عليك قلبي من حـرقة الشوق خفاق... الكاتبه :عيونك دنــياي

في المزرعه................
الكل على الظهر جالس يرتب باغراضه ..اصايل بعد مارتبت اغراضها..دقت على تركي يجيب شنطته وجلسة ترتبها له..
وبعد ماصلوا العصر قرروا يرجعون والترتيب مختلف..
حنان ونواف ومعهم الجده...وابو فيصل وام فيصل..وراكان ودلال وامه..وفيصل والبندري وخلود..واصايل وتركي....وسعود وامه..
في سيارة تركي..
تركي/اصايل وين بتقعدين بأي بيت.؟.
اصايل/ حلوه ذي بأي بيت ببيتنا.خلاص ابوي بيجي بكره بالليل الساعه 12 او وحده مادري بس المهم انه بالليل..
تركي/ اها..
اصايل/انا بكره بروح السوق..
تركي/ بتروحين تجهزين..
اصايل/ ايه..
تركي/ بروح معك....
اصايل/ لا والله اقعد بس..
تركي مثل البزران/ بروح..
اصايل/ لا مره ثانيه مو هالمره..
تركي/ خلاص اجل اسمعي انتي بكره متى بتروحين..
اصايل/ بصلي العصر واروح..وبرجع بعد ماصلي المغرب بالسوق..
تركي/ اجل خلاص بعد ماترجعين من السوق شرايك نروح لاحد هالمخططات نجلس نتقهوى ونصلي العشاء ..وبعدها نرجع للبيت اسهر معك ويعنني انتظر عمي..
اصايل/ ههههه ..
تركي/ في هديه مجهزها لك وانتي بالسوق بوديها لبيتك وبعدها بروح لي مشوار .انتي تعالي مع السواق وانا بقابلك في الطريق اخليه يرجع واخذك بسيارتي..نروح للمخطاطات ولارجعنا للبيت شوفي الهديه واعطيني رايك فيها...
اصايل/ اوكي..
تركي دق عليه فيصل وقاله اذا قدها سابقني وحددله محطه تكون نهاية سباقهم طبعا تركس سبقه لان تركي يحب يسوق السياره بجنون.. المهم وصل اصايل لبيتها جلس معها شوي وراح لبيته..
************************************************** *****
الخميس العصر..
بتطلع من المستشفى وبترجع بعد العشاء..بس الحين لازم تروح لام حمد تبي تكسرلها غرورها..
راحت ولقت ساره وحمد عندها..
ايمان بعد ماسلمت../ اسمحولي اقولكم ان الزياره بتصير ممنوعه هالفتره..
حمد/ ليش؟..
ايمان/احنا بنبدا العلاج من اليوم بالليل..والعلاج يحتاج هدوء وراحه ومايحتاج لاي انفعال او مجهود فمانبي احد يزورها لمدة اربع ايام من اليوم..
ام حمد/ مالي شغل ولدي بيجيني..
ايمان عصبت بس مسكت اعصابها/ بس هذا نظام وغصب تنفذونه..
ام حمد/ لا انا ابي دكتورتي ..او المسؤله هنا او حتى ان شاء الله لو المدير ابي اطلع من هالمستشفى..
ايمان/ انا هنا المسؤله..والمشرفه على حالتك..والمدير مايقدر يقولي لا.لاني انا اعلم بحالتك منه..وبين تغيرين المستشفى غيريها بس لعلمك احنا من احسن المستشفيات في علاج الاورام واذا مو هامتك صحتك روحي لاي مستشفى يجاملونك بس بالنهايه تخسرين روحك..انا قلت كلامي واليوم اذاجات الساعه 10 بتكون اخر موعد للزياره ..عن اذنكم وطلعت..
ساره بداخلها والله ولقيتي ياخالتي من يشيلك وينزل خشمك المرفوع..
اما حمد فتلخبط حزنه على امه وابتسامته على الي صار من عناد امه للدكتوره الله يستر لو درت انها اخت جود شبتسوي هي كذا واحسها تكرهها اجل وشلون بعدين..اه ياجود كيف تبيني انساك ..الله يجمعني فيك قريب..اه بس لو تدرين عن حبي لك ..بس يالله ماقول الا الله يهدي امي..
************************************************** *******
طلع تركي العصر وراح لبيت اصايل فتحتله الخدامه واعطاها الكيس وقالها تحطه على سرير اصايل وبعد ماطلع دق على اصايل الي بالسوق..
