وفجت الثلاجه وظهرت ماي بارد وكسرت ثلجه وحطتها على يد امها.. ميره : شو الحين ؟؟ تعورج؟؟ ام راشد : ومنو قالج انها أصلا كانت تعورني ..؟؟ ميره : اهااا .. انزين اميه بغيتج في سالفه.. ام راشد : شووووووه ميره : شو بتقيلون اليوم في العزبه ولا ؟؟ ام راشد : هيه نعم ميره : ( مستاااااانسه ) عيل بطلبج طلب بليز وافقي ام راشد : ارمسي يالله ميره : امممم نبغي سامان من الجمعيه.. ام راشد : انزين طرشن ورقه ويا أمين وخليه اييب السامان لكن.. ميره : لا لا .. لازم نسير نحن ونييبه أمين ما يعرف.. حده فطر وتووونه ام راشد : يييهاااااااااه .. لا ما شيء سيره ميره : فديتج اميه ام راشد : لا حووول .. شو تبن تشترن زووود ؟ ميره : اممم كوكتيل مشاوي.. وورق عنب وشويه حلاوه وأنا بعد أبغي أشتريلي شويه سامان .. ام راشد :ولازم تسيرن يعني .. بطرش حد من الشباب ايسير ... ميره : امييييييييييييييييييييييييييييييييه دخيلج ام راشد : اوووهووه صدعتينا تراج .. سيري بس ان ابطيتن يا ويلكن ميره : ان شااء الله من عيوووووني وحبتها على راسها وويوم يايه بتظهر ام راشد : تعالي تعالي تعالي .. وان شاء الله بتسيرن روحكن .. ميره : بنشل البشكاره ويانا .. ام راشد : لا ما شيء سيره بروحكن ويا الدريول ما شيء ميره : والحل يعني؟؟ ام راشد : بقول حق منصور ولد خالتج يسير وياكن.. ميره : ( عقب ما فجت عيونها ) منصووووووووووور ام راشد : هيه نعم منصور ؟؟ ميره : منصور بن سهيل ما غيره ام راشد : ومنو غيره يعني .. شون جان تبن سيرن بالدريول وياه وان ما تبن ترا ما شيء سيره .. ميره : ( منصدمه ) مااااااااا عااااليه بنسير .. شو نسوي بعد ؟؟ أملنا الوحيد.. ام راشد : يالله عيل انقفظن واقظن حايتكن بسرعه .. وتطلع من مخباها ميتين وتعطيهن لميره ميره : ما يحتاي اميه مني ومن مهره بنوفي الحساااااااااب ام راشد : ( تحط الفلوس في ايد ميره ) يالله .. ولا تتأخرن طلعت ميره وشكل ويهها علامة استفهااام على تعجب .. .. ردت ميره الفله وسارت حجرة البنات وبعدها مستغربه .. رفيعه : بسم الله بلااااااااج.. شفتي حادث لا سمح الله على الدري ولا حد منجلب على لفة الباااب .. ميره أبد مب ويااااااااهم .. حصه : حووووووووه .. ميره : ( طبعا عقب ما استوعبت السالفه جزئيا ) اتصدقوووون ان اميه واافقت على سيرة الجمعيه ... مهره : سبحان الله .. ما أصدق هههههه شمه : شو الغريب يعني ؟ رفيعه : هيه والله .. ميره : ويا منصووووووووووووووووور حصه : هااااااه .. شو يخص منصور بالسالفه .. ميره : اميه قالت خلي منصور يسير وياكن الجمعيه ... ويا الدريول طبعا .. وبعد ما اجلبت مخوخ البنات 169 درجه .. إلا حصه وشمه .. مهره :حلفي؟ ميره : وحياتج .. رفيعه : اوووووه خلي عنج الواحد صفر ورمسي عدل .. ميره : ليش ما تصدقن .. انا والله مثلكن انصدمت .. ولين الحين بعدني تحت تأثير الصدمه ... حصه : لا تستغربن هالشيء .. عااااااادي .. خالتيه تحس بمنصوووور شرات ولدها بالظبط وانتن ما تحسن بهالشيء لانكن ما تكونن وياها هناك قصدي في العين .. شمه : اتصدقووون أحس بأن خالتيه تحس بأن منصور هووه نفسه ذياب .. (( ذياب: اخو ميره ومهره وراشد ومايد .. أصغر من ميره ومهره بسنه .. والمفروووووض يكون بعمر منصور .. بس الله ما رادله ,, توفى يوم كان عمره 11 سنه .. بالسرطان .. سفّروووه برع بس بدون فايده والله يعافينا ويعافيكم منه )) هنيه حسّن مهره وميره بالحزن .. صدت حصه صوووب شمه وهزت راسها على أساس أنها مب راضيه على الكلام اللي قالته.. حست مهره بحصه يوم لومّت بشمه .. مهره : ما في داعي تقولين جيه حصه .. لا تخافين وحتى لو ما ذكرتيه تراه بعده في قلوبنا .. وبمحاااوله من رفيعه عسبة تغير الجوو.. رفيعه : منو بيسير منكن الحين ... وحاولت ميره تكون ترد على طبيعتها قد ما تقدر .. ميره : يالله اللي يبغي يقوووم .. شمه : اسمحلي والله ما أرووم من استوويت محاربة السووووق.. وخصوصا الجمعيه هههههه مهره : مسموووحه والله .. بس بتتمين الا روووحج هنيه؟؟ شمه : ما عليه شر .. رفيعه : أنا بعد ما بسير .. ميره : وليش ان شاء الله ؟؟ رفيعه : بصفتي منوووووووه ان شاء الله حصه : بصفج بنت عم بنات خالتي .. رفيعه : لا والله حليتيها أونج.. ميره : يا ربي شو هالحاله .. وانتي مهره ؟؟ مهره : شو أسوي بعد بسير غصبا عني.. أبغي كم حايه مناااك حصه : انا بعد هب سايره ميره : خير خير الشيخه ... شو قلتي حصه : مااااااااااا بسيييييييييييييييير مهره : نعم نعم نعم.. وبتخلينا نركب ويا اخووج بروحنا ,, صدق قوااااة عين حصه : امممم بسير بسير خلاص ما في داعي تترجن .. خلاص دخيلكن خلاص.. ميره : آآآآآآبووووك يالنذااااااااااله .. ما تنلامين دام أن حمد اخوووووووووووووج... وكلهن تضاااااااااااااااااااااااااااااحكن عليها... ميره : يعني اللي بيسير الحين .. أنا ومهره وحصيص .. يااااناس غلط حصه : لا غلط ولا شيء إلا بروووووحكج عطيتي للموضوع سالفه وهووه ما يستاهل .. مهره : اسميج حصيص .. سكّتيهااااااا .. هههههههههه ميره : لا سكتتني ولا شيء .. اوووووبس الساعه اربع ونص .. ما شيء وقت .. بسير أسوي للدريول.. .. رفيعه : بتحصلين التلفوون في الصاله ميره : أوكيه.. ثاانكس شمه : اوووه ثانكس أونه حصه : بلااااج عليها ثقافة الاخت انجليزي ههههه ميره : وهذا وأنا ما طلعت حشيتن فيّه .. عيل شو لو ظهرت ؟؟ مهره : ميروووه تراج أخرتينا .. ميره : أول خلي بنات خالتج ييوزن عني مهره : انزيييين هههه ظهرت ميره وهيه تضحك وسارت الصاله وسوت لأمين الدريول تلفوووون .. ميره : السلام عليكم أمين أمين : وأليكم سلام .. ميره : (تسمع صوت ناقه واستقطعت ) أمين انته في العزبه ؟؟ أمين : هيه ماما .. ميره : الله ينطبك يا الخديه .. أبغيك توديني الحين الجمعيه.. أمين : ما يقدر ما ما .. با با محمد كلام ودي هازا ناقه مريز عند دكتور.. ميره : ( تتحرطم) يالله تعيناااااااا بعووونتك .. شو هالحاله ؟؟ أمين : شو ماما .. انتي شو كلام؟ ميره : ( معصبه ) ما شيء .. خلاص مع السلامه وسيده بندت التلفوووووون من الظيجه اللي فيها .. ردت ميره الحجره مطنقره.. ميره : اليوووم يوم النحاسه العالمي ؟؟ رفيعه : جيه ؟؟ ميره : أمين في العزبه مهره : هههههههه الله هب كاتبلكن سيره حصه : عطوني دقيقه بس .. بسير وبحل الموضوع وبيي .. ميره : كيف؟! حصه : قلت صبري شوي .. وطلعت وبندت الباب وراها .. سارت حصه صوب التلفون وسوت حق حرمة ابوها غايه .. حصه : السلام عليج امييه غايه : وعليكم السلام والرحمه حصه : وين انتي الحين ؟ غايه : في الصاله اللي تحت حصه : ااهااا .. فديتج بطلب طلب قولي تم.. غايه : عيوني تفدااج لا خليت منج حصه : تسلم عيونج غناتي .. بس بغيت أسألج اذا أقدر أستعير دريولكم لمدة نص ساااعه بس عسبة سيره الجمعيه عسبة دريول قوم خالوه مشغول ؟؟ غايه :افااا جيه دريولنا الا هوه دريولكم..و نص ساعه بس خذيه اليوم كله جان تبين .. حصه : لا فديتج بس نص ساعه .. غايه : خلاص الحين بسويله وبخليه اييكن .. حصه : تسلميلي فديتج .. غايه : ما سوينا شيء... حصه : يالله عيل مع السلامه.. غايه : الله يحفظج .. بندت حصه التلفون وهي مستانسه لانها حلت المشكله .. لا بعدها ما رمست منصووور .. لازم تسويله وتقنعه.. سوت حصه تلفون لمنصووووور. حصه : مرحباااا منيصير منصور : (عقب ما طلع برع الميلس) مرحبتين حصه : علووووووووومك؟ منصور : والله ما شيء علوم .. الحين عندنا كيميا وفيزيا ومن هالأمووووور حصه : هههههه .. عنلاتك .. المهم نبغيك تسير فيانا الجمعيه منصور : هييه قالتليه خالتيه عن هالسالفه .. والحين متى بتسيرون؟ حصه : الحين منصور : اوكيه .. ومنو بيسير ؟ حصه : أنا ومهره وميره .. منصور : (منصدم) منو منو منووووووووو؟ حصه :انا ومهره وميييييييره .. سمعت ولا أعيد منصور : مهره وميره ما غيرهن حصه : اهااااا منصور : انا أتحسب انج انتي وشميم وخالتيه ام راشد.. بس حصه : لا تتحسب .. اللي بيسير انا وانت ومهره وميره و الدريول منصور : وامهن مواافق؟!! حصه : هيه اللي قالتلهن منصور : اهاا .. خلاص عيل تماام .. حصه : اوكيه الحين بيي الدريول ..اركب انته وتريانا .. منصور : اوجيييييييييييه حصه : مع السلامه منصور : فداعة الله بندت حصه عن منصور وهيه طايره من الفرح انها حلت كل المشكله .. ردت حصه الحجره وهيه رافعه راسها .. حصه : بعد شوي بنروّح .. ميره : ويا منوووه؟ حصه : انتي قومي خلصي شغلتج ما في وقت .. وسارت ميره صوب العبي ولبست عباتها وشيلتها .. وشلت شنطة ايدها .. مهره مبهته) حووه حصيص .. رمسي عاد .. ويسمعن صوت هرن سياره .. وسارت حصه صوب الدريشه وشافت السياره واقفة جدام الفله.. حصه : بنسير فيا دريول اميه غايه .. وهو الحين يتريا تحت.. يالله بسرعه تلبسن عبيكن.. ميره : يا هي حاااله .. عيل جيه ما رمستي من قبل.. حصه : هههههههه نذاله مهره : الله يعينا بس ... سارن البنات ولبسن عبيهن ولبسن شيلهن وشلن شنطهن بسرعه.. حصه : يالله .. ميره : يالله مهره : تامرن بشي منااااك ؟ رفيعه : فيتامين سي اذا ما عليج امر .. مهره : وانتي شمه؟ رفيعه : اممم شرات رفووع مهره : تامرن أمر والله .. يالله مع السلامه طلعن البنت من الفله .. أول ما شافهن منصور عدّل سيته اللي كان سادحنه وعدّل يلسته.. ركبت حصه ورا منصور وميره في النص ومهره ورا الدريول.. وطبعا عقب ما سلمّن.. وأول ما طلعوا برع الحاره .. ووصلوا جدام دكاكين منصور : حوه سَليمووووه وقّف السياره .. سليم : انزين بابا .. حصه : ليش ؟؟ منصور : حركه منصور: اقول سليم .. انته ايلس هنيه في الدكان وعقب بخطف عليك .. تسمع هب تسير منيه ولا مناااك .. قر مكانك .. وخذ هالفلوس واشتر بهن سليم : ان شاء الله بابا نزل الدريول من السياره ودخل الدكان .. نزل منصور من مكانه وسار وركب محل الدريول وكمل طريجه ... مهره استحت لأن منصور يالس جدامها.. أما حصه .. حصه : منيصير ... تتمصخر ولا اشوووووه .. منصور : شيء من هالقبيل .. حصه : منصور لا تيب المشاكل لعمرك .. منصور : ومن وين بتي المشاكل ... وشوي ان تلفونه يصيح .. ويوم شاف منصور الرقم سيده شله .. غايه : مرحبا .. منصور : هلا والله غايه : منصور وين سليم عنك؟ منصور : ( عاد اهنيه تلخبط منصور ما عرف شو يقول) جريب .. غايه : فديتك عطني ايااه بغيت أتخبره عن حايه .. |
|
الجزء الحادي عشر
وشوي ان تلفونه يصيح .. ويوم شاف منصور الرقم سيده شله .. غايه : مرحبا .. منصور : هلا والله غايه : منصور وين سليم عنك؟ منصور : ( عاد اهنيه تلخبط منصور ما عرف شو يقول) جريب .. غايه : فديتك عطني ايااه بغيت أتخبره عن حايه .. ............................ منصور: هاااا شو .... سسسسسلييم توه داخل الدكان .. غايه : سويتله تلفوون وشاغلنه .. منصور : ما أدله والله .. يوم بيرد بخليه يسويلج .. غايه : خلاص عيل .. هب تنسى.. منصور : اان شاء الله غايه : يالله غناتي مع السلامه منصور : الرب حافظ.. تنهد منصور تنهيده خفيفه .. وعقب سيده سوا حق الدريول .. بس طلع مشغووووول .. منصور : الله ينطب شغلتك يا الخديه .. ميره ومهره وحصه مستغربات من تصرفات منصور .. رد منصور وسواا للدريول وحصله .. رمسه منصور وكان يرمس بصوت واطي منصور : سليم ويا راسك .. اسمع .. سو الحين حق ماما غايه تباك ولا تقولها اني انا اللي وديتهم تسمع ولا .. سليم : ان شاء الله بابا .. منصور : ويوم بتسكر عنها سيده أغلق التلفون.. سليم : اوكي بابا .. منصور : يالله مع السلامه .. بند منصور التلفون وعقب حطه على جرج السياره .. وعقب رد لحالته الطبيعيه.. منصور : هااه وين تبن ؟؟ جمعيه الامارات ولا الاتحاد .. حصه تصاصر ميره .. حصه : أي وحده تسيرولها دووم؟ ميره : الاتحاد .. حصه : نبغي الاتحاد.. منصور :غايته .. وتموا ساكتين شوي .. وعقب شغل منصور المسجل وحط شريط حمد العامري وبالتحديد غنيه الرمش أريشه ... ويوم وصلوا الجمعيه ..وقبل لاينزلون .. منصور : حد منكن عنده تلفون ؟ حصه : لا .. طلع منصور تلفون من سدة السياره وطلع بوكه وحط بطاقه في التلفون.. ومد ايده صوب حصه .. منصور : لا تشلين اي رقم غير رقميه ؟؟ حصه : اوكيه .. ونزلوا كلهم.. واتجدمهم منصور .. ويوم دخلوا الجمعيه وقف منصور ووقفن البنات عداله .. منصور : حصوه يوم بتخلصون سوي لي تلفون ؟؟ حصه: اوكيه .. سارن البنات في طريجهن وسار منصور صوب محل التلفونات .. وعقب ما خلصن البنات واشترن سامانهن.. بقى شي واحد .. قسم الحلويااات .. اللي ما ييوزن عنه.. وعقب ما خلصن سارن صوب الدفع .. وعقب ما خلصن ودفعن .. سوت حصه تلفون حق منصور. حصه : مرحبا منصور : مرحبتين.. هااه خلصتوا ؟؟ حصه : خلصنا ودفعنا والحين نحن عند الباب الرئيسي منصور : اوكيه ..انتن سيرن صوب السياره وانا بفجها لكن من بعيد وخلوا الحمالي يحمل السامان وانتن ركبن وتريَني .. حصه : متى بتي ؟؟ منصور : الحين عند الدفع .. حصه : اوكيه ركبن البنات السياره وترين منصور ... وشوي أن منصور طالع من الجمعيه شل كيس في ايده ومجله.. ويوم ركب السياره طلع سويجه وشغلها .. وعقب طلّع من الكيس فيتامين سي وحطه عداله .. وعطى الكيس لحصه .. منصور : حقج وحق البنات ... حصه : فديتك تسلم والله ... وكملوااااااااااااااااااااااااااااااااااااااااااااا طريجهم ... ويوم وصلوا الاشاره فج منصور مجلته ( مجلة عيناوي ) ويلس يتصفحها وشوي أن سيارة شرطه توقف عداله .. أول ما شافهم منصور بند المجله شوي شوي.. وعدل يلسته وعقب حمد ربه في قلبه ان السياره عليها مخفي .. والبنات في نفس الوقت زاغن .. الاشاره خضره .. ما صدق منصور سيده كمل طريجه ويوم شاف سيارة الشرطه لفت على الطريج الثاني ارتااااااااااااااااااااااااااااااااااااح ... وحاول يغير جو السياره شوي .. منصور : منو تتوقعون اليوم يفوز .. العين ولا الوصل .. حصه : انا أأقول الوصل.. منصور : وانتي ميره ؟؟ (( ميره في طبيعتها جريئه .. عادي ردت عليه .. وحبت تطفره )) ميره : أكيد الوصل .. منصور : اهااا وانتي مهره ؟ (( مهره ارتبكت ما عرفت شو تقول.. ويوم شافت أن ميره ردت عليه يتها شوية جرأة )) مهره : أكيد العين .. منصور : أشكر فنج والله هب شرات بعض الناااس .. حصه : هاهاهاهاي بنشوف ... منصور : اليوم كنت ناوي أسير المباراة ويا غيث بس الشيبه الله يهديه .. حصه : أحسن .. منصور : ما عليه قولي اللي تبينه .. أنا ما عليه من رمسج .. هههههههه ويوم وصلوا الدكان اللي خلوا فيه الدريول .. ظرب منصور هرن له وظهر لهم.. نزل منصور ورد محله وركب الدريول ويوم وصلووووووا نزلن مهره وميره من طرف وحصه من طرف.. نزل منصور .. وكانت حصه نازله من صوبه .. منصور : حصيص تحذرن أن اميه تعرف اني انا اللي مودنكن..... حصه : ههههههههه اوكيه سار منصور الميلس والبنات زقرن البشاكير يحملن السامان .. ويوم دخلن الفله شافنها هاديه .. ما فيها حد... ويوم تأكدن شافنها خاليه .. ويوم سارن المطبخ حصلن البشكاره بس.. ميره : ميري وين رفيعه وماما ميري : ما في معلوووم .. كلش سيري داخل سياره بعدين روح.. حصه : حلووووووووووو شكلهم روحوا العزبه .. مهره : إلا أكيد.. وفي الميلس .. وأول ما دش منصور ما حصل حد .. وقبل لاييلس صاح تلفونه .. كان ربيعه مسوله .. وعقب خمس دقايق تقريبا بند عنه .. ودايركت أول ما بند سوااا حق حمد تلفون .. منصور : مرحبا بو شهاب حمد : مرحبتين منصور : وينكم ؟؟ دخلت الميلس وما ريت حد حمد : في العزبه .. منصور : كلكم ؟ حمد : كلنا ما عدا اللي ساروا فياك . منصور : أها حمد : منصور هات وياك البنات وتعال منصور : أنا اييبهم حمد : هيه انته .. ما تروم؟؟ منصور :أفاا وأنا أخوووو بو شهااب .. أكيد أرووووم حمد : يالله عيل انقفظوا .. منصور : اوكيه .. حمد : هالله هالله في السواقه .. منصور: ان شاء الله حمد : يالله عيل مع السلامه منصور : مع السلامه وعند البنات.. حصه : بسير صوب منصور أشوف السالفه.. ويوم وصلت نص الحوي شافت منصور توه طالع من الميلس.. حصه : منصوووور.. تعرفن أنهم كلهم في العزبه؟ I know that.. منصور : حصه : احلف بس .. والحل الحين؟ منصور : الحل اننا نسير بيت خالتيه الحين حصه : والعزبه.. منصور : بنسير لها انزين حصه : صدق ؟؟ منو بيودينا؟؟ منصور : لا يكووون هب تارس عينج بس حصه : إلا تارسها ونص.. منصور : سيري يالله ما في وقت.. حصه .. اوكيه .. ردت حصه المطبخ وقالت للبنات ان منصور بيوديهن العزبه .. عادي ما استغربن.. تعودن عليه .. ركبن البنات السياره وساقها منصور وخلا الدريول يرد البيت مشي.. ويوم دخلوا السياره داخل البيت .. نزلن البنات ونزل منصور .. وقبل لا يروحن البنات طبعا بعد ما عقّن غشوتهن ..( منصور : حصوووه طرشي لي كندوره وغتره .. حصه : ان شاء الله .. منصور : وشوفن جدامكن عشر دقايق بس .. أبغيكن خالصات ومجهزات السامان وإلاااااااا ما شيء سيره .. بظربها خيانه وبروّح عنكن ميره : (بجرأة) النذااااله متأصله في عايله سهيل بن حميد .. منصور : (ما استغرب من ردها لأنه دايما متعود على جرءتها ) هههههههههه ..أقووول طافن دقيقتين .. روح عنهن منصوووووور وسار الميلس.. مهره : أقووول خلّنا نخلص بسرعه .. عن ما يطّبق رمسته صدق.. حصه : شوفن أنا بسير بييبله كندوره وغتره وبييب لنا شيل بيض .. وانتن صفن السامان اللي في السياره وحطنه في سله .. اوكيه يالله .. سارت حصه داخل الفله وحاولت تسرع قد ما تقدر لأنه تعرف أن إذا رمس منصور رمسه مرات يسويها صدق .. سارت حصه وطلعت شي بيض لها ولميره ومهره وعقب طلعت غتره وكندوره لمنصور.... ويوم خلصت سارت صوب منصور وعطته ثيابه وعقب سيده سرت عند البنات عطتهن شيلهن وبنفس الوقت لبسنهن .. وعقب ما خلصن .. سمعن صوت دق على الباب سارت مهره صوب دريشةالمطبخ ويوم شافت اللي يدق الباب.. ماعرفت شو تقووول.. ميره: منوووو؟ مهره: منـ ــ ـ ـصـووور.. حصه:انزين بلاج مستقطعه جيه.؟؟ ميره: فجي الباب... مهره : لا أنا لا .. ميره : اووووه أنا بسير سارت ميره وفتحت الباب منصور وقف عند باب المطبخ .. وحط ايده على الطرق الثاني من الباب منصور : شوووووو خلصتن ولا بعدكن ؟ حصه : خلصنا بس بزقر البشكاره تحط السامان في السياره.. منصور ما سوالهن سالفه شل السلة وقالهن .. بسرعه ورايه بالسامان الباجي.. شلت حصه السله الثانيه وشلت مهره الكيسه وميره شلت الصحووون .. ركب منصور السياره بعد ما فج لهن الدبه .. حطن البنات السامان الباجي في الدبه عقب ركبن .. ركبت حصه جدام .. ومهره وراها .. وميره ورا منصور .. ويوم طلعوا من البيت تغشن ويوم دخلوا البر عقّن الغشوه .. وفي العزبه .. رفيعه وشمه يالسات على راس العرقوب .. والعيايز داخل الزرب أما غايه واليازيه يالسات يوايجن عليهن من خاري .. ورواضي وعلاوي وميود وعنوووووووود يالسين يلعبون بالمريحانه اللي عدال العزبه .. والشباب والشيبه يالسين في الحظيره اللي تحت .. ويالسين يورون الظو.. رفيعه : مب جنهن تأخرن .. شمه : اهااا .. يعني رفيعه : ما يسوى عليهن هالمشاوي اللي بييبنها .. شمه : ههههه هيه والله ما يسوى عليهن رفيعه : (بعد ما لمحت لمعة سياره ) جنهم يَو.. شمه : وين ؟ رفيعه :هناك ( وتأشر على السياره ) شمه : هيه هاذي سيارتنا .. صبري صبري صبري رفيعه : شووووووو؟ شمه : مب جنه اللي يايبنهم منصور ؟؟ رفيعه : أظني .. شمه : جيه... ما يبا عمره هذاالخبيل؟؟ رفيعه : ليش يعني؟ شمه : حمد ما يباه يسوق من الحين... رفيعه : اهاااا .. ومنصور كم عمره الحين شمه : من شهرين تقريبا دش سبعتعشر سنه .. رفيعه : خلاص هانت في اقل من سنة بياخذ الليسن .. شمه : ان شاء الله .. وعقب هالرمسه كلها اقتربت سياره قوم منصور من العزبه.. وفي السياره ... حصه : منصور دخيلك رقنا هالعرقوب صوب رفوع وشميم .. ميره : وتكووون معتبره بعد.. مهره من النوع اللي ما تحب رقيات العراقيب ولا اليبال ... ما عرفت شو تسوي .. فقررت تسكت وتخوض هالمغامره .. بالنسبه لها طبعا ... العرقوب متوسط الحجم .. بس رقيته صعبه شوي .. بس منصور يحب يتحدى نفسه .. قرر يرقي العرقوب .. منصور : تيودن عدل .. ويرقي العرقوب ويوم توه بيوصل ..غرّررررررررررز .. حاول منصور يطلع السياره بس ما رام .. العرقوب كان غزير شوي .. منصوووووور : اووووووووهوووه هذا وقته الحين .. مهره : ( بجرأة وأول مره ترمس جيه )ههههه دواااااااااااكم استغربوا كلهم من ردها .. أول مره تتجرأ مهره وترمس... شافتها ميره بنظره استغراب .. هنيه حست مهره باللوم .. ( مهره ما تاخذ وتعطي إلا مع الناس اللي دوم وياهم ومرتاحتلهم .. وهذا أكبر دليل أن مهره إرتاحت حق منصور ) ... منصور : أقول.. انزلن الحين وسيرن وين تبن وأنا بزقر الشباب .. حصه : أوكيه نزلن البنات وقبل لا تنزل ميره .. ( طبعا ما يهون عليها تنزل قبل ما تطفر بمنصور .. ميره : مشكور على التصعيده المعتبره .. وسيده بندت الباب اتظيج منصور على رمستها .. .. وقال :: أوكييييه بنت ثاني ..مردووووده.. نزل منصور من السياره وسوا تلفون لغيث .. منصور : مرحباااا غيث : مرحبتين منصور : شحالك؟؟ غيث : تمام يالهوّام.. منصور : ههههههه .. خل عنك الحين .. تعال ابغيك تفزع لأخوك غيث : خير ان شاء الله شو مسوي بعد ؟ منصور : بس مغررررررز .. غيث : اووووووووووووووب وين؟ منصور : هنيه على العرقوب اللي مجابلنكم.. غيث : اهااا ... اوكيه بطرشلك حرووووب و بو شهاب .. منصور : جيه ما تي انته .. ان حمد درى بيسويلنا سالفه.. غيث : ياا خي الشيبه هنيه متولني ولااااااااااااه يباني يوري الظو .. منصور : وليش محد غيرك يوريها.. غيث : معزر علّيه إلا أوريها اليوم .. وسمع الشويبه طاريه .. محمد : غيثووه منو الشيبه ؟ غيث : سلااااامتك الشيخ محد ياب طاريك .. محمد : شو قالولك أصمخ .. ويشيطه بالعصا .. غيث : آآآآآي .. ( ويرد يرمس منصور ) زين جيه .. منصور : دواااااااااااك .. حد قالك تحط دوبك بدوووبه .. غيث : اهاااا يعني الحين درت ضدي .. أوكيه .. غيث : ( موجه رمسته لحمد ) ترا اخوك..... حمد : بلاااه منصور : غيث ... غيث : ( ويرد يرمس منصور )مشكلتك جيه تدور ضدي .. منصور : لا والله .. بزوالك جان خبرته .. غيث : يا خي ما أدري ليش فيّه عرج نذاله .. غيث : ( يرمس حمد ) ترا اخوك غرز بالسياره .. منصور : عنلااااااااتك .. حمد : عطني اياااه .. غيث : (يرمس منصور) ههههه دورلك صرفه الحين ( ويفر التلفون على حمد ) حمد : هلا منصور : أهلين حمد : الحين صدق مغرز ولا .. منصور : صدق حمد : وين ؟ منصور : العرقوب اللي مجابلنكم .. حمد : وانته شو مودنك هناك ؟؟ منصور : البنات يبن أوصلهن هناك عند شميم وبنت سالم حمد : هااااا ... شووو .. ماعليه الحين ياينك .. منصور : ( مستغرب ) اوكيه حمد أول ما سمع طاري بنت سالم تلخبط .. بس طبعا حاول ما يظهر شعوره جدام الشباب حمد : حارب قوم فيايه بنسير عند منصور .. حارب : يالله ركبوا الشباب سيارة حمد وقبل لا تتحرك السياره شافوا روضه تربع صوبهم .. نزّل حارب الجامة .. حارب : رويض.. شو تبين؟ روضه : أبغي أتيل فياكم .. حارب ..أووه أووووه قمنا نرمس برمسه غير رمستنا .. حمد : وبلاها رمستنا؟ حمد : رويض حبيبي تعالي هنيه ما عليج منه .. سارت روضه صوب حمد .. فج حمد بابه وركب روضه وحطها في ثبان حارب .. حارب : لا والله .. توك تقول ما عليج منه.. حمد : هههه زلة لسان وساروااا صوب منصور وعند البنات .. وعقب ما عرفن أن الشباب بيوون غيروا مكان يلستهم .. وهن يمشن سمعن صوت سياره صدن البنات وشافن سياره حمد .. وردن يكملن طريجهن .. بس رفيعه مع أنها غيرت وجهه نظرها إلاّ أنها تحس أن عيونها ما فارقت السياره .. انتبهت ميره لرفيعه وابتسمت لها .. ردت رفيعه وابتسمت لها .. ويوم حصلن البنات عرقوب ذا موقع استراتيجي يلسن فيه .. وهالعرقوب مجابل العزبه سيده وعلى اليمين عراقيب وعلى اليسار وين مغرزين الشباب .... بس هم بعيدين عنهم شوي .. نزل حمد من السياره .. ونزل حارب وراه .. وخلوا روض في السياره .. طبعا بعد ما بندوها وخذوا السويج عسبة ماا تتعبل فيه رويض .. سار حمد صوب التواير وحفر تحتهن وحفر حارب من الينب الثاني ومنصور يساعدهم .. حمد : طلعها ركب منصور السياره بس بعدهااا .. مغرزه .. شاف جارب حكب عداله .. ياب حطبه مسطحه شوي وحطها جدام التاير وعطى حمد بعد قطعه عسب يحطها من صوبه .. حمد : يالله الحين .. حاول منصور يطلعها وعقب كمن محاولة طلعت .. حمد : عاااد هالله هالله بالسواقه مره ثانيه منصور : ان شاء الله .. حارب : انزين منيصير بتسير ويانا.. منصور : وين؟ حارب: نتحوط شوي.. منصور : لا والله اسمحولي مال بارض اسير بقعه .. حارب : مسمووح.. حمد : يالله حروب قمنا نسير.. وبنفس الوقت كانت روضه يالسه مكان حمد في السياره .. وفجاة ظربت هرن .. البنات أول ما سمعن الهرن صدن صوبه لأنهن ما عرفن شو السالفه .. كان حمد يظحك وساير صوب روضه وحارب كان توه راكب السياره .. البنات ما انتبهن لحارب لانه كان في السياره .. بس انتبهن لحمد.. ساروا الشباب يتحوطون ويوم توهم بيظهرون عن نطاق العزبه .. روضه : أباااا ماي .. حارب : عندك مااي .. حمد : لا والله ما عندي .. حارب : والحل .. البنت تبغي ماااي .. حمد نردها العزبه .. حارب : لا لا .. ما فينا نرد .. ما صدقنا الشيبه يفجنا .. حمد : هههههههههه عيل .. حارب : بعطيها رفوووع وهيه بتشربها مااا.. حمد ما صدق خبر .. دايركت نفذ الاقترااااح.. حمد : شورك وهدايه الله .. (( طبعااا وقلبه طاير من الفرحه )) سار حمد صوب يمعن البنات بس قبل لا يوصلون ظربوا هرن .. أول ما شافن البنات انهم يايين صوبهم سيده تغشن ..... ويوم وصلوا هندهم .. نزل حارب روضه من الدريشه .. ومحد لاحظ أن في يده رجفه خفيفه.. لازم بيشوووف ميره .... ومحد كااان متعور غير رفيعه ومهره .. حارب : السلام عليكن بنات .. شحالكن ؟ البنات : بخير الحمد لله .. حمد رافع ايده يسلم .. حمد : السلام عليكن .. رفيعه نزلت راسها البنات وعليكم السلام ... حارب : رفيعه ما عليج اماره بس ... شربي روضه ماي لانها عطشانه .. رفيع : ان شاء الله .. سمعها حمد وفز قلبه .. تذكر الرمسه اللي قالتله اياها في السياره يو كانوا في الستي.. طبعا حمد ما صد صوبهن إلا يوووم سلم .. وحمد مشغل المسجل وحاط غنيه يا حمد مال حمد العامري .. ويوم تحركوا الشباب طول حمد على المسجل .. ( شفته ولا أدري شحلبي .. مشي القطا وعين الظبي.. في وين شفته يا حمد .. شفته أنا في بوظبي ) حمد : (في قلبه .. ليتك قلت .. + (في وين شفته يا حمد ... شفته أنا في الستي)+ .. بس هذا لو الشور عندي.. كملوا الشباب طريجهم .. وعند الشباب اللي في الحظيره .. منصور توه داش عليهم .. منصور : السلام عليكم .. الموجودين : وعليكم السلام .. يلس منصور حذال الشيبه .. ويلسوا يسووووووولفون .. ورفيعه شربت روضه ماي لان كانت في الأساس يايبه وياها دبة ماي صغيره .. وعند صلاة المغرب صلن البنات فوق العرقوب وعقب ما خلصن نزلن تحت... سارن صوب الحظيره الثانيه ... اللي فيها الحريم .. يلسن ويابن المشاوي .. وحطنه في الأصياخ وجهزنه في صحن وطرشوووه صوب الشباب عسب يعابلون فيه .. والبنات يلست دور ما داير على الظو ويلسن يسولفن .. حمد وحارب ... موقفين السياره على طرف الشارع .. حمد : شو راسك الحين ؟؟.. حارب : الحمد لله الحين أحسن .. حمد : تباني أردك البيت ولا الشووو ؟؟ حارب : لا لا .. شو تردني البيت .. أخلي هالكشته كلها عسبة عوااار راس ما يسوى .. حمد : والله برايك .. أنا شرت عليك .. بس انته الله يهديك .. حارب : خل عنك هالرمسه وقمنا نرد العزبه .. ردوا الشباب العزبه... وساروا حظيره الشواب ويلسوا فيها .. كان الشيبه يعقد الحبل اللي عنده .. وغيث يعابل في الظو .. وراشد ومنصور يسولفون .. وحمد وحارب يالسين .. ويسولفون .. شوي ويا الشيبه وشوي ويا الشباب الباجين .. منصور : أظني أنا المشاوي يبالهن الحين ينحطن .. راشد : هههههههه.. إسأل أخوووك بو شهاااب .. خبير في طبخ المشاوي منصور : شو حمد نحطه ولا ..؟ حمد : حطه شو تتريا بعدك .. صفوا الشباب المشاوي ويلسوا يعابلونه والبنات يرتبن العشا ويخلنه جاهز .. عسبة يطرشنه عقب مره وحده .. وعقب ما خلصت قامن كلهن وسارن صوب المريحانه ..يلسن رفيعه ومهره وحصه داخل المريحانه وميره وشمه يدزنها بالخفيف من الطرفيين .. وعقب نص ساعه تقريبا ..وعند الشباب .. كان كل ما ينظا صيخ من المشاوي كان منصور يعفد عليه ويوزع على الشباب وعلى شويبتهم.. غيث : منصور حط ايدك عليهن وشوف شو بيستويبك .. منصور : شو بتسوي يعني ؟ غيث : جرب وشوف .. حاول منصور يجرب يده من المشاوي وكان في نفس الوقت منتبه لحركاات غيث .. وشوي أن غيث يطلع الصيخ اللي حاطنه عدال الظو ويجربها على يد منصور .. أول ما انتبه منصور سيده خّوز ايده.. منصور : عنلاتك تبا تحرق يديه.. غيث : هههههههه وامبونه محد مطرشنك تاكل.. منصور : يا خي ما تعرف المثل اللي يقول اليوع كافر.. وكلهم تضاحوا عليه لأنه ياب الجمله بشكل يظحك .. والبنات يالسات على العرقوب.. ومجابلات الحظيره .. ويلسن يتظاحكن يوم شافن منصور ظاهر من الحظيره وغيث يروغه بالصيخ الحار.. محمد : عجب ياللي ما فيك ادب.. شو لكم من الحايه في الولد.. غيث : بس جيه.. منصور : عااد ترضى يا يدي .. محمد : لا والله ما أرضى.. غيثووه بتخووز عن اخووك والا اييك بالعصا الحين... غيث : هااااااااااه .. يبنا طاري عصا .. خلني أيلس أحسن .. سادتنيه الظربه المساعيه.. منصور يسير صوب يده ويحبه على راسه .. منصور : فديت يدي أنا .. حمد : ههههه لازم .. مر الوقت ولا حد حس به وعقب ما صلوا لعشاء تعشوا.. بس منصور ماكان ويا الشباب .. كان يالس في سياره حمد وكان سادح السيت شوي .. وحاط ريله فوق فتحة المكيف... وكان عاق غترته .. يعني كان ماخذ راحته .. كان موقف السياره فوق عرقوب صغير عدال العزبه .. كان يشوف المباراة .. بين العين والوصل .. كان الشوط الثاني توه بادي .. و البنات وعقب ما تعشن يلسن فوق العرقوب اللي كانن يالسات عليه العصر .. وكان منصور موقف السياره على يسارهن .. ميره : ظنكن شو يسوي منصور في السياره .. شافت شمة ساعتها .. شمه : ههههههه الأخ يتاااااابع المباراة .. حصه : الله يعين عيل.. رفيعه : ليش ؟ مهره : الاخوات حصيص وميروووه حبن يغايظنه .. وقالن ان الوصل بيفووز .. رفيعه : اهاااا .. شمه : عيل الله يعينكن على رمسته اذا فاااز العين .. وعقب فتره من السوالف ... سمعن البنات صوت سيارة منصور تتقرب صوبهن .. وكان مبند الليت ... وقف السيارة جدامهن البنات كلهن ما تغشن إلا رفيعه .. ميره : ليش تتغشين .. أولا الدنيا ليل .. ثانيا منصورمحد يتغشى منه غيره .. اقتنعت رفيعه برمستها أن الدنيا ليل وما بيقدر يميز.. نزل منصور من السياره .. ووقف شوي بعيد عن البنات .. كان شكله مبهدل .. الغتره على الجتف والكندور كويتيه ومبطل عقمها اللي فوق.. منصور : مرحبا البنات : مرحبتين .. منصور : وين مهره ؟ استقطعت مهره ما عرفت شو السالفه ؟؟ مهره : نعم .. ويوم انتبه لمكانها .. سوا بإيده حركه ..(( أوكيه )) وصد صوب ميره وحصه اللي كانن يالسات عدال بعض .. وجلب ايده على أساس يعني ..(( بااااااد )) .. منصور : هارد لك لكن .. ( يأشر عليهن ) ولا تحطكن راسكن براس الزعيم مره ثانيه .. روّح منصور عنهم وركب سيارته ونزل عنهن ورد عند الشباب.. شمه : هههههههههههما قلتلكن .. ميره : اووووووووووووب يا حصيص أخووووووج سكتنا .. وعلى الساعه تسع ونص كلهم ردوا البيت .. رفيعه وأهلها ردوا االبيت والباجين ردوا بيت ثاني( قوم راشد ).. ردن البنات هلكانات .. سيده تسبحن ورقدن كلهن في حجرة وحده واما العيايز تيمعن في حجره ويلسن يسولفن والشباب منهم اللي رقد ومنهم اللي سار يحوط والشويبه رقد لأن وراه نشه الفير .. وعلى الساعه ثنعشر فليل .. كل اللي في البيت كان راااااااقد.. ما عدا مهره .. كانن خواصرها يعورنها .. حاولت تيود الألم بس ما قدرت .. لدرجه انها تمت تون طول الليل وعلى الساعه وحده ما قدرت تتحمل أكثر.. كانت حصه راقده عدالها.. مهره : حصه .. وحصه من التعب ما استجابت لها .. مهره : (الألم وصل حده ) آآآآآآآآآآه حصه |
|
الجزء الثاني عشر
وعلى الساعه ثنعشر فليل .. كل اللي في البيت كان راااااااقد.. ما عدا مهره .. كانن خواصرها يعورنها .. حاولت تيود الألم بس ما قدرت .. لدرجه انها تمت تون طول الليل وعلى الساعه وحده ما قدرت تتحمل أكثر.. كانت حصه راقده عدالها.. مهره : حصه .. وحصه من التعب ما استجابت لها .. مهره : (الألم وصل حده ) آآآآآآآآآآه حصه ....................... بعد ما استوعبت حصه الوضع .. حصه : بسم الله الرحمن الرحيم .. ميره .. شو بلاج؟؟ ميره : ( تصيح وميوده خواصرها ) دخيلج يا حصه ازقري اميه ولا أي حد بسرررررررعه .. حصه : ميره .. شو يعورج ؟؟ ميره : (تصيح بقو ) دخيلج ياااا حصه بسررررررعه .. حصه زااااغت .. بسرعه دورت شيلتها وبسرعه طلعت برع .. استحت تدق على خالتها .. لأن ريلها بو راشد راقد بعد .. دقت على باب حجرة امها .. ويوم مالقت اي استجابه .. دخلت .. وعت امها .. ام حمد : بسم الله الرحمن .. حصه .. شو بلاج ؟!. شيء يعورج ؟؟ حصه : لا يا اميييه أنا ما فيه شيء .. ام حمد : عيل حصه : تعالي بقولج برع عسبة ما نحشر اليهال وخالوه.. قامت ام حمد متثاجله .. حصه : اميه دخيلج بسرعه .. زخت حصه امها من ايدها وودتها الحجره اللي فيها مهره .. وشمه وميره في الحجره الثانيه.. أول ما شافت ام حمد مهره .. زااااغت .. مهره : ( تصيح ) خااااالووه أم حمد : بسم الله عليج فديتج .. شو بلاج ؟؟ مهره : دخيلج خالووه دورواااا حد يوديني المستشفى بسرعه .. آآآآآآآآي أم حمد : ان شاء الله يا بنتي .. ام حمد : حصه سيري سوي حق اخوووج حمد بسرعه خليه يشغل سيارته..وأنا بساعدها تلبس عباتها .. وانتي يايه بعد هات ي وياج عباتيه وشيلتيه... حصه : ان شاء لله .. تركظ حصه صوب تلفون الصااله .. وتسوي تلفون لحمد .. حمد كان رقاده سطـّاحي.. يعني هب راقد ولا هو بواعي.. يعني نص نص.. انتبه حمد للتلفون.. شله بسرعه وطلع برع ... حصه : الوو حمد :الوو حصه : حمد حمد : لا البقااااله.. حصه : صدق انك متفيج .. حمد : خير ان شاء الله شو عندج ؟؟ حصه : بسرعه أبغيك تودينا المستشفى .. حمد : ( منصدم ) المستشفى ؟؟؟؟ .... ليش؟؟ حصه : مهره تعباااانه وايد .. حمد : اوكيه ياالله طلعن بسرعه .. بندت حصه عن حمد .. وسارت عند امها بعد ما يابت عباة امها وشيلتها .. حصه : اميه .. تبيي أسير فياكم ؟؟ ام حمد : هيه فديتج يالله بسرعه .. سارت حصه بسرعه ولبست عباتها .. وعقب ما خلصت سارت ويابت شنطتة مهره وطلعت من بوكها بطاقتها الصحيه .. وسارت وحطهاا في شنطتها ... وطبعااا كل هذا بسرعه بسرعه .. يودت حصه مهره من ينب وام حمد من الينب الثاني .. ونزلن من الدري شوي شوي .. وحاولت مهره قد ما تقدر تتحمل الألم عسبة ما تخلي اللي في البيت يحسووون بهاااا .. طلعن البنات في الحوي ... دخل حمد بسيارته .. وهب مستوعب الموقف اللي فيه ابدا ... كانت مهره متغشيه وتترنح في المشيه ... ويوم وصلوا السياره ركبت ام حمد جدام طبعاعقب ما ركبت مهره وراها .. وحصه يلست ورا حمد .. ام حمد : فديتك بو شهاب ودنا المستشفى بسرعه .. حمد : أي مستشفى ؟! مهره : ( تصيح ) دخيلكم بسرعه .. حمد ما عرف شو يسوي .. أول مره يشوف مهره بهالحاله .. ما توقع في يوم يشووفها جيه.. طلع حمد االسياره برع وقرر يسير المستشفى اللي يتعامل وياااه أكثر وهو مستشفى دبي.. مهره ومن زوووود الألم ما حست باللي حواليها ... يودت خواصرها ونزّلت راسها لركبها .. طاحت غشوه مهره ..بس مهره ما عطتها سالفه .. لأن من الاساس هيه مب في حاله تستحق انها تعطي للغشوه أهميه.. وبعد توجع وآلام الطريج .. وتهدئه من ام حمد وحصه .. وصلوااااااا المستشفى .. دخلوووووووها بسرعه قسم الطوارىء.... وبعد ساعة تقريبا .. طلع الدكتور من عندها .. ام حمد وحصه يالسين .. ام حمد تدعو ربها .. وحصه فيها صيحه بس ميودتنها .. حمد واقف على اليدار حاط ايده ورا راسه .. بدون غتره ولا شيء .... اول ما شاف الدكتور سار صوبه بس ام حمد وحصه ما سارن .. استحن يسيرن له .. لأنه مواااااطن .. حمد : مرحبااا دكتور .. الدكتور : مرحبتين .. حمد : ها دكتور طمنا الدكتور : انته شو تي حق المريضه ؟؟ حمد : ولد خالتها .. (ويأشر على أمه ).. وهاذي خالتها الدكتور : اهااا .. ممكن تلحقوني الغرفه شوي ... حمد : ان شاء الله دكتور مشوا قوم حمد وحصه وام حمدوتجدمهم الدكتور .. كانوا حاسين بشيء.. وصلوا الغرفه .. يلس حمد جدام الدكتور وحصه وامها على الغنفه الطويله اللي ورا حمد .. حمد : خير يا دكتور .. قول اللي عندك الدكتور : الله يسلمك الحين المريضه راقده ... عطيناها مهدىء وهذا اللي ساعدها على الرقااد .. (فتح الملف اللي كان جدامه) .. وهذا الملف هوه ملف التحليل .. حمد : طمنا الله يطمنك.. الدكتور : سوينا التحليل .. خواصرها ما فيهن شيء يستاهل تخافون عليه .. بس كلت شيء ما تستقبله جليتها .. وقلة الماي اللي تشربه ...وعلاجها بسيط وااايد.. الجميع : الحمد لله الدكتور : ( بتردد ) بس..... حصه : ( بنبرة خوف ) بس شو يا دكتووور ..؟؟؟!!!! الدكتور : ونحن نحلل دم المريضه حصلنها فيهاااااا .... سرطان الدم.. حطت حصه ايدها بقو على ثمها .. وفجرت اللي في خاطرها ولوت على امها اللي بدورها صاحت .. حمد .. نزل راسه وبعينه دمعه.. حمد : لا حووول الله الدكتور : أدعوا لها بالشفااا .. نحن بنسوي اللي علينا والباقي على لله.. حصه : ( بعصبيه ) لا تسوون شيء .. ما نبغي منكم شيء .. كافي انكم جتلتوا اخوها ذياب .. حرام عليكم حرااااااام وتيلس على الأرض وتقبظ ايد امها وتصيح على ريولها ... حمد : ( معصب من رمستها ) حصــــــــــــه ... الدكتور : المووت حق يااختي والأعمار بيد الله .. الله كاتب له يمووت .. نحن سوينا كل اللي علينا . ما خلينا علاج ما عالجناه ما خلينا دوا ما عطيناه ... ما خلينا طريقه ما استخدمناها .. بس جسم ذياب رفض العلاج .. وهذا كله بأمر ربج .. ونحن ما بيدينا شيء حصه زادت من صياحها بعد كلام الدكتور.. حمد عصب عليها .. مب زين جيه تسوي جدام الريال .. صح ان قلبه تقطع ميه ألف مره على هالخبر بس مع ذالك ميود اللي في قلبه .. قام حمد من على الكرسي .. يود حصه من ايدها .. زخها من جتفها وهزها بقو .. حمد : حصه .. اللي الله مقدرنه بيصير .. وصياحج ما بيغير شيء من اللي بيستوي .. ومحد بإيده يغير المكتووووووب .. حصه سكتت .. حمد فج ايدها .. حصه تشوف حمد بنظرات وحمد نفس الشيء .. تموا ساكتين شوي وفجأة تلوي حصه على حمد بقو .. وهيه ساااااااكته بس عينها ما وقفت الدمووووع .. وام حمد يالسه على الكرسي ومنزله راسها وعينها تدمع .. وتصد حصه صوب الدكتور .. حصه : أقدر أشوفها .. الدكتور : اممممم .. تقدرين بس اذا وعدتيني أنج ما تصيحين عندها .. حصه : أوعدك بس دخيلك ابغي أشوفها .. الدكتور : أوكيه .. خذي لج خمس دقايق لين ما تريحين وتهدين وعقب بدخلج ... حصه : لا الحين أبغي أشوفها .. الدكتور : ان شاء الله ... ان شاء الله طلع الدكتور وطلع حمد وراه ... وحصه وامها ورا حمد .. ويوم وصلوا الغرفه .. دش الدكتور داخل .. تطمن على الوضع ورد وظهر مره ثانيه .. حمد كان يالس عدال امه وحصه واقفه عدال الباب تتريا الدكتووور.. الدكتور : مثل ما وصيتج .. حصه : ( تمسح دمعتها ) ان شاء الله .. وقف حمد يرمس الدكتور.. وحصه دخلت داخل.. دخلت الغرفه .. مهره طايحه على السرير شكلها تعبان .. ويهها شاحب .. حصه ما كانت تتحمل هالموقف.. حاولت أنها ما تصيح لاكن ما قدرت تتحمل... أخرت وراها .. بعد ورا بعد ورا ..لين ما صدمت اليدار .. حطت ايدها على ثمها وتحاول تمسك صيحتها .. نزلت شوي شوي لين ما يلست على الأرض .. حطت راسها على ركبتها ويودت ريولها بإيدها .. .. وتنتابهااااا لحظة هدوووووووء وألم .... (( ليش يا ربي ليش ؟؟ مهره ما تستاهل .. يااااااااااا رب .. يالله انك تسهل عليها وتشفيها من اللي فيها .. يا رب انك ما تاخذها منا شرات ماخذت ذياب اخوووها .. يالله يا رب أسألك أنك تساعدها )) وبعد ما أقتنعت حصه بالواقع ... وانهارت. قامت .. مستثجلة في المشيه .. متمسكه باليدران .. كل شوي وتصد على مهره .. وأخيرا طلعت .. حمد شافها .. حمد : هاه يا حصه شو حالها ؟؟ حصه ما عطته سالفه .. لأنها أصلا ما سمعته كانت منهاره نهائيا .. سارت صوب كرسي بعيد عنهم .. يلست.. نزلت راسها .. حمد مستغرب منها .. بس حس ان هاي ردة فعل طبيعيه .. رد حمد يكلم الدكتور .. حمد : ولين متى بتخلونها عندكم .. الدكتور : باجر المغرب ممكن تاخذونها .. حمد : وليش هالوقت كله ؟؟ الدكتور : بنرد نسويلها تحليل .. بس هالمره شامل .. وبنرتب لها أدويه على حساب تحليلها.. حمد : ........... الدكتور : لا تقطع الأمل بربك .. حمد : ان شاء الله الدكتور : خلاص عيل بخليكم الحين .. تامرون بشيء ؟؟ حمد : لا .. بس بغيت أسألك إذا المريضه تعرف ولا لا ؟؟ الدكتور : الصراااحه لين الحين ما قلنالها ... باجر الصبح بنقولها ولازم حد منكم يكون معانا .. حمد : ان شاء الله الدكتور : يالله عيل بخليك حمد : مشكوور يا دكتور .. الدكتور : العفو والله .. يروح الدكتور .. حمد يشوف الساعه .. الساعه ثنتين إلا عشر..حمد يصد صوب اخته اللي على حالها .. ويرد يصد صوب امه .. اللي منزله راسها بعد بس أهون عن حال حصه.. ورد يصد صوب حصه .. تنزل دمعه من عيونها .. حمد ما تحمل هالوضع.. حمد يحب حصه وااايد وما يحب يشوفها بهالوضع.. سار صوبها .. يلس عدالها .. رفع راسها بإيده .. مسح دمعتها.. حط ايده على ايدها .. حمد : حصه حصه : ............. حمد : خلاص ما أبغيج ترمسين .. أبغيج بس تسمعين وتركزين في اللي أقوله .. حصه :........... حمد : الله ابتلا مهره بالمرض .. وهذا شيء الله كاتبنه ولا بيدننا نسوي شيء عسب نمنع قدرنا ... حصه :........ حمد :الدكاتره بيسوووون اللي عليهم .. بيحاولون يساعدونها وطبعا مساعدة الرب هيه الأولى حصه : .......... حمد : ولازم انتي بعد تسويين اللي عليج .. حصه : ( بنبره متقطعه وحزينه) شو قصدك؟؟ حمد : قصدي أنج تخففين عنها وترفعين معنوياتها وتقنعينها أن ما شيء عند الرب مستحيل .. حصه : (تمسح دمعتها) .. بحاول .. حمد : ما أبغيج تحاولين .. أبغيج تنفذين هالرمسه .. إذا كنتي تحبين مهره فسوي اللي قلتلج اياااه .. لأنها وفي هالوقت محتاجة لهالشيء .. حصه : ان شاء الله حمد حب حصه على راسها .. حمد : انا بسير أدور عن حجرة فاضيه نبات فيها اليوم ... حصه : وحاول تحصل حجره قريبه من مهره .. حمد : ان شاء الله .. سار حمد صوب الرسبشن .. ودور عن حجره فاضيه .. وبعد عناااء من البحث حصل حجره بينها وبين مهره حجره ... سار حمد صوب هله .. ووداهم الحجره .. أم حمد رقدت على السرير وحصه رقدت على الكرسي اللي يتحول إلى سرير .. وحمد طلع عنهم برع .. ركب سيارته .. طلع عن حدود المستشفى .. ما عرف وين يرووّوح .. فما لقى غير البحر اللي بيواسيه ... سار صوب الممزر .. نزل من السياره .. سار ويلس على وحده من الحصى الكبار المجابلات للبحر.. شبك ايده ونزل راااااسه .. وتنهد .. فجأة يخطر بباله حارب.. حارب أقرب واحد لقلبه .. صح أن مانع وياه 24 ساعه بس مع ذالك يرتاح مع حارب أكثر عنه بشوي.. طلع حمد تلفونه .. دور رقم حارب.. اتصل له .. فجأة يوم شاف الساعه كانت ثنتين ونص .. سيده كنسل الاتصال .. حمد : يا فضيحتيه شو أبى بالريال هالوقت ... ويصيح تلفونه .. المتصل.. حارب بن سالم حارب : مرحبااا والله حمد : مرحبتين .. حارب : علومك ؟؟ حمد : الحمد لله حارب : غريبه .. أول مره تدق لي مس كوول وفي هالوقت .. حمد : السموحه عيل .. أزعجنااك حارب : لا والله .. أصلا منو قالك أني كنت راقد .. حمد : عيل؟؟ حارب : تبغي الصرااحه .. ما ياني الرقااد .. حاس بظيجه ما أعرف من شو ؟؟ حمد : ووين دارك الحين ؟؟ حارب : طلعت شوي عسبة أغير جو.. أنا الحين في طريجيه صوب الممزر.. حمد : أنا في الممزر .. حارب : احلف ..شو يوديك هناك هالوقت ؟؟ حمد : انته تعاال وبعدين بخبرك.. حارب : حمد .. شو مستوي ؟؟ زيغتني حمد : حاارب والله اني محتاجلك الحين .. حارب : افااا يا بو شهاب الحين ياينك.. ويبند حمد عن حارب .. وبعد ثلاث دقايق .. يبركن حارب سيارته عدال سيارة حمد .. سار حارب صوب حمد ويلس عداله .. حارب : خير يا بو شهاب .. شو بلاك؟ حمد : ........... حارب : حمد أرمسك أنا .. حمد : شو تباني أقولك ؟؟ حارب : كل الي بخاطرك حمد : أقوولك شو ولا شووووو.. يا حارب حارب : حمد لا تلعب بأعصابي ..قول يالله حمد : أقولك أني توني ياي من المستشفى حارب : بسم الله الرحمن .. شو مستوي ؟؟ حمد : مهره ... عااااد تخيلوا شكله .. حارب : مهرررررررررره .. شو بلاها ؟؟ شو مستوي .. دخيلك يا حمد ارمس.. حمد : مهره فيهااااا ...... حارب : ( معصب ) حمد ارمس أحسن لك.. حمد : مهره فيها سرطان الدم حارب : ( مب مستوعب ) شوووو تقوووول ؟؟ حمد : مثل ما سمعت.. حارب : مهره ... مهره بنت عمي ثاني .. حمد : هيه مهره بنت عمي ثاني.. حارب انصدم .. ما رام يرمس.. عيونه خانته .. نزلت دمعه واللي قيس ما حاول يمنعها من انها تنزل .. حارب : لا لا إلا مهره.. حمد : ........... حارب : ( يود راسد بإيده ) حمد : ( يحط ايده على ظهر حارب كأنه يحاول يهديه .. حارب : فديتك يا حمد أنك تقول أن الرمسه اللي قلتلي اياها كلها جذب.. وأنا مهره ما فيها شيء .. دخيلك قول .. حمد : ( مستغرب من ردة فعل حارب اللي في عمره ما توقعها منه ) حارب .. أنا مودنها المستشفى فيا اميه وحصه .. وأنا اللي رمسني الدكتوووور.. كيف تباني أجذب عليك .. حارب : ( بعد ما وقف ) في أي مستشفى ؟؟ حمد : مستشفى دبي حارب سار صوب سيارته .. وغايته مستشفى دبي.. حمد : حارب .. حارب.. حارب ما سواله سالفه .. كان كل همه يشووووف رووح قلبه ويتأكد بنفسه .. حمد ركب سيارته ولحق حارب .. وصلوااااااا المستشفى .. حارب يمشي شرات المينوون .. ما يعرف وين يسير .. حمد وراه يحاو يلحق عليه.. حمد : حارب.. حارب.. حارب سمع صوته .. لاكن بعد كمل طريجه حمد : ( بعد ما وقف جدام حجره مهره ) حارب ... مهره في هالحجره .. حارب من سمع طاري مهره وقف محله .. رد وسار صوب حمد .. حمد : شو ناوي تسوي؟؟ حارب : هاذي حجرتها .. حمد : هيه .. قبظ حارب قفل الباب .. حمد قبظه بقو على جتفه .. حمد : حارب .. تيننت ولا شوووو؟ حارب : حمد .. لو كنت مكاني . جان سويت أكثر من اللي بسويه.. حمد : حارب .. دخيلك لا تسويلنا مشاكل .. حارب : ومنو قالك اني بسوي مشاكل .. حمد : واللي ناوي تسويه الحين مب مشكله .. بتدش على بنت محد عندها وأهلها ما يدروبها .. والله يعلم جانها بشيلتها ولا .. ( وقبل لا يكمل كلامه ) حارب : حمد .. لا تحاول تردني عن اللي بسويه .. حمد : حارب .. اللي تسويه غلط .. شو بياخذون أهلها عنك فكره إذا دروا .. حارب : خلهم ياخذون اللي ياخذونه .. حمد : ( معصب ) حارب .. خل عنك حارب : حمد .. والله انك ما تعرف شو اللي بقلبي .. حمد : ......... حارب : حمد ... انته ما تعرف مهره شو بالنسبه لي .. حمد : ............ حارب : ( وفي عينه دمعه على وشك أنها تطيح ) تخيل أن البنت اللي تحبها وقلبك تمناها تشوفها بهالحاله .. شو بيكون شعورك ؟؟ حمد : ( إنصعق حمد من جرأة حارب .. في حياته ما توقع أن حارب يصارحه بحبه لمهره ) .......... حمد ما عرف شو يرد عليه .. يمنعه ولا يخليه يدخل .. في كلتا الحالتين هالشيء مب زين .. إذا دخله بتستوي مصيبه .. بس إذا منعه بيكسر بخاطر حارب وبيزيده فوق همه .. حمد فج ايده عن حارب.. حمد : دخيلك يا حارب افهم .. صدقني أن اللي تسويه غلط.... تخيل أن أختك تكون بهالموقف لا سمح الله . بترضى تدخّل عليها واحد مب من محارمها .. هاه ترضى ولا لا ؟؟ أنا رمستك واللي تباه سوّه.. وأنا ما بمنعك .. اللي عليّه سويته ... روّح حمد عن حارب حتى بدون ما يسمع رده .. حارب فكر برمسه حمد .. واقتنع أن كلامه صح .. يوّد حارب قبظة الباب بقووووو .. وبعدها طلع من المستشفى .. ركب سيارته .. حس أن شيء قابظنه في قلبه.. ما عرف شو بيده يسويه .. أو حتى وين بيروووح الحين .. قرر يسير البيت .. وحمد كان وااقف عند مدخل الباب .. شاف حارب يوم يظهر .. بس حارب ما انتبه له .. وفي بيت حارب .. حارب طايح على الشبريه ... يطالع السقف .. يتذكر موقفه مع مهره اليوم الصبح .. ومن غير ما يحس كانت الدمووع تنساب من عيونه .. حاول يمسك عمره .. كأنه يحاول أن يحتفظ برجولته .. بس الحب كان أقوى .. طلّع حارب كل اللي بخاطره .. الساعه خمس الفير ... بو راشد سار يصلي الفير .. ونسى أن في شباب في الميلس.. روح المسيد وما وعاهم .. أم راشد سارت الحجره اللي فيها خواتها.. حصلت بس ام مانع ... وعتها لصلاة الفير .. وما انتبهت لعدم وجود اختها ام حمد لأنها تحرتها في الحمام .. طلعت ام راشد من الحجره وسارت الحجرة اللي فيها شمه وميره .. ووعتهن وطرشت وحده منهن توعي مهره وحصه .. وعقب ما صلن البنات .. سارن يوعن حصه ومهره .. دشن الحجره .. ما حصلن حد .. محد راقد .. محد في الحمام .. العبايا .. العبايا هب موجودات .. زاغن البنات .. نزلن تحت .. دورنهن وما حصلنهن .. طلعت شمه في الحوي .. ما حصلت سيارة حمد .. ردت شمه ودخلت داخل الفله .. شمه : ما حصلت سيارة حمد ميره : بسم الله شو استوى .. وتربع ميره ووراها شمه صوب ام راشد في حجرتها .. دخلن الحجرة وما حصلن حد .. وسارن حجرة خالاتهن وما حصلن غير ام مانع تصلي وام حمد محد ..ردن تحت .. سارن المطبخ اللي في الحوي ما حصلن حد .. ويوم توهن طالعات من المطبخ شافن ام راشد طالعه من الميلس مال الرياييل بعد ما وعت الشباب للصلاة .. وهزبتهم لأنهم ما صلوا في المسيد .. شمه وميره يربعن صوبها .. ميره : اميه إلحقي ميره وحصه محد .. ام راشد : بسم الله .. وين بيسيرن يعني .. إلا في الدار .. شمه : خالوه .. حتى حمد محد .. لا هوه ولا سيارته ولا اميه موزه بعد .. ميره : حتى عبيهن هب موجوودات .. ام راشد : يا خيبتيه .. وينهن عيل .. وترد للميلس عسب تتأكد .. دورت حمد ولا حصلته .. ترد تطلع صوب البنات .. أم راشد : منو منكن يعرف رقم حمد .. شمه : أنا أعرفه .. تطلع ام راشد تلفونها وتعطيه لشمه .. أم راشد : ظربيلي اياه لا خليت منج.. تدق شمه رقم حمد .. التلفووون يصيح بس محد يشله .. لاتلفون في السياره .. نساه حمد يوم حول ويا حارب .. وحمد في الحجرة بعد ما صلى الفير .. وحمد ما رقد طول الليل .. وعى حمد امه وحصه للصلاه .. وطلع برع .. سار صوب مكينه الكوفي .. وصبله كوووب .. انتبه وهوه يظهر الفلوس أن التلفون مب في مخباه .. وبعد ما ابتعد عن المكينه ... تذكر انه نسى التلفون في السياره .. سار حمد عسب اييب التلفون .. شمه : خالوه حمد ما يشل التلفون .. ام راشد : أعوذ بالله من الشيطان .. انزين دقي على امج موزه .. شمه : اميه موزه ما شلت التلفون فياها لأني شفته على الجرج توني .. ام راشد : يالله تعيني بعونتك .. عطيني بسوي لأبو راشد .. يمكن عنده خبر.. يوم توها ام راشد بتتصل .. اتصل لها حمد حمد : مرحبا ام راشد : مرحبا حمد .. حمد : ( انصدم يوم عرف أن اللي تكلمه هيه أم مهره) شحالج خالتيه ؟ ام راشد : بخير وسهاله .. يا بوووك زيغتونا .. وين انتوا؟؟ حمد : ( ما يعرف كيف يتصرف .. أو كيف يوصل لها الخبر .. ياربي ساعدني ) ام راشد : حمد حمد : نعم ام راشد : أرمسك أنا .. وين انتوا ؟؟ حمد : نحن في ... المستشفى ام راشد : ( بعد ما بان على ملامحها الخوف والفزع ) شو تسوون هناك .. مهره فيها شيء .. حصه فيها شيء .. موزه فيها شيء .. دخيلك ارمس حمد : خالتيه خلي أي حد من الشباب اييبج المستشفى .. ام راشد : يا خيبتيه .. حمد ارمس .. شو السالفه ؟؟ حمد : بنتج مهره تعبانه شوي .. ام راشد : مهررره .. شو بلاها ؟؟ حمد : انتي تعالي المستشفى .. خلي حد من الشباب اييبج .. ام راشد : ان شاء الله وتبند عن حمد .. وام راشد شوي وبتصيح .. وتسر سيده عسبة تييب عباتها .. ميره : اميه شو السالفه ؟؟ دخيلج ارمسي .. شو بلاها مهاري.. وشو تسوي في المستشفى ؟؟؟ ام راشد : اختج تعبت وودوها المستشفى ... شمه : لا حول ولا قوة إلا بالله .. ميره : اميه بسير وياج ... ام راشد : لا انتي يلسي عند اليهال ميره : ( تصيح ) دخيلج يا اميه .. ام راشد : انزين يالله بسرعه ... وعقب ما تجهزوا .. سوت ام راشد لراشد تلفون .. وقالتله يوديهن المستشفى .. منصور كان عدال راشد .. أول ما عرف السالفه سار وياهم ... ركب منصور عدال راشد .... وام راشد ورا منصور وميره ورا راشد .. راشد : اميه .. في أي مستشفى؟؟ ام راشد : ما أدري والله .. ما خبرني .. سو حق حمد وتخبره .. منصور : خلاص أنا بتخبره .. سوا منصور تلفون لحمد وتخبره عن المستشفى اللي هم فيه والغرفه.. وصلوا المستشفى .. وصلوا الغرفه .. كانت ام حمد يالسه في الغرفه كانت تعبانه .. ارتفع عندها الضغط ..وحصه يالسه على الكرسي تشرب حليب .. وحمد يالس عدالها وحاط ايده ورا راسه ورافع راسه ومتساند على اليدار وكان توه مغمض عينه .. من التعب ما رام يتحكم بعمره .. حصه أول ما شافت راشد وياهم سيده تغشت .. حصه : حمد .. حمد : شو .. حصه : خالتيه يت وياها منصور وراشد وميره .. عدّل منصور من يلسته .. ووقف هوه وحصه .. ميره سارت سيده صوب حصه وام راشد ومنصور وراشد ساروا صوب حمد .. ام راشد : هاه يا حمد شو استوى ؟؟ شو حال بنتي الحين ؟؟ حمد :.......... راشد : حمد .. مهره شو فيها .. حمد : فيها ... سرطااااان الدم .. أم راشد ومن هوول الصدمه .. اغمى عليها .. نقلوها على الغرفه اللي فيها ام حمد .. ميره أول ما شافت أمها مغمى عليها .. صاحت بقو .. وهيه تصيح طاحت غشوتها بس من الزيغه ما عدلتها ... ميره : اميه ..اميه .. شو بلاج .. وتصد صوب حمد .. ميره : انته شو قلتلها ؟؟ دخيلك يا حمد .. شو بلاها مهره .. حمد : ( ما رام يتحمل شكل ميره وهيه تصيح .. تذكر شكل مهره .. ما رام يرمس .. ) ميره : ( تصد صوب راشد ) رااااشد .. شو بلاها مهره؟ راشد : (وبعينه دمعه).. اختنا فيها سرطان الدم مهره : شووووو .. لا لا انته جذاااب .. كلكم جذابين .. مهره ما فيها شيء . والله انكم جذابين .. ( وتتساند على اليدار ) جذاااااااااابين .. سارت حصه صوبها وحاولت تهديها .. يوم وصلت عندها عقت غشوتها .. ميره : دخيلج يا حصه قوليلي ان هالرمسه كلها جذب .. دخيلج يا حصه .. حصه : ( تنزل دمعه من عينها ) وتهز راسها بأن الكلام صح .. ميره : لاااااااااااااااااا وتلوي حصه عليها بقو .. وبعد ثلاث ساعات .. هدا الوضع .. كلهم هاديين ويتريوون الدكتور ايي عسب يخبر مهره بمرضها .. وعلى الساعه ثمان ونص .. الدكتور دخل على مهره .. ودخّل وياه راشد .. ام راشد ما دخلت لأن لين الحين تعبانه من الصدمه وكذالك ام حمد ..أما ميره ما هان عليها تشوف تويمتها بهالوضع .. والحين .. وبعد ما خبروها .. تعرفووون شو كانت ردت فعلها . |
|
الجزء الثالث عشر
وبعد ثلاث ساعات .. هدا الوضع .. كلهم هاديين ويتريوون الدكتور ايي عسب يخبر مهره بمرضها .. وعلى الساعه ثمان ونص .. الدكتور دخل على مهره .. ودخّل وياه راشد .. ام راشد ما دخلت لأن لين الحين تعبانه من الصدمه وكذالك ام حمد ..أما ميره ما هان عليها تشوف تويمتها بهالوضع .. والحين .. وبعد ما خبروها .. تعرفووون شو كانت ردت فعلها .. .......................... ابتسمت مهره .. وقالت: الحمد لله على كل حال .. وردت وانسدحت على الشبريه .. استغرب الدكتور من ردة فعلها .. وبعد فتره طلع الدكتور .. ما تحمل راشد يشووف اخته جيه .. طلع سيده بعد الدكتور .. يلس على الكرسي .. نزل راسه.. وشوي أم مهره تيلس حذاله وميوده ايد اخوهاااا .. ميره : شو حااالتها الحين؟؟ راشد : ....... ميره : أرمسك أناااا .. راشد : عاادي .. ابتسمت وقالت الحمد لله .. ميره ما استوعبت رمسه اخوهااا .. كيف الدكتور يقول لمهره أن فيها سرطاان الدم واان في احتمااال انها تموووت لا سمح الله .. تبتسم .. ما صدقت رمسة رااااشد .. قررت تدخل عند اختها .. شوي شوي تفتح الباب .. مهره طايحه على السرير وعاطيه ظهرها للباب .. وطااايحه شرات طيحه الياهل .. يعني ملتفه على عمرها تقريبا .. اقتربت ميره من مهره .. مهره حست بحد وراها .. ويوم صدت .. شاااااافت ميره .. ابتسمت لهاااا ولا كأن أستوى شيء.. مهره : مرحبااا والله بميااااري .. ( وفتحت ايدها لميره .. ) ميره : (تلوي على اختها).. مهره : بسم الله بلاهن عيوووووونج جيه .. تقول حد عاطنج بكس عليهن .. يا ماما .. أول ما بيشوووووفج مااااااانع بيزيغ ... ميره : ( تبتسم ) فديته .. تولهت عليه الحمااار مهره : لين الحين ما رد من جميرا .؟؟عنبووو من عقب الغدا ساير ..؟؟ خساااره ما سار ويانا العزبه .. ميره : رد البارحه عقب ما رديناا بشوي ...... ( وتشووف مهره وتستغرب منها هالتصرف ) مهره : حووووه بلااااااج ؟؟ ميره : ما شيء فديتج .. ( وفيها صيحه .. وبعدين حاولت قد ما تقدر أنها تكووون جدام اختها عاااديه .. ) مهره : ووين حصه عيل ؟؟ ميره : برع .. مهره : ويا راااااسج .. ليش ما حدرتيها ويااج .. ميره : على أمرج .. الحين بزقرها .. وعقب ما زقرت ميره على حصه دشن على مهره ويلسن وياها يواسنها ويحاولن يونسنهاااااا .. الساااااااعه سبع ونص الصبح .. حارب نازل من حجرته .. ويصاادف امه قبل لا ينزل .. حارب متعود يسلم على امه كل يووووم ويحبها على رااااسهااا .. بس هالمره لا .. بس قالها صبااااااح الخير .. وحتى ما حط عينه في عينها .. ويوم توه بينزل تحت.. ام حارب : حااارب حارب : ( وبدون ما يصد صوبهاا ) نعم ام حارب : افاااا .. ترمسني وأنت عاطني ظهرك .. هاذا قدري عندك ؟؟ حارب : ( ويسير يحب امه على راسها ) اسمحيلي الشيخه... ام حارب : خيييييييبه تخيب العدووو .. حويـــــرب .. بلاهن عيونك محمراااات .؟؟ حارب : محــ مــ ــرااااااات .. منو قاااااااال ؟؟ ام حارب : وجيه .. أنا ما أشووووف ؟؟ حارب : (بنبر متقطعه) محمرااات لأني راقد متأخر ام حارب : تجذب جذبت لحيتك .. ارمس ؟؟ حارب : شو تبيني أقووووولج ؟؟ ام حارب : بلاك اليوووووم .. انته هب حااارب اللي أعرفه .. حارب : اميه .. دخيلج ما لي بارض للرمسه.. ام حارب : لا الله لك باااااارض .. ارمس يالله حارب : مهره بنت عمي ثاني ام حارب : بلاها حارب : في المستشفى ام حارب : ( بنبره فيها خوووووف على دهشه ) شووووو فيهاااا .. حارب : ( منزل راسه ) فيهااا سرطاااان الدم ام حارب : الله يكفينا شره .. لا يكوون هوه نفسه اللي صاااب ذياب اخوها الله يرحمه حارب : ( مب رايم يقوولها ) هيييـ ييـيــــ يه ام حارب : الله يعينا بعونته .. يالله يارب أسألك تشافيها وتعافيها .. حارب : ( آمين ) وطلعهااا من خاطره ام حارب : ووين بتسير الحين؟ حارب : بسير عندهم ام حارب : عيل ترياااني بسير ويااك.. حارب : ما في داعي يا اميه .. المغرب بيردونها البيت .. ام حارب : خلاص عيل نزل حارب وركب السياره .. وسااار صوب المستشفى .. ويوم وصل كانن البنات عند مهره .. وحمد وراشد ومنصور على الكراسي .. ساار حارب عندهم وكله أمل أنه بيشووف مهره .. وعقب ما يلس ويااااهم.. حارب : راشد تعااال بغيتك في سالفه .. حمد فهم شو في خاطر حارب .. بس الحين ارتااح للموضووع لأنه على الأقل بيستأذن من أخوها .. راشد : اوكيييه .. وعقب ما سار راشد ويا حارب .. حارب : راااشد.. راشد : نعم حارب : ممكن أدش أسلم على أختك.. راشد : ( منصدم من طلب راشد ) حارب : هاا شو قلت ؟؟ راشد : والله أنا ما عندي مانع.. بس على شرط حارب : شوو ؟؟؟ راشد : أدش ويااااااااك حارب : أوكييييييييه موافق .. راشد : عيل اصبر عليه .. بخبر اللي عندها انك بتدخل حارب : أتريااااك .. سار راشد ودخل الحجره ... كانت حصه مب متغشيه .. خلاااااص شو الفايده .. تغشت بعد ما شافها راشد .. راشد عوره ويهه .. راشد : بنااات اظهرن عن مهره شوي .. ميره : لييييييييييييييييييييييييييييييييش؟ راشد : أبغيها فساااااالفه.. عندج مانع ؟؟ من سمعت ميره طاري مااااااانع ارتبشت .. مهره : هههههههه عااااااااد اظمنها أنها بتظهر بدوون مااا ترمس حتى .. وفعلا طلعت ميره وياها حصه وروحن الحجره اللي فيها امهاتهن .. ام حمد يالسه .. وام راشد بعدها طايحه على السرير .. بعدهااا ما تأقلمت ويا الوضع .. ونرد للي في الحجره الثانيه.. مهره : ههههه شفت يووم أقولك .. راشد : هههههه ما تي إلا بالعين الحمراااا... مهره : خير يا راشد في شو بغيتني.. راشد : هااااااثي علثه عسب يظهرن .. ما في سالفه ولا شيء مهره : هههه عبالي صدق عندك سالفه .. راشد : امممم هي هب سالفه بمعنى الكلمه .. مهره : عيل؟؟!! راشد : حاااااارب مهره : بلاااااه راشد : يبغي يدش يسلم عليج . مهره : ( وقبل لا يكمل راشد كلامه ) مستحيييل راشد : شو هو المستحيل ؟؟؟ مهره : ( حاطه ايدينها الثنتين على اذنها وهيه تصيح)لا ما أبغيك تدخله .. ما أبغي أشوووووف حد راشد : لييييييش ؟؟ مهره: ( ما سمعته لأنها كانت حاطه ايدها على اذنها وبقووووو بعد ) ........ راشد ما عيبته حالة اخته .. ظهر عنها .. مهره كاااااااااااانت تمووووووووت في حارب ... وكانت تعرف أن حارب في قلبه شيء جداااها .. رفضت تشوووووووفه من ورا خاطرها .. بس كااانت لازم تسوي هالشيء .. رفضته عسب ما يزيد تعلقه بهاااا .. عسب ما يتعلقبها اكثر من ماهو متعلق الحين ... رفضت لأنها ما بغت تعذب حارب أكثر من ماهو متعذب الحين .. رفضت لأنها كانت تعرف أنهااااا ما بتعيش في هالدنيا ... شو ذنب حااااارب يتعذب؟؟ طلع راشد من عند مهره .. طلع وهوه ما يعرف شو بيقوول لحارب .. يقووله أنها ما تبغي تشوووفه .. والله قوااااااااااة عين .. حارب أول ما شاف راشد ظاهر من الحجره سيده سار صوبه .. حارب : هااا بلاه ويهك معتفس ؟؟؟ راشد : مااااا طاعت .. حارب : ( منصدم ) شو اللي ما طاعته .. راشد : أنك تدخل عليهااااااا حارب انصدم من رد رااااشد عليه... ما كااان يتوقع هالشيء من مهره ... بس حاااارب ما رمس ولا قال شيء .. سيده كان ناوي يروووح.. حمد : حااارب .. حارب ما سواله سالفه .. سيده كمل طريجه .. حمد لحقه .. حارب ركب سيارته .. ويوم توه بيبند الباب ... يوّد حمد الباب .. حمد : حارب .. بلاك؟؟ حارب : ( عااا يف الدنيا ) ما شيء.. حمد : أقوول .. انزل انزل .. سير الطرف الثاني .. أنا بسووووووق .. حمد ما كان يبغي حارب يسوووق .. خطر حد يسووق وهو معصب.. سار حارب الطرف الثاني .. وركب حمد وشغل السياااااره .. ويوم طلعوا من المستشفى... حمد : حااارب ... بلاااك عااايف دنيااااك ..؟؟ حاااارب معصب وواااصل حده .. عق غترته وظربها على جامه السياره .. حارب : ما تبغي تشووفني .. حمد فهم السالفه .. فهم أن مهره رفضت تشوفه .. حارب : (عقب ما عدل يلسته) .. لهالدرجه تكرررررررررررررهني.. حمد :........... حارب : والله ان هالشيء آخر شي كنت أتوقعه منها .. حمد : ........ حارب : ليييييييش جيه؟؟ شو سويتلهااا أناااا .. لا يكووون أنا اللي بليتها بالمرض .؟؟؟ حمد : استغفر ربك .. شو هالرمسه بعد حارب : استغفر الله العظيم.. حمد : استهدي بالله .. يمكن ما كانت تقصد هالشيء.. يمكن هيه متظاااايجه ولا شيء ..لا تعق رمسه منيه والدرب .. حارب : ( معصب+ ميوّدعمره ) حمد .. تخيل أنك مكااااااااني .. تخيل أنك في هالدنياا كلها ما تشوووووف إلا اللي تحبهااااا .. تخيل أن في يوم من الأيااااام تسمع أن اللي تحبها محكووووووم عليها بالموووووووووووت .. تفهم شو يعني المووووووووووت .. يعني ما بتشوفها مره ثانيه .. ويوم استوت لك فرصه اتشوفهااا ... تقوووووولك .. ما أبغي أشوووووفك.. شو بيكووووووون موقفك؟؟ حمد يوم شاااف حارب في هالموقف عوره قلبه .. ماا كان يعرف أنه يحب مهره لهالدرجه... تموا اا سااااااااااااكتين طووووووول الدرب .. ويوم ملواااا وما عرفوااا وين بيسيروووووون ؟؟ حمد : وين تباني أوديك؟؟ حارب : ردني البيت .. حمد : ان شاء الله.. ويوم وصل حمد جدام بيت حارب .. حمد : انته انزل الحين وارتااح وأنا الحين بييبلك السياره .. نزل حارب ودخل البيت .. شاف امه وابوه وحرمه اخوه ورفيعه يالسين في الصاله وروضه تلعب عالدري .. روضه : هيييييييه .. عمي حالب .. حارب: السلام عليكم ردوا كلهم عليه السلام .. وحتىقبل لا يردون السلام حارب روح عنهم فوووووق ... رفيعه : اميه شو بلاه حااارب ؟؟ ام حارب : وانا شدراني به ... ام حارب ما كانت تعرف ان اللي مضيج بحارب هيه نفسها سالفه مهره .. ام حارب ما كانت تشاركهم بالرمسه وااايد .. بو حارب : بلاج يا ام حارب ؟؟ ام حارب : ( تتنهد ) شو تباني أقولك يا سالم ؟؟ اليازيه : خير ان شاء الله .. ام حارب : السالفه ان .... مهره بنت ثاني وقبل لا تكمل رمستها .. رفيعه : ( زااايغه ) شو بلاها مهاااري ؟؟ بو حارب : رمسي يا ام حارب .. بلاها بنت اخويه؟؟ ام حارب : منومه في المستشفى من البارحه .. لجوااا فيها سرطان الدم .. كل الموجوين يشوفون ام حارب منصدمييييين .. رفيعه: ( شوي وبتصيح .. وهيه مب مستوعبه رمسه امها ) لا لا يا اميه .. مهره ما فيها شيء والحين برمسها وبتعرفوون أن ما فيها شيء .. بو حارب : انا لله واناإليه راجعوون .. لا حول ولا قوةإلا بالله وتقوووم عنهم وسارت صوب الصاله اي فوق عسب تتصل .. رفيعه تيّود التلفون وفي ايدها رجفه .. وتتصل لبيت عمها ثاني ... وتشله البشكاره ... رفيعه : الووو البشكاره : اووو رفيعه : وين مهره ؟؟ Idon’t know madam البشكاره : رفيعه : وميره ؟؟ she went with her mathar and Rashid البشكاره : where??? رفيعه : ( بدت تشك ) really I don’t know البشكاره : رفيعه : يالله يعلني بلاج من بشكاره .. عيل شو تعرفين ؟؟ what البشكاره : رفيعه : يااا هي حاله ..خلا ص ما شيء .. مع السلامه وبندت رفيعه التلفووون .. (( يااااااا ربي حق منوه أسوي الحين ؟؟ رااااشد .. هيه راشد ... وتقبظ تلفونها وتطلع رقمه .. وتسويله من البيت .. رفيعه : السلام عليك راشد راشد : ( عرف أنها رفيعه ) وعليكم السلام والرحمه رفيعه : شحالك ؟ راشد : الحمد لله .. رفيعه : وين ميره عنك ؟؟ راشد : إلاااا جريب... رفيعه : ما عليك امر .. عطني ايااها .. راشد : ان شاء الله .. راشد : ( بعد ما نزل تلفونه ) ميرووه.. كانت ميره يالسه على الكرسي عدال حصه .. ميره : نعم ويأشرلها :: تعاااالي عطاها التلفون .. ميره : الووو رفيعه : مرحبا ميروه.. ميره : ( انقبظ قلب ميره لأنها تذكرت أن رفيعه ما تدري ) مرحبتين رفيعه : شحالج ؟ ميره : الحمد لله رفيعه : وينكم عن البيت .. سويت للبيت وقالتلي البشكاره انكم محد .. ميره : نحن في ..... رفيعه : ( زايغه ) ميرووه .. دخيلج قولي أي مكان إلا المستشفى دخيلج قوليلي أن الرمسه اللي وصلتني كلها جذب في جذب .. ميره : ............ رفيعه : وغلاة الغالي ترمسين .. ميره : ( بتردد ) الرمسه اللي وصلتج صدق .. رفيعه مب عارفه شو تقول ... رفيعه : وصدق ان مهره فيها .. وقبل لا تكمل رمستها ميره : ( عينها تدمع ) هيه صدق رفيعه : ........... ميره :............ رفيعه : الحين بييكم ميره : ما يحتااي فديتج المغرب بنردها البيت .. رفيعه : وحد قالج ان فيه صبر يكفي لين المغرب .. ميره : رفيعه قلت لج ما يحتااي .. وفجاة يصيح الخط الثاني .. ميره : بخليج رفوووووع .. هذا شكله وااحد من ربع راشد .. رفيعه : اوكيه .. بس دخيلج أول ما توصلون البيت سويلي تلفون .. ميره : ان شاء الله .. مع السلامه رفيعه : مع السلامه .. ميره : رااشد .. راشد ..في حد يسويلك على الخط الثاني راشد : رفيعه بندت ؟؟ ميره : هيه .. شل راشد التلفون عن ميره .. وسار بعيد شوي حمد : مرحبا راشد .. راشد :هلا حمد ... حمد : عنبووو خيستني .. توني ياي أبند راشد : اسمحلي والله .. هاذي بنت عمي كانت ترمس ميره .. حمد : ( ما انتبه انها رفيعه ) اهااا .. انزين ... اسمع .. هات وياك اميه وخالتيه وتعال .. وخل البنات عند مهره ويا منصور . وأنا بيي المغرب وبردهم راشد : اوكيه وبند راشد عن حمد .. سار صوب خالته وامه في الحجره وخبرهن .. ام حمد ما مانعت .. لأنها كانت تعبانه وفي حايه للراحه .. أما ام راشد هيه اللي مانعت وما طاعت تسير وبنتها بعدها في المستشفى . وبعد فتره من الاقنااع وافقت ترد وياهم .. راشد شل امه وخالته ورد البيت وحصه وميره ومنصور تموااا في المستشفى .. البيت كانت حالته حاله .. كلهم عرفوا بسالفه مهره.. وفي المستشفى وعلى الساعه 5 العصر .. ميره وحصه ومنصوريالسين عند مهره ... منصور حاول قد ما يقدر يضييف جو حلو في الحجره.. ميره : ههههههه خسالله بليسك يا منصور .. غزي عورني من الظحك منصور : هههههههه انزين سمعي هاااي النكته .. يقووولج في محشش دق على باب يرانه الساعه 3 فليل .. قالهم : عندكم طماط.. قالوا : هيه .. قال : حتى نحن .. الكل ضحك عليه... مهره : هههه خلاص خلاص .. بطني يعورني من كثر الظحك .. حصه : خلاص خلاص .. حدك يا منصور ... ما فينا يستوي شيء بالبنيه منصور : ههههههه اوكيه خلاص .. بس عشر دقايق ورااااااد .. حد يبغي شيء من الكوفي .. ميره : واحد كيما .. ثنين براتا .. منصور : وياا راسج .. قلت من الكوفي هب دكااان راجوا .. حصه : انزين هاات حقي كوب كابتشينو .. منصور : وانتي ميرووه ؟؟ ميره : مب مشتهيه شيء .. منصور : (شاف كرتون كلينكس عدال مهره .. سار صوبه ويّوده ) بتقولين ولا أفرج بالكرتوووووون ؟ ميره : لا خلاص بقول .. هات لي الكوفي كله .. منصور ياي بيفر الكرتون عليها .. منصور : والله ان ما رمستي بالكرتووون على راسج.. ميره : خلاص انزين .. اممم هاتلي كابتشينو.. منصور : وانتي يا دلووعه ؟؟ مهره : حراااام عليك جني دلووعه .. منصور : ههههههه انزين يالله ارمسي شو تبين ؟؟ مهره : اممم ما أبغي شيء ...... منصور : شكلج اليوم ما بتظهرين من هنيه إلا وانتي مفلووووووعه .. مهره : لا دخيلك .. إلااااااااا الفلع .. منصور : عيل يالله ارمسي.. واحد .. اثنين .. مهره : انزين.. انزين بقووول.. امممم ييبلي حليب بالنسكافيه.. منصور : أوكيييييييه ... ويطلع عنهن منصور.. مهره رد لها الويع مره ثانيه .. وتيود خاصرتها.. حصه : مهاري ...شو بلاج ؟؟ مهره : حد منكن يسيير عند النيرس وتييبلي مهدىء .. ميره : أنا بسير .. حصه يلسي عندها .. وتطلع ميره برع .. وبالصدفه كان الدكتور مار جداام الغرفه .. ميره : دكتوور لو سمحت .. الدكتور : خير اختي .. المريضه فيها شيء ؟؟ ميره : رد عليها العوار شوي الدكتور : ( أشر لها على سستر عند الرسبشن ) سيري عندها وقوليلها تبين دوا للمريضه في غرفه38 .. وبتعطيج اياااه .. ميره : ان شاء الله .. الدكتور : وان شاء الله انا على الساعه ست بيي أتمطن عليها.. ميره: ان شاء الله .. وسارت ميره عند السستر وعطتها حبتين دوا ... ردت ميره الحجره .. وعطت مهره الدوا .. وعقب شوي يسمعوون دق على الباب.. سارت حصه تفج الباب .. كان منصور شال أربع كوبات .. وكااان يدق الباب بريله .. كان شكله يضّحك.. شلت حصه عنه كوبين.. منصور : زين جيه .. بغيت اجب الحليب عليه .. ميره : مشكلتك.. منصور : لا والله .. وهذا بدلما تشكرين وتقولين مشكور .. تعبناااك .. مهره : ما عليك من رمستها .. تسلم يا منصور .. منصور : هيه هاي بنت الخاله السنعه .. مالت عليج انتي اللي ما تنعطين ويه .. ميره : هاهاهاهاااااااااي.. وعلى المغرب .. طلع مانعويا حمد صوب المستشفى عسب اييبون مهره واللي عندها .. حمد طلع بسياره حارب ومانع بسيارته .. خطّف حمد سيارة حارب ووقفها في الكراج وعطا المفتاح للبشكاره عسب تعطيه حارب.. وحمد ركب ويا مانع عسبة في الرده مانع يرد بسيارته وحمد يرد بسيارته اللي خلاها في المستشفى .. وفي المستشفى .. يسمعون دق على الباب.. ميره : أكيد هذا الدكتوور.. عدلت مهره يلستها .. وحصه وميره وقفن بعيد عن مهره شوي .. سار منصور وفتح الباب... الدكتور : السلام عليكم .. الجميع : وعليكم السلام .. الدكتور : شحالج مهره ؟؟ مهره : بخير الحمد لله .. الدكتور : وشو الويع الحين ؟؟ مهره : الحمد لله .. يسير ويرد الدكتور :اممممم .. انزين .. اليوم مضطرين نخليج تباتين عندنا اليوم.. ميره وحصه : ليش؟؟ الدكتور : عسب نتطمن على الويع .. وانه ما يرد ج مره ثانيه .. منصور : لازم يعني؟؟ الدكتور: هيه لازم .. مهره : ...... الدكتور: هاااه شو قلتي؟؟ ميره : وانت تتريا شورها .. سوواا اللي في مصلحتها .. الدكتور : خلاص عيل .. تامرون بشيء منصور : سلامتك .. مهره وميره وحصه ومنصور : مشكوور .. الدكتور : العفو .. ويطلع الدكتور من عندهم .. سوا منصور لحمد تلفون عسب يخبره أن مهره بتبات في المستشفى اليوم ... ردوا قوم حمد البيت بعد ما تطمنوا على مهره .. وخلوا ميره وحصه ومنصور يباتون عندها .. مر الوقت وعلى الساعه اثنعشر كلهم ظهروا من عند مهره لأنه ممنوع السهر أكثر من جيه.. رقدن مهره وحصه في الحجره اللي حاجزينها قبل .. وتم منصور واعي يالس في الممر .. مهره ما ياها الرقاااااااااد لين الساعه ثنتين فليل ..وشوي تسمع صوت حد يفج الباب .. ويوم صدت .. انصدمت ... مهره : حااااااااااااااارب |
|
الجزء الرابع عشر
سوا منصور لحمد تلفون عسب يخبره أن مهره بتبات في المستشفى اليوم ... ردوا قوم حمد البيت بعد ما تطمنوا على مهره .. وخلوا ميره وحصه ومنصور يباتون عندها .. مر الوقت وعلى الساعه اثنعشر كلهم ظهروا من عند مهره لأنه ممنوع السهر أكثر من جيه.. رقدن مهره وحصه في الحجره اللي حاجزينها قبل .. وتم منصور واعي يالس في الممر .. مهره ما ياها الرقاااااااااد لين الساعه ثنتين فليل ..وشوي تسمع صوت حد يفج الباب .. ويوم صدت .. انصدمت ... مهره : حااااااااااااااارب ............................ حارب : هيه حارب .. شو ناويه تروغيني بعد ؟؟ مهره حز في خاطرها رمسه حارب.. كانت مهره طايحه على الشبريه ويوم شافت حارب عدلت يلستها وعدلت شيلتها وطبعا ما كان في وقت حتى انها تتغشى .. يعني تمت بلا غشوه.. كانت الحجرة مظلمه.. بس الليت اللي فوق مهره مشتغل ... مهره ما حطت عينها في عين حارب إلا يوم دخل .. حارب : شو السالفه ؟؟ أشووفج سكتتي .. شو ؟؟ ما عيبتج رمستي ؟؟ مهره استغربت من لهجه حارب وياها بالكلام .. أول مره يرمسها بهالعصبيه .. مهره : ........... حارب : ( يتجرب منها ) شو ياااج سكتتي ؟؟ أرمسج أنا .. ردي عليه مهره : ( منزله راسها وبعينها دمعه) ......... حارب رفع راس مهره بإيده ... مهره انصدمت يوم شافت الدمعه في عيوووووون حاااارب .. حارب : ليش تكرهيني؟؟ مهره انصدمت من هالسؤاااال .. شو ليش تكرهيني بعد ؟؟؟ ليش أنا شو سويت به .. ليش جيه يعاملني ؟؟ مهره : ........... حارب : سألتج سؤاال وأترياااج تجاوبين مهره : (بتردد) شو تباني أقول حارب : ليش تكرهيني؟؟ مهره : ……….. حارب : جااوبيني؟؟ مهره : ( تصيح وتحط ايدها على ويهها ) شو تباني أقووول؟؟ حارب : ليش انتي جيه .. ليش تعامليني جيه ؟؟ مهره : ( تخوز ايدها عن ويهها وتمسح دموعها ) حااارب … ما عندي شيء أقوله .. حارب : لاااااااا عندج؟؟ مهره : حاااااارب ..لو سمحت اطلع برع .. حارب : ( يضحك من ورا خاطره )كنت متأكد أنج بتقولين هالرمسه .. مهره : ( تصيح )اطلع برع … اطلع برع حارب : يوم أقولج تكرهيني ما صدقتي مهره : في يوم من الأياااام بتفهم ليش أسوي جيه .. بس الحين خلني بروووحي.. حارب : اوكيه بخليلج الحجره وبخلييلج المستشفى وبخلييلج البلااااااد بكبرها .. عسب ترتاااحين مني… ويطلع ويبند الباااااااااااااااااااب.. مهره ما تحملت الرمسه اللي عقها حارب عليها … ما كان عندها رد يريح ظميرها … ما راامت تتعذب أول تخليه يتعذب أكثر… كااانت تبغيه يكرهها أو بالأحرى ينساها وما يفكر بهااا أبدااا .. وعسب ما يبني في قلبه أمل صعب انه يتحقق حااارب طلع والله وأعلم وين سار .. يااااااااالله أخاف يستويبه شيء وأكون أنا السبب.. ليش ياااااااااربي ليش ؟؟ وتمت مهره تصيح .. في الوقت اللي دش فيه حارب كان منصور يالس على الكرسي في الممر وحاط راسه على اليدار وراقد يعني ما حس بحارب .. وفي الوقت اللي طلع منه حارب كان منصور ساير يشرب ماي من ثلاجه الماي اللي في الممر الثاني الساعه سبع ونص الفير .. حارب من طلع من عند مهره وهوووه يحوووس بهالشوااارع .. كان يتريا الفجر يطلع عسب ينفذ اللي في باله.. حارب طلّع تلفونه واتصل لربيعه عيسى ... حارب : هلا عيسوووه عيسى : ( ينود ) شووو تبغي يا بابا .. حد يسوي هالوقت.. صدق انك متفيج حارب : اصبحنا واصبح الملك لله .. شوووف أنا هب مسوي عسب سوااد عيونك يا الدب .. أنا مسولك عسب أقولك شيء.. عيسى : خير ان شاء الله .. حارب : اليوم فليل راااااد أمريكااااااا .. وبعد ما استوعب عيسى السالفه ؟؟؟؟ عيسى : ههههههه والله انك متفيج ويا رااااااسك .. حارب : أرمسك صدق .. ما أتمصخر وياااك عيسى : ( بعد ما حس أن حارب يرمسه صدق وما يتمصخر ) حااارب يا خي .. ترمس جد؟؟؟ حارب : لا عم ... يا خي أرمسك صدق عيسى : عااااااد ليش؟!!!!! عنبوووو من يينا ما كملنا ثلاث أياام .. حارب : يعلهن امررررره .. ولو حتى يوم وااااااحد .. نفاااااااد عيسى : افااااااااااااا وين حارب هذاك اللي في أمريكا .. اللي ما رام يصبر عن بلاده وشووووووووووفه هله .. شو يااااك؟؟ حارب : ما ياني شيء .. الحين بترد ويايه ولا الشووووووو؟؟ عيسى : الصراااحه هب راااد وياااك ... ما صدقت أوصل البلاد .. بقظيلي حايه بسوي شيء .. بعدني ما شبعت حارب : براااااااايك عيسى : شووف انت سير الحين وانا متى بتفيج برد ألحقك .. ولو أني أشوف قرااارك مب اوكييييه . حارب : خلاص عيل .. مع السلامه عيسى : هالله هالله بعمرك .. مع السلامه بند حااارب عن عيسى ... واقتنع ان اللي يسويه غلط ... بس في داخله حس أنه مب مرغووووووب فيه ومن منوووو ؟؟؟ من مهره !!!!.... آآآآآآآخ يا مهره .. ما كنت أدري أنج شاله في قلبج عليه .. ليش انزيييييين شو سويتبج .. شو سوييييييييييتبج ؟؟؟؟؟؟؟؟؟؟؟؟ الساعه عشر الضحى رد حارب البيت بعد ما خلص كل إجراااااءااااته مع السفر ... وأول ما وصل ما حصل حد في الصاله ... وسيده سار حجرته .. امه ورفيعه سارن بيت قوم ثاني عسب يستقبلون مهره لأنها في هالوقت بترد من المستشفى وسار حمد ويا مانع صوبهم .. أول ما دش حارب الحجره عق غترته على الارض وبند الليتاااات وطاح على الشبريه ( السرير )... يفكر في الموقف اللي استوى بينه وبين مهره .. صح ولا غلط .. والقرار اللي اتخذه بالسفر صح ولا لا ؟؟ آآآآآآآآآآآآآآآآه يا مهره .. ضربةٍ في القلب مخطوره من سببها زادت جراحي من سبب لي باهي الصوره سيـــــّدي بـو خد وضـاح ِ من سنه ونـص وشهــوره نـزفــها صـبح ومرواح ِ والصدر يشكي من كسوره مـا شفى قلـبي ولا ارتاح ِ ما سـمح لي الغـالي ازوره قــفـّل ابـوابـه بـمـفــتاح ِ ســـد بابه وانطــفى نـوره واعتـمت شـمسي والاصباح وبعد تفكير اقتنع حارب أن قراااااره بالسفر صح ... عسب ينسى كل اللي استوى وعسب ترتاااااااااااح مهره .... اذا كان فرقاااه يسعدها وفي سياره حمد .. حصه ومهره وميره راكبين عنده .. حصه جداام ومهره وميره ورااااا .. وجدامهم سيارة مانع اللي وياااااااه منصور ... وكانوا طول الدرب سوالف وظحك .. لان منصور ومانع يوم يجاوزونهم منصور يسوي حركاااااات .. بس مهره ماهمها هذا كله .. كاااان كل تفكيرهااااا في حارب .. شو ممكن يسويه بعد الموقف اللي استوى في المستشفى .. وعقب فتره وصلوا البيت .. مانع وحمد ومنصور ساروا الميلس عند راشد وغيث .. والبنات سارن داخل البيت.. وأول ما دخلن البنات الصاله شافن رفيعه وامها واليازيه يتريووونهم ويا خالتهم ام مانع وشمه .. ميره ومحصه سلمن على كل اللي مووجودين .. حتى مهره سلمت عليهن كلهن .. ويوم وصلت عند حرمة عمهاااا ( أم حارب ) تذكرت الموقف اللي استوا بينها وبين ولد عمها حاااااااااااااارب .. لوت مهره على عمتها وهيه تصيح .. حتى عمتها تمت تصيح وياها لأنها تغلي بنات اخو ريلهاااا وتحسبهن شراات بناتها ..كلهم استغربوااا من هالموقف .. ليش صاحت عند حرمة عمها بس .. ليش ؟؟ ام راشد : ميره فديتج شلي خويتج ووديها فوق .. خليها ترتااح شوي .. سارن ميره وحصه صوب مهره وودنها الحجره .. بعد ما عطنها ماااي بندن عنها الليتاااات وظهرن وخلنها ترتاااااااح شوي .. بس أي راااحه بتحصلها بعد كل اللي استوى .. تمت مهره تصيح لين ما حست أن رااااااااسها بينفجر من الصياح ... ولا اراديا رقدت من التعب .. من يومييين ما رقدت من التعب .. الساعه 12:00 الظهر.. ام حارب واليازيه ورويض ردوا البيت .. ورفيعه تمت ويا البنات .. ام حمد وام مانع وام منصور سارن يشووفن شو سوّن البشاكير في الغداااا .. لأن ام راشد تعبانه شوي وماا تروووم تعابل .. رفيعه وميره وحصه وشمه في الحجره .. وعقب سارن صوب مهره عسب يوعنها للصلاه و وعسبة تتغدا.. رفيعه يلست علىعدال مهره ويلست تمسح على راسها .. وميره وحصه واقفات عند الباب .. أما شمه سارت تدور عنوووووود .. رفيعه : مهاااااري .. مهره راقده وهب حاسه بشيء .. رفيعه : مهاااري عاااد بسج رقاااااد ... انتبهت مهره لرفيعه وعدلت يلستها ورفعت شعرها اللي كاان على ويهاا .. مهره : السااعه كم ؟؟!! ميره : السااااعه ثنعشر وثلث .. حصه : يعني يالله الصلاااااااااااه .. قامت مهره وسارت الحمام .. رفيعه :يا ربي حالها أبدااا ما يسر .. حصه : شو تبينا نسوي ... الأمر بيد ربج ميره : الحمد لله على كل حال .. ظهرت ميره سيده عقب جملتها .. وسارت حجرتها ولحقتها حصه .. أما رفيعه يلست في حجره مهره .. .. وعقب ما خلصن كلهن من الصلاه .. يلسن ام حمد وام مانع وام منصور في الصاله .. والشباب وبوراشد والشيبه في الميلس بعد ما ردوا من الصلاه.. بو راشد اول ما درا بحاله حرمته سار صوبها ودش الحجره .. شاف ام راشد طايحه على الشبريه ( السرير ) وشكلها تعبان شوي .. بو راشد : خير يا حمده شو بلاااج؟؟ أم راشد : ما بلايه شيء الغالي.. بو راشد : شو ما بلاج شيء وويهج جيه مصفر وهب طايعه تتغدين أم راشد : ............. بو راشد : ( عقب ما يلس عدالها ) خير ان شاء الله ... خبريني .. شو ياااج .؟؟؟ أم راشد : ( تصيح ) ليش عيالنا يا ثاني ليش ؟؟؟ ليش من بد هالعرب عيالنا .. بو راشد : تعوذي من ابليس يا حمده .. هب زينه هالرمسه .. هب تخلين الشيطان يقص عليج أم راشد : اعوووووذ بالله منك يا بليس ....... بو راشد :يالله الحين قومي غسلي ويهج وصليلج ركعتين وعقب سيري تغدي أم راشد : ان شاء الله .. بس هب مشتهيه عيشه بو راشد : ليش ؟؟ أم راشد : مالي خاطر آكل .. بو راشد : شعنه انزين ؟؟ أم راشد : هب مشتهيه غدا الحين .. انتوا خلولي غدا وانا ان يعت عقب بااكل .. بس الحين برقد ... بو راشد : ما عليه .. انتي ارتاحي ولاتخلين شيء يشغل بالج.. أم راشد : ان شاء الله .. طلع بو راشد عن ام راشد بعد ما خبر الحريم ان ام راشد بترقدوقال لهن يخلن لها غداااا وسار صوب الميلس عند الشباب ... وفي حجرة مهره .. مهره طايحه على الشبريه وعدالها حصه ورفيعه يالسه على الكرسي ورفيعه يالسه على الارض.. وشوي أن البشكاره تدخل عليهم .. lunch البشكاره : ميره : أوكي .. رفيعه : يالله بنااااااااات .. غدااا ... تراني ميته من اليوووووووووووع حصه : وانا بعد ... يالله قامن كلهن ما عدا مهره تمت طايحه على الشبريه.. حصه : ماماتي ما سمعتي أنه وقت الغداااا .... مهره : مب مشتهيه العيشه .. رفيعه : لا الله بتشتهينها .. رضيتي ولا ما رضيتي مهره : دخيلكن والله ما لي بارض آكل .. تعباانه برقد ميره : يالله مهرووووووه .. تغدي وعقب ردي ارقدي.. مهره : والله مب يووعاانه .. شو اسوي بعمري حصه : افااا ويهوون عليج ما تتغدين ويايه وأنا اللي بروح عنج العصر .. افاااا والله مهره : اووووووه منج لازم تقنعيني يعني .. بنزل بس بشرط حصه : شووو؟ مهره : بيلس وياكن بس ما باكل .. رفيعه :ويا رااااسج .. عيل ليش ناازله .. يلسي أحسن مهره : وانا أقول جيه بعد ... ميره : اوووه منج يالله نشي ( وتسير صوب اختها وتيودها من ايدها وتيرها برع ) مهره : اوكيه اوكيه .. شوي شوي علّيه .. رفيعه : دوااااااااج وانتي ما تين إلا بالعين الحمرااااا.. حصه : ههههههه عسبة مره ثانيه من نقولج شيء تقولين تم... وطبعا هالرمسه كلها كانن يرمسنها وهن نازلات من فوق وسايرات صوب الصاااله.. اول ما دشن حصلن ام مانع وام منصور وام حمد وشمه وعنوود يالسات يترين البنات على الغدااا.. مهره : وين اميه ؟؟؟؟!!! ام منصور : داخل الحجره حصه : وليش ما يت تتغدا .؟؟ ام منصور : تقووول تعباانه شوي وتبغي ترقد ... مهره من سمعت رمسه ام منصور سيده طلعت من الصاله وسارت حجرة امها ... وأول ما دخلت حصلت الحجره مظلمه وامها رااقده ... ويووم شافتها مهره ما حبت تزعجهااا .. ويوم توها بتتطلع .. ام راشد : منوو ؟؟ شغلت مهره الليتاات ويلست حذال امها.. مهره : شو بلاج اميه ؟؟ ام راشد : ما بلايه شيء لا خليت منج .. راسي يعورني وقلت برتااح شوي .. مهره : سلامتج فديتج .. ام راشد : الله يسلمج .. مهره : انزين وليش ما تغديتي ؟ ام راشد : هب يووعاانه ولا لي بارض آكل.. مهره : اميه .. ام راشد : عونها مهره : ( بدلع ) انا يووووعاانه ام راشد : وحد قابظنج ما يخلييج تتغدين .. هكوووه الغدا موطاااي سيري تغدي مهره : لا أنا هب متغديه لين ما تيين ويايه .. ام راشد : يا بنت الحلاااال .. سيري تغدي وخليني عنج مهره : عيل والله ما طاحت العيشه ثمي إلا اذا بتين ويايه .. ولا أهوون عليج اتم بيوووعي ام راشد : لا إلاه إلا الله .. ومنووو قالج انج تهووونين عليّه ..يالله يالله قبل لا يبرد الغداا مهره : فديتج يا أغلى ام في العاااااااااااااااااااااااااااااااااااااااااالم ... (( وحبت امها على راسها )) وظهرن كلهن من الحجره وسارن صوب الصاله ... مهره هب يوعاانه ولا حتى خاطرها في الأكل بس سوت هالحركه عسب تقنع امهااا بأنهاا تتغدا .. وعقب الغدااا سارت أم راشد ترتاح شوي .. وام حمد وام منصور وام مانع يالسات في الصاله يتقهوين ويشربن جااهي .. والبنات ( مهره وميره وشمه ورفيعه حصه ) يالسات في حجرة مهره يسولفن .. وشوي ترووغهم مهره ... مهره : لو سمحتن يا حبايبي .. ممكن تطلعن ..فيّه رقاااااد وما فيّه على صدعتكن ... رفيعه : افاا تروغيني يا بنت عمي .. ميره : شوفوا السخيفه .. ترمس عن عمرها ونستناااا .. اييه رفووع هب تنسين اننا بننرااغ ويااج بعد .. شمه : ههههههههههه والنعم وشوي تدخل عليهن عنوووووود وهيه تصيح .. تسير صوبها شمه وتدخلها وياها .. حصه : شو بلااااااج عنووووود ؟؟ ميره : هههه أقص ايدي اذا ما كانوا ميووووود و علاوي في السالفه رفيعه : شو سووبج بعد ؟؟ عنود : ما خلوووني ألعب وياهم بالسيكل.... مهره : أي سيكل في عز الظهر .. شمه : ههههههه انزين وهذا اللي مخلنج تصيحين .. عنود : ظربوووني وقالولي عيب .. بنات ما يلعبون بالسيكل .. ميره : هههههههه عاااد هااي قويه .. رفيعه : سفااااحين ثرهم .. حصه : برايهم حبيبي .. خلهم يلعبون بالسيكل .. يوم بنسير العين بخليهم يشتروولج سيكل .. عنود : ( تصيح بصوت عالي ) لا لا أبغي الحين مهره تحملت صوتها ولو أن راااااسها يعورهااا .. شمه انتبهت أن صااااايح عنووود بيزيد عوااار مهره .. شمه : يالله تعالي ويايه بخليهم يلعبوووووونج .. ميره : خليني أسير وياج .. بشووف الأخ ماايد على شو مستقوي .. طلعن ميره وشمه وسارن صوب ميووود وعلااااوي عسب يخلووونهم يلعبوون عنووووود وياهم .. رفيعه : يالله بنت سهيل ... خلينا نسير الحجره الثانيه .. ونخلي الشيخه مهره بنت ثاني ترتااح .. حصه : ههههههه يالله انزين وقبل لا يظهرن وبعد ما بندن عنها الليت .. رفيعه : هاااه تامرين بشيء قبل لا نظهر .. مهره : امممممم هيه .. بندي البااب ورااااج .. رفيعه : ههههههه ويا راسج .. مهره : صدق .. صدق .. وعوني قبل صلاة العصر رفيعه والبنات باجيات كاانن يتصرفن على ان الأمر عاادي .. بس الله العالم بهن ان قلبهن يتقطع على مهره .. تلحفت مهره اونها بترقد .. بس أي رقااااااد واالاخ حااااااارب شاغل كل تفكيرها .. وحست أن حارب مظاووم ..وهوه ما سوا شيء عسب يستااهل المعامله اللي عاملته اياه .. وقررت انه أول ماتشوفه بتعتذر منه .. وتقوله أنها كانت متظيجه من شيء يوووم ياها المستشفى ... وحست أن هالشيء راح يقرب حارب منها .. وهيه ما تبغيه يتقرب منها عسب ما يتعذب فالأخير .. بس لازم تعتذر عسب تبري ذمتها .. وحارب من الجهه الثانيه في الصاله مع امه وابوه واخوه خليفه .. كاان حارب في عالم ثاني ... والله العالم به وين وصل .. خليفه : اقول حارب .. بتسير عرس خالد بن سويلم ؟؟ حارب : ......... خليفه : حااااارب وين وصلت ؟؟ حارب : هااه ..وياك وياك.. ام حارب : وين وياه يا ولدي .. شكلك مره ما سمعته شو قال .. حارب : شو قال ؟؟ خليفه : أقوووولك ما بتسير عرس خالد بن سويلم .. حارب : متى بو حارب : باجر .. حارب : باجر .. لا ما اقدر .. ما بلحق عليهم ام حارب : شله ما بتلحق عليهم .. شو عندك من الشغله ؟؟ حارب : ( عقب ما عدل يلسته ) اليووووووم رااااااد أمريكاا .. الكل شافه منصدم :: شووووووو حارب : اليوم برد امريكاااا.. بو حارب : ليش يا ولدي .. عنبو من ييت ما كملت ثلاث أيام .. ولا خلاص شبعت منا حارب : لا ياا بويه .. وانتواا ينشبع منكم؟؟ خليفه : عيل ؟؟ ام حارب كانت تسمع رمستهم وهيه شوي وبتصيح .. ماصدقت تشوووووف ولدهاا بعد فرااق دام سنه ونص .. وهوه بعده ما كمّل ثلاث أيام من رد .. ونزلت راسها.. وبعينها دمعه .. ام حارب : ليش يا ولدي ليش ؟؟ حارب انتبه لامه انها تصيح.. قام يلس عدالها ولوا عليها .. حارب : لا يا اميه .. حق شو الصاااااايح الحين ؟ خليفه : ليش يا حارب ؟ انا اشوف ان ردتك ما فيها لزووووووم .. حارب : بس انا مصر على هالرده يا خويه بو حارب : شقايل بتسير وانته عندك اجازه .. حارب : بلغي الإجازه وبكمل الدراسه .. خليفه : ما في امل ترد عن قرارك .. حارب : لا خلاص .. حجزت وطيارتي على الساعه تسع ونص فليل .. ام حارب : عيل ليش تقوولنا دام انك حجزت وخلصت وشاورت عمرك بروووووووحك .. حارب : افااا يا اميه . شو هالرمسه بعد .. يا اميه انا ريال هب ياهل وأعرف وين مصلحتي .. ام حارب : بس أنا ما شبعت من شوفك .. حارب : هههههههه أنا لو أيلس عندج الدهر كله ما بتشبعين مني .. بو حارب : صدقها امك .. ما شبعنا منك .. حارب : ما عليه يا بويه بخلص دراستي وبتشبعوون مني.. انتوا اصبروا بس .. خليفه : وكم باجلك بعدك .. حارب : اممممم سنه وثلاث شهوووووور .. خليفه : خييييييبه .. يعني ما بنشووووووفك الا عقب سنه وثلاث شهور .. حارب : يمكن هيه ويمكن لا .. على حسب جدول الإجازات .. ام حارب : وانته لازم تدرس هناك.. ادرس هنيه .. حارب : لا تحاااااولين ويايه يا اميه .. بو حارب : شو أقوول غير الله يحفظك .. حارب : مشكوور يا بويه ... وانتي يا اميه شو بتقوليلي قبل لا أسافر .. ام حارب : شو تباني أقوولك يا ولدي.. الله يردك لنا بالسلامه .. حارب :فديتج يا اميه ( ويحبها على راسها وعقب وقف ) يالله عيل بخليكم تامرون بشيء .. خليفه : وين بتسير؟ حارب : بسير ميلس عمي ثاني عند الشباب .. بسلم عليهم وبييب رفوووع بالمره .. خليفه : ( بعد ما وقف ) رد السلام عليهم .. يالله وأنا بعد بسير عنكم برقد .. بو حارب : سلم على عمك يا حارب وقوووووله يخطف عليه العزبه قبل المغرب .. بغيته في سالفه .. حارب : ان شاء الله .. ام حارب : الرب حاااااافظ .. سار خليفه يرقد وطلع حارب بيسير صوب بيت عمه .. دش الميلس وحصل الشيبه محمد راقد .. وبو راشد وحمد ومانع يسولفون وغيث ومنصور وراشد يطالعوون التلفزيون ويسولفون .. دش حارب وسلم عليهم ويلس وياهم .. والبنات سارن ويلسن في الصاله ويا الحريم .. منهن من يشوف التلفويون ومنهن من يسولف.. وعند الشباب .. وبعد ما خبر حارب شو موصنه أبووه .. رد بو راشد البيت عسب يرقد حمد : شو هالرمسه بعد ؟؟ مانع : ترمس صدق ولا تتمصخر؟؟ حارب : ارمسكم صدق .. حمد : بس هب انته قايللي ان عندك اجاااازه شهرين .. حارب : هيه .. حمد : عيل ليش ترمس رمستك هاذي ؟؟ حارب : انا بسير وبلغي اجازتيه وبكمل دراستيه .. مانع : وليش ان شاء الله .. حارب : عسب اخلص بسرعه .. حمد : بس هذا هب سبب .. حارب : كيف هب سبب .. اذا سرت الحين بيبقالي سنه وثلاث شهور .. واذا أخرت بيبقالي سنه وخمس شهور .. خلني اسير الحين وافتك .. مانع : لااحق انته على الدراااسه .. ايلس وكمل اجازتك وعقب كمل دراستك عادي .. حارب : بس انا ابغي اخلصها قبل هالمده.. حمد : الصراحه عذرك ما يدش العقل .. منصووور : هيييييه انتوا ارمسوا شوي شوي ..خلونا نركز في الفلم .. حمد : منصوووور خلك في اللي انته فيه وخلنا نرمس .. غيث : ورمستكم ما تتأجل .. حارب : والله اسأل ولد سالم جاان سفرته تتأجل .. راشد ومنصور وغيث يشوفون الباجيين ومب مستوعبين .. شوووووووووو ويقومون وييلسون عدالهم .. منصور : تخبلت انته .. عنبوو ما يلسنا وياك .. غيث : هيه والله .. حارب خل عنك هالرمسه .. حارب : شقايل أخليها وأنا خلاص حجزت وبسافر اليوم .. راشد : أِشهد انك خبييييييييييييييييل .. مانع : حارب انزين ايلس شهر وعقب رد .. حارب : ما أقدر والله .. انا سرت ولا يلست مردي اكمل دراستي وعقب أرد الدار.. منصور : اووه صدق انك اجبشن .. خل الدراااسه تولي وينتبه محمد الشويبه انهم مسووين صدعه في الميلس .. محمد : الله يغربل هالحااله .. ما تخلوون حد يرقد .. بتسكتوووون ولا أمرغكم بهالعصاااا ؟؟ منصور : اوووب رد عسالفه العصا .. اقووول انا سحبت كل اللي قلتله ويقووم منصوور ويرد يشووف التلفزيووون وكلهم ظحكوا عليه .. بس حمد الوحيد اللي كان شاغل تفكيره حارب وسفرته المفااااااااجئه .. حمد : اقووول حارب تعال نظهر شوي نتمشى بالسياره .. غيث : الحمد لله والشكر حد يتمشى الساعه ثلاث الظهر.. صدق متفيجين .. حمد : أقول .. خلك في التلفزيووون.. ما تشووووف اخووك منصور كيف مؤدب .. راشد : ههههه العصا مسوتله ارهاااب .. محمد : رويشد تعال بتخبرك .. منصور : هههههههه ويييييو بيظربوونه يقوم راشد وييلس عدال منصور .. غيث : خخخخخخ شكلكم يظحك .. منصور : اقول راشد شو رايك بالفلم . راشد : والله ترتوووووووب .. مانع : ويييييييو سوووووله طاااااااف غيث : امبوووونه ما همني ردهم .. راشد : خخخخخ مشكله اللي ما يعرفون يدافعون عن عمرهم .. حارب : الحمد لله والشكر .. أقول بو شهاب خلنا نظهر عن نتخبل .. حمد : مانع بتسير فيانا ولا الشووو؟ مانع : ههههههههه لا اسمحووووولي والله .. ما لي بارض للدواااره .. برقد أحسن لي .. حمد : خلاص عيل تاامرون بشيء .. منصور : وااحد كيما ثنين براتا وواحد ديوو وشوف الشباب شو يبون .. شاف حمد كرتون كلينكس على المكتبه .. شله وفره على منصوور .. للأسف ما صابه .. ظرب رااشد .. راشد : ويا راسك ما تعرف تجاااادي ويرد راشد ويفلع حمد بالكرتوون بس للأسف حمد تحرك وظرب حارب اللي كان ورااه .. راشد : ( سار صوب حارب وحبه على راسه ) اوووب اووب .. السموووحه والله ما قصدت .. حارب : ( باستهزاااء ) هاهاهاي بس عسب انك حبيتني على راسي بسامحك .. رااشد : ويا رااسك ما قلت عشاني عيل .. حمد : هههههه يالله يالله روحنا .. بس هالمره شل حمد الكرتون وفره على منصور .. وبسرعه ظهروا عنهم .. منصور : ( يتوعّد ) ماااااا عليه بترد البيت ولا .. ركبوا حمد وحارب السياره وكلهم ركبواا في سياره حمد ... وعقب فتره .. حمد : حااارب .. شو في راسك؟ حارب : بقووول بس لا تخبر حد حمد : شووو حارب : مخ ههههههه حمد : تراااااك والله متفيج.. حارب : يا حمد شو تباني أقولك حمد : قول كل اللي في قلبك حارب : ( يتنهد ) اللي في قلبي ما يعلم به غير ربي !!! حمد : ارمس يا حارب .. شو سبب سفرتك المفااااجئه؟ حارب : يا خي نفس السبب االلي طريته لكم في الميلس حمد : حااارب انا ما ينقص علّيه .. العب غيرها حارب : شو تباني أقولك؟ حمد : أعرف كل اللي في بالك يا حارب .. وأعرف ليش بتسافر .. حارب : ليش؟؟ حمد : السالفه تخص مهره بنت خالتيه حمده صح ولا .. حارب : ( وهوه يطالع برع من الدريشه ) ......... حمد : صح ولا ؟؟ حارب : حمد .. أنابسافر لأني أبي أرتاح.. حمد : ترتااح من شوو ؟؟ شو مضيج بك ؟؟ حارب : معاملتها لي .. اتصدق انها قالتلي اطلع برع .. ليش انزين شو مسوبهااااا أنا .. حمد : ومتى استوى هذا كله ؟؟ وقال حارب لحمد كل السالفه .. وهوه ما قاله إلا لأنه وااثق فيه .. حارب : وهاي كل السالفه حمد : ( معصب ) تخبلت انته ؟؟ حارب انته مستوعب اللي سويته .. حارب : ........ حمد : منوووو رخصك تدخل عندها ... ياخي هب عدله الحركه اللي سويتها.. حارب : شو تباني أسوي يعني .. كنت أبغي أحط حد حق اللي استوى .. حمد : بس عاااااد ما توصل لهالدرجه .. حارب : خلاص انزين.. هالشيء صاار واستوى .. حمد : لا حول ولا قوه إلا بالله .. حارب : الصراااحه صدمتني .. ما كنت أتوقعها جيه .. ليش شايله هالكره كله بقلبها ليش؟؟ حمد : ................... حارب : أنا بسافر عسب أنساها .. وعسب هيه ترتاااااااااح مني حمد : شو هالرمسه يا حارب .. ما في حد يرتااح من فرااقك .. حارب : ( بنبره استهزاء ) إلا مهره ... حمد : لا تعق هالرمساات على بنت عمك يا حارب ... الله يعلم بحالهااااا حارب : بس ليش انا بالذااات .. حمد : وانته شدرااك انك انته بس .. انا اذاقلت ابغي أدخل عليها يمكن تقولي لا .. لا تحط شيء في ذمتك .. حارب : أعووذ بالله من الشيطان الرجيم .. حمد : وانته بتسافر عسبة هالسبب .. حارب : هيه .. حمد : اوكيه سافر .. بس ايلس ليين ما ترتااح.. وعقب رد البلاد .. حارب : يصير خير .. حمد : يا حارب نحن ما صدقنا ترد البلاد .. حارب : ههه لهالدرجه تحبوني .. ظرب حمد حارب بكس خفيف على جتفه وابتسم له.. وشوي يصيح تلفون حمد .. بس استغرب ان الرقم غريب.. حمد : مرحبا المتصل : المرحب باجي انصدم حمد من أن اللي تكلمه بنت .. حمد : ... المتصل : منو ويايه ؟؟ حمد : والله انتي اللي متصله .. المتصل : اوكيه أنا مها وانته ؟؟ حمد : انتي منو تبغين ؟؟ مها : ليش.. هذا هب تلفون شمه ؟؟ حمد : لا هب تلفونها .. مها : اوكيه عيل اسمحلي .. شكلي مغلطه برقم حمد : بالحل .. مها : مع السلامه حمد : مع السلامه .. حارب : احم احم .. الحبيب منو يرمس؟؟ حمد : هااي وحده مغلطه بالرقم .. حارب : عليناااااااا يا بو شهاب .. حمد : ويا راسك تحيدنيه هب راعي هالحركات .. حارب : هههههه وعلى الساعه اربع ردوا الشباب البيت.. وسوا حارب تلفوون لرفيعه وقالها تطلع .. وروحوا كلهم بيتهم .. وفي الوقت اللي طلعت فيه رفيعه طلعت مهره من حجرتها وسارت الحجره الثانيه .. وشافت ميره وحصه وشمه بس رفيعه هب وياهم .. مهره : ويين رفوووووع ؟؟ ميره : ياا حارب وشلها .. اول ما نطقت ميره اسم حارب حست مهره بشيء يطعنها في قلبهااااا .. حصه : شكلج ما رقدتي .. مهره : هاااه .. لا ما رقدت .. شمه : شو تحسين بعمرج الحين .. مهره : الحمد لله وسيده طلعت وسارت حجرتهااااااااا .. فجت الكبت وطلعت صندوووق خشبي .. كانت تدور عن شيء .. كانت تدور عن صوره كانوا كلهم موجودين فيها وكان شكلها جديم .. كان حمد يالس على الأرض وعداله مانع وميره ومنصور وغيث وشمه ووراهم مهره وحارب ورفيعه وحصه وأونهم فريق كره قدم .... وكان عمر حمد ذيج الأيام 12 سنه ومانع شراته بس أصغر منه بثلاث شهور..وراشد وغيث ورفيعه 11 وحارب عمره 13 وميره ومهره وحصه 10 سنوات وشمه 8 سنوات ومنصور 9 سنوات .. ما همها مهره منو في الصوره اللي همها حارب اللي كان واقف عدالها ورافع ايده من ورا ومسولها قرنين (حركه الايد اللي جيه بس مجلووبه^) لوت مهره الصوره بقووو وهيه شوي وبتصيح... وحارب في السياره عقب ما خبر رفيعه بقرار سفره .. حارب : بس عاااد عن الصااايح .. رفيعه : شو يعني تباااااااني أظحك يعني حارب : اذا ما عندج ماااانع رفيعه : ليش عاااااد حد مظيجبك ؟؟ حارب : لا لا محد مظيجبي .. فهمها السالفه طبعا اللي تعذر بها ( مالت الدراسه ) لين ما اقتنعت .. وعلى الساعه ست المغرب ظهر حارب من البيت بعد ما سلم على أهله واللي تعذبوا صدق هم رفووع وامها .. ظهر حارب بعد ما راضاهن وحبهن على راسهن وسلم على ابوه وحبه على راسه .. ورد وسلم على اخوووه خليفه .. وظهر حارب بسيارته بعدما حط شنطته وسار صوب بيت عمه ثاني .. دش الميلس وسلم على الشباب وعلى يده .. حمد يوم عرف أنه بيساااافر قال انه هووه اللي يوصله المطااار .. عسب جيه أخرواااا سيرتهم للعين .. قال حارب لراشد يسوي حق امه ويقول ان حارب بيدش يسلم عليهم .. سار منصور ويا حارب ودشوا البيت .. كانن البنات ما عدا مهره يالسات ويا خالاتهن ويوم عرفن أن حارب بيدش يسلم قبل لا يسافر.. ين بيسيرن فووق .. بس حصلن هزبه محترمه من امهاتهن .. اونه ما فيكن مذهب الريال بيسلم بيسافر وانتن بتنخشن داخل .. وآخر شيء البنات يلسن يترين .. مهره كانت فووق كانت في حاله ما يعلم بها الا رب العالمين .. أول ما دش حارب ومنصور البنات واام غايه تغشن لأن ام غايه ما تلبس برقع .. وكلهم وقفوا .. وعقب ما خلص سلامه افترت عينه صوب البنات .. دوّر بين البنات هن ثلاث .. عرف ان القصيره هيه شمه والثانيه هيه حصه ... بس ميره ما عرفها شك فيها .. لأن مهره وميره لهن نفس الجسم والطول.. ام راشد : بنتي ميره سيري انتي وخواتج قولي للبشكاره تيب الفواله .. هنيه انصعق حارب .. ميره : ان شاء الله ... حارب : لا لا .. ما يحتاي أنا ياي أسلم إلا .. ورايا سيره المطار ام راشد : ما عاليه اشرب لك كوب عصير .. ... ميره هاتي عصير .. ميره : ان شاء الله طلعت ميره وسحبت البنات وياها .. ام راشد : اقربواااا يلسوا منصور وحارب.. وشوي أن مهره تنزل من فوق كانت بدون شيله ولابسه بيجاما وفاجه شعرها وما شاء الله شعرها طويل وناعن وقصتها طويله يايه على أطراف ويهها .... كان منصور في هالوقت ساير صوب امه بيرمسها شوي .. حارب كان مجابل الدري والحريم مجابلاتنه يعني ما يشوفن الدري .. كانت مهره تنزل ومب منتبهه لحد .. ويوم وصلت نص الدري رفعت راسها .. وشافت حارب .. حارب شافها .. وسيده نزل راااااسه .. عاد تخيلوا موقف مهره .. سيده ردت تربع فوق .. وقلبها بيظهر من محله سيده سارت الحجره وقفلت على عمرها .. أما حارب كان صدق مفتشل من عمره ... وشوي يدشن البنات ميره كانت شاله العصير وحصه بعد شاله العصير .. ووراهن حصه وشمه .. شمه يلست عدال امها وحصه وزعت العصير على خالتها .. وميره على ولد عمها ومنصور .. وعقب ما شربوا حارب ومنصور عصيرهم وقفوا ... وعقبما سلم على الموجودين ظهر وسار الميلس ويا منصور .. وعقب ما خلص سلامه مع الشباب ووصاهم يردوون السلام على يده وعمه لانهم كانوا في العزبه بعدهم ما ردوا .. والشباب كلهم تعلقوا فيه .. ساروا كلهم يوصلون حارب ... حمد ساق سياره حارب وركبوا وياهم مانع .. وراشد ومنصور وغيث في سياره غيث .. وروحوا المطار .. وفي الحجره مهره مفتشله وهب عارفه شو تسوي .. وتسمع دق عالباب .. حصه : مهروووه فجي الباب عااد وفتحت مهره الباب وحاولت تكون طبيعيه .. يلسن ميره وحصه على الشبريه وشمه على الكرسي ومهره واقف علىالباب .. ميره : مهرووه تعرفين وين حارب كان عندنا ... مهره : ( بإستهبال ) هااااه لا ما أعرف .. حصه : ياااي يسلم علينا مهره : يسلم علينا ؟؟؟؟؟؟!!!!! شمه : بيسااااااااافر هنيه حست مهره بقلبها ينقبظ بقوووووو ... شو بيساااااااافر .. ليش ليش ؟؟؟ أكيد أنا السبب .. وعقب ما استفسرت مهره عن سبب السفره المفاجئه .. وجاوبوها بأنه يبغي يكمل دراسته .. مادش هالعذر قلب مهره .. حست أنها هيه السبب .. واللي خلاها تتأكد الرمسه اللي قالها في المستشفى ((اوكيه بخليلج الحجره وبخلييلج المستشفى وبخلييلج البلااااااد بكبرها .. عسب ترتاااحين مني)) .. وعقب ما ردوا قوم حمد العين.. وتحديدا عقب العشااا ... وبعد ما تعذرت مهره عن العشا .. حاولت مهره ترقد لأنه راااسها بينقع من الصايح اللي صاحته على حارب بعد ما عرف تانه سافر.. وكانت تفكر بحااااااااااااااارب .. خاطري يا صاحبي منك انكسر ... يوم قررت السفر عني بعيد كـان ودي نلتقي طـول العمر ... والـغلا مـا بيننا ساعي بريد كيف بصبر كيف بقوى (ع) الصبر ... وانته في دمي وتجري بالوريد تمسي بقلبي وتصبح في النظر ... وكل يوم الحب في نبضي يزيد كيف بوصف حالتي وصفي قصر ... فير شوقي ما معي شيء جديد الغلا والشوق في قلبي بحر ... هايج الأمواج واعصاره شديد كيف تتركني وانا بحالة خطر ... حاير الوجدان ودموعي قصيد ما يسلّي خاطري غيرك بشر ... انته الغالي ومضنوني الوحيد في غيابك ما تعوّضني الصّور ما يعوّض نظرة الوجه السعيد صرت اكلّمها وتخنقني العبر ... أعزف احزاني على شعري واعيد وانتظر وارجوك لي عيد النظر ... لا تقرر بالسفر عنّي بعيد |
|
الجزء الخامس عشر
مرن الأيام ويالتحديد مرن اسبوعين مهره يوم عن يوم يزيد عوار قلبها وولهها وندمها وكل شيء .. حارب في حال ما يعلم به غير ربه .. ندمان على اللي سواه ومتضيج من مهره .. وميره جالبه البيت فوق تحت لأن المدرسه بتبدأ بعد يومين .. وهيه ما شبعت من الاجازه .. بعكس مهره اللي تبغي المدرسه عسب تنشغل عن حارب وعن التفكير به .. ومهره استلمت جدول العلاج .. وتحاول تنتظم عليه .. وقوم منصور ردوا بيتهم ..وعلى الساعه 5 العصر وفي الصاله ام منصور وعنود يالسات .. وشوي يدخل عليهم منصور وهوه يعقم كندورته .. وحاط غترته على جتفه.. ام منصور : هاه على وين العزم ؟؟ منصور : بيخطفون عليّه عيال خواتج وبنسير المول ام منصور : شو لك من الحاايه فيها؟ منصور : اميه المدرسه عقب يومين .. بسير اشتريلي نعال يديد وغتر وبالمره بفصل لي كمن كندوره يديده.. ام منصور : عنبوااا بعد كنادير ؟؟ الا من شهر مفصل.. ويصد منصور صوب المنظره اللي على اليدار ويلس يلبس غترته منصور : كنت مفصل لي 4 كنادير .. وحده علق فيها الآيل وما طاع يخوز عنها ام منصور : انزين هاذي وحده والباجيات؟؟ منصور : يعني يا اميه اسير المدرسه بثلاث كنادير بس .. ام منصور : عنبووه ما عندك كنادير جداام .. منصور : افااا يا اميه .. أنا منصور بن سهيل ألبس كنادير جدام.. ام منصور : عيل ؟؟ منصور : لا..أنا بطراان ما ألبس غير يدااد .. ام منصور : يا ويلي عليك بس .. منصور : انزين اميه يالله بخليج ..الشباب برع ام منصور : الله يحفظك .. بس هالله هالله في الدرب وقول حق سويلم ما يسرع الا من سنه مقبظ الليسن وأدريبه دومه مسرع .. منصور : ان شاء الله يا اميه .. عنود : أنا برووح وياك منصور : لا لا عيب .. البنات ما يسيرون ويا شباب .. عنود : ( شوي وبتصيح ) لا لا انا برووح منصور : خلاص بشتريلج اسكريم وحلاوه وانا ياي .. انزين؟؟ عنود : انزين ويظهر منصور ويسير المول ويا سالم وخالد .. وفي بيت قوم حمد .. غيث يالس في حجرته يتلبس لانه بيظهر .. وتدش عليه حصه .. حصه : فديت اخويه أنا غيث : خير ان شاء الله .. ييبيها من الآخر .. شو تبين ؟؟ حصه : اممممم أبغيك تحوطني غيث : شووو ؟؟ حصه : أبغي أحوط غيث : لا ما شيء حواطه حصه : حراااام عليكم انتوا دوم تحوطون ومحد يقولكم شيء .. نحن دوم في هالبيت بين أربع يدران وما عندنا شغله .. لا تتنيحس عليناا .. ما شيء باجي عن المدرسه غيث : اووه أنا الحين عندي شغله .. مواعد واحد ومستعيل .. حصه : والحل؟؟ غيث : غسلي ايدج مني .. شوفي حمد .. ويطلع عنها وهوه مستعيل .. حصه : اوووووووووف شو هالحاله .. وتسير صوب التلفون وتسوي لحمد .. بس تسمع صوت التلفون في حجرته .. وتسير وتشله .. حصه : يا ربي .. حد يسير وينسى تلفونه .. وتنزل تحت .. وفجأة تشوف حمد ومانع داشين البيت ويظحكون .. حمد : هلا حصيص .. مانع : مرحبا والله .. حمد :هيه ما يخصك في اختي .. حصه : هههههه مرحبا مانع : شحالج ؟؟ حصه : بخير وسهاله .. حمد : اووه زين حصلتي التلفون .. ما أدري وين حطيته .. حصه : حصلته في حجرك.. حمد : زين زين .. حصه : امممم انزين بو شهاب طلبتك طلبه قول تم .. حمد : أول ارمسي خلاف بقول تم حصه : احلف بس عيل شو الفايده .. حمد : عيل كيفج.. طلبج مرفوووض .. مانع : افااا بس يا بو شهاب ..حصوه ينفع انا أقول تم .. حصه : امممممممم لا مانع : ويا راسج .. عيل طلبج هب مرفوض وبس إلا مرفوض رفضا تاما .. حصه : احلف ويا ويهك مانع : طع هاي .. ايييه أنا أكبر عنج .. حمد : اوووه منكم .. صدعتونا .. وييلسون في الصاله .. ويشربون جاهي حصه : دخيلك يا حمد .. حمد : شو بلاج .. حشرتينا .. حصه : ابغي...... حمد : شو تبغين بعد ؟؟ مانع : ههههههه تبغي طراااق حصه : ( تطالع مانع بنظره ) طنش تعش .. المهم الحين ..حمد ابغيك تحوطني.. حمد : (بإستهزاء ) يالله انزين اركبي السياره حصه : اوهوووه حمد عااد أتكلم ويااك جد.. مانع : عبالي عم .. حصه : يا ربي .. أخ مانع ممكن تسكت شوي أبغي رمس اخويه شوي.. مانع : ان شاء الله .. على أمرج الشيخه .. حصه : ( بتكبر ) هاه حمد شو قلت.. حمد : قلت سيري ييبيلنا عصير أحسن .. مانع : وييييو مب جنه قفطوهم.. حصه : حمد زين جيه خليت العواذل يغلطوون .. مانع : اونه.. عواذل قالت .. حصه : حمد شوفه.. حمد : لا إلاه إلا الله .. مانع : محمد رسول الله .. حصه : افااا يا بو شهاب .. والله ما هقيتها منك ..وين رمسك هااذيج .. يوم تقوول ( من متى أوعد ولا أوفي ) تحيد ولا أذكرك .. تذكر حمد السالفه وما هانت عليه اخته .. حمد : يصير خير .. عقب المغرب بنسير .. حصه : والله .. فديت اخويه انا مانع : لا لا ما شيء حواطه .. انا ورايه شغل وابغي حمد يسير فيايه .. حصه : مانع عااد لا تتنيحس عليّه .. ما شيء باجي عن المدرسه خلنا نستانس شوي .. مانع : خلاص خلاص .. والله ما في داعي تحبين ايدي .. غمضتيني .. حصه : ويا راسك .. ما عندي سالفه احب ايدك .. جيه خلص الشغل مانع : لج الشرف أصلا .. حمد : أقوول بتسكتوون ولا الشوو .. مانع : أنا عني بسكت .. بس سكّت اختك .. هيه اللي تتحرش فيّه حصه : آآآآخ بس .. الحين انا اللي أتحرش فيك .. مانع : أبدااا .. يالله بو شهاب بخليك الحين .. تامر بشيء حمد : على وين ؟؟ ما شيء سيره .. مانع : بسير البيت .. من أصبحت أهوم عنه .. حصه : هيه زين .. برايك .. حمد : شو برايه .. البيت ما بيطير .. تعال تحوّط فيانا .. حصه : شوو يتحوّط فيانا ؟؟ لا لا خليه يسير بيتهم أحسن مانع : حلفي بس .. لا يكون يالس عراسج ولا شيء .. عيل عنادا فيج بسير .. لا وراكب السياره قبلج بعد ... ويدش عليهم علاوي .. ويسير يسلم على مانع .. حمد : علي بتسير فيانا .. علاوي : وين ؟؟ حمد : نتحوّط .. علاوي : هيه بسير .. حصه : هيه ما شاء الله .. وانته ربيع من خطف .. لا ما شيء سيره .. مانع : ويا ويهج .. عاد كله ولا بو حسن .. هذا شيخج .. لا وراكب السياره قبلي و قبلج بعد حصه : حلووه هااي أنا طالبه هالحواطه وانتوا راكبين قبلي.. حمد : خلي عنج الحين .. عقب المغرب تزهبي وقولي حق شميم تتزهب بعد .. وان ما رييتج زاهبه .. ما شيء حواطه حصه : نذاله يعني ؟!! حمد : شيء من هالقبيل .. مانع : يالله بو شهاب قمنا نسير العزبه ابويه يبغي يرااوينااا البكره اللي شارنها .. حمد : يالله .. ويظهرون الشباب ويروحون عزبه بو مانع .. وسارت حصه وسوّت تلفون لشمه وخبرتها ان عقب المغرب ظاهرين من البيت .. البنااااااات استانسن من الخاطر .. وعكس هالشيء بالظبط هوه جو بيت ثاني بن محمد .. جو مكهرب ام راشد نفسيتها تعبانه شوي .. وميره ومهره متغربلات ويا المدرسه .. مع ان ميره حاسه ان مهره فيها شيء .. يعني كاتمه في قلبها شيء .. وهالشيء مخلي مهره يوم عن يوم تتعب .. بس ميره حاولت ما تبين هالشيء جدام مهره ... وعقب المغرب .. تحوطوا كلهم وخطفول على الشيشه واشترولهم بيبسي وحلاوه وجبس وهالأشياء وخطفوا على عرقوب ويلسوا يسولفون .. وفجأة يصيح تلفون حمد .. قام حمد من محله وسار عنهم بعيد شوي ويلس حمد : مرحبا مها : مرحبتين .. هلا والله حمد : هلا بييج ( حمد من النوع اللي هب متعود يكلم بنات .. ومن الأصل ما يحب يكلمهن .. وكان طول الوقت يكلمها من ورا خاطره ) مها : شحالك ؟؟ حمد : بخير وسهاله مها : عساه دوم .. حمد : أجمعين .. مها : انزين شوي شوي .. ليش عايف دنياك حمد : والله ما أدلج أسألي عمرج .. مها : بسم الله عليّه ما أحيدني مسويه شيء .. حمد : ......... مها : بلاك .. حمد : ما بلايه شيء .. خير اختي شيء تبين .. قلنالج ان هذا هب تلفون شمه مها : ادري انزين حمد : عيل يوم تعرفين ليش ترديين تتصلين .. مها : ............ انزين ببند بس بغيت اعرف شيء حمد : خير مها : شو إسمك ؟؟ حمد : وانتي شو تبيبه اسمي ؟؟ وشوي ان مانع يزقره من بعيد مها : اهااا بو شهاب .. عاشت الأسامي والله حمد : عاشت ايامج .. تبين شيء ثاني .. كم عمري .. وين بيتنا .. وكم رقمه وكيف شكلي .. مها : شوي شوي عليّه .. انته ليش عصبي وايد .. حمد : ........... مها : شكلي أزعجتك بهالإتصال .. السموحه عيل حمد : ( في خاطره : توج تعرفين انج ازعاج ) بالحل مها : مع السلامه حمد : فمان الله .. ووصل مانع عنده .. وهم يمشون وسايريين صوب البنات مانع : قم قم .. ردينا البيت .. اميه مسوتلي تلفون ومحتشره .. ههههههه اونه يالرغيد حمد : صدقها انزين .. مانع : لا والله .. ومنو قايل البيت ما بيطير .. لا تنكر .. في شاهد حمد : اذا كنت تطري حصه .. ففي دقيقه بجلب مخها .. مانع : وأنا أقول الأخت ظاهره على منووه .. حمد : هههههه يالله اركب اركب .. ورانا سيره الهير بعدنا .. ووصّلوا قوم حمد شمه الهير وهم ردوا البيت .. مانع خذ سيارته وسار البيت .. وعلى الساعه 11 فليل حمد سار الميلس اللي برع.. امه رقدت وعلاوي كان راقد في السياره وكمل رقاده في البيت .. وحصه سارت المطبخ تييب العصير و الكيك اللي مسوتنه .. وعقب ما خلصت ودته الميلس .. كان حمد منسدح على الغنفه ويالس يجلب في هالقنوات .. سارت حصه صوبه وعطته كيكه وكوب عصير .. حمد : هههههه وين منصور عن هالكيك .. حصه : الحماار ما بيذوق من كيكي .. حمد : هههههه خلاص انزين .. يالله قومي عطيني جهازالفيديو من فوق .. سارت حصه ويابت جهاز الفيديو وعطته حمد .. وقام حمد وطلع من تحت الغنفه شريط فيديو .. حصه : حممممممد شو هالشريط ؟؟ وليش داسنه تحت .. حمد : اقول كلي واكرمينا بسكوتج .. حصه : شوفوا .. أونه يسكتّني .. انته قد هالحركه .. ويخش ايده في قصة حصه وينفشها حمد : قدهاا وقدود... وقام وحط الشريط في الفيديو .. حمد : 123 استعدااااااااد ويدق على فص التشغيل .. حصه : اللللللللللللللله ما فيه حيله النيسان ... حمد : اووهووه بتسكتين ولا ارووغج برع .. حصه : لا لا دخيلك لا تروغني .. اسكت أحسن .. حمد : يكون أحسن .. وعقب عشر دقايق تقريبا .. حمد : اييه انتي بدال ما تبحلقين في السيايير والويلات تعالي .. حصه : ( ما خوزت عينها عن التلفزيون )هااه شو تبغي .. حمد : شو هااه بعد .. العرب يقوولون نعم حصه : نعم .. حمد: تعالي دلكي راسي .. راسي يعورني حصه : انزييين وتقوم حصه وتيلس عدال اخوها من بعد ما كانت يالسه تحت.. ويلست تدلك اخوها .. وعقب خمس دقايق .. يدش عليهم مانع فجأة .. مانع : يحظك والله .. اقول حصيص تعالي دلكيني حصه : خليت التدليك لحرمك النحسه .. مانع : ايه انتي .. ما أسمح لج حصه : اونه ما يرضى عليها .. من الحين ؟؟!! مانع : طبعا ما أرضى عليها .. حمد : ( يصد صوب مانع ) ها الرغيد من وين ياي ؟؟ مانع : من بيت اليران ..من وين يعني ؟؟.. حمد : شيء طيب الصراحه مانع : حوووه حصيص .. حصه : (وبعدها ما خوزت عينها عن التلفزيون) خير خير .. حشرتنا تراك مانع : سيري ييبيلي كيك .. وعصير همبا بارد حصه : انزين بسير اصبر دقيقه .. دقيقه بس مانع : دقيقه بس .. حمد : انزبن خل عنك الكيك وما كيك ..شو قالتلك خالتيه ؟؟ مانع : الله الله عالجيب .. حصه : هههههه لا تغير السالفه باباتي ... حمد : شو تبينه يقول يعني .. ان امه قالتله يالرغيد .. مانع : اقول حبيبي .. خليك في التلفزيون أحسن حصه : ههههههه حليلك والله مانع : عيل شو رايكم ان اميه ما قالتليه شيء .. حصه : احلف .. مانع : والله .. حمد : غريبه .. مانع : خخخخ حصلتها راقده حمد : قول جيه من قبل .. وشوي تلفون حمد يصيح .. حمد : هلا والله من شوي نطريك منصور : بخير ولا ... حمد : حصه مسويه كيكه .. انمااا ايه .. حصه : احم احم منصور : احلف بس .. وانا اقول شو موصلني جدام باب بيتكم حمد : هههه ويا راسك .. منصور : انزين صدق انا جدام باب البيت .. حمد : ( معصب ) منو يايبنك ؟ منصور : هههههه بلاك .. لا تزيغ سويلم وخلّود يايبيني فياهم.. حمد : هيه عبالي بعد ياي بروحك .. منصور : ارتاح عيل.. حمد : وين داركم بالظبط منصور : تونا داشين حارتكم.. حمد : اوكيه .. نترياكم .. ويبند حمد عنه .. حمد : حصيص سيري داخل شباب بيوون .. حصه : اووووف وشو يايبنهم الحين بعد .. مانع : يالله يالله جلبي ويهج وبندي الباب وراج عشان هوا المكيف ما يطلع برع .. حصه : شوف انا بطلع بس عسبة حمد قالي ولا والله هب عشان سواد عيونك .. حمد : زين زين .. يالله شلي هالعيشه ووديها المطبخ وانتي مروحه وتشل حصه الاكل وتسير المطبخ .. وقبل لا يدخلون قوم منصور.. خالد : منصور وين مطبخكم ..بشرب ماي.. باكل دوايه لين الحين ما كلته .. منصور : سيده جدامك.. ويالذكي ليش ما كلت الدوا في السياره يوم عندك الماي .. خالد : يوم حطيت يديه في مخبايه تذكرته .. منصور : ما عليه انته سير الحين المطبخ .. سيده جدامك خالد : اوكيه بس متأكد أنه فاضي ؟؟ منصور : أكيد فاضي .. منو هالمتفيج اللي بيتعبل في المطبخ هالوقت خالد : عقووولتك.. دش منصور ويا سويلم الميلس وسار خالد المطبخ .. كان ليت المطبخ شغال .. ويوم توه بيدخل شاف حصه واقفه وعاطيتنه ظهرها وشيلتها كانت شوي وبتطيح عن راسها وكانت قصتها الطويله طايحه على طرف ويهها .. وكانت تقطع الكيك عسب تطرشه الميلس .. اول ما انتبه خالد بعمره رد على طرف المطبخ من برع .. وشوي يسمع حصه تغني حد مثلي بات مشجنه مالت ميحد .. وكان صوتها روووعه بمعنى الكلمه .. وشوي تغني تدري اني موت أحبك .. حصه كانت وايد مندمجه بالغنيه .. ومب منتبهه لحد لأن أصلا خالد كان يمشي بدون صوت لأنه كان حافي .. وغصبا عنه تم خالد يسمع حصه وهيه تغني .. بس وفي لحظه تخيل ان حد يشوفه بهالموقف.. شو بياخذ فكره عنه .. وأصلا هوه بعد ما يرضاها على اخت ربيعه .. ويوم توه بيرد الميلس .. يته نوبه السعال واللي مفروض ياخذ دواها .. حاول خالد ايوود عمره عن لاتسمعه حصه .. وحاول يتحرك .. بس هالمره كان سعاله ثجيل وايد .. وما قدر يقبظ عمره أكثر من جيه .. حط ايده على ثمه وتم يسعل .. هنيه فزت حصه محلها .. زاغت .. ما عرفت من وين ايي هالصوت .. ردت شيلتها على راسها وتحجبت ..ويوم يت بتطلع شافت كندوره بيضه جدامها وخالد كان عاطنها ظهره ومتساند على اليدار وموخي تحت ويسااعل .. هنيه انصدمت حصه وما عرفت شو تسوي .. بس أكيد أول شيء سوته هوه انها تغشت .. كان باين عليه انه مب من خوانها .. كان خالد يسعل ويسعل حتى ويهه غدا احمر .. ربعت حصه صوب الثلاجه وصبت ماي وربعت صوب خالد حصه : تفضل اخويه .. اشرب مااي .. انتبه خالد لها يوّد الكوب من ايدها وشرب الماي وشوي وخفّت السعله .. طلّع دواه من مخباه وكله .. كانت حصه .. منصدمه على ما تعرف شو يستوي جدامها .. ما تعرف اذا هيه في حلم ولا بعلم .. ومنو هذا وشو يسوي هنيه وتساؤلات وااايد .. بس اللي قطعه .. خالد : مشكوره على الماي حصه : العفو .. حصه ما خوزت عينها عنه والسبه الصدمه بعكسه هوه اللي ما رفع عينه عن الأرض من الموقف اللي استوى ... رد خالد الميلس وردت حصه تقطع الكيك وهيه مب مستوعه شو اللي استوى قبل شويه .. خالد يمشي وهوه ينتفض .. لان السعال من يومين فيه ولا طاع يخف ويوم عن يوم يزيد واليوم تأكد انه زاااد بدرجه فظيعه .. وان الدوا ما ياب فيه .. الشباب ما سمعوا سعال خالد .. كانوا حاطين شريط مال السيايير ومطوليين عليه وصوت الويلات واصل برع الميلس .. دش خالد عليهم وكلهم زاغوا من شكله مع انه سلم عليهم عادي .. منصور : بسم الله .. خلوووود بلاه ويهك جيه .. سالم : شو يااك ؟؟ خالد : ما شيء بس السعاال غربلني .. حمد : شو كاظنك ؟؟ ليش ما تسير المستشفى ؟؟ سالم : سار وأنا اللي مودنه بعد ... بس أشوف حاله نفس ماهوه .. لا وبعد زاااد مانع : انزين سير مستشفى ولا عياده ثانيه .. خالد : ( بنبره فيها كحه ) يصير خير (( وكح مرتين )) منصور : شو يصير خير ؟؟ يا خي طالع شكلك والله تزيغ... خالد : ( يفلع منصور بالمخده ) سير ول ويا راااسك ... (( ويفتر صوب التلفزيون ويشوف النيسان يشل عتايرين )) روووح ما فيك حيله يا النيساان .. وشوي يصيح تلفون حمد .. حمد : الو حصه : هلا حمد (( كانت حصه ترمسه وقلبها وشوي بيطلع من محله .. كانت تبغي تتأكد إذا خالد قال شيء حق حمد )) حمد : هلا (( ارتاحت حصه يوم شافت مزاجه حلو وحاولت تغير الموضوع)) حصه :أقول حمد تعال المطبخ وشل الكيك ووده الميلس حمد : ومن متى وانتي في المطبخ ؟؟ حصه : (بإستهبال ) هاه .. لا توني يايه .. ليش؟؟ حمد : خلاص خلاص ما شيء .. حصه : انزين ما بتي تشل الكيك؟؟ حمد : بيي .. حصه : اوكيه انا بسير داخل .. بتحصل الصينيه على الطاوله اللي عدال الثلاجه .. حمد : اوكيه .. طلع حمد من الميلس وسار المطبخ ويابلهم الكيك ... وأول ما دخل الميلس .. منصور : عنك عنك .. حمد : لا والله .. يوم يبته تبغي تشله عنيه .. منصور : لا يا انتيليجنت قصدي عنك صحن كيك .. ولا انته برايك امبوووني ما بشل الصينيه عنك .....ههههههههه حمد : هههه عبالي بتفزعلي بعد .. ويحط سعيد الصينيه على الطاوله .. وتموا الشباب ياكلون .. وننتقل لبيت سالم بن محمد...... رفيعه طايحه على الشبريه ومشغله لابتوبها ويالسه تسمع شله عيضه ( من تكون ) وكانت حاطه اللابتوب على الطاوله اللي عدالها .. ويلست رفيعه تشوف روضه اللي كانت راقده عدالها .. كانت روضه لاويه على دبدوب حمد وراقده .... افترت عين رفيعه على الدبدوب .. وتذكرت سالفه الستي وابتسمت .. وفي جهه ثانيه من العالم وبالتحديد في شارع من شوارع أمريكا .. حارب يمشي ولابس جاكيت وخاش ايده في مخباه .. وكان يفكر فيها.. هيه في مهره .. حس بتأنيب الظمير على اللي سواه.. هيه روحها تعبانه واللي سواه أكيد زادها .. الله واعلم اذا الله بيكتبلها تعيش في هالدنيا ولا لا .. ليش يعذبها وهيه روحها متعذبه .. ليش ؟؟ ليش ؟؟ كان وده يبند عينه ويرد يفتحهن ويحصل عمره في دبي وبالتحديد جدام مهره عسب يستسمح منها ... بس ما في اليد حيله .. ما دريت إني معذب في هواك ... ولا دريت إني على شانك بكيت يا حبيبي مالي في الدنيا سواك ... يعل ربي يحفظك دامك حييت وإن صبرت إصبر على قلب غلاك ... ما رخصبك في الهوى لأنك وفيت وإنتظرني بشوق ملهف يا ملاك ... يا أعز محب في حبه إرتميت ما أصعب فرقاك ولا بيدي جفاك ... ما نسيت ولا على بعدك قويت لا اتكدر يا بعد عمري كفاك ... أعرف جروحك بنظره لو خفيت في كدركم تنتزع روحي فداك ... والسبايب غلطتي لأني جفيت مالي غيرك مول في الدنيا عداك ... أطلبك تسمح خطايه لي خطيت وننقل لبيت ثاني بن محمد .. وعلى الساعه وحده وثلث بتوقيت دبي .. مهره يالسه على الدري .. كان التعب باين عليها .. ما كانت ترقد الليالي والسبه الألم والدويات والسبب الرئيسي حارب .. صاحبي من دونك العالم صعيب ... يسكنه حزن ويغشاه السكون الفرح عن دنيتي أصبح غريب ... والسعاده صاحبي صارت شجون من ملكت القلب وانت لي قريب ... شخص أحبه وأعشقه حد الجنون كل أحزاني بقربك بقربك لي تطيب ... يا بعد روحي ويا خلي الحنون كنت أظن إني وسط قلبك حبيب ... ترخص الدنيا على شاني تهون كيف تبكيني وعن عيني تغيب ... كيف هان الحب يا خلي الحنون وتقوم مهره وتسير حجرة ميره .. كانت ميره توها بترقد .. ميره : ليش ما رقدتي ؟؟ مهره : ما ياني الرقاد .. ميره : ما ياج الرقاد ولا شيء يعورج .. مهره : لا مـ ـ ـ ـا شـ ـيء يـ ـعـ ـ ورنـ ــ ــ ـي.. ويغمى عليها وتطيح على الأرض .. ميره : ( تبغم – تصارخ ) مهره وتسير ميره صوبها .. وتحط ايدها تحت راس مهر وتحاول توعيها بس ما قدرت .. وتمت ميره تزاقر على امها ... امها وابوها زاغوا .. وربعوا صوب حجره مهره .. ميره : ( وهيه تصيح ) الحقوا ما اعرف شو استوابها .. وهنيه حست ام راشد براسها يدور وحاولت تتقبظ بشي لين ما وصلت الشبريه ويلست عليها .. ميره شوي تصد على امها وشوي على مهره ما تعرف شو تسوي ولا عند منو تسير .. بو راشد : سيري زقري اخوج بسرعه وربعت ميره صوب حجره راشد .. راشد كان قافل حجرته وراقد وتمت ميره تدق على رااشد بقوو وتزقره وراشد رقاده ثجيل حتى صريخ ميره ما سمعه يوم كانت تزقر امها وابوها .. نش راشد وفتح لها الباب.. راشد : اووووف شو تبين حشرتينا.. ميره : راشد دخيلك تعال .. ما اعرف شو استوى بمهره .. ويسير راشد حجره ميره وحصل ابوه عدال مهره وامه يالسه على الشبريه وشكلها تعبان .. راشد : بسم الله شو مستوي .. بو راشد : سير تلبس بسرعه و دخل سيارتك داخل البيت .. يالله بسرعه راشد : ان شاء الله .. سار راشد وتلبس بسرع ه ودخل سيارته داخل البيت وفي هالوقت حاولوا يلبسون مهره عباتها وشيلتها .. وبعدين شل بو راشد بنته ونزل تحت ونزلت وياه ميره .. ويوم ركّبوا مهر السياره .. ميره : ابويه أسير وياكم .. بو راشد : لا يا بنتي .. انتي يلسي عند امج وداري عليها .. وانا وراشد عند اختج ميره : ان شاء الله .. بس دخيلك يا بويه طمنا عليها .. بو راشد : ان شاء الله بنتي .. سارت ميره عند امها وروحوا قوم بو راشد المستشفى .. وفي المستشفى وبعد ما طلع الدكتور من عند مهره وتمت النيرس داخل .. وهوه نفس الدكتور المواطن اللي يعالجها .. بو راشد : هاه دكتور بشّر .. الدكتور : ما فيه إلا كل خير .. بس بنتك ومن المعلومات اللي قالتلي عنها النيرس .. أنها من يومين ما كلت دواها .. وانته طال عمرك تعرف أن دواها وايد مهم لها وخاصه في حالتها .. بو راشد : يا دكتور هيه هب بس مقاطعه الدوا ..إلا مقاطعه العيشه بعد .. الدكتور : وهذا بعد سبب من الأسباب .. هب زين عليها .. هالشيء يمكن يؤدي لشيء مب في مصلحتها .. راشد : شو تقصد ؟؟ الدكتور : يا أخ راشد .. اختك مثل ما تعرف فيها مرض .. الله واعلم إذا الله بيكتب لها تعيش ولا لا .. وهالشيء بيد ربك .. ونحن الحين نسوي اللي علينا .. ومدة علاجها ثمان شهور والدواء والأكل وطبعا إذا التزمت عليه على الأقل في امل أنها تشفى .. ومقاطعتها للدوا والأكل بيؤدي أن المرض بسيطر على جسمها .. وفي ذيج الساعه ما بيكون عندنا حيله .. راشد : يا دكتور دخيلك سو اللي تقدر عليه .. دخيلك يا دكتور بو راشد : وإذا كان لازمنكم فلوس حق دوا ولا شيء تراني حاظر.. الدكتور : دام فضلك الشيخ ... ما يحتاي والله الشيخ زايد ما قّصر ما خلا دوا ولا جهاز ما يابه ..الله يطول بعمره ويديمه لنا .. وانته يا اخويه راشد .. بحاول أسوي كل اللي أقدر عليه وما بقصر فيها والياقي عليكم .. يعني اقنعوها تاكل وتلتزم بالدوا .. بو راشد وراشد : ان شاء الله راشد : انزين وشو حالها الحين ؟؟ الدكتور : الحين الحمد لله .. عطيناها الدوا والحين السستر عندها .. بو راشد : يعني تقدر ترد ويانا .. الدكتور : هيه نعم .. راشد : مشكور يا دكتور الدكتور : العفو الشيخ .. هذا واجبنا بو راشد : تسلم يا ولدي الدكتور : الله يسلمك الوالد .. يالله أنا بترخص منكم .. تامرونا بشيء بو راشد : سلامتك راشد : سلامتك وما تقصر الدكتور : مع السلامه وروح الدكتور وهوه يمشي بطّل اللبس ماله وعطاه للنيرس اللي تمشي وقالها توديه غرفته وتيبله غترته وعقاله .. تريا النيرس اللي يابتله الغتره والعقال .. وكمل طريجه وهوه يلبسهن.. بو راشد : الله سخر هالريال الطيب لنا .. راشد : هيه والله .. الله يعطيه على قد نيته ويدشون قوم بو راشد وراشد داخل وعقب ما ارتاحت مهره ردوا كلهم البيت .. وكانت الساعه ثلاث وربع .. ويوم توهم داشين البيت .. مهره : اسمحلي يا بويه ... تعبتك ويايه بو راشد : ( يحبها عراسها ) لا تعبتيني ولا شيء .. بس بتتعبيني إذا ما كلتي دواج واذا ما تاكلين.. مهره : ان شاء الله يا بويه .. سار بو راشد حجرته .. وسار راشد ومهره حجرهم وعلى آخر الدري مهره : واسمحلي بعد انته يا راشد .. تعبتك راشد : ( يظربها على راسها ) تعبتيني ونص .. وبتتعبيني أكثر إذا كلتي دواج والتزمتي به مهره : فالك طيب .. راشد : يالله تصبحين على خير .. مهره : وانته من أهله .. ودخل راشد حجرته .. وسارت مهره حجرتها بس يوم توها بتدخل تذكرت ميره.. عقّت مهره عباتها وشيلتها وسارت حجرة اختها .. ويوم دخلت ما حصلت ميره .. دورتها في الدور الفوقي كله وما حصلتها .. ويوم نزلت وسارت حجرة الضيوف بعد ما حصلتها .. وسارت المطبخ التحظيري وبعد ما حصلتها .. ويوم سارت الصاله حصلت ميره يالسه على الغنفه ومتربعه وحاطه راسها على الغنفه وراقده .. كانت تترياهم ورقدت ... يلست مهره عدال ميره .. ومسحت على راسها .. انتبهت مير لأختها .. نشّت ميره ولوت على اختها .. مهره : هههههه شو هالحب اللي نزل مره وحده .. ظربت ميره مهره على ظهرها .. ميره : جب حب .. انتي آخر من يرمس يا الحماره مهره : بسم الله وأنا شو سويت .. ميره : أبداا ما سويتي شيء .. المهم الحين.. شو تاااااانسين؟ مهره : ههههه أرقص على ريل .. ميره : الحمد لله .. مهره : واميه شحالها .؟؟ ميره : الحمد لله بخير ورقدت عقب ما طمنها ابويه عنج.. مهره : الحمد لله .. صح ؟؟شو مرقدنج في الصاله .. خلصن الحجر ؟؟ ميره : ويا راسج .. كنت أترياكم .. مهره : حلفي بس .. عيل شو رايج اننا من ربع ساعه واصلين لا وخطفنا جدام الصاله ورمسنا .. هذا كله وما حسيتي ؟؟ ميره : امممم لا.. مهره : انزين خليينا ندور شيء ناكله .. من البارحه ما كلت شيء ميره : صباح الليل ... حد ياكل الساعه ثلاث ونص مهره : قومي قومي .. طااعوا منو يرمس بس وسارن المطبخ التحظيري وسون 2 نودلز ولسن ياكلن ويسولفن في المطبخ .. ووصلت الساعه اربع الفير .. ترين البنات الصلاه .. وعقب ما صلّن رقدن .. وبالباجر على الساعه 10 الضحى نشن ... وعقب ما نزلن تحت وتريقن يلسن ويا امهم وابوهم وراشد وميوود والشويبه محمد .. محمد : هااه بنيتي شو تحسين بعمرج الحين .. مهره : الحمد لله فديتك .. أخير اليوم بو راشد : كلتي دواج ولا بعدج .. مهره : أكيد كلته.. بو راشد : هيه جيه أباااج .. ميره : خلصتوااا .. بس تتنشدون عن أخبار الأخت .. وأنا ماشاء الله بنت البطه السوده ام راشد : هههههههه يا ويلي عليج بس.. راشد : يالله عيل أترخص منكم الحين .. ام راشد : وين وين ؟؟ راشد : اميه .. تراني قلتلج البارحه اني بسير العين .. بو راشد : عندك شغله هناك ؟؟ راشد : بسير ويا غيث صوب ربيعنا علووه ياي من العمره وما سرنا نسلم عليه .. بو راشد : حلييله رد السلام عليه .. راشد : سلامن يبلغ .. ام راشد : هاالله هالله في عمرك .. وعن السرعه .. راشد : هههه ان شاء الله ميره ( حاطه ايدها على خواصرها ) : نعم نعم نعم .. ما شيء حتى نحن نبغي نسير نتحوط ام راشد : هيه والله يا بو راشد .. شو رايك نسير على اختي ام حمد بالمره ونقيل عندهم .. مهره : هيه يا بويه دخيلك وافق .. خلنا نشم هوا شوي .. دومنا محكورين في هالبيت .. بو راشد : ان شاء الله فديتج .. على امرج مهره : فديت روحك انا .. ميره : ليش انتوا جيه ؟؟ انا طالبه السيره راشد : وحليلهم يغارون .. بو راشد : وانته يا بويه شو رايك تعزم ويانا ؟؟ محمد : لا لا ورايه شغل بو راشد : العزبه الخداااديم بيعابلونها .. انته سر ويانا محمد : لا يا ولدي.. هاذيلا ما يعرفون مونتهم عدل .. أنا بيلس هنيه ما عليه شر .. مهره : دخيلك يا يدي .. سر ويانا .. نحن ما بنبات هناك ... ما يظر يوم واحد ما تسير لها العزبه .. ميره : ها يدي شو قلت ؟؟ محمد : شو أقول بعد.. يصير خير راشد : يالله عيل خلصوا مونتكم بسرعه .. لازم أكون عند الريال قبل الغدا ام راشد : ان شاء الله يا ولدي .. بو راشد يركز على مايد اللي طايح على الغنفه ويشوف التلفزيون بدون ما يتحرك.. بو راشد : ميرووه شوفي اخووج بلاه صااخ وتسير ميره تشوف اخوها .. ميره : هههههه رقد ام راشد : فديته من الساعه خمس ناااش يدابج .. بو راشد : ما عاليه خلوه راقد لين نروح .. ام راشد : مهره سوي لبنت خالتج حصه وقوليلها اننا بنيهم .. مهره : ان شاء الله اميه وهنيه قام راشد من محله ويلس عدال مهره .. مهره : بلاك؟؟ راشد : ما بلايه شيء ..حرام يعني .. كنت يالس تحت ويلست فوق الغنفه ظهري عورني مهره : اهااا .. ( أصلا راشد لا عوره ظهره ولا شيء.. من أول ما سمع طاري حصه ارتبش ) اتصلت مهره على بيت خالتها .. بس الصدمه ان اللي شله غيث.. مهره : السلام عليكم غيث : وعليكم السلام والرحمه مهره : ...... غيث : منو ويايه؟؟ مهره : ( متردده ) أنـ ـ ـ ـا مـ ـ هـ ـ ـره غيث : مهره بنت خالوه حمده .. ولا غلطان مهره : هيه انا غيث : يا مرحبا بج والله .. شحالج؟ مهره : بخير الحمد لله غيث : عساه دووم .. بس بغيت أتخبرج ؟؟ مهره : خير ان شاء الله غيث : رووويشد وينه عنج .. قوليله اني من متى أسويله وكله مقطووع مهره ( تصد على راشد ) : وين تلفونك ؟ غيث : أحيده عند ميوود يلعب سنيك .. ويسير راشد صوب مايد ويحصل التلفون تحته .. وما فيه ولا نقطه ارسال مهره : جان بتسوي له الحين سوله التلفون عنده .. غيث : اوكيه .. بغيتي حصيص .؟؟ مهره : هيه اذا ما عليك امر.. غيث : افااا .. دقيقه بس .. ويوطي غيث السماعه ويزقر على حصه .. وشوي أن حصه توصل وترمس مهره .. وفي نفس الوقت كان غيث يرمس راشد .. وكان غيث يالس عدال حصه .. حصه ( متحمسه ) : يا مرحبا يا مرحبا الساااااع والله .. هلا بالغلا كله .. مهره : احم احم .. اخجلتي تواضعي ..شحالج الشيخه .. وهنيه كان غيث يرمس راشد .. وراشد في عالم ثاني يتسمع لحصه وهيه ترمس.. غيث : حوووووه انا ارمسك.. وين وصلت ؟؟ راشد : هاه .. وياك وياك ؟؟ غيث : باين .. انزين شو رايك الحين ؟؟ راشد : رايي في شو؟ غيث : ويا راسك وانا من الصبح أرمس منووو .. أطريلك سيارتي .. شو رايك ابيعها واشتري نيسان وسط؟؟ ونرد لحصه ومهره : حصه : قولي والله .. حلفي ..دخيلج ارمسي صدق مهره : والله العظيم حصه : دخيلج عيدي كل اللي قلتيه مره ثانيه .. مهره : الحين بنظهر وبني عندكم العين .. حصه : الله .. والله أني مستااااانسه لدرجه ماا تتصورينها .. مهره : انزين يالله بخليج .. بسير اتلبس وأخلص شغليه .. ميرووه سبقتني .. وبعد بالمره بسوي حق رفووع إذا بتخاويينا حصه : بعد رفوووع ..صدق وناسه .. يالله يالله مع السلامه .. مهره : مع السلامه .. سوت مهره تلفون لرفيعه وقالت انهم بيسيرون العين وبيردون دبي عقب المغرب .. وعزمتها هيه وامها ..وشاورت رفيعه امها .. امها وافقت وبذالك رفيعه وامها بتسير وياهم .. وعقب ما خلصوا .. ساروا الشباب في سيارتين .. سياره بي ام يسوقها بو راشد ووياه حرمته وابوه محمد ومايد .. وسيارة استيشن يسوقها راشد ووياه خواته وام حارب ورفيعه ..اما اليازيه وخليفه من البارحه ساروا يتكشتون وساروا صوب دبا .. وفي الدرب .. وفي سياره راشد .. وبالتحديد جدام منطقه بيت خالته بعشر دقايق .. حاطين أغاني وربشه في السياره .. وشوي راشد يشوف سياره نيسان تديّم له وراه .. قصّر راشد على المسجل ووقف السياره على طرف الشارع .. ووقف النيسان وراه .. نزل راشد ونزلوا الشباب من السياره .. كانوا مانع وحمد .. وعقب ما سلموا على بعض .. كانت ام حارب يالسه جدام.. ومهره وراها .. وميره الطرف الثاني وفي النص رفيعه .. وحمد ومانع كانوا واقفين عدال باب ميره .. وبالتحديد عدال مانع.. والسياره طبعا مخفي حمد : يا مرحبابك والله مانع : نورت البلاد بو سنيده ميره ( في قلبها ) : بوجودك .. وهيه من استويت منوره .. راشد : هههههه تسلمولي والله حمد : وين وين؟؟ راشد : والله سايرين بيتكم .. حمد : احلف بس وانا آخر من يعلم .. راشد : وانته من متى تهوم .؟؟ حمد : امم تقريبا من الساعه تسع .. راشد : عيل مخبرين هلك عالساعه 10 .. وتعاال .. غيثووه من البارحه يدري .. حمد : هههههه ومن البارحه العصر ما شفته.. راشد : حشى .. ويالسين في بيت واحد ..ههههه مانع : شو ياي بروحك ولا؟؟ راشد : الأهل كلهم ويايه .. ابويه سبقنا .. أكيد وصل .. مانع : السلام عليكم ياللي في السياره .. حمد : يا مرحابكن والله .. رفيعه متيبسه محلها .. ما تصدق ان بينها وبين حمد بس متر وشوي.. ولو الود ودها جان نزلت من السياره وقالتله .. الله يحييك.. بس الثقل زين..هههههه ام حارب : الله يحييكم عيالي .. علومكم لاخليت منكم ؟؟ هنيه حمد ومانع استغربوا.. منو هاي ؟؟؟ مانع : بخير يعلج بخير .. حمد : بخير وعافيه ربي يسلمج.. راشد (بصوت واطي) : هاذي حرمة عمي .. هنيه حمد افترت عينه صوب الدريشه .. يا ربي .. أمووووت وأعرف منو ورا هالدريشه .. ورفيعه طاحت عينها على حمد .. وهنيه تمت تدقق فيه عدل .. كان لابس كندوره بيج وغتره نفس اللون .. ومانع .. آآآخ يا مانع لو تعرف انته عدال منو واقف .. جان لزقت في الدريشه لزق .. بس يالله المخفي يلعب دوور ..ههههههه راشد : يالله عيل .. بخليكم .. بنتشاوف في بيتكم يا حمد .. حمد : ان شاء الله .. مانع : نحن بنسير بعدنا البيت بييب اميه عندكم لأنها بروحها في البيت وابويه من الفير سارح المزرعه .. راشد : ان شاء الله خير .. حمد : يالله عيل .. الله يحفظكم.. ويركب راشد سيارته ويسير صوب بيت حمد .. وحمد ومانع ساروا اييبون ام مانع .. وفي بيت قوم منصور .. منصور : امييييييييييه .. بس محد يرد عليه .. ويسير حجرتها وما يحصلها .. وسار حجره شمه .. كانت شمه يالسه تسحي عنوود .. منصور : شميم .. وين اميه شمه : سارت بيت خالتيه عفرا منصور : انزين سويلها وخليها تي بسرعه.. شمه : شو تبابها إلا من ربع ساعه ظاهره منصور : قوليلها تي عسبة نسير بيت اميه شمه : غريبه ؟؟ هالوقت منصور : يا ربي منج يا الله رمسيها وقوليلها ... هبابنا نوصل .. الساعه بتوصل 11 ونص .. شمه : انزين .. وتسوي شمه تلفون لأمها اللي كانت في بيت اختها .. وبيت اختها عدالها .. واختها هيه ام سويلم .. واختها عذابه هيه ام خالد .. وصلت ام منصور البيت عقب خمس دقايق .. وكان منصور توه نازل من الدري.. منصور : توج يايه .. يالله يا اميه .. العرب يتريوونا .. ام منصور : اي عرب .. شو سالفتك؟؟ منصور : اميه .. حمد مسولي تلفون وقالي اييبكم .. وهناك خالتي حمده وعيالها كلهم ووياها بعد ام حارب وعزمونا عالغدا ام منصور : زين زين .. يالله خمس دقايق وبزهب .. منصور : يالله انزين انا اترياكم .. ام منصور : وانته بتودينا ؟ منصور : هيه.. ام منصور : خل عنك .. حمد بيهزبك منصور يطالع امه وكله خقه .. منصور : احم احم .. هوه قالي هاتهم .. ام منصور : على قولتك .. يالله بسير اتلبس وسارت ام منصور وتلبست وركبوا السياره وطلعوا من الهير ... ويوم وصلوا حصلوا السيايير ما شاء الله .. سيارتين مالت قوم راشد .. من غير سياره حمد وسياره مانع وسياره غيث وسياره مالت قوم حمد للعايله .. سياره حمد ومانع وراشد في الحوي داخل البيت .. والباجيات في الكراااجات اللي برع .. الشباب في الميلس .. ما عدا غيث وراشد اللي ساروا صوب ربيعهم يسلمون عليه.. وأصروا على الشباب ايوون وياهم بس تعذرواا .. والحريم يالسات في الصاله.. البنات على طرف والحرمات على طرف وكله سوالف وظحك .. وعقب الصلاه .. سارن البنات ( ميره + مهره + رفيعه + حصه + شمه ) المطبخ عسبة يعابلن الغدا والسلطات وهالامور .. وعقب ما تأكدن أن كل شيء جاهز .. ردن مهره وحصه وشمه البيت وتمن ميره ورفيعه في المطبخ .. ميره : اقول رفووع شلي جيك اللبن وأنا بشل الدهن وجيك الماي .. رفيعه : اوكيه .. شلت رفيعه صينيه اللبن وتريت ميره تطلع جيك الماي من الثلاجه .. تجدمت رفيعه وقالت تظهر تترياها عند باب المطبخ .. وفي نفس الوقت كان حمد حادر المطبخ .. كان يعابل في التلفون .. وكان ياي يقول للبشكارات يحطن الغدا .. ورفيعه كانت تمشي وصاده وراها.. وفجأة تدعم حمد .. وينجب اللبن على حمد .. وحمد مايعرف شو السالفه .. شهق حمد .. لأنه ما عرف شو اللي استوى ولأن اللبن بارد .. وفي نفس الوقت شهقت رفيعه اللي ما تعرف شو ياب هالمخلوق جدامها .. لا وحمد بعد... يالفظيحه |
|
الجزء السادس عشر
شكل حمد كان يهلّك من الظحك .. وتلفونه تسبح باللبن .. غدا لونه أبيض .. ونعاله خايس وكندورته خايسه بكبرها .. ميره من شافت حمد سيده اندست ورا الثلاجه .. وحمد ما شاف ميره يعني كان ماخذ راحته الأخ.. رفيعه نزلت راسها .. ويوم رفعت راسها شافت حمد يبتسم لها .. ردت رفيعه ونزلت راسها .. ومن الموقف اللي استوى حتى رفيعه ما حسّت بعمرها .. يعني نست انها هب متغشيه .. بس كانت متحجبه .. وكانت شاله الصينيه وكانت لابسه كندوره ورديه وشيله نفس اللون .. رفيعه يوم نزلت راسها استحت وبانن غمازياتها .. حمد في خاطره : فديت هالغمازيات والله .. والله واحلويتي يا رفيعه .. وحب حمد ينرفزها شوي .. حمد : اوووف زين جيه .. الحين كيف بسير عند الرياييل هنيه رفيعه تلومت وزاغت من جديه حمد .. رفيعه : ( بنبره فيها خوف ) إسمحلي .. والله ما شفتك .. حمد : هالطول وهالعرض وما شفتيني .. رفيعه : ...................... حمد ويوم شافها طفرت .. حمد : ههههه أتمصخر وياج .. تفداج الكندوره ويفداج التلفون ويفداج النعال ... وكلي أنا افداج .. رفيعه : ( وصلت حدها من المستحى ) مـ ــ ـــ شـ ــ ـكور .. بقول حق حصه تييبلك كندوره حمد : ما يحتااي الشيخه .. امبوني بتسبح عقب الغدا .. بس خلاص .. الحين بتسبح .. رفيعه : ........... طلعت رفيعه من المطبخ بعد ما حطت الصينيه على الطاوله وتم حمد في المطبخ .. سارت رفيعه ونست ان في وحده اسمها ميره مندسه في المطبخ .. سار حمد صوب الثلاجه بيشرب ماي .. هنيه ميره تيبست مكانها .. ما عرفت شو تسوي .. تقرب حمد وشرب ماي .. وشوي تدش البشكاره.. ويصد حمد صوبها .. البشكاره حاطه ايدها على خدها وتشوف منظر اللبن .. وهيه مستقطعه .. البشكاره : اوووف منو سوي جبي لبن ؟؟ حمد : هههه شوي شوي عن تطلع عيونج .. البشكاره : بابا حمد .. ليش جبي لبن .؟.؟. الحين ماما موزه سوي جنجال حق أنا .. لبن ما في .. لبن فيه بس واحد جيك .. حمد : لعنبووووووها من رمسه .. شوي شوي على عمرج .. البشكاره : شو هازا مشكل .. حمد ( سرح ) وأحلى مشكل بعد البشكاره : الحين شو سوي ؟؟ ما في لبن .. حمد : نفااد .. فدوه عن راسها .. امم قولي حق ماما موزه حمد جبي لبن .. اوكيه .. البشكاره : زين .. حمد : والحين جلبي ويهج وازقريلي حصيص .. البشكاره : اوكيه بابا .. سارت البشكاره وزقرت حصه .. وطول الوقت ميره ميوده عمرها ... وفي قلبها دق طبوول ..ههههه وشوي أن حصه تدخل .. حصه : اووب اووب اووب .. منو جاب اللبن حمد : حصيص أبغيج تييبين ثيابي بسير أتسبح بسرعه قبل لا يتغدون حصه : اوكيه .. بس منو جاب اللبن .. (ويوم انتبهت لحمد) طلعت هاذيج الظحكه .. اللي من الخاطر .. حمد : حلفي بس .. قايللج نكته أنا حصه : لا .. بس شكلك ههههههههه حمد : ويا راسج .. يالله استعيلي الرياييل في الميلس حصه: بس فضيحه تدخل البيت جيه .. حمد : يالذكيه بدخل من الباب اللي ورا ماال المطبخ الداخلي .. وعقب بسير حجره الضيوف وبتسبح هناك .. فهمتي ولا .. حصه : عيل ليش زاقرني .. حمد : عسب تتيبيلي ثياب من حجرتيه وتحطينهن في الحجره اللي بتسبح فيها .. حصه : اهااا .. حمد : لا اها ولا اهيي سيري بسرعه .. أنا سيده بسير الحجره .. واترياج هناك .. حصه : اوجييه .. طلع حمد وسار صوب الباب اللي يودي المطبخ .. وتحت حصه في المطبخ لأنها أمها قالتلها تييب لومي من الثلاجه .. سارت حصه صوب الثلاجه .. وأول ما شافت ميره .. حصه : ميرووووه .. شو تسوين هنيه ؟؟ وليش مندسه ورا الثلاجه .. ميره : هاااه .. لا ما شيء بس اخووج كان داش المطبخ .. حصه : واندسيتي ورا الثلاجه .. ميره : ( تبتسم ) عليج لمبه .. حصه : وشفتي شكله وهوه خايس لبن ..ههههه ميره : لا ما شفته .. يالذكيه شقايل بشوفه وانا مندسه هنيه .. حصه : هههههه مستغربه شقايل انجب عليه هههههههه ميره : ( حاولت تغطي على اللي شافته ) يمكن زل ولا شيء.. حصه : واي نت .. انزين يالله نسير داخل .. اووه تعالي نسيت اميه مطرشتني اييب لومي ميره : انتي ظهري كمن حبه وأنا بقصهن .. وعقب ما خلصن ردن الفله .. ويوم دخلن الصاله .. كانت توها رفيعه داخله .. كانت رفيعه يايه من الحمام اللي عدال المطبخ .. كانت تغسل كندورتها .. كانت خايسه لبن من تحت .. وكان شكل الكندوره باين انها مغسوله .. بس مب وايد .. حصه : هااه وينج ؟؟ رفيعه : هنيه .. ما تشوفيني يعني .. حصه : ههه ويا راسج .. أطري من وين يايه ؟؟ رفيعه : كنت أغسل كندورتيه.. ميره : ( تستهبل ) وشو مخيسنها ؟؟ رفيعه : هاه .. ما أدري شو مخيسنها .. حصه : هههه كل واحد مخيس من صوبه .. وسارت حصه حجره حمد عسب تييبله ثياب.. وعقب الغدا .. ميره ورفيعه يتغسلن صوب المغاسل .. ميره : رفيعه .. رفيعه : خير .. ميره : كلي أنا أفداج .. هنيه استقطعت رفيعه .. وانتبهت ان ميره كانت موجوده في المطبخ .. رفيعه : هااه ..شو؟؟ ميره : ههههه وتتدش مهره عليهن .. مهره : بلاكن انتن .. رفيعه : لا فديتج ما بلانا شيء .. مهره : زين .. يوم بتخلصن تقوولكن حصه كل وحده تاخذلها كوب جاهي وتسير فوق .. رفيعه : اوكيه الحين بنسير .. وعقب ماسارن فوق .. حصه : ههههههههه حلفي.. رفيعه : انتن خلن هالسالفه عنكن الحين .. لازم تحشن .. مهرووه كلتي دواج ؟؟ ظربت مهره بإيدها على يبهتها .. مهره : اوووووووه نسيت .. ميره : سيري قبل لا يسوييلج ابويه عرس .. سارت مهره وصبت لها ماي اللي كان فوق الطاوله .. رفيعه : وين شمامي؟؟ حصه : قالت بتعطي عنوودي دواها وبتي .. وعند الشباب ... منصور : أقول يدي شو رايك تسير عزبتنا ؟؟ محمد : والله ما عندي خلاف .. منصور : عيل خلاص .. اليوم بسير فياك العزبه .. محمد : بسير وياك وويا هالرغود .. حمد : هههه ومنو هالرغود .. محمد : انته وربيعك .. أشهد أن منصور شيخكم .. منصور : كح كح .. مانع : يا خي شوي شوي عن يطيح فجك .. منصور : ههههه أشفق على حالكم والله .. حمد : أقول يدي ما نروم نسير فياك .. عندنا شغله .. ويدور محمد عصاته.. مانع : لا لا افااا يا يدي ما تتحمل مصخره .. حموود يقص عليك .. منصور : يقصون عليك يدي .. حمد : بصوت واطي ويتحلف لمنصور .. (( براويك )) محمد : الشووو .. الشوو ؟؟ يالله قوم راوني منصور : خخخخخ يدي لطشها قبلي .. مانع : يدي شوف شوف .. منصور يرمس من وراك .. يقول الشيبه مقصه .. ويصد الشيبه صوب منصور .. ومنصور اللي ما رام يدافع عن نفسه .. منصور : والله يقصون عليك .. ويصيح تلفون حمد .. بان على حمد أنه متضيج .. وقام من محله وسار نص الحوي .. وبالتحديد جدام سيارته .. حمد : ( متضيج ) خير الشيخه شو تبين ؟؟؟ مها : بسم الله .. العرب يسلمون قبل حمد : السلام عليج .. ارتحتي .. مها : وعليك السلام .. وما ارتحت .. من ورا خاطرك طلعت .. حمد : من ورا خاطري ولا جدامه.. عراسج هوه مها : حمد شو بلاك عليّه .. متضيج وتحط حرتك فيّه .. حمد : يا هي حاله .. مها : حمد .. ممكن تسمعني ؟؟ حمد : خير مها : حمد والله اني هب راعية حركات .. انا طحت عليك بالغلط .. بس أسلوبك جذبني لك .. صدقني حمد : انزين وشو تبغيني أسوي .. مها : ممكن تتقبلني كـ ربيعه .. حمد : السموحه .. بس أنا هب راعي هالحركات .. مها : أي حركات ؟؟ أنا ما قلت لك اطلع ويايه ولا مواعدتنك .. بس في التلفون .. انته ليش مكبر الموضوع .. حمد : خلصتي كلامج ؟؟ مها : هيه .. واتريا جوابك .. حمد : انزين .. اسمعي يا بنت الناس ..اللي تسوينه غلط .. وانتي تعرفين أنه غلط .. وما أعرف ليش مصره ترتكبين هالغلط .. هالشيء مب لصالحج .. وخذيها نصيحه مها : حمد .. أنا هب ياهل .. وأعرف الصح من الغلط .. ما في داعي تنصحني .. حمد : اوكيه .. لا تقبلين نصيحتي .. بس حبيت أقولج انسي رقمي.. وانسيني ولا تعلقين في بالج أمل لو المووت توصليله .. وياليت ما تتصلين مره ثانيه .. مها : لحـــ ....... وبند التلفون في ويهها .. وشوي أن مسج واصلنه .. (( ظلنّي في ظليلك .. مدخل الله دخيلك ..لاتعذب خليلك .. دامني عاشقّنـــك ... مها )) مسح حمد الرساله ورد الميلس .. مانع : هااه بو شهاب خير ان شاء الله .. حمد : ( يحاول يبتسم ) سلامتك والله .. منصور : هاه يدي ؟؟ متى تبانا نسير .. محمد : عقب صالة العصر ان شاء الله .. منصور : غايته .. مانع : اقول يدي.. وين عمي بو راشد ؟؟ محمد : والله يا ولدي يقوول ساير يسلم على بو هادف وبيرد .. وعقب الصلاه ساروا كل الشباب العزبه .. والحريم سارن يسلمن على يران موزه اللي رادين من الهند .. يعني البيت مافيه غير البنات .. حتى ميود وعلاوي ساروا العزبه ويا الشباب .. وعنود سارت ويا امها صوب الحرمه .. والحين البنات كلهن يالسات في البيت وبالتحديد في الصاله اللي فوق .. حصه : وفضالنا البيت .. ميره : وبدا الشيطان يوسوس في راس حصيص .. مهره : والله يعينا .. رفيعه : الله يستر بس!! شمه : ههههه حرام عليكن بلاكن عليها .. ما قالت شيء انزين .. حصه : شدراني ابهن .. مهره : شو رايكن نسير نيلس فوق العرقوب .. حصه : لا .. بنيلس عقب .. بس الحين بنسوي شيء ثاني .. ميره : قولي يا ام الدسايس .. حصه : ترينّي بسير وبيي وتيود ميروه من ايدها .. ميره : ايه وين بتوديني ؟؟ حصه : ههههه باكلج ونزلن تحت وسارن صوب الميلس .. ميره : ليش يبتينا هنيه ؟؟ حصه : صبري علّيه انتي وتسير صوب الغنفه وتطلع من تحتها الشريط .. ميره : شو هالشريط .. حصه : شريط الأحلام... قومي بسرعه خلينا نسيرلهن ويوم وصلن الصاله .. حصه : يالله عحجره حمد .. رفيعه : هاه .. شو بتسوين ؟؟ حصه : انتن تعالن .. وسار حصه الحجره ولحقنها البنات.. أول ما دشن الحجره حصلنها مزبله .. الفراش مب مرتب .. والكبت نص بيبانه مفتوحات .. والتواليت ( التسريحه ) مبهدله مشط هناك وعطر غطاته طايحه تحت وغتره طايحه عدال الشبريه وسده الشبريه مفتوحه .. بالمختصر المفيد .. حجره مبهدله وحالتها حاله سارت حصه صوب التلفزيون وحطت الشريط في الفيديو.. ويلست رفيعه فوق الشبريه ووياها شمه .. وميره ومهره وحصه تحت .. ويلسن يشوفن شريط السيايير .. رفيعه مب مهتمه بالشريط .. تمت تشوف حجره حمد وتتمنظر فيها .. وطاحت عينها على دفتر كان على طاولة عدال الشبريه .. كل البنات مشغولات في الفلم ومحد منتبه .. قامت رفيعه ويابت الدفتر .. تساندت رفيعه على الشبريه وحطت الدفتر جدامها .. فتحت أول صفحه وشافت شخابيط .. ( اقول بو شهاب طلبتك طلبه .. بدال ما تتغزل وما أدري الشو .. أبغيك تكتب قصيده في نادي العين .. والله انه يستاهل .. يالله أترا القصيده .. منصور ) ظحكت رفيعه على رمسه منصور .. ويوم جلبت الصفحه شافت هالقصيده صوبتني بنت مزيونه ... صوبتني وثر مصطابه صوبتني نظرة اعيونه ... يوم فيّه شل بهدابه أشهد أنا النفس محزونه ... عفت زادي مول ما هنا به شب الوسط ليوف بركونه ... وسط قلبي نار لهّابه وزرع قلبي هافت غصونه ... والسبب م الحب وعذابه المحبه عوق ومهونه ... خص كان صغير نبدا به وتمت تقرا القصايد .. ويوم لاحظت ان الفلم بيخلص عقّت الكتاب في السده بسرعه ميره : والله روووووووعه .. مهره : عنلاتكن.. أنا ما أحب هالسوالف وخليتني أتعلق فيها .. حصه : ههههه حد قالج شوفي شمه : أحلى شيء النيسان الوسط الذهبي .. يخبل .. ميره : هاه رفوع .. شو رايج في الشريط .. رفيعه : الفلم؟؟ هيه وايد حلو.. حصه : يالله عيل بسرعه بسير أرد الفلم وبرد .. اذا درا حمد بيدفني في نص الحوي .. مهره : تستاهلين ههههه .. يوم قلتلج نسير العرقوب أحسن .. ميره : ويا روسكن ما شيء باجي عن الصلاه .. بس باجي ساعه إلا ربع .. وعقب ما رتبن أمورهن سارن فوق العرقوب .. طبعا عقب ما ترخصن من الحريم .. وقاللهن أول ما يأذن يردن البيت .. سارن البنات ويلسن فوق العرقوب .. ويلسن يسولفن .. كان العرقوب بعيد عن الشارع شوي .. يعني محد بيلاحظهن ... بس في واحد لاحظهن .. كان راكب سياره بي ام .. ومعمايه كامل .. نزل الدرايش اللي ورا وشغل المسجل .. وكانت غنيه عالي مستواه وطول عليها عالآخر.. وتم يحاوط جدامهن .. مهره : يعلني بلا شيفته .. والله ما عنده سالفه .. ميره : ( تغني ويا الجسمي ) كل الحسن في عيونه وويه ومحياه .. رفيعه : والله انج متفيجه ميره هانم .. حصه : هههه الأخت ارتبشت .. لا قومي ارقصي بعد .. قامت ميره تسوي عمرها بتقوم ترقص حصه : ما صدقت الاخت .. هيه هيه .. قري عن يشوفج هالخايس ويقول عيبتهن السالفه .. ميره : ويا راسج وتحيديني راعية هالحركات .. كنت أتمصخر بس.. شمه : افففف لاعت جبدي من هالغنيه .. حط غيرها .. رفيعه : اسمكين انكن ... قومن خلنا نرد البيت قبل لا يرد .. مهره : ما في داعي حبيبتي .. هكووه رد .. حصه : صبري .. أول ما يروح بنروح .. رفيعه : استعدن .. اول ما روح .. نزلن البنات بسرعه وحاولن يسرعن حركتهن عسب يظيعنه .. ووصلن البيت بسلام ... ويوم وصلن ... شافن كل الشباب ردوا من العزبه حصه : وااااااااا خيبتيه .. ميره : بسم الله.. بلاج؟؟ حصه : لو درا حمد ولا غيث عن سيرتنا للعرقوب .. هالمره صدق بيدفنونا .. بس هالمره في نص الحاره .. رفيعه : انزين ليش ؟؟ نحن ما سوينا شيء غلط .. حصه : هاهاهاهي هاذيلا ما عندهم غلط ولا هب غلط .. بس هم ما يدانون فكره سيره العرقوب من الأصل .. مهره : والحل يعني ؟؟ شمه : اممم أنا عندي الحل .. رفيعه : قولي .. شمه : انتن تريني تحت الكراج وانا بستطلع الأمر .. حصه : أوكييييه بس بسرعه .... دشّت شمه داخل البيت وردت وطلعت بسرعه .. ميره : ليش رديتي؟؟ شمه : غيثوه يرمس بالتلفون في الحوي حصه : ياااويلنا .. وشوي يسمعن الأذان وعرفن انهم الحين بيظهرون .. ويترابعن البنات صوب السكه .. حصه : اوووووووب الحمد لله .. رفيعه : هههههه اشكالنا تظحك .. شمه : اووووووووش اسكتن .. بيسمعونا .. وشوي ان الشباب يطلعون من البيت ويركبون سياييرهم ويروحون المسيد .... دخلن البنات شوي شوي .. وتمن يتظاحكن على أشكااااالهن .. وعقب وما صلوا المغرب .. تزهبوا العرب لردة دبي ... وفي دبي وبالتحديد في حجرة ميره .. وبالتحديد على الساعه تسع.. رفيعه : يالله بخليكن .. مهره : وين وين ؟؟ رفيعه : شو وين بعد.. برد البيت .. ميره : ليش انزين ؟؟ رفيعه : حلفي بس .. ولا شو رايج ارقد هنيه بعد .. مهره : وليش لا ؟؟ رفيعه : ماماتي .. لا تنسين ان باااجر .. مدرسه .. ميم.. دال .. راء .. سين .. هاااء ... وبمعنى آخر .. اس .. سي .. اتش ..دبل اووه .. إل.. سكووول .. ميره : وشو يعني ؟؟ رفيعه : يعني .. رقاد من وقت .. ونشه من وقت .. وتصبيحي على ويه براين اللي ما عنده سالفه .. مهره : حمدي ربج بس.. انتي اهون عنا .. نحن ثنويه عامه .. رفيعه : هيه والله الله يعيينكن ... ميره : آآ مين .. رفيعه : وهالله هالله في النسبه اللي تبيض الويه .. تسمعني ولا ... بس هب تغلبن نسبتي .. ميره : عنبووووووه وانتي حد يروم يوصلج . حد ايييب 92.5 شراتج .. لعنبوووووج كلتي الكتب ذييج السنه .. رفيعه : خمسه وخميسه في عين الحسوود .. قولي ما شاء الله .. وييه وييه .. ظمنت رسوبي هالسنه .. ميره : ههههههههه مهره : لا ان شاء الله فال الله ولا فالج .. بتنجحين ان شاء الله .. ميره : انا بودي عبينا وشيلنا عند البشكاره .. رفيعه : اوجيييه .. مهره : وودي كندورتيه وياج وطلعت ميره وسارت صوب البشكاره .. رفيعه : مهرووه .. ابغيج تشدين حيلج انتي واختج .. ارمسكم صدق .. خلو عمي ثاني وعموه حمده يستانسون .. مهره : ( تنزل راسها ) ان الله كتبلي اعيش لين ذاااك اليوم .. رفيعه : ( معصبه ) ايه مهاري شو هالرمسه بعد .. ان الله راد بتعيشين لين ذاك اليوم .. وبتتمين عايشه لين الله يكتب لج .. خلي عنج هالرمسه .. والله يا مهرووه ان سمعت هالرمسه تطلع منج مره ثانيه .. صدقيني .. ما بتشوفيني يوم في هالبيت وانسي ان عندج بنت عم اسمها رفوع .. ( قامت رفوع بتطلع من الحجره ) مهره : رفيعه .. وقفت رفيعه محلها بعد ما فتحت نص الباب .. مهره : ادعيلنا بالنسبه الحلوه .. رفيعه تصد وراها وتبتسم لمهره .. رفيعه : بس لا تحلمين انج توصلين نسبتي .. وطلعت رفيعه وسارت بيتهم ويا بشكاارتهم .. وباليوم الثاني نشوا كلهم نشوا عالساعه ست الصبح ... وروحن ميره ومهره المدرسه وشلوا وياهم ميوود عسب يخطفونه على الروضه مالته .. وما بقا غير راشد وام راشد يالسين .. وبو راشد سرح ويا ابووه محمد صوب التله عندهم ركض .. راشد : ( يحب راس امه ) يالله اميه بخليج .. ام راشد : الله يحفظك .. بس يا ولدي بغيتك تودي اختك المستشفى .. اليوم موعدها .. راشد : والدريول ؟؟ ام راشد : الدريول ابغيه يوديني بقظي لي حايه وبرد .. راشد : اوكيه .. اول ما برد من الكليه بوديها .. لان عالساعه ست عندي شغله .. ام راشد : يصير خير .. راشد طلع من البيت ويرد يدخل ... ويسير صوب الطاوله وخذ اوراقه ورد وطلع .. وفي المدرسه ... ميره في صف ومهره في صف .. ميره كان عليهم احتياط ..كانت يالسه على الطاوله تشخبط .. وشوي ان ربيعتها فاطمه تي عندها.. ومهره تكره هالانسانه كره .. وايد شايفه عمرها وترمس من طرف خشمها.. فاطمه : اقول ميره .. ميره : ( من ورا خاطرها ) قولي .. فاطمه : صدق اختج فيها سرطاان .. ميره : ( منصدمه ) ومنو قالج ؟؟ فاطمه ساكنه في منطقه بعيده عن منطقه قوم ميره .. كيف وصلها الخبر؟؟ فاطمه : بعد ربج.. الحين صدق ولا ؟؟ ميره : هيه صدق وان شاء الله بيخووز عنها .. فاطمه : ههههه ما شاء الله عندج أمل .. زين زين .. يا ماما السرطان معروووفه نهايته .. تعرفين شو معنى نهايته يعني الموووت .. ميره : ( بصوت عالي ) جــــــــــــــــــــــــــــــــــــــــــب .. ( وتطلع من الصف بدون ما تستأذن الأبله وبندت الباب وراها بقووو.. وسارت الحماام وتمت تصييح .. ) شافتها الابله اللي كانت واقفه عليهم .. وتغيظت .. الابله : فاطمه شو بلاها ميره ؟؟ فاطمه : ( بكل براااءه ) ما أدري .. كنت أسولف وياها .. وفجأة قامت وعصبت .. الابله : بنات انا بسير عند الاداره شوي وبرد .. ما أبغي حد منكن يطلع برع .. ولا أبغي ازعااج .. عدالكن صفووووف تدرس.. البنات : ان شاء الله .. ميره وهيه سايره الحمام شافتها مهره اللي كاان عليها عربي .. زاغت على اختها .. شافتها تمشي بسرعه وشكلها متظيجه .. حتى كل البنات صدن صوبها .. سارت مهره صوب الابله .. مهره : لو سمحتي أبله .. الابله : نعم يا مهره .. ميره : ممكن أسير الحماام ؟؟ الابله : عقب شوي .. الحين في جزئيه مهمه .. ميره : دخيلج يا ابله ... اختي شيء بلاها ولازم أشوفها.. الابله : امممم انزين .. بسرعه ولا تتأخرين .. طلعت مهره من الصف وسارت الحمام .. وأول ما دشت شافت الحمام فاضي .. بس في باب مبند .. سارت مهره ودقت الباب .. بس اللي في الحمام ما رد .. مهره : ميره ... ميره : .......... مهره : ميره .. أدريبج انج داخل .. عشان خاطري فتحي الباب .. وتفتح ميره الباب .. وكان شكلها انها صايحه بقووو بعد .. مهره : شو بلااااااج؟؟ ليش تصيحين .. ميره : .... ما شيء .. مهره : لا شيء .. محد بيصيح بلا سبب .. ميره : السخيفه مظيجتبي هيه ورمستها الخايسه .. مهره : ههههه فاطمه ..شو قالتلج بعد ؟؟ ميره : ما شيء ما شيء ... خلاص ردي الصف الحين ... مهره : لا هب راده لين ما تقوليلي شو السالفه .. وشوي ان المساعده تدش الحماام .. المساعده : ميره ... المديره تبغيج.. مهره : المدييييييره .. ليش ؟؟ ميره شو سويتي ؟؟ ميره : ما سويت شيء ... انتي ردي الصف الحين وبعدين بخبرج .. مهره : امم اوكيه .. بس انتي جيه ما بتخليني انتبه في الحصه .. ميره : انتبهي احسن لج .. اليوم خذنا جزئيه العربي وكانت صعبه شوي ويبالها تركيز.. مهره : اممممممم بحاول .. وطلعن البنات وسارت مهره صفها وسارت ميره الاداره .. وأول ما دشت شافت الابله اللي كانت واقفه عليهم يالسه والمديره جدامها .. ميره : نعم .. المديره : يلسي يا ميره .. بغيت أرمسج.. ميره : ان شاء الله.. ويلست ميره مجابل ابلتها .. المديره : ممكن تفسريلي اللي سويتيه ؟؟ ميره : يالنسبه لشووو ؟؟ الابله : أولا بالنسبه للكلمه اللي قلتيها .. ثانيا بالنسبه ظهورج من الصف من غير اذن .. ثالثا : بالنسبه لتبنيدج البااب بقوو .. وانتي تعرفين انا ورا هالباب ابله يفضّل عليج احترامها .. ميره : ............. المديره : ممكن اعرف ليش؟؟ وقالت ميره السالفه للأبله وللمديره .. ويوم تفهمن السالفه .. المديره : الله يشفي اختج ان شاء الله .. الابله : نحن مقدرين شعورج يا ميره .. بس اللي سويتيه غلط .. انا وفهمت السالفه .. بس ربيعاتج والمدرسه يوم بيعرفوون باللي سويتيه .. بياخذوون فكره غلط .. ميره : اعترف ان اللي سويته غلط .. بس والله انها نرفزتني .. حاولت أيوّد عمري .. لاكن الرمسه اللي عقتها عليّه محد يراضابها .. المديره : أعرف يا ميره .. بس مره ثانيه اذا حاولت فاطمه تنرفزبج ولا شيء قوليلي ولا قولي لأبله هدى ونحن بنتصرف.. ميره : ان شاء الله .. الابله : يالله عيل يا ميره خلينا نرد الصف.. ميره : انشاء الله.. وطلعن الابله وميره من الاداره وسارن الصف.. ويوم دشن حصلن البنات مرتبشات وفاطمه كانت تظحك بصوت عالي ويالسه على الطاوله .. الابله : فاااااطمه .. نزلت فاطمه من على الطاوله بسرعه ويلست محلها .. والبنات يلسن محلهن .. الابله : حبيبتي ميره يلسي مكانج ميره : انشاء الله .. الابله : ( معصبه وعينها على فاطمه وتأشر لها ) اطلعي برع .. كانت الابله متظيجه من فاطمه علىاللي سوته في ميره .. وعلى الحركات اللي تسويها في الصف وما رامت تيّود عمرها من انها تطردها ... عاندت فاطمه وما طلعت .. الابله : تسمعين ولا لا ؟؟ قلتلج اطلعي برع .. فاطمه : ( تشوف الابله وبكل احتقاار ) مب ظاااااهره .. الابله : سالفه عنااد يعني ... فاطمه : سميها مثل ما تبين .. الابله : صدق انج قليـــ...... ( ويودّت عمرها ) الابله : عايشه ازقري المديره بسرعه .. عايشه : ان شاء الله ابله .. وبعد ما يت المديره وتفاهمت ويا فاطمه كانت ميره طول الوقت منزله راسها .. المديره : فاطمه .. لبسي عباتج وهاتي شنطج والحقيني عالاداره .. قامت فاطمه وبكل بروود وشلت عباتها وشنطتها وقبل لا تطلع حطت عينها في عين ميره .. وكاانت نظراتها كلها تهديد وحقد وشر .. وروحت عالاداره .. وهذا أول يوم في المدرسه ... وعقب ما خلص الدوام ردوا البيت.. وفي السياره التهت مهره عن ميره .. وما سألتها .. ويوم وصلوا البيت .. قالت ام راشد لمهره أنها لازمت تتجهز على الساعه خمس لان راشد بيمر عليها .. وفي بيت منصور .. عنووووود : ماما ...أبغي اروووح مدرسه .. شمه : هههههههه لاحقه على العثره .. ام منصور : اووووف يالعنيد .. كلتيلي جبدي تراج .. قلنالج بنوديج السنه اليايه .. عنود : لا الحين .. ابغي أسير ( وتمت تصيح ) وشوي أن منصور طالع من حجرته .. منصور : بلاكم على عنودي ... منو مصيحنها ؟؟ شمه : الأخت تبغي تسير المدرسه .. منصور : هههههه لاحقه ماماتي .. ام منصور : شمه .. طالعي منو يانا .. أسمع صوت سياره .. منصور : هذا خالد ويااه سويلم .. ويسمعون دق على الباب.. ام منصور : وااااابويه عليكم .. جيه تدقون الباب .. هذا بيت خالتكم هب بيت اليران .. سويلم : ههههههه السلام عليكم .. خالد : هههه شحالكم ؟؟ ( سالم ولد خاله منصور ..عمره 19 وفي كليه الطيراان .. وخالد ولد خالته بعد بس أكبر من سويلم بخمس شهور .. ويشتغل الصبح و يدرس في الجامعه مسائي ) وعقب ما سلموا .. ام منصور : بنتي..سيري هاتي عصير لعيال خالتج .. سالم : ما يحتاي والله هب عطشانين .. خالد : ارمس عن عمرك .. أنا عطشان ههههه منصور : وهاتي جيك بالمره حق دموع عنوووودي البطرانه .. خخخخخخ ويصدون صوب عنود اللي مندسه عند امها.. خالد : هاااه حبوبه .. بلاااااااج .. وانتي دومج تصيحين ... سالم : هههههههه خالتي هاذي ما ينفع تسمونها عنووود .. ظالمين هالاسم واايد .. منصور : حدك عاااد .. هااي حبيبتي محد يقولها شيء .. خالد : هههههه يا ويلي بس.. سالم : الحمد لله يوم اختك جيه .. عيل سلامي شو تقول عنها .. أصغر عنها ولسانها أطول عني .. منصور : خخخخخ لازم .. ظاهره على اخوها .. سالم : ويا راسك .. دوووم تقطعني وأنا البريء وتموا الكل يتظاحكون .. حتى عنودي اللي كانت تصيح ظحكت .. وفي بيت سالم بن محمد .. وبعد صلاة المغرب .. رفيعه يالسه في حجرتها وبالتحديد تحت علىالأرض.. حاطه اللابتوووب جدامها والأوراق منيه ومناك .. ومشغله غنيه ومرتبشه وتحل واجباتها .. وشوي تكتب وإلا القلم مخلص .. تعايزت تسير تفتح الكبت وتطلع القلامه من الصندووق.. كانت حاطه قلم في شنطتها مالت الإيد .. سارت ويابت شنطتها وحطتها عدالها .. كانت شنطتها نصها أوراق .. ومعظمها فواتيير .. وشويه أوراق مشخبطه فيهن .. طلعتهن كلهن جدامها وقالت ترتب شنطتها دام ان لها بارض.. وبالمره تبدل الشنطه.. كانت تتسّمع غنيه للحين أحبها مالت نبيل شعيل .. ويالسه تغني وياه .. وشوي ان روضه تدش عليها .. روضه يوم شافت أوراق وقلامه تخبلت واستانست .. روضه : أبااا اكتب.. رفيعه : يودي .. ( وطلعت ورقه مجسوووفه وعطتها لروضه وعطتها القلم اللي كان في الشنطه ) .. وعقب ما خلصت رفيعه ترتيب .. تمت ترتب أوراقها مالت الكليه وتيمعهن في مكان واحد .. وروضه فتحت الورقه وتمت تشخبط على ظهر الورقه .. ويوم شافت الورقه ما منها فايده .. جلبتها وتمت تشخبط جدام .. رفيعه مرتبشه ولا شافت الورقه اللي في ايد روضه .. بس أول رد صدر منها أول ما شافت أن الورقه غريبه عليها .. خذت الورقه من ايد روضه وتمت روضه تصيح .. وعطتها رفيعه ورقه ثانيه .. رفيعه : يالله حبيبي.. شلي الورقه والقلم وشخبطي في الصاله .. كانت رفيعه تبا تطلع روضه عسب تقرااا الورقه في هدووووء تام .. وعقب ما طلعت روووضه .. سارت رفيعه صوب الكمبيوتر وحطت ميووت ( صامت ) .. وعقب طاحت على الشبريه .. فتحت رفيعه الورقه و كان فيهاااا .......... تستحي مني وذابحني خجلها ... والخجل في عيونها زوّد حلاها كلمةٍ في شفاها وعيّت تقلها ... ما قوت تنطق أحبك في شفاها اعسل في حروفها ومحلى عسلها ... والغزل في عيونها وقلبي قراها من مثلها في العذاري من مثلها ... توّها في حسنها بأول صباها الله اللي جابها وجت في مهلها ... جتني ولا همها قول اقرباها في الرموش أسكنتها وقلبي كفلها ... عن عيون الناس تجرحها باذاها غاليه عندي ولا برضا زعلها ... وافيه عندي وأنا كلي فداها والله إني ما أبي بنت بدلها ... ليتها لو كان تدري عن غلاها وليتني يا ناس واحد من أهلها ... لاجل تهنى عيني بشوفة مناها الخجوله آه ويلي من خجلها ... موت والله والخجل زوّد حلاها وهنيه حست رفيعه بأن هالخط مب غريب عليها .. وين شايفتنه ؟؟ وين شايفته ؟؟ هيه .. في دفتر حمد .. يعني الرساله من حمد .. هنيه رفيعه ما صدقت عمرها .. أنا غاليه على حمد .. لا ما أصدق .. فديتك والله !!!! لا بس .. شو كان يقصد ب (( ما قوت تنطق أحبك في شفاها )) يعني يعرف أني أحبه .. لا لا ما أظن .. يمكن بس عشان يظبط القافيه .. هيييه أكيد عشاان جيه .. مب مهم هذا كله المهم أن حمد يفكر فّيه وانا هامتنه .. يكفي بس انه قالي هالرمسه .. يااا ويل حالي أنا .. وقبظت الدبدووووووب وحظنته بقوووو .. ويلست تتذكر موقفها مع حمد .. وشوي انها تفتح عينها وتفج ايدها عن الدبدووب وقلبها يدق طبوووول ... وقالت :::: لا يكوووووون؟!!!:::: سارت رفيعه بسرع صوب التلفون .. وسوت حق بيت عمرها .. وشلته البشكاره .. البشكاره : هلووو رفيعه : (تبغي تسكت البشاره ) بخير الحمد لله .. وين ميره ؟؟ البشكاره : آوووت .. رفيعه : ووووير؟؟ in the middle of the house.. البشكاره : رفيعه : ويا راسج قولي في الحوي وخلصينا .. انزين سيري ازقريها بسرعه .. قوليلها ضرووري . . what ?? البشكاره : say to mera that someone wanna her in the phone.. رفيعه :يالله تعينا بعونتك.. البشكاره : اوكيه .. ويت .. رفيعه : سيري يعلني بلا رطينج .. تعرف انجليزي أخير عني .. بس براوويج .. اصبري عليه لين آخذ شهاده .. ان ما بهدلتج .. تأخرت ميره شوي لأن امها طرشتها .. ميره : هلا ااااااا والله .. رفيعه : اسكتي ويا ويهج .. عشر دقايق وانا اتريا .. ميره : ههههههه يالله . تفداني .. رفيعه : خليج من هالسالفه الحين .. بغيت أتخبرج؟!! ميره : عن .. رفيعه : دخيلج قولي هيه .. اترجااج ميره : هيه رفيعه : شو هيه .. بعدني ما سألتج .. ميره : انزيين أسألي رفيعه : اوكيه .. بس خذي الوضوع بجديه ميره : اممم بحاول .. رفيعه : ذااك اليووووم .. ميره : أي يوم.. رفيعه : يوم اللبن ينجب عــ..... ميره : على حمد وخيستيه وفداااج بكله .. رفيعه : اووووووو متفيجه تراج .. اتخبرج عني يوم جبيت عليه ميره : بلاج؟؟ رفيعه : ( متردده ) كـ ـنت متــغـ ـ ـشـ ــ ـيه ؟؟؟؟ ميره : ههههه والحبيبه ما كانت بحاسيتها ؟؟ رفيعه : هااه ميره : قصدي ما كنتي بكل قواج الحسيّه ؟؟ رفيعه : ما أدري .. بس انتي جاوبيني ميره : انتي تستهبلين ولا الشوو .. صدق ما تعرفين ؟؟ رفيعه : والله العظيم ما أعرف .. حلفتيني بربي .. ميره : اممم انزين صدقتج .. رفيعه : عيل ارمسي .. ميره : الله يسلمج كنتي بلا .... رفيعه : دخيلج لا تقولينها.. ميره : عراحتج رفيعه : غربلااااات العدو .. يالفضيحه .. شو بيقول عني ؟؟ يا ويلي حالي .. شو أسوي الحين ؟؟ مهره : ههههههههه لا تخافين .. حسيت أنه استانس لانه شافج بلا غشوه .. رفيعه : ميرووه عن هالرمسااات .. مهره : مشكلتج وحليها .. رفيعه : اممم انزين خلاص.. بخليج الحين ..سلمي على عمووه وعمي وعلى مهاري .. مهره : يوووووصل .. رفيع : فمان الله .. مهره : الله يحفظج .. وهنيه صدق تلومت رفيعه.. لانها صدق ما كانت بحاسيتها ذاك اليوم .. توها استوعبت انها كانت بلا غشوه .. وتمت متضيجه على هالسالفه.. ومرن أيااام وأيااام وبالتحديد يوم الخميس .. رفيعه ردت لحالتها الطبيعيه .. نست السالفه .. ومهره كل ما يالها وويها يتعب وتزيد ملامحها شحوووب .. ميره احساسها مرتبط بإحساس اختها .. كانت تتمنى تكون بدالها وما تتعذب مهره جذيه .. وطبعا كل اللي يعرفون مهره متعلقين فيها ومتمسكين فيها وفي نفس الوقت زايغين عليها .. بس احساس الاخت غير .. وبالأخص اذا كانت (( تويمة اختها )) .. بس شو نسوي ما باليد حيله .. وبالتحديد فليل على الساعه وحده .. مهره وميره ورفيعه سهرانات .. سوالف و كمبيوتر وتلفزيون ولعب .. رفيعه : هههههههه حلوه .. ميره : انزين .. بقولكن غيرها .. يقولكن.. في شويبه وحرمته يالسين يرمسون .. الشويبه لحرمته : شو رايج نستعيد ذكرياتنا يوم كنا صغاار .. العيوز : زين .. الشويبه : باجر بنتواعد في الحديقه الساعه (( وحددلها الوقت والمكان بالظبط )) وبالباجر سار الشويبه الحديقه ومستانس . يلس يتريا ساعه .. ساعتين .. ثلاث ..الحرمه ما يت .. واربع وخمس وست وسبع ... اتضيج الشيبه ورد البيت معصب .. وأول ما شاف حرمته الشيبه : ليش ما ييتي؟؟ العيووز : ( وكلها خجل ) امييييييييه ما خلتني .. .................. مهره : ههههههه هاااذي عااد خطيره .. رفيعه : غربلات عدووج يا ميروه .. غزوزي عورني.. ميره : ويقولج في واحد .. مهره : لا دخيلج .. وفريهن حق وقت ثاني .. ما فيّه حيل أظحك أكثر من جييه .. خواصري بدن يعورني .. رفيعه : صدقها اختج .. ( وتشووف ساعتها ) غربلاااااات العدووو .. الساعه جريب الوحده .. ميره : أدري .. رفيعه : عاااشوااا .. وشو الحل الحين ؟؟ منو بيردني البيت ؟؟ ميره : أنااا ومهاري.. رفيعه : ما تنفعن برووحكن .. هاتن البشكاره وياكن .. مهره : زين.. ميره : بس مب الحين اصبري ربع ساعه براوييج شيء .. مهره : وبييب كيك .. اممم لزييز.. رفيعه : عيل من الصبح ما يبتنه ..الحين يوم حيدّتني بروح طلعن الأفكاار الجهنميه .. ميره : بعد ربج .. مهره : خمس دقايق وراااااااده .. رفيعه : اوكيييييييه .. لا تتأخرين .. وطلعت مهره وسارت المطبخ .. وتمت رفيعه ويا ميره .. وفي المطبخ مهره تقطع كيك كان في الثلاجه .. وشوي تسمع صوت حد يمشي في الحوي ... وشوي أنا الصوت يتقرب من المطبخ .. ويدخل المطبخ .. مهره : ( وبدون ما تصد وراها ) رشود لا تسير فوق رفووع عندنا .. واذا سرت يا ليت تتحنحن ولا شيء.. ..........: إن شاء الله الشيخه .. مهره : زين زين .. وشوي ان مهره تتيبس محلها.. ويييت هذا مب صوت راشد ... ولا اسلوبه في الرمسه .. ( وتصد وراها ) وهنيه حسّت بأن ريولها بتخونها .... لا لااااااا مستحييييييييييل..!!!! حارب : شحالج مهره ؟! مهره : ( منصدمه ) بخير الحمد لله .. حارب : ههههه بلاااج ؟؟ مهره : هااه .. لا ما بلايه شيء … حارب : زين.. زين .. مهره : ( تحت تأثير الصدمه )……………. حارب : يا بنت العم .. تراني زعلان عليج هنيه عرفت مهره انه زعلان عسبة كل اللي استوى وتمت مستهمه .. مهره : ………. حارب : انزين على الأقل قولي الحمد لله على السلامه .. شحالك يا ولد عمي ؟؟ متى رديت أو أي شيء من هذا القبيل .. لا يكون متضايجه من ردتيه بس ..؟؟ وهنيه مهره حست انها في حلم .. ما كانت تتصور أن حارب يكون مرتاااح جيه .. كانت حاطه في بالها أنه حااط في خاطره ولا شيء .. مهره : لا..لا .. حارب : شو لا لا ؟؟ حتى انتي خربتج سبيس توون الا لا لا وبووووب ما أدري بوه .. مهره : ( تبتسم ) الحمد لله على السلامه يا ولد العم .. حارب : الله يسلمج ويبجييج الشيخه مهره : تـ ـ ـ سـ ـ ـ ـلم حارب : الصراحه انتي هب طبيعيه .. فيج شيء ؟؟ مهره : هااه .. لا ما شيء .. حارب : وانتي شحالج الحين ان شاء الله أخير .. مهره : الحمد لله .. يوم الخميس ورايه موعد .. حارب : زين والله.. مهره : ................. حارب : عيل وين رفووووع؟؟ مهره : داخل ويا ميره .. حارب : انزين قوليلها تنّزلي بسرعه .. لأني ميت من التعب مهره : ( لا إراديااا ) سلااااامتك هنيه مهره حست أن قلبها انقبظ .. ما كانت تقصد .. طلعت بالغلط .. ونزلت راسها ... يا الفضيحه بس .. حارب : ( يبتسم لها ) الله يسلمج مهره : الحين بسير ازقرها .. ( وسيده طلعت ) بس قبل لا تطلع زخها حارب من ايدها .. حارب : افااااااااااااااااااااااااااااااااااااااا مهره انصدمت من حركة حارب .. حارب : بتروحين ولا حتى فكرتي تعطيني كيك من اللي مسوتنه .. أكيد مستكثرتنه عليّه .. مهره : هاه .. أكيد لا .. وتسير صوب الكيك وتعطيه صحن .. مهره : تفضل ... حارب : زاد فضلج لا عدمناااج .. طلعت مهره وبعد قبل لا تظهر زخها حارب من ايدها .. حارب : كملي جميلج وصبيلي ماي ولا عصير .. لاني أكل الطياره ما ذقته .. والحين ميت من اليوع .... مهره : ( مستانسه ) ان شاء الله .. وييلس حارب على الطاوله وتم ياكل الكيك .. سارت مهره صوب الثلاجه ويلست تصب عصير لحارب .. وفي نفس الوقت تشوف حارب وهووه ياكل ..كان شكله يوعان من الخاطر .. وهوه ما يحس ان مهره تشوفه .. وعقب ما صبت له العصير حطته له على الطاوله .. وسارت صوب الثلاجه وشافت شو فيها .. حصلت صحن كنافه وصحن ورق عنب في الثلاجه .. طلعت مهره الكنافه والورق عنب وحرته في المكروويف وعقب حطته على الطاوله .. حارب انتبه لها .. حارب : الله ييزيج خير يا رب.. البشكاره يوم تخبرتها اذا شيء عيشه ولا لا ؟؟ قالتلي انه جبته.. يعلني بلا شيفتها .. وامبوني مقرر أخطف على الكفتيريا وانا راد .. بس شكلي بهوّن .. مهره : ههههه أكيد وشو تبغي اكثر عن هذا كله .. حارب : ابغي .... مهره : شووو؟ حارب : (يبتسم) سلامتج .. مهره : ( استحت ) يالله عيل بخليك وطلعت برع المطبخ .. بس قبل لا اتطلع زقرها حارب .. حارب : تعالي .. مهره : نعم.. حارب : تعالي انزين شقايل برمسج وبيني وبينج بلاااااد .. تقربت مهره شوي .. قام حارب من مكانه وسار صوبها .. ووقف مجابلنها .. وهنيه نزلت مهره راسها ما تعرف شو السالفه وشو يبغي حارب منها .. طلع حارب من مخبااه ورقه وحطها في ايد مهره .. حارب : ما تقرينها إلا يووووم أرووح .. مهره : ( مستحيه ) ان شاء الله .. وسارت صوب صحن الكيك وشلت صحنين حق ميره وحق رفوووع .. وقبل لا تطلع .. حارب : انزين .. عافانا الله .. قولي تصبح على خير أحلام سعيده أو أي شيء .. على العمووم بكون أحسن منج وبقولج تصبحين على خير .. مهره : وانـ ...ـته مـ....ـن اهله .. وطلعت وسارت عند البنات .. وطول الدرب تفكر ... ويسرح بالها كله صووووب حارب .. حارب يلس ياكل شوي وعقب غسل ايده وسار صوب سيارته .. رفيعه : لعنبووووووووووج بس ... عشرين دقيقه عسبة تيبين كيك .. مهره : سوري والله .. رفيعه : ماماتي وش يفيد الأسف الساعه بتوصل وحده ونص والبشاكير أكيد رقدن .. يعني منو بيردني الحين .. ميره : عااااادي باتي عندنا .. رفيعه : هههه ضحكتيني ويا راسج .. كيف أبات وأنا ما قلت لأهليه .. مهره : رفيّع .. اخووج يترياااج تحت .. رفيعه : خلووووووف ... فديته والله ... مهره : لا مب خلوووف ... رفيعه : (منصدمه ) حااارب.. مهره : هيه حارب اخووووج ربعت رفيعه صوب الدريشه وشافت سيارة اخوها حارب تحت .. واستاااااااانست واايد .. رفيعه : يالله يالله بخليكن .. فديت روووووووحك يا حارب والله مهره : ههههه انزين كلي كيكتج .. رفيعه : لا فديتج .. بعدين .. يوديها لي فالثلاجه باجر باكلها .. يالله مع السلامه .. ميره ومهره : الله يحفظج .. سارت رفيعه وبسرعه صوب اخوها .. وأول ما نزلت ووصلت الحوي شافت حارب في السياره وكان يتعبل في بشي في الكرسي اللي وراه .. ربعت رفيعه صوب حارب وفجت عليه الباب .. هنيه حارب عدل يلسته وصد عداله .. شاف رفيعه واقفه عداله وميوده الباب وتشوف حارب وعيونها وشوي وبتدمع .. ابتسم حارب لها ابتسامه مكر.. وهنيه لوّت رفيعه على حارب .. حارب : لعنبووووووووج .. كسرتي ضلووووووعي رفيعه : ................ حارب : بسج عاااد.. انا تعبان ابغي ارقد .. وتفجه رفيعه وتسير وتركب عداله .. وردوا البيت .. وطبعا استلمته رفيعه بالأسئله لين ما وصلوا البيت.. وفي حجرة مهره .. مهره يالسه على الكرسي .. وقابظه في ايدها الورقه .. متردده .. تفتحها ولا ؟!! بس آخر شيء قررت تفتحها .. فتحت الرساله شوي شوي .. وحصلت فيها .. (( هاذي قصيده مني لج .. ياليت تعرفين شو في قلبي من مضمووون القصيده .. ما دريت إني معذب في هواك ... ولا دريت إني على شانك بكيت يا حبيبي مالي في الدنيا سواك ... يعل ربي يحفظك دامك حييت وإن صبرت إصبر على قلب غلاك ... ما رخصبك في الهوى لأنك وفيت وإنتظرني بشوق ملهف يا ملاك ... يا أعز محب في حبه إرتميت ما أصعب فرقاك ولا بيدي جفاك ... ما نسيت ولا على بعدك قويت لا اتكدر يا بعد عمري كفاك ... أعرف جروحك بنظره لو خفيت في كدركم تنتزع روحي فداك ... والسبايب غلطتي لأني جفيت مالي غيرك مول في الدنيا عداك ... أطلبك تسمح خطايه لي خطيت وسوالم ... H ..................................... سيدة بعد ما قرت القصيده تمت تصيح .. ليش يا حارب ليش؟؟ الحين تعترف لي بحبك .. بعد شووو .. بعد ما قربت نهايتي .. ليش تعذبني وانا رووحي متعذبه .. ليش يا ربي ليش ؟؟؟؟ وننتقل للجهه الثانيه من الامارات وهيه العين .. وعلى الساعه ثنتين .. حصه يالسه في حجرتها وحاطه راسها على ريولها ومتربعه .. كانت تفكر في الانسااان اللي المفرووض يكون وياها .. ابوهااا ... سهيل .. كانت تتمنى يكون وياها .. بس القدر ما كان يبا هالشيء .. رفعت حصه راسها ورفعت مخدتها وطلعت صوره ابوهاااا .. حبته وحضنت الصوره وتمت تصيح .. وشوي ان غيث يدش عليها وكان معصب ... غيث : منووو ماخذ جراجة التلفون من حجرتيه .. حصه رفعت راسها بسرعه وحاولت تمسح دموعها .. بس ما رامت .. وهنيه غيث انصدم .. أول مره يشوف حصه تصيح .. ما توقع يشوف اخته جيه .. تقرب غيث منها ويلس على الشبريه جدامها .. عدلت حصه يلستها .. وبسرعه حطت الصوره تحت المخده.. كانت فاجه شعرها وكان مغطي على ويهها .. رفع غيث شعر حصه عن ويهها .. غيث : بلااااج يا حصه ؟؟ شو مستوي ؟؟ حصه : هااه .. لا لا ماشيء .. غيث : شو ما شيء .. صيااح على الفاضي يعني .. حصه : ( وهيه تصيييح ) تولهت على ابووويه .. ( وتمت تصيح ) حز في خاطر غيث هالموقف .. حس انه كان لاهي عن اهله .. كان يفكر في حياته وبس .. ما يرد البيت إلا متأخر .. يا في العزبه ويا في ميلس من هالميالس .. ونادرا ما ينشاف .. حس انه بعيد عن هله .. حس انه غريب .. كيف كان بهالأنانيه .. ليش ؟؟؟ حس ان حصه مفتقده لحنان الابو .. ومب شويه إلا وااايد .. حس بتأنيب الظمير .. ولأول مره من بعد وفاة ابوه تدمع عينه .. حس بأنه مقصر في هله .. رفع غيث ايده ويود ويه حصه ورفعه لأنه كانت منزله راسها .. غيث : فديت رووحج يا حصه ما تصيحين .. حصه : ما أرووم يا غيث ما أروووم (وتمت تصيح ) غيث : ( يمسح على راسها ويقربها على صدره ) بس .. دخيلج غناتي .. بس حصه : ( سكتت وتمت تصيح سكاتي ) غيث : أوعدج يا حصه إني ما ابتعد عندج .. وبغديلج السند .. والله بتغير .. وما برد غيث الأولي اللي لاهي بدنياه .. حصه : ( ترفع راسها ومستغربه من اخوها ) صدق ؟!!! غيث : ( يمسح دموع اخته ) وغلاة بو حمد .. تلوي حصه على غيث وبقوو .. وهنيه حس غيث أن أول مره يكون قريب من اخته شرات هاليوم .. بس استانس و ارتاح باله ... وعقب ما هدت حصه .. طلع غيث وسار حجرته ورقد .. ومرن الأياام وبالتحديد يوم ودااع حارب .. حارب بيرد أمريكا يكمل دراسته ... بيسير وما بيرد إلا عقب سنة وخمس شهور .. حارب كره الدراسه بكبرها .. حس انه اذا سار ما بيرتاح وحبيبته تتعذب الله وأعلم بحالها .. يبغيها تكون تحت نظره ... يبغي يكون وياها في حالتها .. ما يبغي يبتعد عنها .. بس غصبا عنه بيسير .. وإذا تأخر عن موعد الدراسه الله وأعلم شو بيسووبه هناك .. قرر يسير ويتفاهم وياهم .. على الأقل يطلب اجازه أو يأخر كورسه أو أي شيء .. المهم ينفذ اللي في باله ... وطياره حارب كانت على الساعه 6 ونص المغرب .. وطبعا في بيت حارب كانت مناحه لا يعلى عليها .. رفيعه تصيح من صوب وامها من صوب .. وعقب ما هدّاهن روح بيت عمه ثاني عسب يسلم على عمه والباجين وبالأخص مهره .. وهوه في الدرب سواله حمد بن سهيل .. وحلف حمد أنه يوصل حارب المطار .. وطلعواا مانع وحمد من العين وساروا دبي .. ونزل حارب من سيارته ودش بيت عمه ... كانت الساعه 4 وربع العصر .. أول ما دش شاف البشكاره سايره صوب المطبخ .. وزقرها .. حارب : وين ماما حمده ؟؟ البشكاره : ( تأشر له ) داكل بيت حارب : وبابا ثاني .. البشكاره : سيم سيم ماماه حارب : قولي حق ماماه حمده في ريال برع .. البشكاره : اوكيه وسارت البشكاره داخل وشوي ان ام راشد تطلع .. ام حارب : ويدي .. حارب .. اقرب غناتي .. جيه واقف .. وسار حارب صوبها .. حارب : جريب والله .. تراني إلا ياي أسلم عليكم .. ام حارب : اقرب اقرب .. عن هالرمسه .. كانت ميره عدال ابوها .. ومهره سارت حجرة ابوها مطرشنها تييب ورقة الأرض من التجوري .. ومايد يلعب بلاي استيشن .. ويوم دش حارب كلهم وقفوا .. وعقب ما سلم حارب يلس عدال عمه .. اما ميره قبل لا ييلس حارب قامت ويلست على الغنفه ..بعيد عنهم شوي .. بس ما تغشت .. كانت متحجبه .. شافت ان الغشوه مالها لزوووم .. هذا ولد عمها ومب غريب.. رابي وياها .. بس من ثلاث اسنين ابتعدوا عن بعض ليش تتغشى عنه ... وابوها اصلا كان مرخصنها وامها بعد .. عسب جيه .. وبعد خمس دقايق تقريبا .. مهره كانت بتدش الصاله .. كانت حاطه عينها في الورقه .. وما انتبهت لحارب .. ويوم يايه تدخل شافت حارب .. كانت قصتها طالعه .. سيده دخلتها وتحجبت ودشت الصاله .. مهره : السلام عليكم .. الجميع : وعليكم السلام .. مهره : ابـ...ويه .. هاذي الورقه ؟! بو راشد : لا يا بنتي هب هاي .. هيه شراتها .. هاي صوره عنها .. انتي ييبيلي الأصليه .. بتحصلينها يابسه مغلفه بقرطاس .. مهره : ان شاء الله ابويه ... طلعت مهره وشوي وانها داشه عليهم وفي ايدها الورقه .. وعطتها لأبوها .. مهره : اسمحولي انا بسير فوق .. ام راشد : وين بتسيرين يا بنتي ؟؟ ولد عمج ياي يسلم علينا قبل لا يسافر .. هنيه انقبظ قلب ميره .. ما رامت تتحمل كلمة سفر .. مهره : اسمحلي يا ولد عمي .. انا بسير راسي يعورني شوي .. تروح وترد بالسلامه .. وهنيه حارب حس بشيء .. ليش تعامله جيه ... هذا وهوه بيسافر ؟؟ حارب :مسمووحه يا بنت العم .. سلامات وما تشوفين شر مهره : الشر ما اييك .. وطلعت مهره وسارت حجرتها وعين حارب معلقه فيها .. وشافها تركض على الدري وحاطه ايدها على ثمها .. وحس فيها انها ضايجه .. وانها تصيح .. سارت مهره حجرتها وتمت تصيح .. وشوي وتقوم صوب مكتبها .. طلعت الورقه اللي كتب فيها حارب القصيده .. وتمت تقرا القصيده مره مرتين ثلاث .. وشوي انها تطلع ورقه وكتبت فيها .. (( ترووح وترجع بالسلامه يا ولد العم .. بس قبل لا تسافر حبيت اقولك اني هب شاله في خاطريه منك .. والله وأعلم جان انته اللي شال في قلبك عليّه .. وأهديك هالأبيات .. طلبتك بس لو تسمح ... تناسى غلطتي واسمح ترى والله مب قصدي ... أكدّر خاطرك وأجرح أنا أحبك أنا أغليك ... أنا كلي متيم فيك يا كيف ازعلك مني ... وأنا اللي همي بس أرضيك تأكد أني ما أقدر ... على بعدك ولا أصبر إذا تبعد أنا بجيك ... وإذا تزعل أنا أتكدّر أوقّع وأعترف وأبصم ... بأنك في عروقي الدم وفي كوني وتكويني ... حبيبي حبك الأهم تقبّل يالغلا عذري ... جرحتك دوم ما أدري وانت تدري بقلبي .. غلاك كبير يا عمري ............................. والسمووحه .. بنت عمك M (( وهنيه حست مهره ان هاذي آخر مره تشوف فيها حارب .. حست ان هاذي آخر مره تقوله اللي في قلبها .. عسب جيه قررت تعترف بحبها لحارب)) وفي آخر الرساله كتبت )))))أحـــــــــــــــــــــــــــــــــــــــــبك ((((( وهنيه ترددت .. تطرش الرساله ولا لا ؟؟ طلعت من الحجرة وشافت البشكاره طالعه من حجرة راشد وشاله ثياب .. وهنيه توها بتعطيها الرساله .. بس قبل لا تحط الساله في ايدها .. ردت وخذت الرساله .. قالت يمكن حد يكشفها .. او ان البشكاره تقول لحد ولا شيء .. نزلت ميره من الدري شوي شوي وطلعت من الباب اللي ورا .. خطفت على الحديقه وجلعت منها ورده لونها وردي على الأبيض .. وسارت شوي شوي صوب سيارة حارب .. شافت الدريشه مفتوحه شوي من فوق .. عقت الرساله والورده داخل وسيده ربعت المطبخ .. وشوي أن حارب يطلع ويركب سيارته .. شاف الورده طايحه على الكرسي.. خذها وشمها وحس انها من مهره .. بس كيف طلعت وهيه كانت فوق .. (( وما انتبه للرساله لانها كانت طايحه تحت الكرسي .. وطول الوقت ومهره تراقبه من المطبخ .. وحست لنها آخر مره تشوفه .. عسب جيه ما خوزت عيونها عنه .. وفي قلبها (( الله يحفظك )) |
|
الجزء السابع عشر
وصل حارب المطار .. وكان اللي يسوق سيارته .. حمد .. وقبل لا يركبون الشباب حط حارب الورده في شنطته اللي في الدبه وبالأخص في دفتر .. .. .. سافر حارب .. سافر وهوه شال كل الوله والشوق لبلاده .. وبالأخص روح قلبه .. مهره .. سافر حارب ولا انتبه للرساله .. سافر ولا قرا اللي فيها .. سافر وخلا كل مشاعر مهره مكبووته في رساله .. سافر ولا يعرف شيء عن الرساله .. بس في شخص واحد عرف .. منو تتوقعون .. حمد .. وهوه نازل طاح سويج سياره حارب تحت .. ويوم نزل اييبه شاف الرساله .. شاف الرساله .. رساله مهره .. رساله مهره اللي يا ما ترددت تكتب اللي فيها .. بس حمد ما طاع يقرا الرساله .. كرامته ما سمحت انه يتدخل في شيء ما يخصه .. شل حمد الرساله وحطها في بوكه .. ومانع ما شاف الرساله لأنه نزل قبل حمد.. دخل حمد السياره داخل الكرااااج وطرش المفتاح لهل حارب .. ولو الود وده جان دخل داخل ووصله بيده .. هذا كله عسب يشوف رفيعه.. بس اللي في خاطره استوى .. البشكاره قالت انهم يدشووون .. بس هالمره هب في الميلس .. هالمره داخل البيت .. هنيه تفجج حمد .. ودشوا مانع وحمد الحوي وشوي أن ام حارب تقرب ابهم وتدخلهم داخل .. وأول ما دشوا شافوا بو حارب وخليفه وروضه يالسين في الصاله .. روضه أول ما شافت حمد قامت من حظن يدها وربعت صوبه .. وحمد شلها فوق وتم يلعبها .. وعقب ما سلموا يلسوا شوي وبعدين روحوا .. كان حمد وده يشوفها .. بس ما في اليد حيله .. لأن رفيعه كانت عند اليازيه .. وما عرفت أصلا انهم موجودين .. .. ردوا الشبيّبه العين .. لان وراهم دواامات ولا هم الود ودهم ما يظهرون من دبي .. ويوم وصلوا العين ركب مانع سيارته لأنه مخلي سيارته بيت قوم حمد وسايرين دبي في سياره وحده وهيه سيارة حمد .. بس قبل لا يروح لازم ييلس ويا خالته ويسولف وعقب رد البيت .. وعقب ما روح مانع .. تموا حمد وحصه وغيث وام حمد يالسين في الصاله .. حمد : غريبه يا خي .. غيث : وش الغريب يعني ؟؟ حمد : يلستك في البيت .. ما أحيدك .. ومب من اليوم وبس الا من شهر.. شو السالفه ؟؟ غيث : ( يصد صوب حصه ويرد ويصد صوب حمد ) عراسك هوووه ويا ويهك.. ام حمد : حموود .. يووز عن اخووووك .. زين ان الله هداااه .. فديته .. هب شراااتك يالرغيد .. حصه : ( تضحك من الخاطر ) اووووووووووووب قالوله الرغيد .. وحليلك يا ولد خالتي هب الا انته وبس .. طلعوااا في ناس غيرك .. حمد : هيه .. الحين أنا الرغيد ؟؟ عيل ما أدري منو كان يحوط لين الساعه 2 .. ولاقد مره قلتيله رقيد .. ام حمد : قبل .. هالحين ما شيء أخير عنه .. اصطلب هب شراتك انته .. حمد : اوهووه الحين انا غديت الشين وهوه سيد الزين .. حصه : هههههه بدينا نغار .. غيث : ( بتواضع ) يا حبايبي ما في داعي تتظاربون عشاني .. حمد : ان شاء الله على أمرك .. يالله قم بس قم خلنا نسير ميلس مايد بن سالم .. غيث : سووري .. ما بسير حمد : وليش ان شاء الله ؟؟ حصه : لأنه واعدني أنه بيحوطني .. عندك مانع ؟؟ حمد : لا عندي راشد .. وشو المناسبه يعني ؟؟ ما أحيدك .. غيث : لا مناسبه ولا شيء .. واللي يحوط اخته يباله مناسبه .. حمد : انا ان يلست دقيقه هنيه شكلي بتخبل .. أقول اميه .. شوفي ولدج شكله محمووووم ولا شيء .. ( ويوقف ويرفع ايده عسب يتمتح ) .. غيث : سير سير يالرغيد .. حمد : أكيد بسير .. بتريا شورك أنا .. يالله في وداعه الله.. ام حمد : الله يحفظك .. غيث : بند الباب وراك ... هههه طلع حمد وهوه راضي على غيث .. الحمد لله أن الله هداه .. وفي نفس الوقت يبغي يعرف شو اللي غيّره .. مرن الأياااااام بسرعه ولا حد حس ابهن .. وبالتحديد يوم ولادة اليازيه .. اليازيه ربت ويابت ولد .. وكلهم استانسوا لأنه أول حفيد ولد لسالم كل واحد منهم مسمنه إسم .. رفوع تبغي تسميه هزاع وخليفه يبغي يسميه علي وبو اليازيه يبغي يسميه عبدالله .. بس اللي صدمهم ان اليازيه ما وافقت على اي اسم من هالأسماء ... تعرفوون شو سمته ..سمته ذياب .. ذياب على المرحوم ذياب بن ثاني .. صح ان مالها حق تسمي عليه .. وكان من الأفضل لو سمته على ابوها ولا على عمها .. تعرفون ليش اختارت هالاسم بالذات .. لانها كانت تحب ذياب .. تحبه شرات اخوها .. صح انه كان صغير .. بس كان قلبه يسوى الدنيا وما فيها .. في حياته ما غلط على حد .. كان يحترم كل الناس .. صغيرهم وكبيرهم .. وكان بعد يعتبر اليازيه شرات اخته .. وكان طيب لأبعد الحدود .. كان طايع ربه .. مأدي ماجباته اتجاه اهله .. كان رزين .. عاقل .. وكان بعد حبووووب وراعي سوالف .. وكانت اليازيه تحب تسولف وياه .. كلهم انصدموا من اختيارها لهالأسم .. واكثر انسانه تأثرت هيه .. ام راشد .... كانت تتمنى اسم ذياب يتردد في هالعايله .. كانت تتمنى تنطق بإسمه بعد موته .. .. سارت ام راشد المستشفى .. وكان أول ردة فعل منها أنها تلوي على اليازيه وتمت تصيح .. وحتى اليازيه ... وشوي أن خليفه يدخل وداز العربانه مالت ولده اللي يايبنه من الحظانه .. وهنيه ام راشد صدت صوب خليفه وسيده وجهت بنظرها صوب البيبي .. ذياب .. سارت وشلته وحبته على راسه وتمت تتمنظر في ويهه .. كان صغير وايد ..وعيونه لين الحين ما فتحهن .. كان شكله حليو .. وعقب ساعه تقريبا أن رفيعه ومهره وميره يدخلن .. كانن يايات ويا راشد ... وكانت الساعه 7 المغرب.. وبالتحديد يوم الخميس .. اول ما دخلن البنات وسلمن .. طلع خليفه وسار عند راشد برع .. وهاذي فرحه اشغلت عايله ثاني وسالم بن محمد عن أحزانهم .. حزن فراق حارب وحزن مرض مهره .. وفي جهه ثانيه من الامارات .. حصه تزف خبر ولاده اليازيه لأمها .. وكلهم استانسوا .. وشوي ان غيث يدش عليهم .. ويخبرونه بالسالفه .. غيث : يستاهل بو روضه .. وحليلج يا رويض طاح سوقج .. بنقووم نسمي ابوها بو ذياب..ههههههه حصه : انته لو تعرف غيره روضه .. اليوم يوم ودوها المستشفى قالت لأمها أونه ( بعق البيبي من فوق البيت ) .. ههههه غيث : غربلات العدو جان ما تسويها ههههههههه ام حمد : ( تظحك ) ما ادري يا غيث منو كان يقول هالرمسه يوم يت حصه .. حصه : خير خير خير.. شو كان يقول بعد .. ام حمد : يقول اونه بييب سجينه وبطر بطنها .. غيث : والخيبتييييييين سجينه مره وحده حصه: ( تشوف غيث بكل حقد ) ويا راسك كنت بتذبحني.. طلعت على حقيقتك .. غيث : كنت .. بس يوم كنت بطبق هالشيء زخوني .. ههههه حصه : ( مبققه عيونها ) صدق!!!!!! ام حمد : يقص عليج .. الا يبغي يغيظبج حصه : عبالي بعد .. مايد : اميه ليش ما سمووه خالد .. وهنيه افتكر غيث بسالفه.. غيث : على طاري خالد .. اميه ترا خالد ولد خاله منصور يبغي حصه وهنيه حصه انصدمت .. ام حمد : خالد ولد غايه.. غيث : هيه نعم .. وهنيه شلت حصه بعمرها وسارت فوق .. غيث : اييييه وين سايره تعالي برمسج .. حصه : هاه .. بسير أذاكر ورايه امتحان باجر .. غيث : هههههه اي مدرسه تفتح بالجمعه .. وهنيه استحت حصه وسارت فوق.. غيث : ههههه اسميج ياحصه.. ام حمد : ومتى مرمسنك .. غيث : البارحه .. ام حمد : والله يا ولدي خالد ريال والنعم فيه .. وكلن يمدح فيه .. وأنا عني ما شفت منه أي قصور.. غيث: ويعني ؟؟ ام حمد : بنشوووف راي البنيه قبل .. وان حمد يدخل ... حمد : ( يلعب بالسويج ) راي الشووو؟؟ ام حمد : العرب تسلم قبل لا تدخل .. حمد : السلااااااااام عليكم .. ( وييلس ) غيث وامه : وعليك السلام .. حمد : والحين قولولي .. شو السالفه ؟؟ وقالو له السالفه .. وحمد استانس على خالد لأنه ما شاف عليه شيء.. وانه ريال والنعم ..وشوي ان امهم تقاطعهم........ ام حمد : والحين البنت وياها نصيبها .. والحين متى بتدورون نصيبكم .. غيث : ( يرفع حواجبه ) أنا غسلوا ايدكم مني .. ما أفكر أعرس نهائياااااا ..( ويقوم ويسير عند اخته .. ) ام حمد : وانته ؟؟ حمد : هاه .. انا.. انا بعد نفس الشيء.. ام حمد : لا نفس الشيء ولا الله قاله.. بنت عمك سعيد موجوده الحمد لله .. حمد : ( معصب ووقف ) شووه .. ميثووه ؟؟ لو الموووووووت ما خذتها.. ام حمد : وليش ان شاء الله.. حمد : ( معصب ) تبين تعرفين ليش؟؟ لأني ما أبغيها .. والف مره مرمسنج عن هالسالفه .. وقايللج ما أبغيها .. ام حمد : يا فضيحتنا .. كيف تباني اجابل العرب وكلهم يعرفون انها لك وانته لها.. حمد : والله الا روحكم .. محد قالكم ترمسون بهالرمسه من الأسااس.. وهالبنت لو على قص رقبتيه ما خذتها .. تفهمووووون ولا ؟؟ ويطلع من البيت ويسكر الباب بقو.. وهنيه ام حمد حطت في خاطرها .. أول مره حمد يعلي صوته عليها .. أول مره يعاملها جيه .. وظهر حمد عنها وركب سيارته وطلع من البيت الى مكان مجهووووووول .. وفوق وبالتحديد حجره حصه .. غيث يالس على الشبريه وحصه عداله .. غيث : ها شو قلتي ؟؟ حصه : ( مستحيه ) ما أدري .. غيث : كيف ما تدرين .. غناتي انا ما بغصبج على شيء ما تبينه .. حصه : انته شو رايك ؟؟ غيث : الصراحه .. انا أبغي أقرب به .. ريال حشيم والنعم فيه .. ولا قد مره شفت عليه شيء ينعاب .. حصه : .......... غيث :ها شو الحين ؟؟ حصه : عطني وقت أفكر .. غيث : كم يعني؟؟ حصه : ما ادر ي.. أنا بفكر وبرد لك خبر.. غيث : خلاص عيل .. ( ويقطع رمستهم صوت تلفون غيث .. وكان المتصل ... خالد ) غيث : ههههههه ولد الحلال عند طاريه .. واهنيه استحت حصه .. غيث : يالله عيل بخليج .. بشووف الأخ شو يبغي . حصه : اوكيه .. قام غيث من مكانه ويوم توه بيطلع رد على خالد .. وسيده سار حجرته .. ومن باب الفضول حبت حصه تتسمع الحوار اللي بيدور امبينهم .. طلعت من حجرتها شوي شوي .. وسارت حجرة غيث .. كانت باب حجرته مفتوح شووي ..تقربت حصه من الباب وشوي تسمع صوت .. صوت مب غريب عليها ... غيث كان حاط على السبيكر وواقف يلبس غترته ..وحاط التلفون جدامه .. تمت حصه تدقق في الصوت .. وتدقق وتدقق لين ما سمعت هالحوار.. خالد : وين بتروح الحين؟ غيث : بسير ويا سلووووم المول خالد : افااااااااااا يالخاينين ( وكح شوي ) ولا تعزموون غيث : افا يا الحبيب .. وانته يبالك عزيمه .. انت اللي تجدمنا بعد .. خالد : هيه زين .. بس ما بسير .. اميه تبغيني أوديها صوب ربيعتها في الفقع ( منطقه ) .. غيث : زين .. تعاااال يا بابا .. شو سوت الكحه وياك .. خالد : أحسن بوااااااااايد الحمد لله .. أصلا خازت .. ويوم توني كحيت كنت شرقان من الماي.. غيث : الحمد لله .. وهنيه انصعقت حصه .. ربعت صوب حجرتها وفي خاطرها تصيح .. هيه هذا نفسه .. هوه نفسه اللي شفته ذاك اليوم في المطبخ .. ومن بعدها ما شفته .. هذا خالد اللي أنا باخذه ... لا لا مستحيل .. ياما تمنيت الله يرزقني ريال شراته.. بس انه يرزقني بالشخص نفسه.. هذا آخر شيء كنت أتوقعه.. بس لااااااا ؟؟ ما أبغي أخون حب شخص أغليته .. مستحيل .. وبعد ساعه من طلعة حمد .. وعلى الساعه 10 رد حمد البيت .. دخل .. شاف الصاله فاضيه ... سار حجرة امه .. دخلها .. كانت أم حمد طايحه على الشبريه .. حمد : السلام عليج الغاليه.. ام حمد : مرحبا ولدي.. حمد : بلاج يالسه هنيه بريحاتج ؟؟ لايكون تعبانه ولا شيء؟؟ ام حمد : لا فديتك .. لا تعبانه ولا شياته .. بس ...... حمد : بس شوو... ام حمد : بغيت أطيح أرتاح شوي ويتقرب حمد صوب امه .. ويحبها على راسها حمد : فديتج يا اميه أنج ما تحطين في خاطرج مني.. ام حمد : .............. حمد : اميه .. أنا ما ابغي ميثه .. أنتي راضيه تزوجين ولدج وحده ما يبغيها .. ام حمد : لا غناتي ما أرضى.. حمد : عيل ليش هذا كله .. يا اميه أنا ما أبغي أتزوج الحين .. وخص ما أبغي ميثه .. ومب لشيء والله .. ولا ميثه بنت ما عليها كلام .. بس يا اميه أنا ما أتخيل أعيش ويا وحده ما أكن لها اي شعوووور .. دخيلج يا اميه اافهميني ..انا وميثه ( يسوي حركه بإيده ) ما نصلح لبعض .. وتهز ام حمد راسها : خلاص يا ولدي .. الله يوفقك .. وباجر برخص بنت عمك .. وبستسمح منهم .. وهنييييييه استانس حمد .. ويحب امه على راسها .. حمد : لا خلاني الرب يالله .. ام حمد : ولا خلاني منك ومن اخوانك .. حمد : يالله عيل .. قومي نيلس برع .. عالمنامه ..الجو فنان ام حمد : وحد ييلس عالمنامه هالوقت .. حمد : هيه .. أنا وحبيبتي ام حمد .. وييودها من ايدها ويسير وياها المنامه .. وزقر البشكاره تييب فواله وقهوه وحليب عسب تكمل السهره .. من زمان ما سهر حمد مع هله ... دومه متعوووووووود على الهوامه ويا مانع .. بس هالمره هم الثنينه قظوا سهرتهم في البيت.. وزقروا حصه تسولف وياهم .. أما غيث كان توه ياي من برع .. ويلسوا يسولفووون .. وكلهم افتقدوا هاليلسه من سنييين ... عسى الله لا يفرقكم بس .. ومرن الايام وبالتحديد اسبوع .. حصه وافقت على خالد .. مب لأي شيء .. وافقت لان الكل يمدح فيه .. ولأنهم كلهم يبونه نسيب.. وعلى قولتهم ريال ما يتعوض .. ويكفي انه التقت فيه وشافته وجها لوجه .. وعرفت من تصرفاته انه ريال ما عليه أي كلام.. والسبب الثاني والأهم أن اللي الشخص اللي تمنته تأخر.. أو بالأحرى ما يفكر فيها أبدا .. وفي لحظه موافقتها أنهت حلمها اللي عاشته طول عمرها.. الكل دراااا بخطبة حصه .. بس اللي صدق تأثر هوه راشد .. راشد كان يبغيها .. راشد يحبها وشارنها .. كان يترياها تخلص الثنويه عسب يتقدم الها .. بس خالد سبقه ..آآآآآآآخ يا خالد في هالدنيا كلها مالقيت غير اللي أباها .. ليش ؟؟ خلصن البنات .. ما طاحت عينك الا على بنت خالتي واللي أنا الأحق بها من غيري .. بس شو فايد اللوم الحين .. خطبه وخطبتها رسمي .. شو فايده كل اللي اسويه .. اسير أخطبها .. شو الفايده .. عسب يقوولوولي وينك عنها طول هالمده .. وين؟؟ نزل راشد عالممزر .. وطبعا البحر .. هوه الوحيد اللي يقدر يواسيك .. هوه الوحيد اللذي يقبل يشيل همووووومك من غير أي مقابل .. نزل راشد ويلس على حصاه وتم منزل راسه .. ابقتل حبك الليله قبل مالحب يقتلني ... وابشنق هالوفا واهدم صروح الود وحصونه واسكر صفحةٍ سوده ملاها الوقت من حزني ... خلاص العاشق امفارق وماله داعي اتخونه تصدق كنت أنا أحيابك .. غرامك كان يعجبني ... هواك العاشق اوصانك وحطك داخل اعيونه حسافه والندم كله ألم ما عاد ينفعني ... شسوي بالندم وانته خدعت القلب وظنونه بقا كل الصور بيني وبينك حلم يرعبني ... وأفضّل لو تكون اليوم (( ذكرى الحب )) مدفونه تصور .. بعدما كنت الطريق اللي يلملمني ... بقيت السكه اللي دوم بالأشباح مسكونه بنيت فعالمي واقع .. لبعدي عنك يدفعي .. بعد ما صارت العشره (( عبارة حب )) مجنونه وشوي يسمع صوت حد يقترب منه .. ومب واحد .. لا .. شخصين .. شخصين يمشون بس بهدووووووووء.. حمد : بوووووووووو راشد : عنلاتك .. وعقب ما سلموا على بعض.. مانع : هاااه بو سنيده بلاك ؟؟ تقول جنه شايل همووم الدنيا على راسك .. راشد : (باستهزاء ) شو دراك ؟؟ حمد : ( يظرب راشد على جتفه بالخفيف ) ههههه اللي يشوفك يقووول انك صدق شاال همووم.. راشد : خلوكم مني الحين .. من متى انتوا في دبي مانع : الله يسلمك المغرب سرنا الستي ويلسنا في ستار بوكس لين أذان العشا وعقب صلينا في المسيد ويينا هنيه .. راشد : يا حيكم .. ومتى بتردوون .. حمد : ههههههه طرده يعني؟؟ الله يسلمك بنتعشى وبنرد راشد : انزين اقربوا تعشوا ويانا.. مانع : جريب لا عدمناك .. بس نحن الثنينه واعدين الربع نعزمهم على العشا ء.. راشد : يا حيكم عيل .. وشو يسمعون أصوات ضحك من وراهم .. كانوا سالم ومنصور وخالد سالم ومنصور وخالد : السلام عليكم حمد ومانع وراشد : وعليكم السلام .. وبعد ما سلموا على راشد.. حمد : بلاكم ابطيتوا عند الشيشه ( محطه هب شيشه دواخه ههه ) .. خالد : بدلنا انا وسويلم ونزلنا الشيشه شوي .. مانع : يحيكم.. راشد كان وده يمووت ولا يكون في هالموقف .. خالد .. خطيب اللي يحبها واقف جدامه .. منصور : حووه رويشد وين سرحت ؟؟ راشد : وياكم .. وين بسرح بعد ؟؟ خالد : شحالك بو سنيده .. راشد : ( تسألني عن حالي .. تسألني عن حالي بعد كل الي سويته فيّه .. تسأل عن أحوالي وانت ماخذ قطعه من قلبي .. آآآآخ يا خالد .. شو اقول بس؟!! ) بخير الحمد لله.. سالم : الله حيك والله .. راشد : يحييك الشيخ .. مانع : يالله .. قمنا نسير نتعشى .. حمد : يالله بو سنيده .. ما بتخاويينا؟؟ راشد : ( أفااا يا بو شهاااب .. هاللي واعد تعزمه .. بديّته عليّه .. بديّت البعيد قبل ولد خالتك .. لازم هب غدا نسيبك.. ما ألومك .. والحين تسألني اذا بخاوييك ولا ؟؟) راشد : اسمحلي بو شهاب .. ما أرووم منصور : يا رياااال .. راشد : السموحه منكم والله .. عندي شغله بقظيها .. يالله فمان الله .. وروح من عندهم وركب سيارته وشخطه ويل وروّح .. كلهم استغربوا من تصرفااات راشد .. كان متغير .. أول مره يتصرف هالتصرفات .. بس حطوا في بالهم أنه متضيج من شيء .. وعقب بيرد طبيعي .. روحوا الشباب وتعشوا .. وعقب ردوا دار الزين .. أما راشد سيده رد البيت ورقد .. عسب يحاول ينسى همومه .. وهذا اللي استوى .. رقد راشد أول ما وطى راسه على المخده .. ما ينلام .. من يومين ماذاق طعم النوووووووم .. وفي أمريكا ... حارب يالس في نص الصاله وفارش أوراقه على الأرض وحاط كتبه جدامه وكان همه بس يدرس عسب يرد البلاد .. وعيسى توه ياي من برع.. ويايب عشا وياه .. عيسى : حروووووووووب ارحم حالك يا خي .. هب زين عليك دراسه هالكثر.. حارب : أخ عيسى .. أكرمني بسكوتك لو سمحت .. ولا أقول إطلع.. سر حووووووط وين ما تبا ... ولا أقولك سير شقه علووووه .. عيسى : احلف بس .. طرده يعني .. حارب : حرام عليك عااد .. خلني أخلص شغلي.. عيسى : انزين ما تبغي تتعشى ؟؟ حارب : وشو يايب هالمره .. لايكون شرات الطلبيه البارحيه .. دخيلك قول لا .. عيسى : ههههه ارتاح عيل .. هالأكل من مطعم يديد .. اليوم فاتحينه.. حارب : هههه زين عيل .. يالله حطه .. لأني ميت من اليوع ... من أصبحت ما طاح بطني غير تفاحه وكووب جاهي .. عيسى : إلا ارّوحك .. شو كاظنك ؟؟ حارب : خلك من الرمسه الحين .. ورايه دراسه .. عيسى : هااااه ردينا .. الله يهدييك بس .. حارب : والحين الدراسه هب هدايه .. عيسى : قالوا دراسه .. بس ما قالوا طول الوقت .. ياخي اهتم بصحتك شوي .. شوف شكلك شقايل غادي .. حارب : مشكلتي .. عيسى : وانا شو ذنبي انزين .. انته بترد البلاد بعد شهر ونص وأنا ما بطيحها إلا عقب سنه وشي .. حارب : مشكلتك .. يوم قلتلك خلنا نخلص بسرعه عسب ناخذ اجازه ما بغيت .. وانا هب تام هناك .. تراني إلا برد عيسى : لا دخيلك .. واغدي شراتك .. شله .. ما أبغي عمري انا .. حارب : كيفك .. اووب عواس .. ما يبت كتشب .. عيسى : ( يبتسم ) نسيت .. مرن اسبوعين مثل لمح البصر .. والحين البنات يمتحنن للثنويه العامه .. وبما أن البنات مشغولات خلونا نرد على رفيعه .. رفيعه ميوده ايد روضه وسايره عند اليازيه .. وأول ما دخلت .. رفيعه : يالله فديت هالشوف .. فديت روووح عمتك انا .. كانت اليازيه حاطه ذياب جدامها وكانت تبدل ثيابه .. اليازيه : انزين.. وامه مالها رب .. رفيعه : لا افاااا .. من قال .. انتي ما يحتاي حد يتفداج .. انتي شيخه ... العيايز اليازيه : غربلات بليسج .. الحين أنا عيوز .. رفيعه : هههههه أمزح وياج فديتج .. اليازيه : عبالي بعد .. رفيعه : يالله فديت هالويه .. اوووووو ذياب اليازيه : ( تقلد صوت ياهل ) عونت( عونج ) عموتي .. رفيعه : فديتك يالربي ... طاعي الغمازيات اللي فيه .. يخبلن .. فديته أنا .. اليازيه : ومنو عمته ههههههه .. رفيعه : فديتني أنا .. يت روضه بتحط ايدها على خمرة ذياب اليازيه أول ما انتبهت سيده شلتها عنه .. اليازيه : ( تسوي عمرها معصبه ) رويض .. لا تسويين جيه مره ثانيه .. هب زين بعدين بيمووووت ... روضه : أحثن رفيعه : غربلات العدو .. رويض شو هالرمسه بعد .. يزوي تلاحقي على ولدج .. أخاف تسويبه شيء .. اليازيه : صبري بس .. أول ما ايي باابا بخليه يظربج .. رفيعه : رواضي حبيبي .. انتي تحبين ذياب ؟؟ روضه : لا ما أحبه .. رفيعه : ما تبغين حد يلعب وياج .. روضه : ( هزت راسها ) ابي .. رفيعه : يوم بيكبر البيبي بيلعب وياج .. ها والحين تحبين ذياب ولا ؟؟ روضه : لا لا أحبه .. رفيعه : هيه جيه أباااااج .. اليازيه : يودي ذياب عني .. بسير اييب شيء من الصاله وبيي رفيعه : من عيوني .. اليازيه : تسلم عيونج غناتي ... وخلصن الامتحانات ... حارب كان كل يومين يسوي لرفيعه اونه يتخبر عن الأهل.. ودومه يسأل عن البنات ويا الامتحانات.. وقال حارب لرفيعه أن أول ما يطلعن النتايج تبشره .. ما شيء باجي عن النتايج إلا اسبوووع .. الكل قااعد على أعصابه ... إلا مهره .. كانت حالتها يوم عن يوم تزيد .. والكل كان زايغ عليها .. المهم نرد لحمد اللي حاليا موجود في العزبه .. كان حمد يالس على المنامه .. طلع تلفونه من مخباه .. وشوي يطلع البووك .. ويطلع الرساله .. تم حمد قابظ الرساله شوي .. ( لا ..لازم اخبر حارب ) سوا حمد لحارب تلفون وشله عيسى .. وقاله ان حارب عنده كلاس الحين .. بند حمد بعد ما قال له يرد السلام عليه .. حمد : (( يا ربي شو هالنحاسه ...)) وشوي أن تلفونه يصييح.. (( اوووووووووووف يالله تعيينا بعونتك .. شو تبغي هاااااي )) طنش حمد التلفون لأن مها كانت مسوتله .. وعقب ما بندت طرشت مسج .. ((حبيبي للوصل سبة وللفرثا كثير أسباب ... أنا صابر على ظلمك وجرح حيل مشقيني ..)) وشوي وتطرش مسج ثاني ((تدري أن الجرح للمجروح دين ... انت جارحني وحقك أجرحك.. وين تبعد وانته في نفسك سجين .. وين تنسى وانت ناسيني معك .. كيف تفرح وانت تاركني حزين .. طيف جرحك مثل ظلك يتبعك ...)) حمد : الله يهدييييج بس.. وبالباجر الفليل .. حمد ومانع ساروا دبي لأن مانع عنده شغله .. وفليل على الساعه عشر وربع كانوا حمد ومانع يالسين في ستار بوكس كالعاده .. وتموا يسولفون .. وشوي ان اتصال لحمد نكّد عليه اليلسه .. كانت مها مسويه .. مانع : لايكون الحبيبه مسويه .. حمد : ويا راسك .. اسكت .. اسكت خلني اتفاهم وياها .. وقام حمد ويلس على طاوله بعيده شوي .. كان يبغي يحط حد لهالموقف .. حمد : الووووووو مها : مرحبااااااااااااا حمد : مرحبتين مها : وينك .. كل ما اسوي ما تشله حمد : ( ينتبه للصوت عدل ولاحظ تردد الصوت ) وين انتي .. مها : ووين انته ؟؟ حمد : انا سألتج سؤال .. وين انتي ؟؟ مها : صد وراك .. حمد : ( انصدم بس ما صد وراه ) .................. مها : حمد .... صد وراك .. حمد : وليش ان شاء الله ؟؟ مها : لأنك سألتني وين انا .. والحين أقولك صد وراك حمد : خلاص ... عرفت أنج ورايه .. بغيتي شيء.. مها : هيه .. صد وراك أبغي أشوفك .. حمد : نعم .. مها : حمد ......ممكن أيلس وياك شوي .. حمد : خير؟!! مها : بغيت أرمس وياك شوي .. طبعا إذا ما عندك اي مانع .. كان حمد بيرفض طلبها .... بس تردد .. وقال أحسن .. لازم يتفاهم وياها .. ويحط حد لهالموقف.. حمد : حياج الله .. مها : ( مستانسه ) والله .. خلاص الحين يايه .. اول مابند حمد التلفون سمع حد يمشي وراه .. كانت يالسه على الطاوله المجابله له بس كانت عاطيه ظهرها له .. اول ما وصلت مها عنده .. نزل حمد راسه أونه مب منتبه .. أول ما طاحت عين مها على حمد تيبست محلها .. (( فديتك والله يا حمد .. )) مها : السلام عليكم .. حمد رفع عينه .. بس شو شاف .. ما رام يجذب على عمره ويقول هب حلوه .. عليها جمال .. وبياض .. وملامحها حلوه .. وأحلا من الحلاة نفسها .. كانت متحجبه ... وراده بالشيله على راسها ..بس طبعا هذا كله ما حرّك في حمد شعره .. حمد : وعليكم السلام والرحمه .. مها : شحالك حمد ؟؟ حمد : بخير الحمد لله.. شحالج انتي ؟؟ مها : طبعاااااااا تمام .. حمد : عساه دوم... مها : أجمعين ان شاء الله.. حمد : آمين ... مها : ................................... حـ.....مد حمد : ( منزل عينه ) نعم مها : شو بلاك عليه ..؟؟ ليش ترمسني من ورا خاطرك ..؟؟ حمد : ممكن أعرف شو تبغين مني؟ مها : أبـ...غـيـ.......ك استغرب حمد من جرأتها .. حمد : ................ مها : حمد والله العظيم اني أحبك .. وشوي يصيح تلفون حمد مانع :هلا بو شهاب .. منو هاذي الغزاله اللي عدالك؟؟ حمد : مانع .. مانع : اوكيه .. اوكييه .. بس بسحب منك الرمسه عقب ما تخلص.. حمد : يصير خير.. ويبند حمد عن مانع ... حمد : منو وياج هنيه... مها : كنت ويا ربيعاتي .. .. كلهن روحن.. ووحده بعدها تتسوق .. وبترد عليه حمد : كيف يرغدونج جيه ؟؟ مها : ( بعصبيه ) خير .. يرغدوني .. شو قالولك صايعه ؟؟ حمد : سوري .. بس هب قصدي جيه .. قصدي كيف يخلونج تطلعين بروحج .. مها : الحمد لله اهليه يثقون فيه .. ويعرفوني مع منوه أسير ومع منوه أرد حمد : زين .. مها : حمد .. ليش كل ما اتصل ما ترد عليه ... انزين .. حتى لو بمسج واحد حمد : ( بجديه ) زين انج فتحتي هالسالفه .. ختيه..( وقبلا لايكمل رمسته ) مها : اختـــــــك .. ليـ.....( وقبل لا تكمل قاطعها حمد ) حمد : خليني اكمل رمستيه قبل .. مها :............... حمد : لا تحطين في بالج شيء من المستحيل توصليله ... وهالشيء غلط .. وألف مره قايللج.. انا ما أقدر أكون معاج اي علاقه .. أن مب من النوع اللي تظنينه .. انا واحد ما عندي هالخرابيط.. مها : واللي يحب .. هذا تسميه خرابيط بعد... حمد : هذا حب من طرف واحد .. ومثل ما تعرفين ان مستحيل مثل هالعلاقه تكون أي نتيجه ... مها : وأنا أتعذب يعني .. حمد : أنا ما قلت جيه .. حاولي تنسيني .. واقطعي هالأمل نهائيا .. مها : ( عينها تدمع ) ما أقدر.. والله ما أقدر حمد : تقدرين .. صدقيني بتقدرين .. مها : حرام عليك يا حمد .. انا في حياتي ما رمست ريال غيرك .. ولا في عمري تعلقت في واحد شرات ما تعلقت فيك ... حمد : ممكن تمسحين رقمي .... مها : ................ شل حمد التلفون من عدالها ودق رقمه .. وشافه مخزن بإسم... الغلا كله .. انصدم حمد من هالنك .. ما كان يتوقع أنه مهم عندها لهالدرجه ..وبعدين حذف حمد الرقم .. وقام من محله .. مها : حرام عليك ( وتمت تصيح ) .. قام حمد وسار عند مانع .. حمد : يالله نطلع .. مانع : ليش .. ما يلسنا .. حمد : يالله قم .. وروح حمد وطلع من السنتر بكبره وسار الباركنج تحت وتريا مانع لين ما يدفع الحساب وبعدبن ردوا العين... وفي الطريج قال حمد لمانع كل السالفه .. وطبعا قالها عسب إصرار مانع أنه يعرف .. وباليوم الثاني وفي بيت ثاني بن محمد .... راشد وميره وام راشد يالسين في الصاله يشربون جاهي ..ومهره تتسبح .. راشد : اميه .. ام رشد : خير ....... راشد : أبغي أعرس .. ام راشد : ( مستانسه ) هاذي الساعه المباركه يا ولدي.. ميره : ( مب مستوعبه ) هاااه .. بتعرس؟؟ راشد : هيه بعرس .. عندج مانع؟؟ ومن ياب طاري مانع الاخت تلخبطت .. ميره : لا لا .. ما عندي مانع ام راشد : ان شاء الله من باجر بدورلك حرمه ... راشد : ما في داعي الشيخه .. الحرمه موجوده .. ميره وام راشد : منييييييه ؟؟ راشد : اخت ربيعي .. ام راشد : منو من ربعك .. راشد : منصور بن علي .. ام راشد : ولد منو ؟؟ راشد : ولد علي بن معضد .. ميره تذكرت ان هالاسم مب غريب عليها .. علي بن معضد .. لاااااااااااااا مستحيل .. ميره : ( معصبه ) فطييييييييييييييم .. راشد : أظني .. ميره : لا .. دخيلك يا راشد شلها من بالك .. دخيلك .. ام راشد : شو ياج عالولد .. راشد : وليش ان شاء الله ... ميره : ( عصبيه واصله حدها ) جان تبغي تدفني في قبري .. خذها.. يعلني بلا شيفتها وتقوم وتسير حجرتها وقفلت على عمرها الباب وتمت تصييييييح .. راشد : اووووف .. ما عليج منها .. ام راشد : ان زين يا ولدي .. هاتلي رقم بيتهم من ربيعك.. راشد : ان شاء الله .. ويالله الحين تامرييني بشيء .. ام راشد : لا فديتك .. بس وين بتسير ؟؟ راشد : هههههه بسير أرقد بعد وين بسير ام راشد : هيه.. برايك عيل .. دش راشد حجرته .. وقف جدام المنظره .. وتم يطالع عمره .. آآآآآآخ من خل ٍ ظلوم .. بعت الدنيا لأجل أشريه .. راح بنصيبه وخلاني مهموووم .. راح ومن بعده الدنيا ظلام .. وش حياتي من بعد خلي الحبيب .. حياتي مالها معنى والموووت محتوووم .. راشد ما يبغي يعرس .. بس سوا هالشيء عسب يثبت لحصه انه مثل ما باااعها . هوه بعد باعها .. ومثل ما هيه اشترت هوا غيره .. هوه بعد بيشتري هوا غيرها ... آآآه يالدنيا بس .. مهره طلعت من حجرتها وهي لافه شعرها بفوده وقبل لاتنزل سمعت ميره تصيح بصوت ينسمع .. زاغت مهره وربعت صوب ميره .... بس الباب مبند .. مهره : ميره .. مياري .. فجي الباب .. ميره : ......... مهره : وغلاتي عند تفجين ... وشوي أن الباب ينفتح ... كان شكل ميره يبين انها صايحه من مده وصياح من الخاطر بعد .. مهره : بلاج ؟؟ وقالت ميره السالفه لمهره.. بس مهره تقبلت الموضوع عادي .. لأنها ما تعرف فاطمه مثل ما ميره تعرفها .. وما عاشرتها عدل .. وما عرفت شخصيتها وتصرفاتها .. مهره : انزين.. وشو يعني؟؟ ميره : ( معصبه ) شو يعني ؟؟ مهره انتي ما تعرفينها شرات ما أعرفها .. مهره هالبنت أكرهها .. مهره : تكرهينها ؟؟ اوكيه اكرهيهها براحتج .. بس اخوووج .. ليش تهدمين مستقبله .. ميره : أنا اللي أهدم مستقبله .. هوه اللي يهدم مستقبله بإيده .. ومن بعد ما ياخذها بتهدم بيتنا .. تعرفين شو بيهدم بيتنا .. بس والله ثم والله .. ما أخليه ياخذها لو على قص رقبتيه .. وطلعت من الحجره وسارت عند راشد .. وأول ما فتح الباب .. شافها واقفه .. راشد : خير.. ميره : الخيير بويهك .. بس حبيت أقولك شيء .. راشد : قولي وخلصينا .. راسي يعورني برقد .. ميره : حبيت أقولك انك لو خذت هاذي اللي يسمونها فاطمه .. انسى ان عندك اخت .. اصلا بتنساني اوووووريدي لأني ما بكون في هالحياه.. وخذها نصيحه مني .. ابعد عن هالبنت .. راشد : عطيني سبب مقنع .. ميره : لأني أكرهها .. تعرف شو يعني أكرهها .. لأنها خرااب دار .. واذا دشت هالبيت .. محد بيتم فيه ... راشد : سوي اللي تبينه .. انا باخذها باخذها .. رضيتي ولا ..لا ميره : خذها .. يعلني بلاها .. خلها تنفعك .. وشوي أن ذاك الطراق العدل على سطار ميره .. مهره أول ما شافته يعطيها الطراق شهقت وحطت ايدها على ثمها من الصدمه ... يودت ميره خدها والدموع ينزلن من عيونها .. ميره : لا تعرفني ولا اعرفك من عقب اليوم .. لا انته اخويه ولا انا اختك فهمت ولا .. وروحت حجرتها وقفلت الباب .. راشد : نفااااااااااااااااااااااد .. ورد راشد ودخل حجرته .. وتساند على الباب .. رفع ايده اللي ظرب ابها ميره .. ليش؟؟ ليش ظربتها ليش ؟؟ والله ما كنت أقصد .. بس رمستها حدتني على هالشيء .. وليش أسوي عمري أبغي هاي اللي ما تتسمى .. وأنا ما أبغيها .. ليش أبين للناس أني أبغيها بس أنا و الود ودي ما خذتها .. خسرت أختي والسبه انتي يا حصه .. انتي اللي خليتيني أسوي هالشيء .. بعتي هوايه واشترتي هوا خالد .. بس أنا بعد ببيعج .. وبشتري هوا غيرج .. ميره .. أكيد بتهدا عقب اللي استوى .. يمكن كانت معصبه من شيء وحطت غيظها فيه .. بس يالله عاذرنها .. بس شو قصدها يوم قالت خراب بيوت وان يت البيت محد بيتم فيه .. يمكن متظاربه وياها ولا شيء .. عسب جيه .. مهره وعقب اللي شافته سارت حجرتها .. فرشت سيادتها .. وصلت لها ركعتين وعقب ما خلصت .. مهره : (( ليش يا ربي؟؟ ليش على آخر أيام حياتي الكل يفترق .. حارب وابتعد .. وما أظن راح ألحق على ردته .. ميره وراشد اتظاربوا .. على شيء بعده ما استوى .. بس رمسه .الله يهدييج يا ميره .. ويالله يا رب جان في زواج راشد من فاطمه خير فخليه ينتهي على خير .. واذا كاان ما وراه إلا المصايب فيا رب أبعدنا عنها .. )) ..... مر اسبوع وفي هالأسبوه خطب راشد فاطمه .. ويا يوم النتايج .. النتايج بتظهر الساعه 10 الضحى على الانترنت .. والحين الساعه تسع .. والكل على ناااااااار .. الانترنت في حجرة راشد ... ومهره هيه اللي بتطلع النتايج .. لأن ميره من هاذاك اليوم ما دشت حجرة .. ولا حتى كلمته.. وراشد أصلا ما كان في البيت ... أما أم راشد يالسه في الصاله ويا محمد الشيبه .. وجريب العشر نزلت مهره تربع من فوق .. مهره : اميه اميه.. ام راشد : ( زايغه ) بلاج .. شو مستوي .. مهره : نجحت يا اميه نجحت .. وتلوي على امها وعلى يدها .. ام راشد : مبروك يا بنتي مبروك.. واختج ؟؟ مهره : وميره بعد نجحت .. ام راشد : فديتكن لا خليت منكن بس .. مبرروووك .. مهره : الله يبارك فيج .. محمد : بالبركه ان شاءالله مهره : ( تحب راس يدها ) فديتك يا يدي .. الفضل كله يعود لله ثم لدعواتكم .. انته واميه وابويه والكل .. ام راشد : وكم النسبه .. مهره : أعجبج يا اميه .. 85.3 ام راشد : واختج؟؟ مهره : ميرووه يابت 76.8 ام راشد : الحمد لله على النعمه ... مهره : بخلييكم.. بسير أبشر مياري وربعت مهره فوق .. وتدخل على ميره .. كانت ميره قابظه دفتر وتشخط فيه .. مهره : مبرووووووك يا ميرووه .. نجحنا ... ميره : ( بإستهزاء ) وشو يعني ؟؟ مهره : ( منصدمه من ردة فعل ميره ) يعني نجحنا .. وشوي أن راشد يدخل وهوه مستانس .. راشد : خبرتني اميه عن النجاح ... مبروك مهاري .. مهره : الله يبارك فيك .. راشد : ومبروووووووك يا ميرووه .. تمت ميره حاطه عينها على الدفتر وتشخط فيه ولا جنه حد رمسها .. ولا اهتمت أصلا .. راشد : وكم يابت فطيم ؟؟ وهنيه اشتطت ميره.. عقت الدفتر من ايدها على الطاوله .. وقامت وطلعت من الحجره ... راشد : بلاها هاي .. المهم ما قلتيلي .. .. نجحت ولا ؟؟ مهره : يابت دوووووووور ثاني .. راشد : في كم ماده ... مهره : في الدين راشد : ههههه دين .. لايكون خطيبتي يهوديه وأنا ما أدري .. بس يالله الله يوفجها .. (وسكت شوي ورد يكمل كلامه ).. وحصه بنت خالوه عليا.. مهره : الحمد لله نجحت ويابت 81 بالظبط .. راشد : زين ... وطلع من الحجره وسار حجرته وفي العين .. الكل مستانس على حصه.. وبالأخص خالد .. وعلى العصر .. غيث توه ياي من برع .. الكل كان يالس في الصاله.. خالته ام مانع ومانع وحمد وامه وعلاوي .. وكانوا يسولفون ويظحكون ..اما حصه كانت سايره حجرة غيث تشغل المكيف لأنه سوا تلفون وقالها تشغل المكيف لأنه أول ما بيي بيرقد .. وهيه تأخرت شوي لأن فراش الشبريه كان مبهدل وتمت ترتبه ..وغيث تم يالس وياهم شوي وعقب .. غيث : يالله عيل بخليكم .. بسير أرقد .. وسار صوب امه وحبها على راسها .. وسار حجرته .. كانت حصه توها طالعه من الحجره .. حصه : بترقد الحين .. غيث: ان شاء الله .. ووعيني قبل أذان المغرب حصه : من عيوني غناتي .. حب غيث حصه على راسها ودخل يرقد .. وجريب المغرب .. كانوا كلهم يالسين برع .. ام حمد : حصوه فديتج .. سيري وعي اخووج .. ما شيء باجي عن الصلاه .. حصه : ان شاء الله .. سارت حصه توعي غيث وتموا الباجين يسولفون .. بس هب لمده طويله .. لأنهم سمعوا حصه تباغم بصوت عالي.. وكلهم ربعوا صوبها يشوفون شو بلاها ..... |