تركي/ هلا حبيبتي شخبارك..
اصايل/ الحمدالله انت شخبارك؟..
تركي/ بخير ..انتي الحين وين.؟.
اصايل/ انا بمشغل بعريجا(( هذي حي من احياء الرياض بس بعيد مرررره بالنسبه لحي اصايل والباقين يعني هو بطرف الرياض زي مايقولون))..
تركي/ ول ليش رايحه هناك..
اصايل/ في وحده هناك دوم تفصل لي انا ونوره فرحت وقلتلها تفصلي كم شغله..
تركي/ متى راجعه..
اصايل/ بعد شوي خلاص خلصت رحت السوق وشريتلي كم قطعه بس ماعجبني شيء كثير فرحت للمشغل..وهذ انا بطلع الحين..انت وينك الحين..
تركي/ قريب منك عندي مشوار وبرجع مو بعريجا قريب من عريجا..
اصايل/يمكن باقي نص ساعه وياذن المغرب الوقت قصر..
تركي/ مره قصر..يله ارجعي بسرعه بتصلين بالمخططات لو انك رايحه مع واحد غير جاو كان هزئتك بس ماقدر اقول شيء هذا جاو احسن هندي قابلته..
اصايل/ ههههههههههه
تركي/ المهم تراني حطيتلك الهديه فوق سريرك ولارجعنا بالليل شوفيها..اوكي..
اصايل/ اوكي..
تركي/ ماودي اصكر بس لازم بنزل الين لمحل.. واذا طلعت بدق عشان اقول لجاو وين يروح..واذا مادقيت قوليله مخطط تركي وهو يعرفه واسمعي ياحبيبتي مشتاقلك وبشتاقلك..
اصايل/ حتى انا بش شالطاري لهالكلام..
تركي/ ولاشيء بس احس اني ابي اقولك هالكلام احبك..
اصايل/ وانا اكثر..احبك..
تركي/ ياربي لاتحرمني منها اموت فيك يالاصيل..
اصايل اسحت/ ويه تركي خلاص بسك عاد..
تركي/ ههههههههههههههههههه طيب خلاص يله تامرين شيء..
اصايل/ سلامتك ياعمري..
تركي/ انتبهي لنفسك زين ياقلبي..خلاص..
اصايل.مستغربه ليش هالكلام خافت شوي عليه/ خلاص بس انتبه لعمرك واذا طلعت من المحل دق علي يله باي..
تركي/ باي..ياقلبي..
نزل للمحل الي كان يبي منه اغراض وشرا شويه وطلع ركب سيارته كان يشوف ان في سياره تلاحقه بس ماهتم لها بس الحين يحس ان السياره قريبه منه بعد شوي لكن السياره وراه استغرب تركي هذي السياره مو سيارة فيصل ولاسيارة احد من الشباب..محتار سيارة مين ..قط تفكيره اتصال فيصل..
تركي/ هلافيصل..
فيصل/ تروك وينك انا ببيتكم وقالولي طلع من بعد العصر..
تركي/ اصغر عيالك تقولي تروك..
فيصل/ حشاك..بس وينك يارجال..
تركي/ والله ياخوي..انا الحين بعريجا..
فيصل/ شموديك هناك..
تركي/ كان عندي مشوار وقضيته وبرجع بروح للمخططات هذيك الي كنا فيها قبل شهرالي شوينا فيها وحرقنا الاكل..
فيصل/ اها شالي مذكرك فيها..وليش بتروحلها..
تركي/ بروحلها مع اختك..
فيصل/ هي معك..
تركي/ لا هي بالسوق وبنتقابل بالطريق ..وانا مجهز قهوه وشاهي قايل لميلينيا تصلحها..
فيصل/ بقط معكم..
تركي/ حياك..
فيصل/لا ياشيخ مو الحين بجي بس يعني انت مو مصلي المغرب عندنا..
تركي/ لا ماظن..
فيصل/ ههه مو ماتظن الا مستحيل هذا المغر باقيله شوي وياذن.. المهم يارجال لاجيت دق علي ابيك خلاص..
تركي/ خلاص اسمع فيصل اختك بترجع من السوق ومادري عاد بس دق عليها وانتبهلها..
فيصل/ جمل غير مفيده تخربط باللكلام ..ويله بس لاتخصرني..
تركي/ هه سلملي على اختي ام نواف وام راكان وانتبه لاصايل يله مع السلامه..
التفت على الي وراه ولقاه الى الان يلاحقه تركي عصب هدى من سرعته وقربت السياره منه لفت عليه حاول تركي انه يلف ولف عنه ..عصب زود من هذا الي يلاحقه بعد عن الخط شوي ودخل جوا وجا بيلف الا السياره الي وراه لافه عليه صدمت بالكفر ماعرف شيسوي السياره جلست تلف في ولفت بقوه ضرب راسه بالطاره وهذا اخر خبره بالي حوله ..
اما ناصر لفت فيه سيارته بس قدر يظبطها وهرب يوم شاف سيارة تركي طايحه على الارض وهو طايح منها.. خايف ماكان يبي الي صار يصير..
هدى المكان ثواني بس وقطع هالهدوء صوت اذان المغرب وظلمت الدنيا...
************************************************** *******
الفصل الثاني.........................
اصايل قلبها بدى يدق بقوه خايفه وماتدري ليش..تركي للحين مادق يقولها وين بيلاقيها ..
اصايل/ جاو يله اسرع شوي ..ارجع لطريق البيت..
جاو/ طيب مدام.بس انا اعرف مخطط بابا تركي..
اصايل/ لا على البيت ياجاو..زعلانه انه مادق وخايفه كلام كثير قاله لها فكرت بكل كلمه قالها اياها يوم كلمها تركي فيه شي لا ياصايل لاتتوهمين مافيه الا العافيه بس الحين الناس تصلي المغرب واكيد هو باحد هالمساجد يصلي مايقدر يدق..
قطع تفكيرها صوت جاو/ مدام في سياره هنا بعيد في حادث عادي اشوف رجال فيه شيء..
اصايل / فيه سيارات عنده بس انزل شوف شفيه بس لاتطول ..وقف السياره وراح هو شاك بصاحب السياره بس مو متاكد..
رن جوال اصايل وكانت البندري..
اصايل/ هلا..
البندري/ وينك..
اصايل/ راجعه في الطريق بس في حادث وجاو راح يشوف الظاهر السياره منقلبه..وهو بيروح يشوف الرجال فيه شيء.جايتكم انا..
البندري/ شريتي شيء..
اصايل/ ايه بوريك لاجيت بس البندري...تركي.وين.؟.
في هاللحظه جاو جاء يركض للسياره وينادي على اصايل..
اصايل/ شفيك؟؟
جاو/ بابا تركي سوى حادث في سياره..
اصايل رمت الجوال والبندري سمعت الي صاير وخافت ماتدري شصار صكرت المكالمه وردت دقت بس محد يرد..
اما اصايل نزلت من السياره تركض وتحس ان نبضات قلبها كل الي موجودين حولها سمعوها من قوتها..شافت رجال طايح من بعيد والسيارات كثيره حوله سمعت واحد يقول دقينا على الاسعاف والحين يجي والثاني يقول مسكين الضربه قويه والثالث ماسك جواله ويصور.. مشت ببطء لا ماتبيه يكون هو لا لا لا الا هالشيء مو تركي تركي اكيد يصلي او أي شيء بس مو هو الي طايح..مشت شوي وقربت منه وكان عكس الي تبيه..شافته طايح بالارض وغارق بدمه..
قربت منه بهدوء / تركي تركي..صرخت..وجلست في الارض..هزته وهي تبكي..
اصايل/ تركي ..تركي.لاياربي تركي رد علي انا اصايل تركي انا زوجتك رد علي ياتركي..
فتح عيونه..وشافها ورد غمض عيونه ..ورجع فتحها وبصوت واطي نادى باسمها..
اصايل/ تركي شفيك..شصاير ياتركي..
تركي/ اصايل سامحيني ياصايل سامحيني..
اصايل/ مسامحتك ياتركي مسامحتك وربي مسامحتك بس قوم مي قوم خلنا نروح للبيت واشوف هديتك..
تركي بضعف/ ماقدر ياصايل..
اصايل حطت يدها على راسه من ورىوحست بالدم .ينزل.تبي توقف هالدم..
اصايل/ تركي انتظرني استحمل الحين بجي والا اقولك..فصخت برقعها وتغطت بالطرحه وخذت البرقع حطته تحت راسه يسد الجرح..عشان تحاول توقف النزيف..