|
الجزء الثامن عشر
سارت حصه توعي غيث وتموا الباجين يسولفون .. بس هب لمده طويله .. لأنهم سمعوا حصه تباغم بصوت عالي.. وكلهم ربعوا صوبها يشوفون شو بلاها ..... وأول من سار هم مانع وحمد بما انهم شباب ويرومون يركظون .. اما ام حمد وام مانع كانن يركظن بس هب شرات الشباب .. دشوا حمد ومانع حجرة غيث .. حصلوا حصه تباغم وحاطه ايدها على ويهها وتصيح .. مانع : شو بلاااج حصوه .. شو مستووي ؟؟ حصه : ( بنبره متقطعه ) غيث ما أدري شو بلاه ؟؟ ما يتحرك .. ما يتحرك ساروا مانع وحمد ويلسوا عدال غيث .. أول ما مسك مانع ايد غيث حصلها بارده ثلج .. مع ان الحجره مب بارده وايد .. واصلا هوه كان متلحف .. حط حمد اذنه على قلب غيث .. تريا صوت النبض .. تريا احسااسه بدقات قلب اخوووه .. بس للأسف .. ما حس بشيء ... خلاص ... غيث مات .. راحت روحه عند ربه .. كان غيث حاط القرآن عدال راسه .. وصلن ام حمد وام مانع .. شافن حصه يالسه ومتسانده على الأرض وحاطه ايدها على ويهها وتصيح بهدووووء .. أما حمد كان لاوي على اخوه وهوه يصيح .. وغيث ميّود حمد وصاد صوي اليدار ويصيح .. ام حمد : بسم الله .. بلاكم شو مستوي … امن مانع : شو بلاكم ؟؟ ام حمد : يالله منكم .. لين الحين ما وعيتوا خويكم .. الصلاة جربت وهوه بعده مرقد .. (( وتتقرب من غيث )) بس قبل لا تجرب زخها حمد من ايدها .. حمد : خلاص يا اميه .. غيث مااااااااااااااااااااااااااات .. ترحمي عليه .. ام حمد : عنلاتك .. شو هاالرمسه بعد .. لاتفاول على اخوك .. غيث راقد .. ورقاده دوم ثجيل .. مانع : لا يا خالتيه.. غيث هب عندج .. غيث عند ربه .. ترحمي عليه انتي بس .. ام حمد : خوزوا عنيه خلوني أوعيه … كلكم مافيكم نفع .. وتتجرب من غيث … وحصه بعدها تصيح .. ومانع سكت وهوه يشوف حالة خالته .. وحمد ما بيديه حيله .. واام مانع يالسه عدال حصه وميوده راسها وتصيح .. ام حمد : غيث .. حبيبي .. نش فديتك الصلاة.. قم يالله .. ام حمد : غيث .. يالله عااااد .. ترا صلاة المغرب فواتة .. قم وليدي قم .. غيث : ( يصيح ) اميه .. بس عاااد .. خلاص غيث ماااات .. ام حمد : لا ما مـ ـــ ــ ــ ــ ـات ( ويغمى عليها ) قاموا حمد ومانع وشلوا ام حمد وودوها حجره حصه .. ويوم طلع حمد .. حمد : مانع … خلك عند غيث وأنا بسوي للشرطه .. مانع : ان شاء الله … نزل حمد ويلس على الدري اللي برع مال الفله .. وتم يصيح .. ومانع سار حجرة غيث .. وقال لأمه تسير عند ام حمد .. وحصه بعدها يالسه محلها .. وتصيح بس بهدوووووووووء وبدون أي صوت .. ييلس مانع جدامها .. مانع : حصووه .. سيري عند امج .. الحين بييون الرياييل بيشلونه .. سيري الحجره الثانيه .. ترفع حصه راسها : يشلونه .. لااااا حرام عليهم … ( وتصيح بقو ) يحط مانع ايده على ركبتها .. مانع : دخيلج يا حصه لا تزيديني فوق ما فيه .. جان تبين غيث يرتاح في قبره .. ترحمي عليه .. حصه : الله يرحمه .. مانع :قومي لا خليت منج هاتي قرآن وقري عليه قبل لا يشلونه .. وتقوم حصه .. ويساعدها مانع .. وتسير وتيلس عدال غيث وتحبه على يبهته .. وتشل القرآن اللي عداله .. وتمت تقرا على روحه .. وشوي أن حمد يدخل .. حمد : يالله حصه .. الشرطه يت .. سيري الحجره الثانيه .. تبند حصه المصحف وتحطه عدال راس غيث … وتلوي على اخووها .. وهيه تصيح .. نزل حمد عند الشرطه .. و يود مانع حصه من ايدها .. مانع : يالله يا حصه … سيري حجرتج .. وتقوم حصه متثاجله .. ويوصلها لين الباب .. وبعدين رد مانع وحب غيث على راسه ولحف ويهه .. يت الشرطه وكملت اجراءاتها .. ويا الدكتور عسب يعرف سبب الوفاة .. وطلعت وفاة طبيعيه .. وشلوا غيث وياهم وساروا حمد ومانع وياهم .. أول ما شلوا غيث .. سارت حصه حجرته .. وطاحت علىالمكان اللي كان راقد عليه .. وتلحفت بلحافه .. وتمت تصيح بهدوووووووء تام .. وشوي أنها تعدل يلستها .. وتقبظ القرآن وتمت تقراه .. وهاذي هيه الحال .. نشت ام حمد وعقب مووت تأقلمت ويا الوضع ..وطول وقتها صيااااح .. وام مانع ملازمتنها .. وحصه من شلوا غيث وهيه في حجرته .. أول ما دروا قوم ثاني بن محمد .. قرروا يسيرون العين وفي يومها ساروا .. واللي سبقهم راشد .. كان مب مصدق ان ربيعه الروح بالروح وولد خالته مات .. كان طااااااااير بالسياره … وزخنه 3 رادارات .. وهوه ولا همه ولا راداار .. كان همه الوحيد أنه يشوف غيث .. وصل البيت .. حصل حمد ومانع ومنصور وسالم وخالد يالسين في الصاله وساكتين ومشغلين التلفزيون على قناة القرآن.. دش راشد ومب مستوعب الموقف اللي هوه فيه .. دش الميلس .. شاف حمد متساند على الغنفه وراد براسه ورا .. وحاط ايده على راسه .. ومانع منزل راسه .. وشابك ايده وفعينه دمعه .. ومنصور وخالد وسالم حالهم من حال الباجيين .. ويوم انتبهوا لراشد وقفوا وساروا صوبه وسلموا عليه .. راشد : عيل وين غيث؟؟ كلهم انصدمواااااا من سؤاله .. مانع : غيث؟؟؟ راشد : هيه غيث .. جيه كمن غيث عندكم .. حمد : غيث عطاك عمره يا راشد .. غيث رااح راشد : ( يضحك ) أكيد انتوا تتمصخرووووون .. غيث ما فيه شيء اليوم العصر مرمسنه .. مانع : وهوه متوفي المغرب .. راشد : ( في عينه دمعه على وشك انها تطيح ) شووووووو ؟؟ لا .. لا لا …أكيد تتمصخرون .. حمد : ( معصب وقابظ راشد من جتوفه ويهزه بقو ) غيث مااااااات .. خلاص يا راشد … غيث راح .. مات يا راشد مات .. ( ويلوي على راشد ويصيح ) راشد : ( هب مستوعب بعده ) وكيف مات ..؟؟ مانع : وهوه راقد .. ييلس راشد على الغنفه وهوه منزل راسه وحاط ايده على ويهه .. لاكنه ما صاح .... ويرد يرفع راسه …. راشد : ومتى بتصلون عليه.. حمد : عقب نص ساعه بنسير .. من الحاله اللي صابت راشد .. حتى صياح ما صاحه على غيث .. مب مستوعب أن ربيع عمره وولد خالته يموووووووووووت .. وتم راشد على هالحال .. لا صياح ولا شيء .. لين ما ساروا وصلوا على غيث .. ومب لين هالوقت وبس ... مر شهر .. ولا ذرف راشد دمعه وحده على غيث .. مب لأن ما يهمه .. بالعكس.. لأن الواحد من زود ما تحبه واذا صار للي تحبه شيء لاسمح الله .. حتى من الحزن اللي فيك ما تقدر تذرف دمعه وحده ولو كان حزن الدنيا كله فيك .. عكس حصه .. حصه دومها في حجرتها وتقرا قرآن .. والظهر تسير حجرة غيث وتيلس فيها شوي .. تتذكره .. تشم ريحته .. تتخيله في الحجره .. ما أقول غير الله يعيينها .. بس حالها أخير شوي عن قبل .. قبل ما كانت تطلع من الحجره نهائيا .. حتى الأكل ما تاكله .. بس الحين شوي شوي بدت تتحسن ... ونرد لدبي ... مهره يالسه على دري الفله .. وبالتحديد عقب صلاة المغرب .. يالسه تشوف هالدنيا شو سوت في حالها ... شكل مهره مجلوب 180 درجه .. ضعفت... ويهها شاحب ... السواد اللي تحت عيونها ... حتى نفسيتها ما سلمت .. وشوي تشوف سياره تدخل ... سياره هب غريبه عليها.. وهنيه مهره هب مصدقه عمرها .. نست ان اليوم حارب بيوصل دبي .. نشت مهره وما تعرف شو تسوي .. وشوي ان حارب ينزل .. وشافته ام راشد اللي كانت في المطبخ ... وسلمت عليه .. من بعيد ... ام راشد : مهره فديتج سيري قربي بولد عمج .. أنا بييكم عقب شوي .. سيري لا خليت منج .. سار حارب صوب مهره ووقف جدامها .. اما ام راشد ردت المطبخ حارب : سلام عليج بنت عمي مهره : وعليم السلام والرحمه.. حارب : شحالج الشيخه ؟؟ مهره : بخير الحمد الله ... حارب : عساه دوم وهب يوم .. ومبروووووك النجاح مهره : الله يبارك فيك.. والحمـ ـ ـدلله على السلامه حارب : ربي يسلمج ان شاء الله .. مهره : اقرب داخل .. حارب : جريب وتدخل مهره البيت وتقرب بحارب .. يلس حارب .. بس في لحظته رد ووقف .. لانه ما استوعب اللي شافه في النور .. حارب : مهروه بلاج غديتي جيه .. شو يااااااااج ؟؟ ما حبت مهره ترد عليه .. لان اذا قالتله المرض .. أكيد بيستهم .. مهره : ................. حارب : أرمسج أنا .. بلاج ؟؟ مهره : ما بلايه شيء .. حارب : ما بلايه شيءوويهج جيه .. عيل شو اذا بلاج ؟؟ مهره :................. حارب : تاكلين دواج ولا قلعتيه ... مهره : لا والله اني آكله .. حارب : عيل .. مهره : تعرف انته التعب وايام الدراسه .. والايام اللي عدت علينا من بعد مووووت غيث .. حارب : ( منصعق من اللي سمعه ) شو ؟؟؟ موت غيث ؟؟؟ هنيه انصدمت مهره أن حارب ما يعرف شيء عن وفاة غيث .. حارب : غيث بن سهيل ما غيره .. مهره : هـ ـ ــيـ ـ ـه حارب : كيف مات ؟؟ ومتى؟؟ وليش محد خبرني ؟؟ مهره : ....................... عصب حارب ... حارب : يالله أنا بخليج .. ( ويطلع من الفله ويركب سيارته ويروح ) تمت مهره مستهمه .. ما تعرف اللي ناوي عليه حارب ... وشوي أن ام راشدتدخل البيت ... ام راشد : وينه ولد عمج؟؟ مهره : روّح .. ام راشد : شو عايلنه هالولد .. وشوي أن مهره ما تحس بعمرها الا وطايحه تحت .. زاغت ام راشد وتمت تزاقر ميره .. وشوي ميره تنزل .. ويالسه تلعب بإيديها ميره : شو يا اميه ؟؟ بلاج محتشره .. ( ويوم رفعت راسها ) مهررررررررره وتربع صوب مهره .. ميره : بلاها يا اميه ؟؟ ام راشد : شدراني يا بنتي .. ما أدري شو حل بها ؟؟ ميره : ما عليها شر ان شاء الله .. قال الدكتوور أن بتصيبها هالحاله مره ثانيه ... وقال لازم نخليها ترتاح في حجرتها لين ما تنش روحها .. ام راشد : عيل يالله خلينا نوديها فوق .. ميره : بس انتي يا اميه مافييج شده ... ارتاحي .. بحاول أمشّيها روحي .. وشوي أن راشد يدش .. راشد : خير ان شاء الله شو مستوي .. ام راشد : ما حصل إلا كل خير .. بس يا ولدي فازع اختك وودوا خويتكم فوق .. وهنيه تضيجت ميره .. ما كانت تبغي تشاركه في شيء ... بس هالمره بتعديها عسبه اختها مهره بس .. ولا ميره ما تتحمل تيلس وياه في مكان واحد ... حاولوا راشد وميره يوصلون مهره لحجرتها .. بس بما ان حجرة ميره اقرب ودوها هناك .. سدحوها على الشبريه .. ولحفوها زين .. راشد : شو بلاها ؟؟؟ ميره ما سوت سالفه له .. جان يتضيج راشد ويزخها من جتفها .. راشد : أرمسج أنا انزين .. ميره : ( ما سوتله سالفه أبداا ) راشد : لين متى هالحال يعني ؟؟ ارمسي ميره : لين ما تخلي الاخت فاطمه بنت علي تولي .. راشد : جب يالله .. وانا فطيم باخذها باخذها ... رضيتي ولا انرظيتي .. ويطلع من الحجره ويسير حجرته .. يلس على الشبريه .. وعقب خمس دقايق تقريبا ... رفع راسه .. طاحت عينه على عمره يوم جابل منظره الكبت .. كان هب مهتم بعمره .. حتى لحيته غلظت ولا حلقها .. وويه هب شراة قبل .. التعب كان باين عليه .. و......... ( وشوي يسمع ميره تصارخ ) ويطلع من الحجره .. راشد شو مستوي .. ميره : مهره.. ما أدري شو بلاها .. تتنتفض وعرقانه .. وشوي أن ام راشد واصله .. ام راشد : بلاج يا بنتي .. شو يااج .. شي ياها اختج.. ويدخلون كلهم عليها .. كانت مهره عرقانه .. وكانت فيها حمى واشتدت واااايد واااااااايد .. لدرجه انها كانت تنتفض محلها ... كلهم زاخوا عليها .. ولاحظوا بعد أن تنفسها صعب شي .. كانت تسحب نصخها بصعوبه .. راشد : يالله يا اميخ بسرعه .. لبسوها عباتها .. أنا بجدم السياره وبييكم .. وينزل راشد ويجدم سيارته .. ويرد ويركب فوق .. وينزلّون مهره تحت .. ويركبونها السياره .. وميره سارت وياها .. لأن مايد محد عنده .. وبعد لأن ام راشد ما ترووم للركيظ في المستشفيات ... وصلوا المستشفى .. دخلوا مهره الحجره وتموا راشد وميره برع .. ويلس راد ويلست ميره بعيد شوي .. وفي العين .. يدش حارب الميلس.. بس ما حصل حد .. يلس وسوا تلفون لحمد .. حمد ما كان في البيت .. كان في الدرب ويا مانع .. حمد : مرحباااا الساع حارب : مرحبابك زود بو شهاب .. وين انته ؟؟ حمد : والله عقب خمس دقايق جي بوصل البيت .. ليش؟؟ حارب : لأني الحين في ميلسكم .. حمد : احلف .. ( ويرد ويشوف الرقم ولاحظ انه داخل البلاد هب من برع ) يا حيك .. متى ييت .. وليش ما خبرتنا عسب نستقبلك .. حارب : والله من ساعتين جيه واصل وسيده ياي صوبكم .. حمد : هاذي الساعه المباركه .. حارب : تسلم بو شهاب .. حمد : اوكيه عيل .. تريانا .. الحين بنوصل .. حارب : اوكييه .. مع السلامه .. ويبندون عن بعض .. وعقب سبع دقايق جيه وصلوا حمد ومانع .. دشوا الميلس وسلموا عليه .. وعقب التنشّيد عن الأخبار والعلوم .. رمس حارب عن اللي في خاطره .. حارب : حمد ... صدق الرمسه اللي سمعتها .. حمد : (( مستغرب )) أي رمسه ؟؟ حارب : غيث .. وهنيه حمد حس بشيء يقبظ قلبه .. مانع : غيث؟؟!! حمد : خير ان شاء الله .. شو السالفه ؟؟ حارب : غيث توفى؟؟ حمد : ( منزل راسه ) الله يرحمه .. حارب : يعني الرمسه اللي وصلتني صح ؟؟ ليش يا حمد .. ليش ما حد خبرني .. ولا طلعتوني من الحسبه .. ليش محد عبرني وقالي .. ليش ؟؟ حمد : اسمحلنا والله .. ما رمنا نخبرك عسب تركز في دراستك و ما تشغل بالك في شيء ثاني .. حارب : ( عينه تدمع ) وحاد قالك ان غيث أهم عندي من الدراسه ؟؟ ما تعرف شعوري يوم دريت بالسالفه .. حسيت أني غريب .. حسيت أني هب واحد منكم وفيكم... حسيت أني آخر من يهمكم في هالدنيا ... حمد : ( بنبره حزن ) بس يا حارب بس.. لا تزيدني .. دخيلك اسمحلنا .. خلاص يا حارب رمستنا عن غيث الحين ما بتنفعنا ولا بترجعه .. ترحم عليه يا حارب .. ترحم عليه حارب هنيه حس انه قلب مواجع حمد .. ذكره بأخوووه .. وحس بالذنب .. ومارام يتحمل شكل حمد جيه منهار.. حارب : الله يرحمه ويغمد روحه الجنه .. اسمحلي يا حمد جان كدرتك ولا غثيتك .. بس تخيل ان حد قريب منك يمووت وانته ما تدري متى ماات وكيف مات .. حمد : خلاص يا حارب .. الله يرحمه يا رب حارب : ويرحم امة المسلمين يا رب.. ونرد لدبي .. وبالتحديد في المستشفى .. ميره وراشد بعدهم يتريوون .. ولا حد طمنهم عليها ..مهره من ساعه في الغرفه ... السسترات يدشن ويطلعن ويوم يسألونهن ما يعطونهن جواب واحد ... نش راشد .. تضيج من هالحاله .. من ساعه اخته في الحجره ولا يدري عنها شيء .. وشاف نيرس توها بتدخل .. راشد : لو سمحتي .. ممكن أعرف شو السالفه ؟؟ شو حال ختيه الحين .. النيرس : أنا ما بأدر أأولك شيي .. الدكتور هوّه بنفسوا حيكلمكووو .. راشد : خير خير ... ما تقدرين .. لا يكون الشور عندج وأنا ما أدري.. رمسه توصلج وتتعداج.. الحين تدخلين وتشوفين حال اختي وتخبريني .. ولا والله ثم والله بتشوفين شيء ما شفتيه .. النيرس : طيب يا أخي .. شو بااك معصب؟؟ راشد : سيري سيري يالله وتدش النيرس وهيه تتحرطم .. وعقب شوي تطلع النيرس .. راشد : شوووو ؟؟ النيرس : تعااا معي لتشوووف الدكتور بنفسك .. ويسير راشد صوب الدكتور .. النيرس : مرحبا دكتووور أحمد الدكتور : مرحبا ... ويوم انتبه أن راشد وراها قام ووقف الدكتور : مرحبا الساع .. تفضل يا راشد.. راشد : زاد فضلك ( وييلس مجابل الدكتور ) النيرس : دكتور أحمد .. الدكتور : نعم النيرس : تفضل شوف فايل المريضه .. وتأكيد التحليل راح يجهز بعش ربع ساعه .. الدكتور : اوكيه مشكوره .. والحين سيري تابعي حالة المريضه النيرس : ان شاء الله .. وتطلع النيرس ويتم راشد والدكتور بروحهم .. الدكتور : شحالك ؟؟ راشد : تماام الحمد لله .. الدكتور : دووم ان شاء الله .. وشخبار ابووك ... يعله بخير ..؟؟ راشد : بخير وسهاله الحمد لله .. الدكتور : الحمد لله راشد : دكـ ـ ـ ـتـ ـ ـور الدكتور : أعرف يا راشد .. أعرف انك بتتخبر عن اختك وشو حالها الحين .. راشد : هيه والله يا دكتور .. هب حاله هاي من ساعه هيه داخل ولا نعرف عنها شيء .. الدكتور : اسمحلنا والله .. بس اداره المنتدى منبهه النيرسات أنهن ما يعطن أي معلومات عن حاله المرضى .. ولازم تاخذ اذن مني قبل .. وهيه توها إلا يتني لانها من الصبح يالسه تتابع حاله اختك .. راشد : شو تباني أقول بس .. الحمد لله على كل حال والحين ما قلتلي عن حالها .. الدكتور : الحمد لله الحين حالتها استقرت .. ويمكن حالها ينتكس في أي لحظه وسوينا تحليل لها .. وعرفنا النتيجه .. والحين سوينالها تحليل ثاني عسب نتأكد راشد : تتأكدون من شو الدكتور : نتأكد من النتيجه اللي ظهرت لنا في التحليل الأول راشد : انزين شو النتيجه اللي طلعت .. الدكتور : والله ما أعرف أقولك يا راشد ..أول ما أتأكد من الخبر برد عليك .. والحين عادي تدخل عليها .. بس ما شيء طلعه .. من الحين أقولك .. راشد : يعني شو ؟؟ بتنومونها عندكم ... أكيد يا دكتور ان حالتها فيها شيء .. ولا ما بتخلونها عندكم.. الدكتور : أنا ما قلت جيه .. مثل ما قلتلك أن حالها يمكن ينتكس في أي لحظه لا سمح الله ... فلازم تبقى هنيه عسب نراقبها ونتابعها .. راشد : انزين دكتور ...ورفجه بو خليفه أن اول ما توصلك التحاليل تخبرني .. الدكتور : ان شاء الله يا راشد .. ما طلبت الساع راشد : تسلم والله .. وبخليك الحين .. بسير أشوف اختي الدكتور : الله يحفظك .. بس اصبر شوي بكتبلك ورقه عسب يدخلونك .. لأنهم ما بيدخلونك منيه والدرب ... لازم ورقه من الدكتور المسؤول .. راشد : اسميهم عباله .. ويسير راشد ويوم توه بيدخل سمع النيرس تزقره .. النيرس : لا لا يا اخي .. ما بيجوز تدخل .. راشد : لا الله يجووز عكيفج هوه .. ( ويطلعلها الورقه ويفتحها ويعطيها اياها ) هااه اقري .. وعقب ما تخلصين يا ريت تعقين الورقه في الزباله لأن ما يصحش توصخين الممر .. يالله يا ميره جان بتدشين .. ( ويدش راشد ولا عليه من حد لأن صدق وصل حده .. وبرد حرته في هالنيرس ) ويدخلون على مهره اللي كانت شبه راقده وأول ما سمعت صوتهم حاولت تفتح عينها .. وتتجرب ميره منها .. ميره : الحمد لله على السلامه .. مهره : ( بصعوبه ) الله يسلمج راشد : سلامات مهاري ما تشوفين شر ... مهره : الشر ما اييك ونرد للعين .. في الميلس حارب وحمد .. ومانع سار سيارته بييب شيء وبيرد حارب : شو هذا ؟؟ حمد : هاذي رساله .... حارب : رساله ؟؟؟ حمد : هيه نعم رساله .. حارب : منو امنووه ؟؟ حمد : ما ادري والله .. حارب : وكيف وصلتك .. حمد : الله يسلمك ريتها في سيارتك ذاك اليوم يوم وصلتك المطار .. وتذكر حارب االورده .. وقال أكيد أن الرساله كانت ويا الورده .. بس ما لاحظها .. ويوم توه بيفجها صاح تلفونه .... وفي نفس الوقت رد مانع من برع راشد : مرحبا حارب : مرحبتين .. هلا والله راشد : علوومك .. توها تخبرني اميه انك رديت .. متى رديت ؟؟ حارب : بخير الحمد لله .. وانا في البلاد من ثلاث ساعات جيه .. راشد : الحمد لله على السلامه عيل .. حارب : الله يسلمك والله ... هااه وين داارك ؟؟ راشد : المستشفى ... حارب : ( منصدم ) مستشفى ؟؟ خير ان شاء الله ؟؟ شو مستوي ؟؟ راشد : الله يسلمك مهره تعبت علينا ويبناها هنيه .. حارب : يالله يالله .. الحين ياينك .. ويطلعون حمد وحارب ومانع من العين حارب بسيارته .. ومانع وحمد في سياره مانع .. وحارب في سيارته زايغ على مهره .. وتذكر الرساله .. بس ما همته .. وفي دبي .. وعقب عشرين دقيقه تقريبا .... الدكتور يدخل .. الدكتور : السلام عليكم الكل : وعليكم السلام .. راشد : هاه يا دكتور .. طلعن النتايج..؟؟؟ الدكتور : هيه طلعن .. والحين يا مهره شو تحسيين ؟؟ مهره : الحمد لله .. بس راسي يعورني شوي .. الدكتور : ما عليه .. الحين بقول للنيرس تييب لج حبه عوار الراس .. مهره : تسلم .. راشد : دكتوووور .... شو النتايج ؟؟ الدكتور : هاذن في الفايل اللي في ايدي .. من شوي ياي من عندهم راشد : وشو حصلت ؟؟ الدكتور : الله يسلمكم ما عرف كيف أبتدي لكم .. وهنيه الكل زااااغ وتم على أعصابه .. الدكتور : وصلتني النتيجه .. وهذا ثاني تحليل .. وتأكدنا من النتيجه اميه بالميه .. راشد : يعني .. الدكتور : يعني أن كل الخلايا اللي في جسم الاخت مهره استوت فري... يعني ولا خليه في جسمها مسيطر عليه السرطان .. يعني اختك ردت لحالتها الطبيعيه .. وبفضل الله وبفضل تعاونكم قدرنا نقظي على هالمرض .. وهالحاله اللي فيها الحين حاله طبيعيه .. والحمى اللي يتها كانت مجرد صراع بين السرطان وجسمها .. والوقت اللي كانت محمومه فيه كان وقت اختفاء كل خلايا السرطان من جسمها .. والحمد لله أنها قدرت تتجاوز هالحمى لانها وايد خطيره .. كان الدكتور يرمس والكل منصدم .. وكانت كل كلمه تبري جرح من جروح مهره .. اما ميره حالتها ما تنوصف ... كانت كلمه ميته من الفرح شويه عليها .. وحتى راشد .. كلهم استانسوا وتموا يحمدون ربهم ويشكرون الدكتور .. والدكتور استانس لانه أنقذ رووح انسانه .. حاول قد ما يقدر يساعدها .. والحمدلله ان الله شفاها وردها شرات قبل .. مهره اللي نفسيتها حلوه ومرحه ... وصلوا حمد وحارب ومانع المستشفى .. حارب يمشي بسرعه ومستعيل .. وحمد ومانع وراه وتخبر حارب عن الغرفه وسار لها هوه وحمد .. ويوم وصلوا شافوا راشد توه طالع من الحجره وهوه يظحك .. حارب : راشد .. طمني .. شو ؟؟ راشد : السلام عليكم قبل .. وعقب ما سلموا .. راشد : الحمد لله .. مهره الحين ما فيها شيء ..خلاص تعافت وتشافت .. وهنيه حارب كان لو الود وده يحب راس راشد .. بس ثقل شوي عسب ما يشك راشد في شيء.. حارب وحمد ومانع : تستاهل سلامتها يا راشد .. راشد : الله يسلمكم حبايبي .. وساروا كلهم صوب استراحة المستشفى .. وطلع مانع من الاستراحه وسار صوب ثلاجه الماي بيشتري ماي .. ويوم وصل حس بقشعريره .. شاف ميره عند الثلاجه .. مانع : السلام عليج ميره : ( ما انتبهت لمانع .. وما صدقت اللي تشوفه ) وعليكم السلام مانع : شحالج ؟ ميره : بخير الحمد لله .. مانع : عساه دووم .. ميره : تسلم ... مانع : .......... ميره ميره :...... مانع : باجر الساعه 10 فليل بسويلج تلفون عالبيت .. بغيت أرمسج في سالفه.. ميره : ( مب مستوعبه ) ترمسني انا ؟؟ مانع : هيه انتي .. عندج أنا ؟؟ ( يقصد عند مانع ؟؟) ميره : ( الود ودها تظحك ) لا لا ما أقدر مانع : ليش ان زين .. انتي ما ترمسين واحد ما تعرفينه .. أنا ولد خالتج ........ ميره : لا لا .. ما أقدر .. إخاف أهلي يدرون .. مانع : لا ما بيدرون .. .. وأصلا أنا ما بطول وياج خمس دقايق بس.. ميره من طبعها فضووووووووووووليه .. ولازم تعرف شو يبغي مانع منها .. ميره : انزيـ ـ ــ ـن مانع : خلاص عيل .. باجر عالساعه 10 ان شاء الله ميره : اوكيه : بس بشرط .. اذا زدت عن الخمس دقايق ببند مانع : هههههه ما عليه .. بندي في ويهي جان تبين .. ميره : ان شاء الله ما طلبت الساع .. يالله عيل بخليك .. مانع : ههه .. الله يحفظج وترد ميره الحجره .. وهيه طايره من الفرح .. خبر مهره وخبر مانع في نفس الوقت... يالله ما أحلى هاليووووووووووووووووووووووووووووووم ... ام راشد أول ما درت عاد انتوا توقعوا رده فعلها .. وبو راشد وعايله سالم بن محمد وبالأخص و عايله سهيل وقوم منصور كلهم استانسوا وفرحوا ... وهالفرحه غطت شوي على الحاله اللي صابتهم بعد مووت غيث .. وحتى حصه استانست .. وقرروا قوم ام حمد وام مانع وقوم ام غيث ومنصور اييون يسلمون على مهره بالباجر الضحى وبالمره يباتون يوم لانهم من فتره قاطعين عنهم .. ردت مهره البيت .. وقرروا يسوون عزيمه عسلامة مهره .. وانقظى اليوم على خير .... وعلى المغرب وكالعاده الشباب يالسين في الميلس يسولفون والبنات في الصاله اللي فوق .. والحريم في الصاله اللي تحت ... وعند الشباب .. الكل يسولف .. إلا راشد .. تم يطالع كل الموجودين .. وافتقد ربيعه .. غيث .. المفروض في هالوقت يكون يالس عداله ويسولف وياه.. نش راشد وطلع .. حس بعمره ظاااايج .. طلع من الميلس وركب سيارته وروّح .. وقف عدال عرقوب قريب ووقف السياره على طرف الشارع .. نزل راشد .. ولا إراديا طاحت دمعه من عينه .. غصبا عنه .. وتم يسترجع راشد أيامه ويا غيث .. والدمووع شوي شوي تطيح من عينه .. وفجأة يصيح تلفونه.. مسح راشد دموعه وركب السياره وهلاباب مبطل وخذ التلفون وشاف الرقم.. رقم غريب .. راشد : الووو ..... : الووو انصدم راشد .. راشد : منو ويايه ؟؟ ...... : افا يا راشد .. ما عرفتني .. راشد : إسمحيلي والله ما عرفتج .. ...... : أنا فـ ـ ـاطمـ ـه ... راشد : أي فاطمه ؟؟ فاطمه : خطيبتك.. ليش ؟؟ وفي غيري يعني هنيه انصدم أكثر .. كيف تجرات تسوي هالحركه ... راشد : هــ هلا .. فاطمه : بلاك .. صوتك مب طبيعي.. راشد : ما فيه شيء .. فاطمه : اممم زين عيل ....... راشد ما كان له بارض يرمس حد .. راشد : اوكيه بخليج الحين فاطمه : ( بسرعه ) ليش ؟؟ راشد : تعبان شوي .. فاطمه : سلامتك من التعب الغالي .. راشد : الله يسلمج .. يالله عيل بخليج فاطمه : الله يحفظك .. بس راشد : شوو فاطمه : اتصلي متى ما فضيت راشد : بحاول .. يالله مع السلامه فاطمه : مع السلامه .. بند راشد التلفون وهوه ما يعرف شو السالفه ؟؟ على أي اساااس تسويله تلفون .. هب قواة ويه عليها .. لا واونه اتصلي متى ما فضيت .. ما شيء شغل أسويلج .. تبطين ما سويتلج .. رد راشد البيت وكمل يلسته ويا الشباب .. والبنات بعدهن يسولفن .. وحتى الحريم .. وعلى الساعه عشر صاح تلفون البيت عند الحريم ..وشلته ام راشد .. ام راشد : مرحبا مانع : مـــــم مرحبا ام راشد : منو الريال ؟ مانع : أنا مانع .. ام راشد : هيه مانع .. يا حيك .. شحالك ؟؟ مانع : بخير يعلج بخير .. ( وهنيه تلخبط مانع .. ما كان متوقع ان ام راشد بتشل التلفون ... ) عيل وين اميه عنج .. تلفونها مقطوع ..أظني ما فيه ارسال ) ام راشد : يمكن يا ولديه .. .. صبر عليه بخبرها وتزقر ام راشد ام مانع .. وتم مانع يرمس امه .. اييب لها سالفه منيه وسالفه مناك ... لين ما عيز وقرر يبند .. وبهالحال .. ميره التهت بالبنات وما لاحظت الساعه ولا هيه تتريا هاللحظه من البارحه.. ومانع ابتلش ويا العيايز .. الله يصبرك يامانع .. وعند البنات .. يسولفن وكانن في نفس الوقت يحاولن يغيرن نفسيه حصه .. وشوي أن تلفون رفيعه يرن.. شافت رفيعه الرقم .. غريب .. فقررت ما ترد .. وشوي ويوصلها مسج ..(( ردي يا رفيعه .. أبغيج ضروري ) ..ورد وصاح التلفون مره ثانيه .. فقررت تشله .. يمكن وحده من ربايعها مغيره رقمها ولا شيء .. رفيعه : الووووو ......... : هلا رفيعه رفيعه : أهلين ......... : شحالج .. رفيعه : بخير وسهاله .. شخبارج انتي .. ......... : لو انج بعيد عن حياتي بكووون بخير رفيعه : ( منصدمه ) نعم ... وتطلع رفيعه من الصاله وتسير حجره ميره .. ......... : مثل ما قلت .. ابتعدي عن حياتي رفيعه : ومنو انتي عسب أبتعد وانا حتى ما أعرفج ولا أعرف اسمج ......... : أنا مهايه .. وأقوووووووولج خليج عن حمد بعيد .. رفيعه : ( انصدت أكثر ) حمد... ......... : هيه حمد ... مره رمسني عنج .. وأنا تحرييت عنج .. وطلعت رقمج من تحت الأرض... رفيعه : وشو تبين مني الحين ؟؟ ......... : تبتعدين عن حمد .. انا أحبه وما ابغيه يفكر في غيري .. تسمعين ولا .. رفيعه : لا ما سمعت .. وفي عمري ما كنت قريبه منه عسب أبتعد على قولتج ... ......... : ولو انج ب قريبه على قولج جان ما فكر فيج ... رفيعه : والله مشكلته ويحلها بروحه .. أنا مالي خص.. ......... : هيه انتي.. احترمي نفسج ولا ترمسين عنه جيه رفيعه : الحمد لله محشمه عمري قبلج بعد جان ما تتدرين .. وحمد خليه لج .. وبندت في ويهها .. وتمت رفيعه تصيح .. انصدمت في حمد.. انصدمت في الانسان اللي حبته وسكن قلبها .. انصدمت فيه صدمه قويه .. قويه لدرجه أنها ما بتسامحه عليها ... سوت رفيعه تلفون للبيت وقالت يطرشون البشكاره عسب بترد البيت .. وأول ما عرفن البنات احتشرن .. بس هيه قالت لهن انها تعبانه وتبغي ترتاح .. طلعت رفيعه من البيت .. وبالصدفه حمد توه ياي .. حمد : السلام عليج رفيعه : وعليكم السلام حمد : شحالج ؟؟ رفيعه : ( من ورا خاطرها ..) بخير تعجب حمد من اسلوبها في الرد ... حمد : عسى ما شر ... شو بلاج.؟؟ رفيعه : ما بلايه شيء .. ولهالدرجه أنا أهمك .. حمد : ( معصب ) شو هالرمسه اللي ترمسينها ... شو أهمك وما اهمك؟؟ رفيعه : ( بإستهزاء ) ما يبالها تفسير .. خل حبيبه القلب مهايه تقولك السالفه .. وهنيه انصدم حمد .. حس أن رمستها سجين على قلبه.. مهااا .. شو يخصها في السالفه ..وكيف عرفت رفيعه .. روحت رفيعه سيده بعد جملتها الاخيره .. بس حمد زخها من ايدها يبغي يعرف السالفه .. حمد : بلاج .. انزين فهميني الموضوع .. وتفج رفيعه ايدها بقو وتقوله (( فجني )) وروحت بيتهم .. وخلت حمد مهموووم وما يعرف كل اللي يدور حوله .. ======= ملاحظات: بالنسبه لمرض مهره ......اقرا هالمقال..انا اؤمن بقدره الله سبحانه وتعالى ..وانه المعجزات ممكن تستوي بارادته ....وانا مب معترضه على شفائها المفاجئ ..انا اعتراضي على طريقة العلاج ...بس.....خصه الانه الدويه ممب ممكن انه البنت تاخذها في البيت....وهذا هو المقال عن اللوكيميا او سرطان الدم.... اللّوكيميا: السرطان ليس مرضاً واحداً، لكن إلى حد ما مجموعة من الأمراض التي تتسبب بتطور الخلايا على نحو شاذ حتى لا تعمل بشكل مناسب. اللوكيميا هي أحد هذه الأمراض - سرطان كرات الدم البيضاء . وتبدأ اللوكيميا في نخاع العظم ويمكن أن تنتشر إلى الأجزاء الأخرى من الجسم، والأطفال والبالغين يمكن ان يصابوا باللوكيميا. ولا يوجد أسباب دقيقة معروفة للوكيميا حتى الآن إلا في حالات نادرة تكون ناتجة عن بعض الأمراض الوراثية أوالإصابة ببعض الفيروسات أو التعرض لكيماويات. أنواع من اللوكيميا (1) اللوكيميا اللمفاوية الحادة: اللوكيميا هذه تتطور من الخلايا الليمفاوية الموجودة في النخاع العظمي فتتكاثر بسرعة بالغة ولا تنضج بشكل مناسب. يمكن ان يؤثر هذا المرض على الأطفال أو البالغين، لكنه اكثر شيوعاً في الأطفال ونسبة الشفاء منها عالية تصل إلى 90% في الأطفال. (2) اللوكيميا اللمفاوية المزمنة: اللوكيميا هذه تتطور أيضاً من الخلايا الليمفاوية. وتبدو الخلايا في هذا النوع من اللوكيميا ناضجة لكن بعضاً منها غير عادي. الخلايا تعيش لزمن طويل جداً مما يؤدي إلى كثرة مفرطة لكرات الدم البيضاء. هذا النوع يحدث تقريباً فقط في البالغين وهو أكثر أمراض اللوكيميا شيوعاً لدى البالغين ونادراً ما يؤثر بشكل مباشر على حياة المريض ويمكن أن يبقى المريض مصاباً بهذا الداء لسنوات عديدة دون أن يشعر بأعراض من أثر هذا المرض. (3) اللوكيميا النقوية الحادة (مايلوجينوس: وتسمى اللوكيميا النخاعية الشوكية، هذا النوع يتطور من نوعين من كرات الدم البيضاء (إما جرانلوسيتيز أو مونوسيتيز). ويمكن أن يحدث في الأطفال أو البالغين. (4) اللوكيميا النقوية (ميلوجينوس) المزمنة: نوع آخر من اللوكيميا النخاعية الشوكية، كرات الدم البضاء في هذا النوع (جرانلوسيتيز أو مونوسيتيز) تتطور على نحو شاذ. نوع اللوكيميا هذا نادر جداً في الأطفال لكنه غير نادر في البالين. أعراض اللوكيميا: أعراض اللوكيميا الشائعة قد تتضمن الحمى، الضعف والإعياء، فقدان الشهية أو الوزن، الغدد اللمفاوية المتورمة، الكدمة السهلة أو النزيف، تورم أو نزيف من اللثة، العرق الليلي، وآلام العظام أو المفاصل. وقد تكون الأعراض بسيطة في البداية ولكنها تصبح اسوأ تدريجياً خصوصاً في الحالات الحادة. ويجب أن تستشير طبيبك إذا احسست بمثل هذه الأعراض. علاجات اللوكيميا البالغين والأطفال يمكن أن يشفوا بإذن الله من اللوكيميا والكثير يمكن أن يُعالج، والعلاجات النموذجية تتضمن: (أ)العلاج الكيميائي - أدوية معطاة عن طريق حقن خلال الوريد أو بالفم لقتل خلايا السرطان، والعلاج الكيميائي هو العلاج الرئيسي لكل أنواع اللوكيميا. (ب)العلاج البيولوجي - وهذا عبارة عن أدوية تؤثر علي حيوية اللوكيميا، مثل الإنترفيون (مضاد للفيروسات) وجليفيك ويتاح استخدامهما لبعض أشكال اللوكيميا، وهناك أدوية أخرى في طور التجربة والتطوير. (ج)العلاج بالإشعاع - الطاقة العالية للإشعاع يمكن أن تستخدم لقتل خلايا السرطان. (د)زرع النخاع - تجمع الخلايا السليمة من نخاع المريض قبل العلاج الكيميائي (الزراعة الذاتية)، أو من متبرع مانح (الزراعة من الغير) بعد إعطاء العلاج الكيميائي بجرعة عالية يقتل نخاع العظم، ينقل النخاع إلى دم المريض عن طريق الوريد ليل محل خلايا الدم المريضة والسليمة التي تتلف بالعلاج الكيميائي المكثف. ويحتاج المرضى الذين عولجوا من اللوكيميا لفحوص ومتابعة دورية للتأكد من عدم عودة السرطان بالإضافة إلى التأكد من عدم حدوث آثار جانبية قصيرة الأجل وطويلة لأجل قد تحدث من آثار العلاج. واسمحولي ما ابغي اعطيكم محاضره بس هذي اشياء المفروض انه الواحد ينتبهلها في كتابه القصه..... اما بالنسبه لمها .....بعدني ما عرفت كيف (وفيه داعي انك توضحلي) ....واتمنى انك تخبرني كيف عرفت شكله وهي ما عندها غير اسم (حمد)...وكيف اصلا عرفت انه في السيتي...هذا شي ثاني ...ما اعتقد انه ممكن يعرفه غير السحره والمشعوذين..... |
|
الجزء التاسع عشر والأخير
روحت رفيعه سيده بعد جملتها الاخيره .. بس حمد زخها من ايدها يبغي يعرف السالفه .. حمد : بلاج .. انزين فهميني الموضوع .. وتفج رفيعه ايدها بقو وتقوله (( فجني )) وروحت بيتهم .. وخلت حمد مهموووم وما يعرف كل اللي يدور حوله ..... يزيد الشوق بفراقك ... ولا أدري سبب فرقاك أحس القلب مشتاقك ... يحن ويرتجي لقياك حبيبي ش الذي عاقك ... وغير في الهوى مبداك أحيده يحن خفاّقك ... ومن هذا أنا أهواك رميت في قلب أعواقك ... وتمنعني أجيب دواك تصد وتقتل أشواقك ... حرام تصد عن مضناك بعد وتزيد بفراقك ... ولا أدري سبب فرقاك كانت أول ردة فعل من حمد أنه رد وركب السياره وسار.. ما يعرف وين؟؟ المهم أنه يبتعدعن الحاره .. طلع حمد من الحاره ... وقف عدال عرقوب .. نزل .. طلع تلفونه .. اتصل حمد : الوووووووو مها : ( مستااااااااااااااااااااااااااااااااااااااانسه ) مرحبا .. هلا والله حمد : ممكن أعرف ليش انتي جيه ؟؟؟ مها : هاه.. أناا .. ليش؟ حمد : ممكن تفسريلي ليش سويتي هالموقف البايخ .. مها : أي موقف.. حمد .. انته عن شو ترمس؟ حمد : لا تسوين عمرج ما تعرفين ... مها : حمد .. شو فيك؟؟ حمد : ليش تسوييين لرفيعه ؟؟ مها : اهاااااا .. جيه السالفه.. حمد : ارمسي أحسلج .. من وين يبتي رقمهاا مها : يبته وخلاص حمد : (معصب) من وين ؟؟ مها : ( بتردد ) ذاك اليوم يوم شفتك في الستي.. وعقب ما طلعت لحـ ـ ـقتـ ـك... حمد : ( معصب ) شوووووو لحقتيني شو هالقواة اللي فيج .. مها : حمد ... خلني أكمل رمستيه .. حمد : افففف قولي مها : يوم لحقتك وصلت لين بيت بس انته نزلت ورديت وركبت .. وتذكر حمد ذاك اليوم عقب ما طلع من الستي خطف على بيت قوم راشد .. حمد : وعقب .. مها : ( فيها صيحه ) تحيد ذاك اليوم .. آخر اتصال كان بيننا قبل لانتلاقى .. تحيد يوم كنت تحاول تبعدني عنك بأي طريقه .. ويبت سالفه رفيعه حجه عسب أبتعد .. وقلتلي أنك تحبها وانها ساكنه في نفس حاره قوم خالتك .. كنت أجذبك .. قلت أكيد هاذي حجه مالها وجود .. بس انصدمت يوم عرفت أن هالحجه لها صله بهالواقع .. حمد : ................ ( تأثر مع رمستها وتم ساكت يسمعها ) مها : ( استهزاء + حزن ) اكتشفت أن ربيعتيه ساكنه في هالحاره .. وتخبرتها عن رفيعه .. وقالتلي انها تعرفها .. بس تصدق ؟؟ جذبتها .. وعسب أتأكد أكثر ما خليت بنت في الكليه ما سألتها ... كنت أسأل اللي أعرفها واللي ما أعرفها .. تخيل أني طول هالمده أسال .. وليتني ما سألت .. كانن كل ما يقولن لي ما أعرفها كنت أستانس وكل يوم واملي يكبر .. بس ذاك اليوم .. ذاك اليوم اللي نكّد عليه حياتي ... شفت بنت يالسه في الكلاس وتكتب واجبها .. سألتها .. وليتها ما ردت على سؤالي .. ليتها قالتلي ما أعرفها ولا في عمري ما سمعت عنها .. تعرف شو قالتلي .. قالتلي أنا رفيعه .. جذبتها .. بس راوتني أوراقها وبطاقه الكليه .. وتأكدت .. ومن هذاك اليوم والله أعلم بحالي .. حمد : بس الحركه اللي سويتيها فيها مب حلوه .. مها : واللي سويته فيه حركه حلوه .. هيه أكيد حلوه بالنسبه لك .. بس بالنسبه لي .. مووت .. تعرف شو يعني مووت .. حمد : بس ما كان في داعي تسويلها .. مها : حمد .. من بعد ما تأكدت من السالفه .. نفسيتي انجلبت .. كرهت الدنيا وما فيها .. اتصدق اني منومه في المستشفى من اربع أيام .. واليوم رخصوني .. والسبه انته . حمد : الحمد لله على السلامه .. بس هذا هب سبب يخليج تسوين اللي سويتيه ... مها : كانت نفسيتي أبد ما تسر .. وكنت مسوتلها وقلت اللي قلته وخلاص .. حمد : والحين عايبنج هالوضع .. البنت انجلبت عليه .. استوت ترمسني من ورا خاطرها ... الله واعلم شو حاطه في بالها او في خاطرها الحين .... مها : داريت خاطرها ولا فكرت ولو يوم تداري خاطريه .. حمد : مهاااا لين متى بتتمين جيه .. مها : ( باستهزاء ) مهااا .. اتصدق يا حمد .. أول مره أسمعك تنطق اسمي ... حمد : .................. مها : تحبها ؟!! حمد : ...... مها : ( بإصرار ) تحب رفيعه ؟ حمد : يالله يالله بخليج مها : الله يحفظك .. بند حمد عن مها .. بند عنها وخلا السؤال بلا اجابه .. رد حمد البيت وكمل اليلسه .. بس بجسمه بليا عقله وتفكيره ... وفي الميلس .. حمد يالس عدال راشد ومنصور وحارب ويسولفون ويا محمد الشيبه ..ومانع يالس عدال بو راشد ويشوفون التلفزيون ويرمسون .. مانع : ها يا عمي.. شو قلت .. بو راشد : هاذي الساعه المباركه يا ولدي .. بشاور البنت وامها وبرد لك خبر.. مانع : ( مستانس ) يصيير خير عيل .. الاسبوع الياي بنيي انا واميه وابويه وبنخطبها رسمي .. وانته رمسها يوم بنييكم .. بو راشد : خلاص .. جيه زين .. مانع لو الود وده الحين يسير سيارته ويطلع العصاه ويسير في نص الحوي وييول .. هههه هذا خبيل .. أي شيء يسويه .. نش ودخل سيارته في الحوي .. وشغل المسجل .. وحط غنيه الرمش أريشه مالت حمد العامري .. وطّول على الآخر .. حتى السياره تمت تختض .. نزل .. وحتى من زود الربشه .. نسى العصاه في السياره .. رد وفج السياره وطلع العصاه .. وتم ايوول في نص الحوي .. والبنات استقطعن ما يعرفن شو السالفه .. ظهرن وسارن البلكونه .. وأحسن شيء أن محد بيلاحظهن والليت اللي عليهن مبند .. بس الخبيل مانع لاحظهن .. صد صوبهن وتم ييبس لهن والبنات ميتااات محلهن .. وبالأخص ميره .. عادي تعق عمرها من فوق البلكونه .. كل شيء جايز .. وتذكرت مانع والتلفون .. بس ما عبرت هالشيء .. ارتبشت وياه .. الشباب كلهم ظهروا يشوفون شو السالفه .. والأحلى أنهم ارتبشوا وياه ... كل واحد ياب عصاته .. واللي يايب السلاح (( الكلاشن )) وتم اييول .. حتى بو راشد ارتبش .. ولو ان كلهم ما يعرفون السالفه .. ومحمد الشيبه يحرك راسه وياهم .. وشوي أن بو حارب وخليفه يدشون .. انصدموا من اللي شافوه .. شو هالخباااااال .. بس هالشيء ما يمنع انهم يستانسون .. حتى هم ارتبشوا ..والحريم طلعن وتمن يتظاحكن على هالخبال .. ما شاء الله الكل اييول .. والسبب مانع .. ارتبش واربش الباجي وياه .. تستاهل يا مانع بن منصور .. وفي بيت .. وفي نفس الحاره .. رفيعه في حجرتها وتصيح .. منصدمه في حمد .. كرهت اليوم اللي شافته وتعلقت فيه .. ليش يا حمد ليش ؟؟ شو مسويه فيك عسب تجازيني بهالشيء .. خيانه مره وحده .. خاف ربك .. خاف ربك ( وتمت تصيح ) مر اسبوووووووع بالضبط .. مانع وامه وابووووه ساروا دبي .. وخطبوا ميره ... وردوا العين .. بس قبل لا يركب السياره شاف البشكاره داشه البيت.. وطلع من مخباه ورقه .. مانع : اييييييه ميري ما ادري كوماري .. yes sirالبشكاره : مانع : وابتلشنا .. الاخت ما ترمس الا بالانجليزي .. كيف أرمسها الحين .. what ?? البشكاره : مانع : هيه هاي فهمناها .. الله يسلمج عطي هالورقه حق ميره.. البشكاااره تمت تجلّب عيونها ... مانع : هب منج .. من المكتب اللي شغلج ...انزين .. what do you said ?? البشكاره : مانع : ذس ( ويأشر على الورقه ) فور ميره ok sir .. البشكاره : مانع : بسرعه .. وتمت البشكاره متصلبه ما تعرف شو السالفه .. مانع : سيري سيري الله يخلييج ويعطيها بو لابس ويركب سيارته وهووه مرتبش على الآخر.. بو مانع : شو بلاك ويا البشكاره ؟؟ مانع : هاااه .. لالا .. ماشي .. هاي ورقه راشد ناسنها في سيارتيه ذاك اليوم ..