تركي/ اصايل.. انا احبك صدقيني احبك..ومابي اخليك بس مو بيدي الموت ياصايل الموت قرب..
اصايل وهي تصارخ/ لا ياتركي لاتقول كذا الاسعاف الحين بيجي وبتروح المستشفى ويعالجونك وتقوم وعلى طول بنتزوج مابي عرس ولاشيء بس ابيك انت ابي البيت الي جهزته بذوقك لحياتنا الجايه ابيك ياتركي..
تركي/ اصايل..انتبهي لنفسك ياصايل..وغمض عيونه..
اصايل صرخت/ تركي...قربت منه وسمعته يتنفس..
لفت على الرجال ورى ..وهي تصيح وبضعف..تكلمت/ احد يساعده لاتخلونه يموت..
قرب رجال منها/ اختي لك احد اتصل فيه ويجي..
اصايل/ اخوي فيصل..
الرجال / كم رقمه..
اعطته الرقم واعطاها الجوال تكلم ..
فيصل كان بيجي لهم والي زودهالشيء اتصال البندري وكلامها الغريب..شاف رقم غريب ورد على طول..فيصل/ الو..
اصايل وهي تبكي/ فيصل ياخوي الحقني..
فيصل/ شفيك ياصايل ..
اصايل تشهق/ تركي ياخوي تركي بين ايديني وبيموت ياخوي الحقني..
فيصل/ وينك انتي..
اصايل/ مادري بس تعالني..اعطت الجوال للرجال..
الرجال/ الو.السلام عليكم..
فيصل/وعليكم السلام من معي؟.
الرجال/ معك عبد الرحمن..
فيصل/ وينكم الحين؟.
وصف عبد الرحمن لفيصل المكان ومن حسن الحظ كان قريب..
اصايل لفت على تركي قربته من حظنها وفتح عيونه..
اصايل/ تركي الحين فيص بيجي لا تموت وتخليني بهالدنيا بروحي واللي يسلمك..
تركي دمعته نزلت/مو بيدي ياصايل مو بيدي..
اصايل جلست تبكي مو قادره تتحمل هالشيء..
تركي ماستحمل دموعها وماستحمل ضعفه فجلس يبكي..
اصايل/ تركي انا احبك لاتروح ياتركي..
تركي/ الي الله كاتبه بيصير يااصايل المهم انتبهي لنفسك انتي..
جاء فيصل بهاللحظه وشافته اصايل ولفت على تركي..
اصايل/ تركي فيصل جاء والاسعاف الحين بتجي حاول تمسك نفسك..تركي من شدة الالم غمض عيونه..
فيصل جاء يركض..
اصايل/ فيصل فيصل الحقني لاتخليه يموت يافيصل..
فيصل بعصبيه/ اصايل استهدي بالله..نزل عند تركي ومسكه وقربه منه..
فتح عيونه تركي ويوم شاف فيصل وشاف دموعه..
تركي/ لايافيصل خلك رجال ولاتبكي مابي هالدموع تنزل ..
فيصل وهو يبكي زود/ تنداس الرجوله دامها بتمنعني من البكا عليك..
تركي/ فيصل ماوصيك على اختي ام نواف وعلى البندري..وعلى الكل..
فيصل/ لاتقول كذا ياخوي..
تركي/ادري اني بموت وابي اوصيك على اصايل..حطها بعيونك يافيصل..لااحد يزعلها ولااحد يضايقها خلوها براحتها وسولها الي تبيه هذا اذا تغلوني..انتبهلها وانتبه لنفسك..اصايل خليني بحظنك..
اصايل خذته وحطته بحظنها..سحب طرحتها بيده يبي يشوفها لانها يمكن تكون المره الاخيره..مسح بيده على وجهها ونزل ايده..
اصايل/ تركي ..تركي لاتنام بيجون الاسعاف هذا هي تسمع صوتها شوفها ورفعته شوي..تشوفها..
تركي ابتيم لها/ احبك ياصايل ومابي فرقاك بس مو بيدي وغمض عيونه..
اصايل بلمت نزلوا من الاسعاف وخذوه من حظنها وهي مو قادره تتكلم او حتى تستوعب الي جالس يصير..دخلوه الاسعاف..
فيصل/ جاو ودي اصايل بيتي انا..
جاو/ حاظر بابا..
اصايل مازالت بالارض..وفيصل راح معهم بالاسعاف ومشى الاسعاف قامت من الارض وغطت وجهها بطرحتهاوخذت برقعها الي فيه دم تركي وقبل ماتروح شافت جواله بالارض اخذته وراحت ركض للسياره..
اصايل/ جاو روح بسرعه ورى الاسعاف..
جاو ماقدر يتكلم ولحق وراهم..
وهي تبكي دقت على نوره الي كانت مسويه مفاجاه لاصايل وبتجي للرياض من دون ماتقولها وهي الحين بالطريق..
نوره/ هلا اصايل..
اصايل/ نوره الحقيني نوره تركي بيموت يانوره..
نوره/ شفيك شتقولين انتي...
اصايل/ تركي سوى حادث وبيموت الحين هو بالاسعاف مع فيصل وانا بلحقه تعالي يانوره لاتخليني وصكرت..
نوره/ لاحول ولاقوة الا بالله انا لله وانا اليه راجعون..
خالد / شفيك..
نوره/ تركي سوى حادث وودوه للمستشفى كم باقيلنا على الرياض..
خالد/ اقل من ساعه..
************************************************
في الاسعاف..فتح تركي عيونه وشاف فيصل كان يبي يقول شيء بس ماقدر وغمض عيونه من التعب..
******************************************
في المستشفى..
ايمان تكلم دكاتره وممرضين../ سيارة الاسعاف دقت والحاله خطيره دكتور ياسر بيتولها..بس الحين روحي يافاطمه جهزي غرفة العمليات وانتي يا ايار روحي جيبي دم من فصيلة او موجب....الحاله بتوصل الحين نزيف حاد بسبب ضربه قويه بالراس..كسور مختلفه باماكن كثيره نبي شغل سريع وبتركيز..انا بساعد دكتور ياسر لان دكتور خالد عنده حاله.ودكتور ابراهيم مشغول نفس الشيء..حاولي ياسميره تدقين على دكتور جلال يجي ضروري..يله هذا الجرس الحاله وصلت بسرعه ومثل ماقلت..
ايمان شافت فيصل بس مافي وقت تسال اسئله كثيره..
فيصل/ لو سمحتي يادكتوره ..
ايمان/ هلا فيصل انا ايمان..
فيصل/ زين اختي ايمان اصايل جايه هنا وحالته مره ماقدر اوصفها بليز هديها..
ايمان تكلم امل/ امل خذيها معك اذا جات لمكتبي..
دخلت اصايل تصيح وبسرعه كلمتها ايمان/ اصايل ان شاء الله بيقوم بالسلامه انتي ادعيله وروحي مع امل..ودخلت غرفة العمليات..
امل خذت اصايل وراحو لمكتب ايمان واصايل جلست تدعي ربها..
************************************************** ***
الفصل الثالث....................................
فيصل دق على نواف الي كان مع البندري وكانت البندري بتقوله يدق على فيصل او تركي او أي احد يطمن لانها دقت ومافي احد يرد..
نواف / هلا فيصل..
فيصل وهو يبكي/ نواف تعال للمستشفى..
نواف فز قلبه/ ليش في شيء..
فيصل/ نواف تركي سوى حادث وحالته خطيره والامل ضعيف في حياته..قول للي بالبيت يجون هنا وخواته لازم يجون انا بمستشفى(,,,,,,) الفرع الجديد..
نواف/ يله طيب مع السلامه..
البندري/ شفيك..
نواف/ تعالي معي ونزل تحت كانت ام راكان جايه في بيت ام نواف..
نواف/ يمه..سكتوا الحريم..
ام نواف/ شتبي يمه..
نواف وهو مايدري كيف يقولهم/ يمه تركي سوى حادث بالسياره وهو بالمستشفى وبروحله الحين تعالي يله انتي وخالتي ..
ام نواف/ ياويل قلبي على ولدي..
ام راكان/ ياحسرتي عليك ياتركي..
اختبص الكل ولبست ام راكان وام نواف عباياتهم والبندري وحنان نفس الشيء وراحوا للمستشفى.. وراكان راح وخلى مرته..
سعود كان عمه طالبه ومن درى علم عمه وراحوا هو وعمه وام فيصل..
************************************************** ****
طلعت ايمان تصيح مو قادره تمسك نفسها وكان وراها الدكتور ياسر.
فيصل/ شفيه..