وقلت للبشكاره تعطيه اياها .. ام مانع : وجيه ما عطيته وانته فياه داخل ... مانع : نسيت .. الا الحين ذكرت .. ويردون العين ....... ونرد لفاطمه .. خطيبه راشد وحرمته المستقبليه .. يوميا ترمس راشد .. يوميا بمعنى يوميا .. ولا يوم ما رمسته .. وهالشيء خلا راشد يتعلق بها .. لانه حصل في فاطمه اللي ما حصله في حصه .. يعني حصل في فاطمه الكلمااات الحلوه والاسلوب اللي يجذب واللي ما جد سمعهن وشافهن على حصه ... صح راشد تعلق بفاطمه .. بس مب لدرجه انه يحبها .. ميره ومهره وبو راشد وام راشد وميوود يالسين في الصاله ويسولفون .. ويظحكون على مايد اللي يسوي حركات من الخاطر تظحك .. وشوي أن البشكاره تدش الصاله .. تدش ووياها خراب بيت ميره ..... سارت صوب ميره وعطتها الرساله .. والكل شاف البشكاره وهي تعطي ميره الرساله .. تعجبت ميره .. فجت الرساله وكل الانظار صوبها ... (( ميرووووه ... اليوم على الساعه عشر بسوييلج تلفون .. اذا قفطتيني شرات هاذييج المره .. يااااااااااااا ويلج ... بقولج شيء .. مانع ..)) فجت ميره عيونها مستقطعه .. وفي خاطرها ( يالله يعلني بلا حركتك البايخه يا مانع .. الحين شو اسوي .. يالفضيحه ) بو راشد : بلاج ميره .. شو في الورقه ومن منووه ؟؟ ميره : ( زايغه ) هااااه لا لا ابويه .. ما شيء .. هااي موووزووه بنت يرانا تبغي كتاب تفسير الأحلام .. ام راشد : انزين يا بنتي قومي طرشيلها اياه وخليها تسلم على امها .. ميره : ان شـ ـ ـ ـاء الله .. وتقوم ميره وتحس في جسمها رجفه .. وتسير فوق .. تدخل حجرتها وتقفل الباب وراها .. وتيلس على مكتبها .. ويودت راسها ..( يالله يا مانع . بغيت تخرب بيتي اليوم ) ... وصلت الساعه عشر .. الكل راقد ما عدا مهره ومايد يالسين في الصاله يلعبون بلاي استيشن .. ميره نزلت تحت .. وتمت عدال التلفون .. ونبهت لمهره ان لتلفون يوم بيصيح لا تشله لأنها بتشله من تحت . وقالت أن ربيعتها بتسويلها .. وشوي أن التلفون يصيح .. تشوف ميره الرقم .. وسيده تشل التلفون .. ميره : يا السخيف يا التافه يا السخيف يالتافه يالباايخ مانع : انزين ليش تعيدين الجمله مرتين .. ههههههههه .. ميره : ( معصبه ) سخيييييييييييييييييييييف مانع : شوي شوي انزين . شو بلاج ؟؟ شو سويت عسب تسبيني كل هالسب .. ميره : تعرفت انك اليوم كنت بتتسب في انهم يدفنوني عدال نخلتنا اللي عدال الباب من اليمين مانع : والخيييييييييييييييييبه .. بالتحديد النخله اللي عدال الباب من اليمين .. أنا كان في خاطريه النخله اللي عدال الباب من اليسار .. يالله .. ان شاء الله مره ثانيه .. ميره : ويا راسك يالبااااااايخ .. يا السخيف يا شو أقول بعد .. اففففففف مانع : أعصابج ماماتي .. ليش انزين ؟؟ ما حيدني مسوي شيء ميره : وانك تعطي للبشكاره رساله هب شيء غلط ؟؟ مانع : لااااااا ميره : وجدام اميه وابويه ؟؟ مانع : ( منصدم ) والله .. ميره : عيل .. أتمصخر وياك انا .. مانع : السموحه والله .. ما كنت أقصد .. وهيه الخبله ما عطتج اياها الا يوم الكل عندج ميره : طالعه عليك تراها .. مانع : هاااااه .. حدج عااااد .. من الصبح تسبين وانا ساكت .. ارحمي لسانج شوي ..خلي هالكمن حسنه الباجيات محلهن .. عنبووووو كله مره وحده .. ميره : أقول الشيخ.. خلصن الخمس دقايق .. لا وزياده 17 ثانيه .. يالله باي مانع : لا لا صبري بقولج شيء .. ميره : سوري .. اسمحلي وتبند في ويهه .. مانع هنيه وصل حده ... ظيعت الوقت كله في السب وما خلته يرمس عن السالفه اللي يبغي يقولها لها .. يالله الحمد لله على كل حال .. رفيعه لين الحين منصدمه .. وهالصدمه خلتها تقطع قوم عمها ... استوت ما تسير لهم وايد شرات قبل .... حتى ملجه حصه ما بتحظرها والسبه حمد .. وفي آخر لحظه غيرت رايها لأن حصه أصرت ان رفيعه تكون موجوده .. ورفيعه ما وافقت الا عشان حصه ولا لو الود ودها موول ما اتطييييح العين .. يا اليوم المنتظر لخالد .. اليوم الخميس .. ملجته ..الكل في بيت سهيل .. والبيت زحمه حد طالع وحد داااااش .. وربشه .. البنات متعدلات وكل وحده أحلى عن الثانيه .. ماشاء الله عليهن .. وحصه .. متعدله بعد ويالسه في حجرتها .. وشوي أن رفيعه تدش عليها .. رفيعه : ها العرووووس حصه : اسكتي يا رفيعه .. دخيلج .. رفيعه : هههههه بلاج ماماتي .. لازم تستانسين .. حصه : ( في عيونها دمعه ) أستانس على شو .. رفيعه : لا لالالا.. دخيلج حصيص .. هب وقته الحين .. حست حصه بغصه في قلبها .. ما كانت تبغي تعرس .. وفي نفس الوقت ما كانت تبغي تظلم خالد وياها ... تظلم الانساان اللي كان غيث يبغي يقرب به .. بس .. انتظرت الريال اللي تباه .. انتظرت وانتظرت .. بس فالأخير انتهى هالحلم .. خلاص .. المفروووض ما تفكر فيه أبدااااااا .. آآآآآآخ بس حصه : رفيعه ... حاسه بغصه في قلبي .. رفيعه : عادي حبيبتي .. شعووور طبيعي .. حصه : أي عادي أي بطيخ .. رفووع حاسه أن هالدنيا كلها .. ولااااااااااااا شيء رفيعه : بلاج حصووص .. حشى .. عرس ولا مقصبه حصه : ( نزلت راسها وتنهدت ونزلت دمعه .. هالدمعه الأخيره اللي راح تذرفها على الانسان اللي حبته طول عمرها .. الانسان اللي تريته وتريته .. بس فالأخير صارت لغيره .. آآآخ يالدنيا .. هالدمعه دمعه الشخص اللي ما يحق لها بعدين تفكر فيه أو حتى يخطر في بالها .. خلاص .. ((خلاص يعني كل شيء انتهى وراح .. خلاص يعني ما بقينا حبايب .. )) رفيعه : حصه .. انتي ما تبين خالد ؟.. حصه : شو الفايده الحين .. رفيعه : ( منصدمه ) خلاص يا حصه .. اذا ما تبينه محد بيغصبج عليه .. وأنا اللي بقول لام خالد انج ما تبين ولدها .. ويوم توها بتطلع نشت حصه بسرعه ويودتها حصه : تخبلتي انتي .. رفيعه : هيه تخبلت .. ما أدري منو اللي تخبل الحين .. أنا ولا انتي اللي بتتخبلين وبتتزوجين واحد هب في خاطرج .. حصه : انا ما قلت انه هب في خاطريه .. رفيعه : عيل؟؟ حصه : ما تعودت عليه كزوج .. هوه غالي على قلبي بس مت تصورته وفي يوم من الأيام يكون ريلي .. رفيعه : اها ثرها السالفه جيه .. عيل ماماتي ما في داعي نكنسل شيء .. مع الايام بتتعودين عليه .. ومن الحين اقولج .. ريلج ما عليه كلاام .. كافي ان امه فنانه ورمستها غاويه .. واسلوبهاااا ارووع .. حصه : أونج تشجعيني رفيعه : هيه نعم .. والحين تعالي بعدل الجحال اللي خربتيه ويا راسج وعقب ما عدلتها .. رفيعه : الله يحفظج غناتي .. قمر 15 ناقص واحد ههههه حصه: ( تبتسم )ويا راسج رفيعه : الله يوفجج حبيبي .. وتبتسم حصه .. رفيعه : ثلاث دقايق بس بزقر الربع وبنييب المسجل ويانا .. وبنجلب لج الحجره .. وتطلع رفيعه وتزقر البنات وسارن الحجره وارتبشن من الخاطر .. وصح انها ملجه بس .. بس ما يمنع أن الشباب بعد يرتبشون .. وقفوا سيايرهم على الشارع المجابل .. ونزلوا ايوولون .. ومب واحد اثنين .. ما شاء الله نص شباب الحاره وياهم ..وعلى راسهم خالد .. اللي من خاطره مرتبش .. الكل ايووووول .. ما عدا راشد .. اللي هاليوم بالنسبه له يوم دفنه .. اليوم اللي بيودع اللي يحبها .. اليوم اللي يشوف فيه اللي يحبها تحل لواحد غيره .. اليوم اللي فيه بيودع الدنياا .. دنياه الأوليه .. وينسا حصه للأبد .. راشد يالس في الميلس ويا الشواب .. مع ان الشباب كلهم برع .. وشوي ان خالد وحمد ومانع والباجين يدشون ووياهم المطوع ... الكل يلس .. وشوي أن المطوع يفتح دفتره .. ويتجرب خالد من الدفتر وفي ايده القلم.. وهنيه يوقف راشد ويطلع برع .. ركب سيارته .. وكانوا الشباب بعدهم ايووولون برع .. راشد ما سوالهم سالفه .. شخط ذاك الوووويل وروح عنهم ... الكل تم يشوفه .. طلع راشد من الحاره .. وفي سيارته .. يسوووق بسرعه ... وهوه يصيح .. هيه يصيح .. يصيح من القهر اللي فيه .. ويصيح من الندم ومن كل شيء .. طلع من العين .. وصل دبي .. وكالعاده نزل الممزر .. كان فاضي .. يمكن بس شخصين يتمشون بس بعيد عنه .. تم راشد يطلع كل اللي في خاطره .. وشوي يطلع التلفوون ... ويتصل .. فاطمه : فديتك والله ... ما أصدق انك مسولي .. فديت روحك أنا راشد : ( نبره اصرار وتحدي ) فاطمه .. تزهبي ...ملجتنا الاسبوع الياي .. فاطمه : ( منصدمه ) شووووو؟؟ راشد : ملجتنا الاسبوع الياي .. وباجر بيي وبتفق ويا هلج .. يالله مع السلامه .. ويبند راشد التلفون .. وبالمره أغلقه عسب محد يسويله تلفون .. وفي العين .. البنات مرتبشات وحاله .. وشوي أن حد يدق الباب .. لبسن البنات شيلهن .. فجت ميره الباب وكان اللي يدق منصور.. منصور : السلام عليج ميره : وعليكم السلام والرحمه منصور : شحالج ميرووه ؟؟ ميره : بخير وسهاله .. كيف عرفتني؟ منصور : بالحظ هههههههه .. ميره : ( تشوف الدفتر اللي في ايده ) هاه أشوفك شال دفتر تحديد المصير .. منصور : ههههههه حلوه تحديد المصير هااااااي .. المهم .. عطي حصيص الدفتر خليها تووقع بسرعه .. المطوع مستعيل .. ميره : امم اوكيه .. ترياني وتبند الباب .. حصه من شافت الدفتر انتفظت .. ميره : يالله حصوووووصي .. وقعي بسرعه المطوع مستعيل .. ( وتحط الدفتر جدامها والقلم في ايدها ) حصه : لالال .. غيرت رايي ما أبغي أعرس .. وهنيه الكل تم يتظاحك عليها .... مهره : ههههه شكلج يظحك حصيييص.. رفيعه : يالله ماماتي عن الدلع .. وقعي .. ولا تبيني أنا أوقع عنج.. حصه : هيه .. وقعي عني .. رفيعه : من الله تبغينها .. يالله فديتج وقعي .. حطت حصه القلم على الدفتر ويوم توها بتوقع .. تراوالها طيف الغالي .. حبيب القلب اللي من هاللحظه غصبا عنها لازم تنساه .. وقعت حصه .. وهيه توقع طاحت دمعه على الدفتره .. رفيعه : ويييييه كلينكس بسرعه .. بسرعه ... وتييب ميره الكلينكس وتمش الدمعه .. ميره : ويا راسج خيستي دفترهم دموووع .. ههههههه وهنيه وعقب ما وقعت حصه رفعت راسها .. شلت ميره الدفتر وعطته منصور .. وهنيه الكل تم يباركلها ... وهم مستانسين .. وحصه تسوي عمرها مستانسه عسب محد يحس بها .. وشوي ان الباب يندق مره ثانيه .. بس هالمره فتحته رفيعه .. كانت البشكاره يايبه شيء .. شلته رفيعه مع انه ثجيل شوي .. ويوم دخلته الحجره الكل تفاجأ .. باااقه ورد عوووووووووده فيها ورود حمر روز وورود صغار بيض .. وفي صندوق صغير خشبي في نص الباقه .. يعني مسواي فيه مكان خصوصي .. حطت رفيعه الباقه على الطاوله وعطت البطاقه اللي فيها حق حصه ... قرت حصه البطاقه وكان مكتوب فيها (( افتحيها على الساعه ((12 ونص)) مع تحيات ..؟؟؟ انصدمت حصه من البطاقه .. اشمعنى 12 ونص .. ومنو هاللي مطرشنها ؟؟؟ وشوي أن مهره وشمه يدخلن وهن كانن طالعات قبل لا توصل الباقه.. مهره : حصووه الحقي ميره : بسم الله بلاج شمه : انا بقووووووووول .. الله يسلمج يقوولج حمد تزهبي .. عقب شوي بتنزلين الصاله عسب المعرس يسلم عليج .. حصه : هااااااه .. يسلم عليه .. لا لا مستحيل .. رفيعه : هههههههه هوه ما قال بياكلج .. قال بيسلم عليج.. حصه : لا لا ما أبغيه يسلم عليه .. خليه يروح بيتهم . ميره : ههههههه اللي يسمعج يقووووول ياهل .. يالله تزهبي .. وعقب عشر دقايق تدخل البشكاره .. البشكاره : ماما حصه ... بابا حمد يريد انتي تحت داخل مجلس .. حصه : خيبه تخيبج .. سيري سيري يالله .. مهره : بلاج تقاشرتي عليها المسكينه .. حصه : دخيلكن انزلن فيايه .. رفيعه : هههههههه حلوه هالنكته .. ميره : يالله يالله مدام حصه .. سيري عند ريلج .. خيستيه ... توقف حصه .. وتمشي شوي شوي مهره : طالعوا هاي .. عزااااااااات ما وصلتي اليوم .. يالله انقفظي ( بسرعه ) تنزل حصه تحت وتشوف حمد واقف جدام الباب الميلس (( الميلس الثاني )) ويالس يظحك على خالد ... حمد : ما بغيتي تنزلين .. وتمت حصه منزله راسها مستحيه على زايغه .. ويوم وصلت جدام حمد .. حمد : الله الله .. شو هالحلاااااه حصوه .. تيننين فديتج .. ومن الينب ( الجهه ) الثانيه .. خالد يتريا وهوه يتحرقص .. ويشوف حمد وهوه يرمس حصه .. وحصه كانت ورا اليدار .. يعني ما يشوفها .. حمد : يالله حياتي حصه ..ردي حجرتج .. وارتاحي هنيه عصب خالد على هالحركه .. ووقف .. وهنيه حمد ظحك من الخاطر عليه .. كان قاصد هالحركه وهوه انه يظيج بخالد .. حمد : أعصابك خلووود .. وييود حمد حصه من ايدها ويدخلها الميلس .. هنيه تيبس خااااااالد ... يلست حصه بعيد عن خالد شوي .. حمد : اقول المعرس .. عندك عشر دقايق بس .. الحين الساعه 11 وخمس .. يعني على الساعه 11 وربع بيي.. يعني إحسب حسابك .. والحين يالله بخليكم.. ويطلع حمد ويلايم الباب .. (( خلاه شويه مفتوح )) وهنيه حست حصه بالخوف ... خالد : شـ ـ ـ ـحاااااااالج حـ ــ ـصـ ـ ـه ؟؟.. حصه : ( مرتبكه ) بخيــ ـ ــر الحمد لله .. وتموا ساكتين شوي .. خالد : حصه .. حصه : نعم خالد : انتي مقتنعه باللي نسويه .. وهنيه عاااااد ارتبكت حصه .. حصه :.............. خالد : ما جاوبتيني ؟؟ حصه : هـ ـ ـيه مـ ــ ـقتنـ ـعه ..وهنيه حس خالد براااااااااحه واستانس من الخاطر خالد : حصه حبيت أقولج أنج دخلتــ.......... ( ويقطع رمستهم حمد ) حمد : ( مبتسم ) يالله أخ خالد خلص موعد الزياره .. هنيه كان خالد بيقوم وبيكسر الباب على راس حمد .. خالد : ( والشرار يطلع من عينه ) ممكن خمس دقايق بس .. حمد : ( يهز راسه ) نوووووو وييييي .. يالله حبيبي .. الحين الساعه 10 و22 دقيقه .. استغفر الله أقصد 10 و23 دقيقه .. هنيه ابتسمت حصه على حركات حمد ... خالد : ( يطالع حمد بنص عين ) اوكيه .. خلاص .. تصبحين على خير يا حصه .. حصه : وانته من اهله .. ويطلع خالد من الباب اللي ورا .. ووياه حمد .. وأول ما طلعوا تنهدت حصه وردت فوق .. وهنيه البنااااااات استلمنها بالأسئله .. وبما أن الوقت كان متأخر .. فقرروا رواعي دبي يباتون في العين .. وحتى مانع واهله باتوا عند قوم حمد .. يعني البيت فل .. كله حركه .. البنات فوق .. في 4 حجر .. 1 كبيره و3 متوسطات .. البنات خذن الكبيره عسب تظمهن كلهن .. وام مانع وام راشد وميود في حجره .. وام حمد وعلاوي وام حارب في حجره بس اللي تحت .. وحجره لعنووده وشمه وام منصور ... والشباب كلهم في الميلس .. الحين الساعه 12 الحريم كلهن رقدن .. واليهااااااال بعد وشمه وياهم ..بس البنات لا .. كملن السهره .. وبعدهن لين الحين ما تلبسن .. مهره وميره وحصه ورفيعه .. كلهن طايحات على الشبريه .. كل وحده حاطه راسها على ريووول الثانيه .. وتمن يسولفن وينكتن على حصه ... حصه : اوووووف منكن انتن .. ما عليه .. ياينكن الدووور .. وبتشوفن شو بسوييبكن ... رفيعه : ههههههههه ما عليه .. يصير خير لين ذاك اليوم ... مهره : ( تطالع ميره بطرف عينها ) ومن بعده هوووه؟ وتظرب ميره مهره على ريلها .. حصه : شو سالفتكن انتن؟؟ رفيعه : شكلكن داسات عنا شيء؟؟ ارمسن يالله ميره : هاااه .. لا افااا نحن ندس عنكم ... السالفه وما فيها اني يوعانه ..تعالوا نسير ناكل شيء .. رفيعه : ( تهز راسها ) نو نو نو .. ما تطلعن من هنيه إلا عقب ما تخبرنا ؟؟ ميره : نخبركن شو ؟؟ حصه : اللي داساتنه عنا .. مهره : اوكيه أنا بقولكن السااااااااالفه .. الله يسلمكن ............( وتحط ميره ايدها على ثم مهره ) وتبتسم للموجودين ميره : صدقني ما في شيء يذكر حاليا .. مهره تهز راسها وتعظ ايد ميره بالخفيف ) ميره : آآآآآآآآي عنلاتج .. لا تشوهين ايدي ... ورايه عرس وهنيه ظحكت مهره من الخاطر .. ظحكه صدق قويه .. مهره : روحج رمستي .. أنا ما قلت شيء .. رفيعه : ( منصدمه ) ميرووووووووووووووووووووووووووووووووه بتعرسين؟؟ ميره : هاااه .. أنا ؟؟ رفيعه : لا أنا .. حصه : هيه بتعرس وبتاخذ منووووع .. وهنيه الكل انصدم .. ميره : وانتي شدرااااااااااج ؟؟ مهره : حصوه منو قالج حصه : هوه بشحمه ولحمه قالي .. رفيعه : هيه هيه هيه هيييييييييه .. الكل يدري وأنا آخر من يعلم .. أفاا والله يا بنات العم .. ميره : السموحه غناتي .. كنت بخبرج .. بس والله انشغلت بملجه حصيص .. حصه : (تبتسم ) عذر أقبح من ذنب ... مهره : هيه صح .. رفيعه : وانتي بعد وياها .. مهره : انا مالي خص .. هيه المخطوبه مب أنا .. رفيعه : انتي ولا هيه .. كلكن خاينات .. ميره : رفوووووع عاااااد ... لا تتنيحسين عليه .. أصلا انا ما رديت عليهم .. رفيعه : لا لا خلاص انا زعلانه.. ميره : اووووووووف بس .. خلاص ما بوافق عسب ترتاحين رفيعه : لا لا يا ويلج .. ميره : هههههههههه هيه جيه أبااااااااااااااج .. حصه : ما شبعتن من الرمسه ..بسكن هذربان .. يالله سبووح .. وتقوم حصه : أنا بسير حجرتيه بتسبح وبيي .. وطلعت حصه وسارت صوب حجرتها.. وهيه الحجره الوحيده الفاضيه .. دشت حصه وقفلت الباب وراها .. ولا اراديا التفتت صوب الباقه .. وفجأة تشوف الساعه اللي على اليدار ... كانت الساعه 12 ونص وسبع دقايق .. تقربت صوب الصندوق .. فتحته .. شافت كرتون صغير مغلف وبطاقه وظرف رساله .. خذتهن وسارت فوق الشبريه ( السرير ) ما عرفت تفتح شو .. اول شيء فتحت البطاقه .. وكان مكتوب فيها ... إلى غناتي ...... أول شيء .... ألف مبرووووووووك على الملجه ... ثاني شيء ... انا مستانس لدرجه ما تخطر على بالج .. ثالث شيء .. أتمنى أن الهديه تعيبج .. رابع شيء : السموحه .. أدري خطي لوعه جبد .. بس يالله يمشي حاله .. خامس شيء : فديتج ....... مع تحيات ........ خالد هنيه انصدمت حصه ما كانت تتوقع انه هوه اللي مطرش هذا كله ... وشوي وتفتح الظرف وكان مكتوب فيه ... لولا الحيا هليت ع الخد عبرات ... ثم صحت باعلى الصوت من زود مابي لا تحسبون اني أببكي بحسرات ... والا ندم يفرض عليّه عذابي بل طاب لي سعدي وتصريف الاوقات ... يوم الذي يهواه قلبي رضى بي طلبت قربه .. حيث قربه مسرات ... وحيث بعده هو شقاي ومصابي وابدى لي الترحيب .. واحيا لي اموات ... ورد لي فرحي وفايت شبابي قال اعترف لك .. طلبتي انت بالذات ... ما شاقني غيرك بكل الرّوابي وووو سوالم .. الصراحه البيت الأخير هب حافظنه .. والسموحه منج ... ................................ هنيه حست حصه بشيء غريب .. حست أن في انسان مهتم بها .. مهتم ابها ولدرجه انه يخطبها ويتزوجها ... غير عن اللي وعدها وما نفذ وعده ... وشوي وتفتر عينها صوب الهديه ... ترددت .. تفتحها ولا؟؟ قررت تفتحها .. فتحتها شوي شوي .. ويوم شافت اللي فيه وقف شعر ايدها .. موبايل نوكيا ........ هاذي الهديه .. فتحت الكرتون .. شافت موبايل وبطاقه تلفون يديده وخط بعد .. وفيه ورقه بعد فتحت الورقه وشافت المكتوب فيها .. (( أدريبج منصدمه ... لا تنصدمين ولا شياته .. والحين .. يالله أترياج لا اتخيسيني .. ولا تخافين ... رمست حمد ووافق .. يعني يعرف ان عندج موبايل .. وهوه اللي متنقيه ويايه بعد .. وعن الرقم .. اذا حلو أنا مختارنه ... وإذا مب حلو ترا اخوووج هوه اللي مختارنه .. وبس.. والحين .. يالله أترياج.. ما برقد إلا يوم تتصلين .. عاد انتي وظميرج ... (وكتب لها رقمه )) وهنيه بندت حصه الرساله بسرعه .. وحست قلبها بيطلع من مكانه .... أتصل له .. لا لا طبعا لا .. وتمت ثلاث دقايق تقريبا تفكر في هالشيء .. وفي الاخير قررت ما تتصل بس بتركب البطاقه وبتبند التلفون .. ركبت حصه البطاقه .. ويوم شغلت الموبايل .. ياهااااااااا مسج .. ( مبرووووووك عليج التلفون الشيخه ) ويوم توها بتبند التلفون وصلها مسج ثاني ... ( خيستيني والله ) .. وهنيه حست حصه بأنها ظالمه خالد اللي يترياها .. قررت تطرش له مسج ... وشوي أن المسج يوصل لخالد .. هنيه خالد كان وده يفر التلفون على اليدار ويفتته 587989795 نتفه من الفرحه .. قبظ التلفون قرا المسج ... ( اسمحلي والله .. عندي بنات خالتي .... اسمحلي ) هنيه اعتفس ويه خالد ... بس فالأخير تفهم الوضع ... وقرر ما يزعجها .. بس طرشلها مسج .. ( عراحتج الشيخه ) بس قبل لا يطرش المسج كانت حصه غالقه التلفون .. قبظت حصه التلفون والرساله والبطاقه وحطتهن في صندوق داخل الكبت ... وعقب تسبحت وردت عند البنات اللي كانن متسبحات وخالصات قبلها .. وتمن يكملن السوالف .. وشوي تفز ميره ميره : هيييييييه .. عندي لكن فكره.. رفيعه ومهره وحصه : شوووو؟؟ ميره : ( تبتسم ) صبرن ... وتطلع من الحجره .. وعقب دقيقتين تقريبا ترد تدخل. بس هالمره حاطه ايدها ورا ظهرها .. رفيعه : شو داسه ورا ظهرج ؟؟؟ ميره : خمنن .. مهره : اممم حلاوه .. رفيعه : لالا ..انا أقول ...... ما أدري حصه : ولا انا .. لا لا شفت شيء أحمر.. ميرووووووووه ميره : شاطره حصوتي .. اجابتج صح حصه : ورد أحمر وتبتسم ميره .. ميره : خخخخ صح .. فديتج والله .. بيستانس خلودي على ذكاءج.. رفيعه : وجيه جالعتنه من باقه البنت .. ميره : بس جيه .. لعانه . نذاله .. اللي تبونه مهره : حلفي بس حصه : لا والله جد .. ليش يايبتنهن وشو يخصهن بفكرتج .. ميره : ( عقب ما يلست ) الله يسلمكن كل وحده بتاخذ ورده .. ... رفيعه : انزين .. والخامسه حق منوه .. ميره : حقي بعد .. ( وتحطها في شعرها عدال اذنها ) حصه : ههههه هنديه بتتصور ميره : ويا راسج .. أصلا هاي موضه والكل بيقلدني .. مهره : وما أدري منو اللي يقلد الثاني ..هههههههه ميره : اوه منكن انتن .. خليتن الورد اللي في ايدكم وتميتن تعلقن على اللي عندي .. صدق انكن ... شو تبني أقوول بس.. المهم رفيعه : المهم .. ميره : الله يسلمكن .. كل وحده تكتب شيء على ورقه من أوراق الورده .. وعقب ما تخلص تعطي الورده حق اللي عدالها ..وبتتم الوده تدور لين ما نكتب عليها كلنا .. وعلى كل ورده بنكتب نفس الشيء .. وكل وحده تاخذ ورده وتيودها ذكرى عندها .. حصه : الله .. حلو والله مهره : ظهر شيء ينفع من قوطي ميره رفيعه : فكره ما عليها كلام والله .. ميره : احم احم .. جان أتخقق عليكن وينفذن البنات الفكره .. وعيبتهن السالفه ... حصه : ههههههه عنلاتج يا ميروووه شو كاتبه انتي ميره : هههههه .. رفيعه : اسميكن نكته .. كل وحده رمستها تهلك من الظحك . ميره : شفتن فكرتيه .... خخخخخخخ مهره : الورده لو عندها لسان جااااان اشتكت .. ههههههه وتمت الكل يظحك .. ميروه تيود بطنها .. ميره : آخ يا بطني آخ رفيعه : من الظحك غناتي ميره : إلا قولي من اليوع .. من أصبحت ما كلت شيء .. لا استغفر الله .. كلت حبتين ورق عنب .. وبس حصه : تدلين درب المطبخ ولا .. ميره : لا ما أدله .. مطبخكم وانتي الأدرى بمحتواه .. مهره : حلوه محتوااااااه هاي هههههههههه ميره : يالله حصيص .. وديني مطبخكم .. حصه : اوجيه .. انتي اسبقيني .. أنا بسير برفع شعري وبطلع لي شيله وبلحقج.. ميره : اوكيه .. وانتن ما تبن شيء .. رفيعه : أي شيء حلو هاتنه .. ما نقول لا ههههههه وطلعت ميره من الحجره وحصه وراها .. بس حصه سارت حجرتها وميره نزلت تحت .. ميره كانت حاطه الشيله على جتفها ... ويوم وصلت باب الفله حطت الورده على مقبظ الباب وتحجبت وردت وشلت الورده .. وكملت طريجها صوب المطبخ .. وهيه تمشي رافعه راسها تشوف الجو .. كان حلو وهوا خفيف بارد.. وسما صافيه.. اول ما دشت ميره المطبخ شغلت الليت .. وسارت صوب الطاوله وحطت الورده عليها ... وشوي ان حد ايي وراها ويحط ايده على عينها بس لاحظت ان الايد كبيره شوي .. ميره : حصيص عاد .. والله يوعانه .. خلصينا .. بس ما في حركه .. اضطرت ميره تحرك ايدها تتلمس اللي وراها .. وبالغلط طاحت ايدها على ويهه.. هنيه ميره تيبست مكانها .. حست بشعر على ويه اللي زاخنها.. ولا اراديا تسحب ايدها وتخوز ايد اللي زاخنها ........ تعرفون منو طلع؟؟؟ مانع ... ههههه هيه مانع وتخوز ايد اللي زاخنها ........ تعرفون منو طلع؟؟؟ مانع ... ههههه هيه مانع مانع : ههههههههههه سوري والله .. عبالي حصووه الدبه .. وعقب ما عرفت انج انتي قلت خليني أكمل المقلب احسن .. ميره : ............. مانع : زعلتي؟؟ ميره : وليش ازعل .. مانع : والله ما أدري .. ( وانتبه للورده ) يوم توه بيشلها .. سبقته ميره وشلتها وحطتها ورا ظهرها .. مانع : هاتيها .. ميره : لا مانع : لا .. اوكيه ويتقرب منها .. وييود ايدها ويعويها ورا ظهرها وياخذ الورده .. ميره : آآآآآآآآآآي .. ويا راسك كسرت ايدي مانع : عادي ( ويشم الورده ) الله ريحتها حلوه وتدش حصه فجأه .. وانصدمت يوم شافتهم .. واللي صدمها أكثر الورده اللي في ايد مانع ... كانت عند ميره شو وصلها لمانع .. حصه : ( حاطه ايدها على خواصرها ) شو تسووووووووووووووووووووووون ؟ مانع : شو تشوفينا نسوي يعني .. نرقص مثلا .. حصه : اعترفوا يالله.. مانع : الله يسلمج .. السقم اخوووج اشترا لنا دونات من الشيشه .. وكلت فياه .. وايدي خاست من الهاذا اللي فوقها .. ويوم نزلت من السياره ييت وغسلت ايدي في المغسل اللي برع .. وشفت ليت المطبخ شغال ..ويوم ييت حصلت هاللي جدامج .. ويوم قلتلها شو تسويين .. تعرفين شو قالتلي ؟؟ أونه كنت أترياااك .. وعقب عطتني هالورده .. شو تبيني أسوي يعني .. قبلت الورده ما رمت أردها .. وهاي كل السالفه .. ميره : ( معصبه ) يا الجذاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااب مانع : اووووووب الحين انا جذاب .. عيل بذمتج شو وصل الورده لايدي اذا انتي ما عطيتيني اياها .. حصه : ( تستهبل وهيه تعرف ان مانع خذ الورده منها لانها شافتهم من بعيد )هيه صح.. ميره : حصووه لا تصدقينه .. والله جذاااااااااااب .. مانع : انا جذاب .. عيل يالله قولي شو وصّل الورده عندي .. لايكون بس زخيتج من ايدج وعويتها لج وخذتها .. ميره : صدق انزين .. مانع : استغفر الله العظيم.. ماماتي الجذب هب زين .. ميره : جذاب والله انك جذاب مانع : يالله عيل تصبحين على خير .. وثانكس على الورده ويطلع من المطبخ ويسير الميلس .. ميره : جذاب واحد .. حصه : الله عالحب ورده مره وحده ... ميره : جب يالسخيفه .. الحين جذبتيني وصدقتي هالنذل ... والله يقص عليج حصه : هههههه خلي عنج .. انزين يالله ما تقولين توج يوعانه .. ميره : ( معصبه ) لا خلاص هب يوعانه .. طابت نفسي .. خلينا نرد حصه : ههههههههه ما يسوى عليج .. تعالي تعالي .. ( وتسير صوب الثلاجه )هاذيه كيكه كاكاو وهاذا صحن فيه دونات شكر ... وهذا امممم ورق عنب بنحره في المكروويف.. ميره : سوي اللي تبينه .. لوع بجبدي هذا الخام ... حصه : ههههههههههه والله انكم نكته وشوي أن مانع يرد ويدخل ويشوف ميره متظيجه .. مانع : هههههه ما يسوى عليج هالورده .. جنج عاطتني اياها من ورا خاطرج .. ميره : ما برد عليك لو ترمس لين باجر مانع : وليش رديتي الحين هههههه؟؟ ميره : ...................... مانع : الصراحه .. الزعل غلط عليج .. ما يركب.. حصه : خل عنك هالرمسه .. شو ورا ظهرك ؟؟ ويتجرب منهن ويطلع مانع كرتون بيتزا .. اممم حاره توها ميوووبه .. مانع : سمعنا ان بعض الناس يوعانيين .. وبالحظ يايبين كرتون زياده .. حصه : زين والله .. سويت خير فينا .. مانع : ادري ... ما يحتاي ترمسين .. ( ويطلع من مخباه ورده .. بس هالمره ورده غير .. لونها وردي على الأبيض ) وهاذي هديه مع البيتزا .. وحق الزعلانيين بس ويرفعها جدام ميره .. حصه : ههههههههه جني شايفه هالورده مكان .. مانع : من وين بيكون بعد .. من ورد بيتكم خخخخخخ وهنيه ظحكت ميره على مانع .. مانع : ها رضينا ولا بعدنا .. حصه : يا ويلي انا بس .. انا لو زعلت محد بيسويلي سالفه.. مانع : هاذييج انتي .. حصه : اووووووب اووووب.. شو السالفه .. مانع : حصوه .. اسكتي شوي عن أفلعج بقوطي الكلينكس اللي عدالي .. خلينا نسمعها .. ميره :................ مانع : شو بعدج زعلانه .. جني تعبت عمري وجلعت لج ورده ويبت لج بيتزا .. ميره : ............... مانع : اوكيه .. اذا خذتي الورده يعني راضيه .. واذا زعلانه خليني ميود الورده لين ما يستويلي شد عضلي في ايدي طبعا اذا هذا الشي يرضيج .. يالله بعد لين الثلاثه .. واحد .... اثنين ... ثـــ...... ( وتشل الورده من ايده بسرعه ) مانع : وأخيرا .. ميره : بس بعدني زعلانه .. مانع : عيل ردي الورده .. حصه : اوووووه منكم بس.. ريولي عورتني من الوقفه شو هالحاله ؟؟ مانع : برايج .. ههههههه .. حصه : احلف بس مانع : يالله عيل اترخص منكم .. بسير عند الشباب .. حصه وميره : الله يحفظك .. مانع : تصبحن على خير .. ميره وحصه : وانته من أهله .. ويطلع مانع ويعق غترته ويحطها على جتفه .. ويردن البنات داخل ويكملن السهره .. وباليوم الثاني .. ردوا أهل دبي دارهم .. وتفاجأوا أول ما وصلوا بإصرار راشد على أن الملجه تكون بالخميس هذا .. والكل اعترض .. بس آخر شيء استسلموا لأن راشد حطهم جدام الأمر الواقع .. لان راشد اتفق مع اخو فاطمه قبل لا يوصلون من العين .. واللي صدق ومن الخاطر اتظيج هيه ميره .. ميره اللي شلت الدنيا شل .. تمت اتصييييييح وتترجا راشد .. بس راشد يعاند من الظيج اللي فيه ... ظاجت ميره وتمت تصيح وتصارخ عليهم ليل نهار بس ما من مجيب .. لين تفاجأوا بأن ميره اختفت من البيت ....... وكان يوم الثلاثا .. دوروها في حجرتها في كل مكان في البيت ما حصلوها .. وفي العين .. حصه وامها يالسين في الصاله يسولفون ويظحكوووون .. وشوي ان الباب ينفج عليهم وتدخل عيهم ميره وهيه تصيح بأقوى ما عندها .. ويوقفن حصه وامها من الزيغه وهن ما يعرفن شو السالفه .. وتسير ميره وتلوي على خالتها بأقوى ما عندها .. وام حمد تهديها وحصه منصدمه من الموقف اللي يستوي جدامها .. وكانت هيه بعد تحاول تهدي ميره .. ام حمد : بس يا بنيته بس.. شو ياج لا خليت منج .. شو بلاج ؟؟ ميره : ( بعدها تصيح وهيه لاويه على خالتها ) ............ما أبغيها لا لااا حصه : ( فيها صيحه ) منوو يا ميروه منوو ؟؟؟ وعقب خمس دقايق تقريبا هدت ميره .. يلست عدال خالتها .. بعد ما حطت راسها على ريولها .. وهيه شوي تنتفض .. لانها صاحت صياح هب شوي .. وحصه عدالها ... ام حمد : فديتج يا بنيتيه .. شو ياج ..؟؟ حصه : ومنو يايبنج ؟؟ ميره : ( بصوت متقطع ) بـ ــ ـروحـ ــ ــي حصه : ( منصدمه )شوووو ... بروحج..؟؟ وتقوم حصه وتوايج من الدريشه .. شافت سيارة قوم ميره والدريول عدالها يالس يرمس دريولهم وبشكاره قوم ميره توها داشه المطبخ .. وترد حصه وترمس ميره .. حصه : يايه مع الدريول والبشكاره روحج ؟؟ تهز ميره راسها أن الكلام اللي قالته صح .. حصه : وهلج يدروبج ؟؟ ميره : لـ ـ..... ـ ـلـ ـ ـ.....لا حصه : ( معصبه ) شوووو ؟؟ ما يدروبج ؟؟ تيننتي يا ميره؟؟ ام حمد : ليش يا ميره ؟؟ الحين بتحصلينهم مستهمين عليج .. ميره : ( بإستهزاء ) الحين بيهتمون .. عقب شو ؟؟ ام حمد : لا يا بنتي ما يستوي جيه .. هاذيلا هلج .. لازم نخبرهم ؟؟ ميره : ما في داعي خالوه .. هم هب متفيجين لي .. ام حمد : لا فديتج .. شو هالرمسه بعد .. حد ما يتفيج لعياله ؟؟ ميره : هيه .. هلي كلهم .. حصه : ميره .. أنا بسوي تلفون للبيت وبخبرهم .. ميره : لا لا تسوين .. حصه : وترضين امج تحاتييج وتتعب .. ميره : لا .. حصه : عيل من الأفضل اننا نخبرهم .. ميره : ................. تقوم حصه وتسوي تلفون .. وفي دبي .. راشد توه داش البيت .. راشد : ما حصلتها .. ما خليت مكان ما دورتها فيه .. ام راشد : ( تصيح وقابظه راسها ) وااايه على بنيتيه .. وين سارت ؟؟ يالله بسترك يا رب .. مهره : ( ساكته ) اميه .. ان الله راد بنحصلها .. قلبي يقول انها بخير وما عليها شر ام راشد : الله يسمع منج ان شاء الله .. وشوي أن بو راشد يدخل .. بو راشد : هااه .. حصلتوها ؟ راشد : لا .. بو راشد : مهره .. سوي لربعج كلهم وتخبريهم .. يمكن عندهم ولا شيء .. ام راشد : لا يا ثاني .. بنتك في عمرها ما سوت جيه .. عمرها ما طلعت بدون شورنا .. بو راشد : انتي تخبريهن وخلاص .. ويوم توها مهره بتقبظ التلفون .. رن التلفون وكانت حصه مسويه عسب تقولهم ان ميره عندهم .. مهره : الوو حصه : هلااا مهاري .. شحالج ؟ مهره : الحمد لله على كل حال حصه : مهــ ـ ــره مهره : نعم حصه : تراا .. ميره عندنا مهره : ( منصدمه ) شوووووووووووو ؟؟ حصه : مهره عندنا في العين .. مهره : عندكم ؟؟ وشو وصلها هناك؟؟ حصه : يت فيا الدريول والبشكاره .. مهره : ( نزلت راسها ) وشو حالها الحين ؟؟ حصه : ومن متى هيه على هالحال ؟؟.. مهره : من يوم قرر راشد ياخذ فاطمه .. حصه : اقول .. بتخبرج عن هالسالفه عقب ... ما بطول عليج .. بس حبيت أطمنكم على ميره .. مهره :اتصدقين .. أحسن لها عندكم .. خلوها عندكم لين ما الملجه تخلص .. وانا لو الود ودي بعد ما أحظرها .. بس غصبا عني لازم احظرها .. حصه : ظنج ؟؟ مهره : انا بقول لأميه انها عندكم .. وبقولها تخليها كمن يوم عندكم لين ما ترتاح نفسيتها .. حصه : خلاص عيل .. مهره : الله يحفظج .. وهنيه راشد تقرب من مهره .. راشد : منو اللي متصل ؟؟ مهره : ( بعد ما وقفت ) حصه بنت خالوه ؟؟ راشد : ( حس بقشعريره ) وشو تبغي بعد ؟؟ مهره : مسويه عسب تقولنا أن ..... راشد : ( معصب ) شوووووو؟؟ مهره : أن مهره عندهم .. والكل انصدم .. ام راشد : شووو ؟؟ في بيت خالتج ؟؟ هنيه راشد ما رام يقبظ عمره .. راشد : انا براويها .. ( ويطلع من البيت معصب ويبند الباب وراه بسرعه ) ام راشد : قم يا ثاني .. تلاحقك على بنتك عن يسويبها شيء .. بو راشد : ( بعد ما يود راسه ويلس وتم يتنفس ) ما أقدر .. شكله الظغط ارتفع .. سيري يا مهره ييبيلي دوايه بسرعه .. مهره : ان شا ءالله ابويه .. ( وتركظ صوب الحجره ) وفي العين ميره يالسه عدال خالتها ... وحصه عدالهم .. وكانت تحاول تطلع كل اللي في قلبها .. كانت تقولهم شو كانت تسوي الاخت فاطمه فيها .. وشو سمعتها .. وشو أخلاقها وشو حياتها .. ميره : والله يا خالوه انها بنت ... استغفر الله شو تبيني أقول عنها .. والله ان حدرت بيتنا لتجلبه مقبره .. شــ..... ( ويدخل راشد معصب .. حتى الباب ما دقه ) راشد : انتي هنيه ؟؟ وهنيه الكل وقف ..وميره هنيه زاغت .. كان شكل راشد معصب من الخاطر .. تمت واقفه عدال خالتها وميوده ايدها بقووو .. ام حمد : استهدا بالله يا راشد .. كل شيء بالراحه .. راشد : لا يا خالتيه .. الا ان البنت تظهر من بيت هلها بدون شورهم .. ميره : ( تتقرب من راشد وتجابل ويهه ) انت اللي طفشتني يوم قررت انك تبا هالخايسه .. راشد : جب يالله .. ولج ويه ترمسين .. وشوي ان حمد ومانع يدخلون .. وكانوا يظحكون .. بس يوم شافوا اللي جدامهم تحولت ويووههم إلى حاله استفهام .. ميره : هيه نعم أن لي ويه أرمس .. الحمد لله صاينه عمري قبل لا ترمس .. وشوي أن راشد ياي يمد ايده ويصفعها .. لاكن مانع زخ ايده قبل لا يمدها .. مانع : ( زاخ ايد راشد بقوو ومعصب ) تحمل تمد ايدك مره ثانيه عليها .. تسمع ولا ..؟؟ ولا حتى تفكر تلمسها دام اني موجود في هالدنيا .. ( وينزل ايد راشد بقوو ) ام حمد : يالله بعونتك .. لا يا عيالي انتوا اهل هب زين عليكم .. راشد : لو انها اختك جان ما سوويت جيه ... مانع : صح انها هب ختيه .. لاكنها بتستوي حرمتيه .. فياليت انك مره ثانيه تحشمها .. حصه : ( تصيح وتأشر على الباب ) اطلع برع .. انصدم راشد من رمسه حصه .. حصه : أقولك اطلع برع .. ما تسمع .. انصدم راشد اكثر ... ما كان يستوعب ان اللي جدامه حصه .. حصه : ( تصيح بقو وتصارخ ) اطلع .. اطلع .. اقولك اطلع برع .. وشوي ان راشد يحط عينه في عين حصه .. وسيده طلع برع .. وهنيه تمت حصه اتصيح وهيه يالسه وحاطه ايدها على ويهها .. ومن الينب الثاني ميره تصيح .. وكل واحد يهدي الثاني من صوب ... راشد طلع من البيت ... ركب سيارته .. وقف راشد عدال العرقوب .. بند السياره وتم يالس فيها وهوه حاط راسه على السكان .. وشوي أن تلفونه يصيح .. وعقب كمن رنه يقرر راشد يشل التلفون .. راشد : الوو .........: مرحبا راشد راشد : مرحبتين والله .........: شحالك .. راشد : الحمد لله ... منوه الريال ؟؟ ........: وياك سعيد راشد : سعيد بن منووه ؟؟ سعيد : هب لازم تعرف الحين .. المهم .. أنا مسولك عسب أقولك اني أبغي أشوفك وفي أقرب وقت ممكن .. راشد : خير ان شاء الله ؟؟ سعيد : ان الله راد باجر المغرب اشوفك .. حدد لي مكان وبلاقيك .. وحددوا المكان والساعه .. راشد احتار من هالريال .. وشوي تلفونه يصيح .. وكانت فاطمه متصله .. ظاج راشد .. وما كان له بارض يرد على التلفون .. تم يصيح التلفون لين ما بند .. والحين نرد لرفيعه .. رفيعه يالسه في حجرتها ووياها روضه .. رفيعه تسحي شعرها وروضه تلعب بالدبدوب .. وشوي أن الخدامه تيي ويايه تاخذ روضه عسب تسبحها .. وقبل لا تطلع روضه .. رفيعه : رواضي .. وتصد روضه وراها .. كانت رفيعه شاله الدبدوووب .. رفيعه : يودي حبيبي .. شليه بيتكم .. خليه عندج روضه : هذا مالج عمووووه .. رفيعه : لا فديتج هب مالي .. هذا مالج .. ما تنلامين بيكمل السنه وشي عندي .. روضه : أوديه بيتنا.. رفيعه : هيه غناتي .. وديه وياج .. وحبيلي ذيباني ..( دلع ذياب ههه ) وتطلع روضه وهيه مستانسه على الدبدووووووووب .. تبند رفيعه الباب وتتساند عليه .. وتتنهد .. ( خلاااااص .. ما لك غلا عندي ) ... وباليوم الثاني المغرب .. يعني بالاربعا .. تلاقوا راشد وسعيد .. وبعد ما يلسوا .. راشد : خير خويه .. شو بغيت مني ؟؟ سعيد : الله يسلمك عندي لك رمسه .. راشد : تفضل .. سعيد : بسألك سؤااال .. بس لا تعصب .. لان هالشيء من مصلحتك.. راشد : قول .. وان الله راد ما بعصب.. سعيد : انته خاطب ولا .. راشد : هيه نعم .. ليش هالسؤال يعني ؟؟ سعيد : واللي خاطبنها اسمها فاطمه راشد : ( بدا يعصب ) وليش تسأل ان شاء الله .. سعيد : يا خي قلنالك ما نبا عصبيه .. خلنا نحل الموضوع بالهدووء والتفاهم راشد : ( ارتااح شوي ) اانزين يالله .. قول اللي عندك سعيد : انته متأكد من اختيارك .. راشد : ( يوقف ) وشلك انته .. واصلا منو انته عسب ترمسني عن هالسالفه .. لا تعرفني ولا أعرفك .. ليش تتدخل حضرتك .. سعيد : هد أعصابك يا رااشد .. انا أعرفك .. لاكن انته ما تعرفني .. راشد : كيف يعني؟؟ سعيد : أول ايلس وخلنا نتفاهم بالرااحه .. راشد : ( عقب ما يلس ) انزين سعيد : الله يسلمك .. أعرف أنك راشد وابوك ثاني ويدك محمد وعندك عم واسمه سالم.. راشد : ( منصدم ) وشو عرفّك فيّه؟؟ .. سعيد : عرفت وهب لازم الحين تعرف من وين؟؟ مع الرمسه اللي بقولها لك بتعرف راشد : يالله ارمس .. أسمعك سعيد : خويه .. ترا فاطمه ما تصلحلك راشد : ( بإستهزاء ) نعم ... ومنو انته عسب تقرر إذا تصلحلي ولا لا .. سعيد : لانك ما تستاهل تتعلق بوحده شراتها .. خاينه .. اتصدق انها دوم تطري خواتك جدامي .. راشد : ( معصب ) حدك عااد .. ( وقبل لا يكمل رمسته قاطعه سعيد ) سعيد : راشد .. خلني اكمل رمستيه وبعدين قول اللي تبغي تقوله .. راشد : ( بعد ما هدا شوي ) قوول سعيد : فاطمه ... راشد : بلاهااااااااا سعيد : والله ما أعرف كيف أوصل لك المعلومه .. راشد : قول ولا يهمك .. سعيد : انا أعرف فاطمه .. راشد : وضح لو سمحت .. سعيد : اعرف فاطمه .. وأرمسها بالتفون بعد .. راشد : ( معصب ) شوووووو .. ايييه انته .. شو هالرمسه اللي ترمسها بعد .. سعيد : يا خي قلنالك بالهداوه .. لا تخلي الناس تتطمش علينا .. راشد : ( حاول يهدي عمره ) قولي السالفه من أولها سعيد : الله يسلمك هالبنت ربيعه اختي .. وياليتها ما رابعتها .. شافتني .. وعلى قولتها تعلقت فيه .. وشوي أنها طلعت رقمي .. وقامت تزعجني بتلفوناتها .. راشد : ومن متى هالرمسه سعيد : من سنه .. راشد : ( قابظ عمره ) انزين وعقب .. سعيد : تمت ترمسني .. وأدري أنك بتقول ان الحل كان في ايدي وهوه أني ما أرد عليها .. بس برد عليك وبقووول .. ما قدرت .. تعرف ليش؟؟ لانها جذبت عليه بأسلوبها .. خلتني أحبها وأعشق التراب اللي تمشي عليه .. وكنت ناوي أخطبها... بس الخاين خاين .. راشد : شو تقصد ؟؟ سعيد : الاخت ما خلت واحد ما تعرفت عليه .. وبالغلط كان ربيعي واحد منهم .. وقالي بالسالفه .. بس ما صدقته .. لين ما يابلي دليل وما بغيتك تعيد هالتجربه لانها صدق صعبه ؟؟ راشد : وشو هوه ؟؟ سعيد : سوالها تلفون ورمسها جدامي .. راشد : وشو دليلك انته بعد..؟؟ سعيد : دليلي .. ما طلبت الساع .. راشد : يالله انزين سعيد : عطني رقمها وبتصل لها جدامك راشد : ( بعد ما اقتنع ) اوكيه .. خذ الرقم .. أربعه خمسه واحد واحد واحد ( وعطاه الرقم ) اتصل سعيد .. بس من سوء الحظ محد رد .. بس ما كمل دقيقه إلا وهيه متصله .. وحط مكرفون سعيد : الووو فاطمه : فديييييييييييييييييييييييت هالصوت والله سعيد : هلا فاطمه : أهلين والله .. سعيد : شحالج ؟ فاطمه : فديتك .. دام انك مسولي أكيد بخير لا خليت من طاريك أنا .. سعيد : عساه دوووم .. فاطمه : سعوووووووودي .. سعيد : نعم فاطمه : فديتك تولهت عليييييييييك واااااااااااااااااااااايد ... شو رايك أشوفك باجر في الستي وهنيه كان راشد وده يقبظ التلفون ويكسره ولا يسمع اللي يسمعه الحين .. هوه من أول المكالمه مولّع .. والحين خلااااااااااص شبت الظو.. يقوم راشد يوقف .. راشد : أترخص منك الحين .. فاطمه : أقول حبيبي .. حد عندك ؟؟ سعيد : يالله يالله بخليج الحين .. فاطمه : اوكيه حياتي .. ويبند سعيد التلفون .. سعيد : هااااااااه تأكدت من رمستيه .. راشد : الله يلعنهاااااااااااااااااااااااا .. الحقيره .. سعيد : خلاص الشيخ .. قلتلك انت ما تستاهل وحده شراتها .. راشد : اسمحلي الشيخ .. بخليك الحين سعيد : بالحل لاعدمناك .. وتفضل رقم التلفون جااان احتجت لشيء .. راشد : تسلم وما قصرت .. يالله فوداعه الله سعيد : الرب حافظ ويروح راشد .. ركب سيارته .. ولا إراديا صااح .. تعرفون ليش ؟؟ لانه بسبه عناده الزايد استوى اللي استوى .. خسر حبيبته ( حصه ) وخسر اخته وخسر هله وعيال خالته .. وخسرهم كلهم بسبه وحده حقيره ما تستاهل .. تم يتذكر ميره وهيه تترجاه وهيه تحذره .. لاكنه كان يظربها من الظيج اللي فيه .. وتذكر شكل حصه يوم طردته من بيتهم ..وهنيه ما رام ايوود عمره .. وتم ايصييح من الخاطر .. والحين وصل راشد للمكان المقصود .. نزل .. دق الجرس .. دخل الميلس.. شاف منصور اخو فاطمه يالس ووياه ربيعه ..... وعقب فتره يطلب راشد من اخو فاطمه انه يشووف فاطمه عسب يسلم عليها .. عاااااد هنيه فاطمه طارت من الونااااااسه .. عبالها ان راشد ياي من زووود الوله .. دخّل منصور راشد الميلس اللي داخل .. وكانت فاطمه داخل .. قال راشد انه بييلس ويا فاطمه بروحهم .. خمس دقايق بالكثير .. طلع منصور عنهم .. راشد كان واقف وبعيد عنه شوي فاطمه .. تقرب منها .. وهيه تسوي عمرها مستحيه .. ويوم رفعت ويهها ياها ذاك الطراق العدل اللي يبرد جبد راشد .. هنيه فاطمه من قوه الطراق حطت ايدها على ويهها .. وهيه تشوف راشد وهيه هب مستوعبه شيء .. راشد : رمسه توصلج وتتعدااااااااج .. اليوم .. هيه نعم اليوم .. تقولين لأخووووووج انج ما تبغيني .. تسمعين ولا .. ولا والله ثم والله لأخبر اخوووج عن سواياااااج ... تسمعين ولا .. هنيه فهمت فاطمه شو يقصد راشد .. |
|
راشد : أنا محشمنج بس عسبه ابووووووج الله يرحمه هالريال الطيب .. وامج المريضه .. واخووووووج اللي هب داري باللي تسوينه .. والله ان درى.. الجتل شويه عليج .. وهب ناوي أفضحج جدام العرب .. تعرفين ليش .. بس عسب اخوووج .. عسب سمعته ما تخترب .. .. انشغل بأمج وعلاجها ونسى يربييييييج ... وقلتلج ... ان ما قلتي لأخوج اليوم .. باجر الصبح بيي وبقوله كل شيء وذنبج على جنبج .. عندج الليل كله .. ( وتم يطالعها من فوق لين تحت) يالـ...... خليني ساكت أحسن.. ( ويطلع من الميلس ويروح ) طلع من عندهم وحس براااحه .. حس انه تخلص من شيء غلط كان ممكن ان طول العمر يتم وياه .. طلع من عندهم وحاط في باله الوجهه اللي بيسلكها الحين .. والمكان اللي بيسيرله .. سار البيت .. دخل على امه وابوه ومهره وهوه مستانس ..