الدكتور/ البقا براسك الرجال اعطاك عمره..
فيصل/ مستحيل..
الدكتور/ الاصابه بالراس وهو نزف كثير ماقدرنا نعوضه بالدم لان قلبه توقف.وماقدرنا نرجعه يدق..
فيصل جلس يصيح مثل الاطفال هذا صديقه وحبيبه واخوه كيف يموت وهو اليوم قبل ساعتين او اقل كان مكلمه..مو مصدق الي صار كيف يقول لاخته..
************************************************** **
وصلت نوره الرياض وحطت عيالها عند الخدامه وبسرعه راحت للمستشفى.
***********************************
(( كل هالاحداث صارت بربع ساعه))
وصلوا المستشفىء وشافوا فيصل جالس على الارض وعيونه حمر..وثوبه ملطخ بالدم..
ام نواف حطت ايدها على قلبها وجلست عرفت ان ولدها واخوها وقلبها تركي خلاص راح..
البندري نزلت عند فيصل../ فيصل..فيصل رد علي تركي وينه؟..
فيصل/ خلاص تركي راح..خلاص الغالي راح..
ام راكان جلست على الكرسي تحس بدوخه.وراكان حط راسه على الجدار.وسعود جلس يبكي..ابو فيصل صد عنهم يحاول يخفي دموعه..ومرته ماتدري شتسوي..
حنان جلست تصيح وتشهق وتنادي باسمه ..اما نواف فلا تعليق الا الان مو مصدق..
دخلت نوره وزوجها وشافتهم يصيحون عرفت ان تركي فيه شيء ماقدرت تسال تخاف من الصدمه الي بتجي من هالسؤال..عرفت تركي مات..
نوره/ وين اختي.. و و .وقلتلولها..
حنان وهي تصيح / ومن يقدر يقولها..
نوره حبست دموعها/ ادخلوا سلموا عليه لان اصايل بتجيله بعد شوي لازم تشوفه..
قاموا حنان وام نواف وام راكان وشافوه من الباب نايم بهدوء عجيب محد قدر يروحله عند السرير طلعوا وبقت حنان جاها نواف وضمها وجلست تصيح وتشهق..
نوره/ انا بروح لاصايل ايمان وديني لها..قاموا البندري وحنان وراها..دخلوا للغرفه ولقوها ساجده على الارض وتدعي بصوت هادي جلسو يصيحون رفعت من سجدتها وسلمت وشافتهم يبكون..
اصايل قامت بتوتر/ نوره شجابك؟؟
نوره ضمت اصايل وجلست تصيح..
اصايل بذهول صدمه ماتبي تصدقها / شفيكم تبكون شصاير؟.
نوره وبشجاعه وبخوف من صدمة الي بتقوله/ اصايل...............................تركي عطاك عمره.........
اصايل بلمت قلبها يدق ترجف مو قادره تتكلم..صاحوا زياده يوم شافوا دموعها تنزل بس بصمت..
حاولت تستجمع شيء من الي داخلها وتكلمت/ ودوني له..غطت بطرحتها على وجهها..مشت ايمان ومشت وراها اصايل بخطوات تررجف وتشهق ودموعها تسيل..مرت من عندهم ولما شافها فيصل وقف ..الكل استغرب من هدؤها بس لما قربت منهم حسوا بالالم الي في قلبها سمعوا شهقاتها..ودقات قلبها..
دخلت الغرفه ..وشالت طرحتها.. ناظرت ايدينها معها جوال تركي والبرقع الي فيه دمه.. مشت قربت من السرير..وشافته هادي ووجهه اصفر ومجرى دموعه ناشف..
جلست على السرير..كانت البندري واقفه عند الباب هي وفيصل..
اما اصايل فبعد ماتعبت من انها تناظر بتركي صرخت يمكن لانها تاكدت من الخبر/ تركي..تركي..تركي..
تركي رد علي لاتخليني بروحي..رد علي ..هزته مايتحرك ..تركي انا اصايل انا الي تحبها وين وعدك لي ليش خنته ليش رحت عني ليش..
حطت راسها على صدره الشبه بارد مو مصدقه هالي تشوفه هو تركي..هو الي كانت تتهاوش معه هو تركي الي حبته هو تركي الي سهرت معه امس وقبله ..مو مصدقه صرخت صرخه ظنت ان الي في المستشفى كلهم سمعوها..والي برى زاد بكاهم..
اصايل/ ليش..وتبكي بصوت عالي..تركي انا احبك.. وابيك تركي انا شريتلك هديه اليوم عشان عيد ميلادك بكره قوم شوفها ..قوم معي ياتركي..انت مامت صح انت نايم بس..تبي تطول..قولي ايه ياتركي..
تركي هذي يدي امسكها يله عشاني تكفي طلبتك ..ماتحرك فيه شيء..
اصايل/ مستحيل ارضى انك مت شلون اقنع عقلي..او اقنع قلبي من يقنعهم ياتركي..قوم وجلست تصيح..ابوس ايدينك رجولك وكلك بس قوم قوم امسك ايدي بس تكفى ياتركي ..جلست تسلم على يده وعلى وجهه وراسه ورجوله ويوم حست بالياس حطت راسها على صدر تركي ومسكت ايده..وجلست تصيح وتنادي باسمه..وفجاه..
.................................................. ....
.................................................
...........................................
.................................................. ..................
..........................
......................
حست بان ايدها تنشد..ماصدقت نفسها هي تتوهم لانها تبي هالشيء..هي مو مجنونه هو مات..بس جاتها الاجابه سريعه..ورن الجهاز...من الخوف والصدمه رددت كلمات وغمضت عيونها وماعادت تدري بشيء..راحت لعالم ثاني عالم تلقى تركي فيه..
..شالصوت الي سمعته اصايل؟؟.
لاي عالم راحت اصايل؟...
من الي بيموت ومين الي بيتعالج؟...
لحظات لاتصدق ولكنها حدثت..؟..
دوام الحال من المحال..وانا اضيف مو شرط يكون الحال موجود لفتره طويله عشان ينغير؟..
مافهمتوا شيء بس البارت الجاي بتكون فيه الاجابات على هالسئله؟....
ضروريه بزياده مو مثل البارت الي قبله ..ابي توقعاتكم..
مابقى اكثر من الي راح بالكثير ثلاث فصول وتختم الروايه..
************************************************** ************************************************** ************
*&$#^الجزء الثالث عشر^#$&*
**عندما يعود الامل بعد انقطاعه ..شعور غريب يقع في قلوبنا مع اول وقعة للامل..نحس او نتاكد ان الله رحيم بنا ..ماجمل ذاك الشعور..ولكن هل يستمر؟.ام يزيد ..؟ ام ينزل هذا الشعور للقاع بسبب مايحدث لنا؟...
((عيونك دنياي ))
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^
الفصل الاول.................
فيصل سمع الصوت وبسرعه راح للغرفه شاف اصايل جالسه على السرير وتتكلم وتهذي بكلمات ما فهم منها شيء الا كلمت تركي مامات وبالاخير غمضت عيونها وتركت جسمها يطيح على الارض فيصل جاها وشالها حطها على الكنبه وممداه الا الدكتور ياسر وايمان والدكتورخالد وممرضات يجون الغرفه اخذوا منه اصايل وطلعوه وصكروا الستاره..
الكل مذهول شبيصير وليش جهاز القلب يطلع هالصوت ..فيصل ماقدر يقعد بهالتشتت راح ورى اصايل الي حطولها مغذي ومنوم جلس شوي وشاف ملامحها نزلت دموعه ..
وجلس في داخله يقول/ ياحسرتي عليك ياصايل مادري شبيصير فيك بالايام الجايه..قطع تفكيره دخول نوره..
فيصل/ شصار؟..
نوره/ للحين عنده ..فيصل تركي مامات لان هالصوت صوت دقات القلب ومستحيل الصوت يعطي ضربات قلب وهو متوقف..
فيصل / الله يبشرك بالخير يانوره لو كان هالشيء صح يارب لطفك فينا وفي تركي. انا بروحله الحين وانتي اقعدي هنا عندها واذا قامت او احتجتي شيء دق علي..وطلع..
اما نوره جلست تدعي ربها انه يسترها عليهم..ويقوم اصايل.ويرحم تركي حي او ميت..
************************************************** *
انفتح الباب والكل حاول يجمد مشاعره ودقات قلبه الخايفه عشان يسمع الي بينقال..
فيصل/ شصار...