راشد : السلام عليكم .. الكل : وعليكم السلام والرحمه .. راشد : ابويه .. ترانا الحين بنسير العين وبنيي بالجمعه إذا ما عندك مانع .. والكل انصدم .. ام راشد : وملجتك يا راشد ؟؟ وسوا راشد عمره ناسي الموضوع .. راشد : هيه صح والله نسيت .. انزين خلاص .. بالجمعه بنسير وبنرد الاثنين .. هاه شو قلتواا ؟؟ بو راشد : وانته بلاك اليوم مستقطع على سيره العين .. شو لك من الشغله فيها .. راشد : بس جيه .. في خاطريه أسير هناك .. بو راشد : يصير خير لين الجمعه .. راشد : اوكيه .. بخليكم بسير أودي سيارتيه الكراااج .. على الله أحصله مفتووح ... الكل : الله يحفظك.. طلع راشد وهوه مستانس .. كان لسانه بيزل وبيقول انه كنسل الملجه .. بس قال يتريا شوي لين ما الاخت فاطمه تنطق وتسوي عمرها اونها هيه اللي ما تبغيه .. وكن حاط في باله ان باجر العصر بيكونون في العين لانه الصبح سالفه الملجه بتكون منتهيه خلاص.. ... وفي العين .. حمد يالس في الحجره.. ويطلع تلفونه ويتصل .. ...... : الوووووو حمد : مرحبا .. رفيعه : ( منصدمه ) حمـــــــــــــــــــــــد حمد : هيه نعم .. رفيعه : ..... حمد : ادريبج متظيجه لاني سويتلج .. وفي نفس الوقت مستغربه من وين يبت رقمج .. الله يسلمج الرقم خذته من تلفون حصه ... بالدس طبعااااا .. وانا هب مسولج منيه والدرب .. مسولج بس عسب أفهمج السالفه .. لأنج فاهمه السالفه غلط .. رفيعه : لو سمحت .. ما أبغي أفهم شيء .. واسمحلي ( وتبند في ويهه ) حمد ما استغرب من رده فعلها .. كان متوقع هالشيء .. بس يالله .. مع الايااام بيحاول يقنعها ويفهمها السالفه الأصليه .. حط حمد تلفونه على الطاوله وسار بيتسبح ويوم توه بيدخل الحماام صاح تلفونه ... تقرب .. شاف الرقم ... وهنيه تأفف .. (( شو تبغي بعدها عقب كل اللي سوته)) .. حمد : الووووووو مها : السلام عليكم حمد : وعليكم السلام والرحمه مها : شحالك حمد ؟؟ حمد : بخير الحمد لله مها : بعدك تعاملني جيه .. خلاص يا حمد .. حمد : شو خلاص .. مها : خلاص .. حط في بالك .. بنسحب من حياتك وللأبد.. حمد : ( مب مستوعب ) كيف يعني ؟؟ مها : انخطبت حمد : ( منصدم ) انخطبتي ؟؟ مها : هيه انخطبت .. حمد : متى ؟؟ مها : من اسبوع حمد : مبروك مها : الله يبارك فيك وعقبالك ان شاء الله .. حمد : ......... مها : حمد .. حمد : نعم مها : أنا هب مسوتلك منيه والدرب .. أنا مسوتلك عسب أستسمح منك على كل شيء سويته وما عيبك .. وأستسمح منك ان غلطت في يوم من الأيام عليك حمد : مسمووووحه ختيه حمد انصدم .. ما استوعب ان مها اللي دوم وراه تنسحب من حياته .. مها : تسلم اخويه .. بس حبيت أقولك شيء حمد : نعم مها : الله يوفقك مع رفيعه .. حمد : ( بإستهزاء ) عقب شو... مها : ( بإصرار ) حمد .. لا تلومني على شيء انتهى وراح ... خلاص لحظه غضب وعدّت.. حمد : عدّت عليج بس هب عليها هيه .. مها : حمد .. رفيعه اذا هيه تحبك واذا انته تحبها .. صدقني .. فالأخير بتكونون لبعض.. مهما صار بينكم .. وخذها كلمه مني .. حمد :................ مها : ما بطول عليك .. يالله عيل بخليك حمد : الله يوفقج ويسعدج مها : وانته بعد .. يالله فمان الله حمد : الله يحفظج .. بند حمد عن مها .. بعد ما انقطع الحبل اللي يمكن يوصله لرفيعه .. مها رافض فكره أنها تستسمح من رفيعه لانها مقتنعه انها هب غلطانه .. بس في نفس الوقت حمد ربه ان علاقته بها انقطعت وللأبد.. حصه ..... علاقتها بخالد وايد وايد اوكيه .. صح ما تحبه لاكنه غالي على قلبها وايد .. تحاول حصه انها ما ترمسه بالتلفون وايد .. وكل آخر اسبووع ايي خالد البيت وييلس يسولف وياها ... اليوم الخميس.. فاطمه اضطرت تقول لأخوها منصور انها ما تبغي راشد .. بس منصور رفض.. تلوّم في ربيعه ... ما قدر يتحمل فكره ان اخته فاطمه تكنسل الخطبه والملجه اللي مفروض تكون اليوم فليل .. منصور : لا يعني لااااااا فاطمه : ( تصيح ) دخيلك منصور.. حرام عليك ... دخيلك .. أترجااااااك منصور : ما في سبب مقنع يخلييج ترفضين.. فاطمه : ما أبغيه .. خلاص طابت نفسي منه منصور : مب عذر .. طول هالمده ما قلتي شيء .. ويوم ملجج نطقتي .. فاطمه : اليوم فهمت واقتنعت اني ما أبغيه .. منصور : ............. فاطمه : أترجاااااااااااااااااااااااااك دخيلك .. منصور : لا .. لا .. فاطمه : ( تصيح ) ورحمة ابويه ما تزوجني اياااااه .. دخيلك هنيه من يابت فاطمه طاري ابوه تيبس .. وما نطق أي كلمه منصور :.............. فاطمه : دخيلك منصور : ( معصب ويطلع من الحجره ) أول ما طلع حط راسه على اليدار ..ويقول في خاطره ( فضحتينا .. الحين وين أودي ويهي من الريال ) ويصيح تلفونه .. واللي متصل راشد عسب يرمس منصور .. ويشوف اذا فاطمه قالتله شيء ولا بعدها .. راشد : مرحباااااا الساع منصور : مرحباااا ملايين راشد : شحالك ؟؟ منصور : بخير وسهاله .. انته علومك ؟؟ راشد : والله ما شيء علوم .. جان إلا من صوبك ... منصور : ............. راشد : ( وهنيه حس راشد ان منصور يبغي يقول شيء وكان يعرف أن السالفه سالفه فاطمه) بلاك يا منصور .. شو في خاطرك؟؟ منصور : والله ما اعرف شو أقوووولك يا راشد... راشد : قول الشيخ .. أسمعك منصور : صدقني يا راشد .. مالي ويه أقولك ...... راشد : ( استانس .. بس سوا عمره مهتم ) ارمس .. لا تخليني أستهم .. شو السالفه ؟؟ منصور : مالك نصيب في بنتنا .. راشد : ( يستهبل ) كيف يعني ؟؟ منصور : فاطمه ما تبغي تعرس .. راشد : ( مستانس ويسوي عمره منصدم ) ليش؟؟ منصور : ما أدري والله .. اسمحلي الشيخ .. والله مالي ويه أجابلك عقب اليوم راشد : لا لا ...افاااا يا بن علي .. الحمد لله على كل حال .. منصور : اسمحلي.. والله متلّوم فيك ... راشد : لا الغالي .. لا تحط في بالك .. الله ماكتب لنا نصيب .. منصور : يعني هب حاط في خاطرك؟؟ راشد : لا والله .. منصور : تسلم لا عدمنااااااك .. راشد : ربي يسلمك .. خلاص عيل .. بخليك الحين منصور : الرب حافظ .. راشد راشد : نعم .. منصور : ما في القلب شيء ؟؟ راشد : عيل تبا قلبي يعيش بليا دم وبليا نبض .. يا مجرم .. أكيد فيه شيء منصور : ويا راسك .. دومك تجلبها مصخره .. ههههههه راشد : ههههه شفت عاااااااد منصور : لا ما شفت .. سمعت راشد : ههههه حلوه ........ يالله عيل بخليك الشيخ .. منصور : ربي يحفظك .. ويبند راشد عن منصور .. ومن دق الفص الأحمر من صوب حس أنه راشد بن ثاني الأولي المعهووووووود.. حس راشد أن نفسيته تغيرت 180 درجه.. حس انه مستانس .. بس ما يعرف ليش؟؟ مع ان المفروض ما يحس بهالشعور عقب اللي سواه في ميره والصدمه اللي سببها لحصه.. وعناده لهله وكل شيء ... دخل راشد الصاله .. حصل مهره يالسه اتشوف التلفزيون .. وكان شكلها يبين انها متضايجه .. راشد : السلاااام .. ( وييلس عدالها ) مهره : هلا .. راشد : بلاج مهاري .. ليش متظيجه ؟؟ مهره : انا .. لا لا ما شيء .. هب متظيجه ولا شي بس الصراحه مهره كانت متظيجه من سالفه ملجته ويا هاي اللي يسمونها فاطمه .. راشد : متأكده .. مهره : هيه متأكده.. راشد : انزين .. خلينا من هالسالفه الحين .. ما باركتيلي .. مهره : لاحق .. هب عيله فيك .. فليل الملجه هب الحين راشد : ههههه لا يالذكيه .. هب عسب جيه مهره : عيل ؟؟ راشد : ما بعرس.. مهره : ( منصدمه ) شوووووووووو؟؟ راشد : ما باخذ فاطمتكم .. مهره : ( مستانسه ) احلف .. قول والله .. دخيلك قول الصدق .. راشد : ههههههههه عثره .. لهالدرجه تكرهينها انتي بعد .. مهره : ما أكرهها .. بس ما ارتحت لها .. يعني ما بغيتك تاخذها .. راشد : وصار اللي تبغونه .. مهره : وينج يا ميره تسمعين الخبر بنفسج .. راشد : فديتها .. والله ظلمتها .. بس ما عليج قبل المغرب ولا عند المغرب بنكون دايركت عخط العين .. مهره : والله .. بنسير اليوم راشد : ما تبين ؟؟ خلاص عيل .. خليها يوم الجمعه .. مهره : لا لا .. منو قال ما أبغي ...أبغي وستين ألف أبغي بعد .. راشد : هههههههه بس تعرفين ... أحسن نسير باجر .. اليوم عندي شغله .. بقظيها بسرعه وان الله راد باجر بنسير صوبهم مهره : انزين ما في إشكال .. ما قلتلي .. ليش ما بتاخذها ؟؟ راشد : هيه كنسلت .. مهره : ( هب مقتنعه ) وليش ان شاء الله ؟؟ راشد : علمي علمج .. يمكن شافت اني هب مناسب لها ولا شيء مهره : أحسن ..فكه منها .. راشد : خلي عنج الحين .. عيل وين اميه .. مهره : ما أدريبها والله .. توها ويايه .. يمكن في حجرتها ولا في المطبخ .. ولا عند شير الهمبا وراا البيت .. راشد : اوكيه .. أنا بروح وبرد عند الغدا .. بس هاااه تحذري تقولين لحد .. مهره : على هالخشم .. راشد : هيه جيه أباج.. يالله أشوفج بعدين مهره : ربي يحفظك من كل شر.. ويظهر راشد .. وهوه طالع يشوف امه في المطبخ ..سار صوبها وهوه يدندن ويغني .. ويوم وصل عندها حبها على راسها وقالها ان عنده سالفه بيقولها اياها عقب الغدا ..... وعقب روّح مشواره .. وفي بيت سالم بن محمد..رفيعه و حارب وام حارب في الصاله ووياهم روضه .. حارب : هههههههههه والله اميه لو شفتيه لتهلكين من الظحك ... ام حارب : ههههه وشو مودنه هنااااك؟؟ حارب : عقولته كشته .... رفيعه : اسميه أنه .. المهم .. أنا بسير شوي وبرد .. لا تسولفون وايد عن تفوتني السوالف .. حارب : ما عليه سيري انتي .. ما بخلي سلفه ما بقولها لشيخج.. رفيعه : يا ويلك .. دخيلك حرّووووب ترياني .. حارب : ما عليه سيري .. رفيعه : هب تقص عليه .. حارب : ما عليه انتي سيري وسارت رفيعه عنهم .. حارب : هههههههه أسميج يا رفووع .. مستقطعه على السوالف .. ام حارب : ( بجديه ) انته خل رفوع على ينب .. متى بترد تكمل دراستك ؟؟ حارب : ليش فديتج .. لايكون مليتي مني بس.. ام حارب : لا غناتي .. أشهد أني ما ملليت .. بس بغيت أتخبرك حارب : ههههه عبالي بعد .. الله يسلمج عقب اسبوعين .. ام حارب : وكم بعدك بتيلس هناك ... حارب : ان الله راد ما بطول .. ام حارب : وانته متى ناوي تعرس ان شاء الله ؟؟ حارب : هاااه ... أعرس ام حارب : هيه نعم تعرس عيل بتم هيااااّت بليا حرمه طول عمرك حارب : لا يا اميه هب ناوي .. بس بعدني ما خلصت دراستيه .. ام حارب : ما يضر انزين .. انته اخطب وجان تبا تملج بالمره .. وتكمل دراستك وترجعلنا بالسلامه وعقب تعرس حارب : والله ما أدري شو اقووووولج يا اميه .. هب جنج استعيلتي شوي ام حارب : لا يا ولدي .. ما استعيلت ولا شياته .. انته هب صغير ..ما شاء الله عليك ريال .. حارب : ............ ام حارب : هاه يا ولدي شو قلت ؟؟ حارب : خلاص شورج وهدايه الله .. ام حارب : هيه يا ولدي هاذا عين الصواب .. خلاص من باجر انشاءالله بنسير نخطب البنيه لك .. حارب : شو شو شو شو شو ؟؟ ما شاء الله مسرع ما حطيتي عينج على وحده .. حارب : شو شو شو شو شو ؟؟ ما شاء الله مسرع ما حطيتي عينج على وحده .. ام حارب : والله البنت موجوده وما عليها كلام .. بنت والنعم فيها ... حارب : ومنو هاااي بعد .. ام حارب : مهره بنت عمك ثاني .. (( هنيه حس حارب أن حد صافعنه على ويهه.. وده ينقز على امه ويلوي عليها ويحب راسها وايدها .. بس خاف انها تشك ولا شيء .. وسوا عمره ريال رزين وهوه من داخل بيمووووووووت من الوناسه )) حارب : مهره ؟؟ ام حارب : هيه نعم مهره .. حارب : والله ما أدري شو أقولج يا اميه ام حارب : شو بتقولي بعد غير انك موافق .. أدريبك تبغي البنت ..ولدي وأعرفك حارب : ( منصدم ) هاه وانتي منو قالج هالرمسه ؟؟ ام حارب : منو بيقولي بعد ... إلا روحي .. انت خل عنك الحين .. تبغي البنت ولا الشو حارب : ( يتجرب من امه ويحب راسها ) هيه نعم ابغيها يا اميه .. أبغيها .. ام حارب : بالبركه فديتك .. ان الله راد باجر بنسير صوبهم .. حارب : باااااااااااجر .. لا لا يا اميه .. اليوم المغرب أحسن ام حارب : عنبوووو يا ولدي ..هب عيله فيك .. ما أدري منو توه يقول مب جنج استعيلتي حارب : اميه كنت خبيل .. دخيلج المغرب ..دخيلج ام حارب : ههههههه ما عليه يا ولدي .. الله يكتب اللي فيه الخير .. وتدش رفيعه .. رفيعه : أنااااااا ييت .. ويبت ذيباني ويايه فديت روحه حارب : فديت هالظيه انا .. هاتيه هاتيه من يومين ما شفته .. ( ويشله وتم يحببه ويلعب وياه ) ام حارب : رفيعه ..جربيلي التلفوون عسب أرمس قوم عمج رفيعه : قوم عمي ؟؟ ام حارب : هيه قوم عمج .. هاتي التلفون يالله رفيعه : ان شاء الله وتقوم رفيعه وتييب التلفون .. وتتصل ام حارب بأم راشد ووتتفق وياها .. وفي نفس الوقت رفيعه تغمز لحارب تبغي تعرف شو السالفه .. بس حارب مسولها أكبر طاف .. ما قالها .. وعاد هنيه حست بالقهر إلا تعرف شو السالفه .. ام حارب : تسلمين والله .. ام راشد : حياكم الله يا ام حارب .. البنت بنتكم والشور شوركم .. ام حارب : يسلمج ربي غناتي.. يالله عليل أترخص منج الحين بسير اشوف الدهن مخلتنه علىالظو .. ام راشد : الله يحفظج ام حارب : مع السلامه رفيعه : اميه اميه اميه .. شو السالفه .. حارب : اميه لا تقوليلها .. ام حارب : ويدي .. كيف ما أقولها وهيه اختك.. رفيعه :هيه صح .. يالله يا اميه قولي.. ام حارب : اخوج بياخذ بنتعمج مهره هنيه عااااااد ما أقدر أوصف لكم شعوووور رفيعه .. استانست من الخاطر .. رفيعه : والله .. الله والله ما أصدق حارب : برايج .. هب لازم .. يالله .. شلي هالمفعوص من عندي .. ام حارب : وين بتسير بعدك .. حارب : بسير الله يسلمج الحلاق .. وعقب بسير الكوفي عند الشباب .. ام حارب : الله يحفظك .. بس هب تتأخر على الغدا.. حارب : لا فديتج .. ما بتغدا عندكم اليوم .. ربيعي علووه عازمنا علىالغدا .. ام حارب : ما عليه .. الله يحفظك حارب : يالله مع السلامه .. رفيعه وامها : مع السلامه .. ويطلع حارب من البيت .. وحس أنه أسعد إنسان في الكووووووووووون كله .. وكان يعد الساعات عن المغرب .. وعقب الغدا .. راشد خبر ابوه وامه عن سالفه فاطمه .. والكل استانس .. لان من أولها البنت هب داشه مزاجهم .. وكملوا اليوم عادي ولا جنه استوى شيء .. وصل المغرب .. حارب وامه وابوه ورفيعه وصلوا .. استقبلهم راشد وابوه .. وتم هاليوم على خير .. حارب خطب مهره ... وعقب ما أتموا هالمهمه ردوا البيت .. بس رفيعه ما ردت .. مهره ما بغتها تروح عسب ما تبات روحها لان على قولها ما تعودت ترقد في هدووء بدون حشره ميره .. حارب وده يطير سابع سما ويرد مره ثانيه الأرض .. الفرحه اللي حاس بها صدق عوضته عن أيام الحزن اللي خطفن .. وصدقه اللي قال .. الصبر مفتاح الفرج .. وفي العين .. ميره يالسه في الصاله اللي فوق ووياها حصه تهديها .. ميره تصيح .. وتصيح حصه : بس يا ميره بس.. هالصياح ما بينفع الحين ميره : اكيد الحين هوه في بيتهم ... اكيد .. حصه : يا ميره .. خلاص هاي قسمه ربج ميره : يا ما نصحته .. الحين شو بيفكنا من العذاب اللي بتدخله في حياتنا .. حصه : الحمد لله على كل حال .. ذكري ربج يا بنت الحلال .. ميره : لا إلاه إلا الله ... وشوي أن منصور يدش عليهم .. منصور : السلام .. حصه : بسم الله .. العرب قبل لا تدش تتحنحن تسوي شيء .. هب تدش منيه والدرب .. منصور : احم احم .. بس الله .. شو بلاج ميره .. حد عاطنج بكس على ويهج .. حصه : ويا راسك .. صدق انك متفيج .. نحن وين وانته وين ... منصور : لا والله جد شو بلاج ؟؟ ميره : ما شيء .. منصور : عمي جدامج .. عبالج ما اشوف..يالله ارمسي .. شو بلاج؟؟ مهره : صدقني ما شيء .. منصور :انتي قصي عليه .. شو وراج .. خلصتن ثنويه وتكبرتن علينا .. حصه : هيه صح انزين .. شو دراك .. منصور : أقووول .. أنا اللي ما عندي سالفه ياي عندكن .. ( ويشوف ساعته ) اوووووووووووووووووووووووووووووووف .. ويسير صوب التلفزيون ويشغله .. منصور : اوووووووووب من 12 دقيقه باديه .. زين لحقنا عليها .. حصه : والله انك متفيج .. منصور : خلج خلج انتي مع الحزينه .. وخلني أتابع المباراه .. ( وانسدح على الغنفه ) حصه : ( بصوت واطي شوي ) ظنج ليش ما سووا حفله للملجه مهره : وهاي يبالها حفله بعد .. لو تستاهل جان سوولها .. حصه : لا والله .. أرمسج صدق أنا مهر : اونه امها مريضه وما بغوا يسوون حفله ..بس توقيع وخلاص ... حصه : .................. ( حصه بعد هب أقل من ميره ..نارها نارين .. حست بظيج .. بس ما في اليد حيله .. لازم تستسلم للأمر الواقع .. هيه متزوجه الحين .. وهوه بيتزوج اليووووم ) وباليوم الثاني يو قوم ثاني بن محمد .. وهم ما خبروا اهل العين عن ييتهم عسب ما يتعبلون ويذبحون ويعبلون عمارهم .. وفي الصاله تحت راشد والشيبه محمد وام حمد وام راشد ومهره وعلاوي .. اما بو راشد استأذن منهم .. بيسير بيسلم على ريال وبيرد .. وشوي ان ميره تنزل .. تسير صوب امها وتسلم عليها وتسلم على ميره ويدها بعد .. اما راشد أبدااااا ما عطته سالفه تمت واقفه محلها ما تتحرك .. راشد : استغفرالله .. سلمي انزين .. وتضطر ميره تسلم عليه بس حشمه ليدها وامها وخالتها .. راشد : عنبووو هالراس .. بلاج ... ميره : ........... راشد : أقول اميه .. يالله نرد دبي .. ام حمد : وليش؟؟ راشد : برد أخطب النحسه فاطمه مره ثانيه .. ميره تعجبت .. بس بعدها ساكته .. راشد : يالله علينا ... بسج عاااااااد .. البنت وما بناخذها .. ولا زعلانه لاي ما باخذها ... ميره : ( منصدمه ) شوووووووو ؟؟ ما بتاخذها .. راشد : ( يبتسم ) لا .. كنسلنا ميره : احلف .. راشد : برايج لا تصدقين .. ولا إراديا ومن الفرحه اللي في ميره تقربت من راشد ولوت عليه بقوووووووووووووو .. راشد : آآآآآي كسرتي ضلوعي .. ميره : عاااااادي ... فديتك والله ركز راشد في ويه ميره .. ولاحظ بقعه حمرا بس هب وايد باينه راشد : شو بلاه غزج ( خدج ) من تحت .. يودت ميره خدها .. هنيه ظحكن مهره بس بدون محد يشوفها .. ميره : بصوت واطي .. تستهبل أونك .. راشد : لا والله توني أشوفها .. ميره : تحيد ذاك الطراق .. هنيه حس راشد بظيج يوم تذكر السالفه .. ويسحب ميره عداله .. وييلسووون .. راشد : ( يقرب راسه منها ) اسكتي اسكتي .. لا تذكريني .. ميره : ما شاء الله مسرع ما نسيت .. راشد : اص لاحد يسمعج .. خلينا من هالسالفه الحين ... وهنيه تموا كلهم يسولفون ويظحكوووون .. وعقب مهره سحبت ميره وياها فوق عسب ييلسن ويا حصه .. اللي كانت تتسبح يوم وصلوا .. وتفاجئت بوجودهم واستانست .. ميره أول ما شافت خصه لوت هليها .. حصه : شو هالحب الزايد .. ميره : رشود ما بياخذها .. حصه : شو ؟؟ما بياخذ شوو؟ ميره : ما بياخذ فطوووووووم حصه حست هنيه بفرحه محد يتصورها حصه : حلفي ميره : وحياااااااتج عيل حصه : الحمد لله .. ربج فككم منها .. مهره : الحمد لله .. حصه : انزين مهروه .. شحالج بعد وشو علومج .. ما شيء أخبار منيه ولا منيه .. مهره : ( مستحيه ) هاه ... هيه أنا بخير الحمد لله ميره : ههههههههه بسم الله بلاه ويهج غدا طماطه .. مهره :انا .. لا ما شيء حصه : أقص ايدي اذا ما كان في شيء مهره : ......... ميره : هاهاهاي .. السالفه صدق فيها شيء .. قالت مهره السالفه لهم .. والبنات استانسن من الخاطر عليها ... وعلى المغرب زقر راشد ميره .. ظهرت ميره وكان راشد يترياها برع جدام الباب ... راشد : يالله تعالي .. ميره : وين ؟؟ راشد : ما تبغين تحوطين ميره : أبغي .. أكيد أبغي ... راشد : عيل يالله ميره : صبر بييب عباتي راشد : ما يحتاي .. السياره مخفي .. يالله بسرعه .. ميره : انزين صبر بخبر اميه راشد : اوووووووووف منج .. ما يحتاي .. ما بنطول .. ميره : على قولتك .. يالله ورااك .. بلبس نعالي .. ويسيرون راشد وميره يتحوطون .. وفي السياره ... ميره : وين بتوديني ؟ راشد : وين بوديج بعد .. وحد قالج بتنزلين أصلا ميره : عيل ليش تحوطني دام انك ما بتنزلني راشد : بس جيه .. شوف وحراق يوف ميره : انزين ..على الأقل عرقوب راشد : لا عرقوب ولا شياته .. ما تنزلين من السياره ميره : عيل جيه ظاهره برع البيت أنا ..جان يلست أحسن راشد : بنخطف على الدكان ولا على الشيشه .. ميره : بس راشد : هيه بس .. عيل شو تبين ؟؟ أوديج الموووووول مثلا ميره : لو أني بعباتي جان قلت هيه .. بس شيله البيت .. نووو وييي راشد : بعباتج ولا بدون عباتج .. منو بيخليج أصلا ميره : طبعا انته .. راشد : هاهاهااااااي ظحكتيني .. ميره : انزين بس عرقوب .. دخيلك راشد : يصير خير ميره : اشوااااااا.. وتموا ساكتين شوي .. راشد : ميره ميره : نعم راشد : بعدج زعلانه ميره : ..... لا راشد : صدق ميره : هيه صدق راشد : انزين .. سوري على الطراق ميره : ................ راشد : ميره بقولج شيء ما قلته لحد غيرج .. ميره : شو؟؟ راشد : ( يصد برع الدريشه)مب فاطمه اللي ما بغتني .. أنا اللي ما بغيتها ميره : كيف يعني؟؟ راشد : يعني انا اللي قلتلها ما أبغيها .. وقلت لها تقول انها هيه اللي ما تبغيني .. ظهرت الرمسه اللي عليها صدق ميره : ............. راشد : بلاج سكتتي ؟؟ ميره : ما شيء .. أقول خلنا من سالفه فاطمه الحين .. الحمد لله أنك افتكيت منها قبل لاتملج عليها .. وخلنا الحين في وعدك راشد : أي وعد ميره : ما شاء الله ... لحقت تنسى..وين اللي بيخطف على الشيشه .. راشد : انزين خلينا نخطف على شيشه .. بعدها جدام هب هنيه .. وفي البيت .. بيت قوم حمد بن سهيل .. البيت انجلب من لفرحه للحزن في لمح البصر .. وهذا بعد ما سمعوا بخبر الحادث اللي مسونه خالد ووياه سالم .. كانوا يايين عندهم بيسلمون وعلى اللفه ظهرت لهم سياره كانت مسرعه وما انتبهت لهم لان اللفه مانت عدال بيت .. ويوم لفت كانوا قوم خالد ويسالم على الخط .. ومن العيله اللي في الريال اللي في السياره الثانيه لف في المكان الغلط ودش رونق سيد ..وصفقت السياره فيهم .. سياره الريال انجلبت عدال الشارع .. طعا بعد عده جلبات لانه كان وايد مسرع .. أما خالد وسالم فدعمت سيارتهم في عمووووود الليت اللي عالشارع.. يت الاسعاف وشلتهم .. الريال الله واعلم بحاله .. شكله ما بيعيش .. بس الله القادر على أي شيء .. وسالم الحمد لله ما تظرر وايد .. كسر في ايده وجرخ في يبهه وعده كدمات .. وخالد .. آه يا خالد .. العمود كان صوبه .. فهوه اللي تظرر أكثر عن سالم .. فعسب جيه اضطروا يحطونه في العنايه المركزه هوه والريال .. حصه أول ما درت تمت تباغم وتصيح .. وتقول ودوني صوبه... شلها حمد وشل امه بعد وساروا المستشفى بسرعه .. وهناك حصلوا ام خالد واخوه العود بعد .. حصه أول ما شافت ام خالد تمت لاويه عليها وتصيح .. وحتىام خالد .. راشد أول ما درا بسرعه خطف ميره البيت ودايركت على المستشفى .. وصل .. حصل الكل جدام الغرفه .. راشد : هااااه .. طمنوني .. عسى ما عليه شر .. وشوي أن النيرس تطلع من الغرفه .. النيرس : الاخ راشد راشد : نعم النيرس : المريض عاوز يشوفك .. راشد : ان شاء الله .. دش راشد .. شاف خالد .. وتمنى انه ما شافه .. آآآخ يا خالد الموت أهون لك من هالعذاب .. كان صدق حال خالد لا يسر لا صديج ولا ونيس .. ويهه متسحت والدم متيمع في ويهه وشكله من الخاطر يعور القلب راشد : خطااااااااك الشر يا خالد .. هز خالد راسه .. حاول خالد يتكلم بس ما قدر .. كان يتأتأ بكلمات هب مفهومه .. راشد : خير يا راشد .. شيء فخاطرك تبا تقوله .. خالد : ح .....حـ .......صه راشد : بلاها .. خالد : ........... راشد : ارتاح الشيخ .. هب زينه الرمسه الوايده عليك خالد : حـ ـــ ......ـصـ ــ ـه .. خلــ ...ـها في عيونك راشد : شو هالرمسه يا خالد .. بتقوم بالسلامه ان شاء الله وانته اللي بتخليها في عيونك .. خالد : را .. شـ....د.. راشد : نعم خالد : حصــ..ـه تحبك يا راشد هنيه انصعق راشد ..... راشد : .............. خالد : ابغيك تاخذها عقب ما أموووت راشد : ( الدمعه في عيونه ) بعيد هالطاري عنك .. ما عليك شر الغالي.. ان الله رايد بتطلع بالسلامه وانته اللي بتاخذها .. خالد : ( رمسه متقطعه ) لا .. اليوم يومي .. أبغيك تداري عليها .. حصه تستاهل يا راشد راشد : ............. خالد : ازقرها ... راشد : ان شاء الله .. خالد : وأبـ ـ ـغيـ ـ ك ويـ ـاهـ ـــاا .. راشد : من عيوني ... ويطلع راشد ويقول لحصه أن خالد يبغيها .. دشت حصه .. حست شعر ينبها وقف.. عيونها امتزرت دمووووووع .. خالديحرك ايده شرات الواحد اللي يزقر حد .. تتجرب حصه منه .. وبعيد راشد واقف .. ويأشر خالد لراشد .. تجرب راشد .. يود خالد ايد حصه .. وبالايد الثانيه ايد راشد ... خالد : وعـ ــ.....ـ ـدوني راشد : بشووو ؟؟ خالد : ( رمسه متقطعه وتطلع بصعوبه ) أنك تاخذ حصه من بعد عيني.. وانتي يا حصه .. تاخذين راشد .. حصه ما رامت تتحمل الرمسه .. حست انها بتموووت ويا خالد .. ما رامت تتحمل فكره أن خالد يرحل عن هالدنيا .. خالد هنيه تم يتنافض .. وشوي أن النيرس تدخل بسرعه .. النيرس : من فضلكم اطلعوابرع .. بسرعه .. ويدخلن نيرسات ثنتين بعد .. وحده تحطله اكسجين ووحده ما أعرف شو تخربط .. ويطلعون حصه و راشد برع .. ثلاث دقايق .. تطلع النيرس .. النيرس : البقيه في حياتكم .. مات خالد وترك العالم يصيحه .. حصه ماتحملت الوضع واغمى عليها .. وام غايه انهارت ... راشد ما تحمل الوضع .. صاح على خالد .. صح انه شايل في قلبه عليه .. بس خالد انسان ما يتعوض.. طيبه قلبه مغطيه على الجميع .. .. مرن خمس شهور .. رفيعه وحمد بعدهم متزاعلين .. مهره وافقت على حارب .. حارب سافر .. مهره وميره دشن الكليه وحصه دشت الجامعه.. فاطمه اعتدلت عقب الطراق 180 درجه ... دشت الشريعه وكملت دراستها ..راشد خطب حصه وملج عليها بعد ..والعرس عقب شهرين .. كانت نفسية حصه عقب ما توفىخالد كلمه زفت شويه عليهااااااا .. فقدت ابوها ... اخوهاااا ... ريلهاااا ...كان الأمر وايد صعب عليهاا .. وعلى الكل بعد ... بس الحمد لله الحين أحسن .. صح أن طيوف الغالين كانن دايمن يزورنها .. فما كانت تمنع نفسها من الصياح ... اليوم الاربعاء ... باجر ملجه مانع وميره .. هل العين ساروا دبي عسب يباتون عندهم .. وبالغلط كانت رفيعه يايه البيت عندهم.. وحمد كان وفي نفس الوقت نازل من سيارته وبيدخل البيت .. حمد : السلام عليج رفيعه : وعليكم السلام والرحمه ... حمد : شحالج الشيخه ؟؟ رفيعه : بخير الحمد لله .. حس حمد من لهجه رفيعه أنها متغيره عليه .. استوت تكلمه شرات قبل .. يعني هب زعلانه .. استانس حمد . حمد : (( وينزل لمستوى رويض ))هلا رويض وينج انتي ؟؟.. روضه : داخل بيت حمد : ههههههههه أدريبج داخل البيت .. رفيعه : ( ودها تظحك ) أترخص عنك .. بسير داخل .. حمد : الله يحفظج سارت رفيعه داخل وتاريا حمد شوي عقب سار الميلس .. وتم يسولف ويا الشباب ... وشوي أن منصور يدش وشاق الحلج ووياه راشد .. حمد : ههههههه بلاك ؟؟ راشد : الاخ نجح في الترااااااااي .. صفقوله .. وتموا يتظاحكوون .. منصور : حمد الحين ماا عندك حجه .. الليسن وخذته حمد : ان شاء الله ولك مني السياره بعد .. وشو تبغي أكثر من جيه .. منصور : واللللله .. أشكر فنك انا .. هالاخو ولا بلاااااش مانع : الحايه بنت حرااااااااام .. والكل تم يظحك ويسولف.. مرن شهرين ونص .. حصه وراشد عرسوا .. سافروا اسبوعين وردوا .. حمد تشجع وسار وخطب رفيعه .. وتفاجأ بعد كم يوم بالموافقه ... استااااااااااااااااااانس .. وتأكد انها هب حاطه في خاطرها منه.. وعقب اسبوعين ملج عليها .. والعرس عقب شهرين .. وعقب الملجه بثلاث أسابيع .. سوا حمد تلفون لرفيعه وتم يسولف وياها ... حمد : ايه .. ما قلتيلي شو استوا .. كيف اقتنعتي أن رمستي صدق رفيعه : في حد يكلم حرمته ويقولها ايه .. حمد : اووه سوري .. يالله كملي رفيعه : اونك راضيتني الحين حمد : يالله عاد ارمسي رفيعه : مها سوتلي تلفون وقالتلي السالفه حمد : ( منصدم ) ....... رفيعه : بلاك حمد : لا لا ماشيء .. بس ما توقعت انها بتقولج رفيعه : ليش؟؟ حمد : خلاص خلاص .. ما شيء رفيعه :زين حمد : وشحالها هيه بعد .. ؟؟ رفيعه : نعم .. خير ان شاء الله .. شو تبابه حالها.. حمد : لا لا ما أبغيه خلاص هونت ...هههههههه رفيعه : عبالي بعد .. حمد : ........ رفيعه : حمد حمد : عيونه .. رفيعه : تسلم .. بس ياليت ما تتصل مره ثانيه حمد : أفاااا ليش.؟؟ شو سويت بعد رفيعه : ههههههه ما شيء .. حمد : عيل.. رفيعه : ما أبغيك ترمسني ليش العرس؟؟ حمد : ليش انزين ؟؟ رفيعه : بس جيه .. حمد : عكيفج هوه .. برمسج يعني برمسج .. واذا ما رديتي عليه كل يوم بطب بيتكم .. رفيعه : اووه صح .. ولا تفكر تشوفني بعد .. حمد : ههههه حلوه النكته .. رفيعه : لا والله صدق .. لا ترمسني ولا تشوفني لين العرس حمد : انزين ليش؟؟ رفيعه : انته سو هالشيء وبعدين بقولك ليش ... حمد : اممم ما أقدر رفيعه : عشان خاطري.. حمد : نووو ويي رفيعه : دخيلك ... حمد : اممممم .. اوجيه بس بشرط .. رفيعه : شو ؟؟ حمد :أبغيج تقوليلي فديتك رفيعه : مصختها عاااااااااد .. يالله مع السلامه .. حمد : ايه ايه صبري.. رفيعه : رد يقولي ايه .. حمد : المهم .. اوكيه.. ما برمسج ولا بسوفج .. بس بشرط رفيعه :شوووووو ؟؟ حمد : مسجااااات .. رفيعه : اممممممم هذا مسمووح.. حمد : خلاص عيل اتفقنا .. رفيعه : اوكيه .. يالله عيل بخليك حمد : مع السلامه .. مرن شهر و اسبوع .. واليوم العرس.. عرس ولا اروع .. البنات كل وحده أحلىمن الثانيه ما شاء الله عليهن .. ورفيعه ماشاء الله لا الاه الله عليها كلمه قمر شويه عليها .. ماشاءالله عليها جميله بمعنى الكلمه .. .. والشباب حالتهم حاله.. يواله وربشه .. وحتى الحريم .. البناات ينعشن .. والحين بيدش حمد .. دش حمد مع حارب وخليفه وبو خليفه .. ما سلم حمد على العروس لين ما يبس وتم ايووول لها .. عااااد رفيعه تخبلت .. وتم هاليوم على خير ... وفي الفندق .. رفيعه يالسه .. وحمد عدالها .. حمد : عرفت ليش ما تبغيني اشوفج .. كنت تخافين عليه أتروّ ع ( أخاف ) ولا أتعقد نفسيا من شكلج ... بسم الله .. كيف روضه متحملتنج طول هالفتره .. وهنيه تشوفه رفيعه بنص عين .. حمد : أتمصخر وياااااج انزين .. .... اتصدقين اني متوله عليج وااااااايد .. رفيعه : هههههههه وهذا المقصوووووود حمد : رفيعه .. رفيعه :نعم .. حمد : طحت طيحه فــ.... ( وقبل لايكمل حطت رفيعه ايدها على ثمه ( رفيعه : في هواك...... النهــــاية |
| الساعة الآن : 10:59 PM |
Powered by vBulletin
Copyright ©2000 - 2013, Jelsoft Enterprises Ltd.