ايمان / معجزه من الله سبق وقلت لكم انه فقد كميه من الدم وحاولنا نرجعله اياها بس قلبه توقف ومعناة هالشيء وفاة في كل الحالات بس حالة تركي حالة نادره ممكن تصير مو خيال بس نادر مو دايما واذا صارت لعشر او 12 دقيقه وحالة او حالتين كانت ربع ونص ساعه.بالعالم كله.. ومحد تعود انه يسمعها.. قلبه رجع يدق ومعناة هالشيء انه حي والفتره الي هي ربع ساعه ويمكن خمس او اربع دقايق زياده كانت توقف لدقات القلب والحين رجع يدق..ومن حسن حظه ان الممرضه الي عليها فصل الاجهزه نست تفصلها لانها تذكرت ان عندها شي لازم تسويه والحين وراحت وانشغلت ونست الله راد هالشيء.. شيء ثاني بسبب اعياء الجسم ونقص الدم بمكميه عاليه هو دخل بغيبوبه وهالشيء مو بيدنا انا نعالجه الله هو الوحيد القادر على هالشيء يمكن يجلس يوم اسبوع شهر ويمكن سنين. ويمكن اذا قام يكون عنده اعاقه باحد حواسه لان الصدمه جات على الراس يمكن يصير اعمى او ضعيف بالسمع او يمكن مايتكلم او يفقد الذاكره بس كل هذا ان ان شاء الله ينعالج وبيطيب منه. والمهم هو حي الحين وبنحطه بغرفة تحت الملاحظه بامكانكم تشوفونه بس من بعيد ممنوع الدخول الحين ويمكن نسمح بس لشخص واحد..وبس خلصت وتستاهلون سلامته..
لحظات عجز قلمي عن وصفها الحزن تبدل فرح والدموع ظلت تنزلل بس بدل ماهي دموع خوف وحزن وضعف دموع سعاده وفرح وشكر..ابتسامه نرسمت ام نواف جلست تصيح وتزغرط بنفس الوقت مو عارفه كيف تعبر عن فرحتها..وام راكان سجدة لله شكر..
حنان جلست على الكرسي وهي تحمد الله..البندري راحت لفيصل وطبطبت على كتفه وابتسملها .. نواف راح يشوف الغرفه الي بيطلع منها تركي..سعود ماعرف شيسوي دق على خلود وقالها وابو فيصل ماقدر مايمسك دموعه واخذ مرته وفيصل وزوجته وراحوا لغرفة اصايل الي كان نايمه او شبه نايمه لان اسم تركي بس يتردد على لسانها..
دخلوا عليها وسمعوا ونها..البندري لفت على نوره..
البندري/ نوره ابشرك تركي حي ..مامات..
نوره/ الحمد لك يارب.....
ابو فيصل راح لاصايل وقرب من اذنها وهمس/ زوجك يابنتي مامات زوجك حي وقومي بالسلامه وانتي تشوفينه..ماردت ولافتحت عيونها بس ابتسمت ابتسامه خفيفه بس لاحظها فيصل وابوه..مسح على شعرها وطلع راح لحريم اخوانه الله يرحمهم..
ابو فيصل/ يله كلكم الحين لازم ترجعون بيوتكم قعدتكم مالها معنى هنا..
نواف/ عمي صادق ياله يمه يله حنان..
فيصل/ يله يالبندري..
البندري/ لا انا بقعد هنا عند اصايل وبخلي نوره ترجع ترتاح وتجي الصبح..
فيصل/ خلاص اجل ..انتبهيلها ولااحتجتي شيء قوليلي..
البندري/ خلاص بس دق انت على طلال لازم يعرف ان تركي سوى حادث وبغيبوبه لاتقوله الي صار ..
فيصل / اكيد ماراح اقوله بدق لارجعت لبيت..يله فمان الله والكل رجع حتى نوره الي غصبتها البندري تروح للبيت ترتاح وبكره تجي..
وجلست البندري تصلي وتدعي الله انه ينجيهم اثنيناتهم ..هي كانت تبي تجلس عشان شيء ثاني في بالها بتسويه اليوم..بس السبب الرئيسي هو تركي واصايل..
************************************************** *******
طلال /خلاص يانوره الحين بروح واشوف فمان الله..وصكر وراح المطار يشوف حجز ولقى بعد خمس ساعات يعني بتوقيت السعوديه العصر بيكونون واصلين للرياض زين بياخذ اسبوعين ويرجع..مايقر يكمل...راح للبيت وكان لاز يقولهم يمهدلهم راح لهم بالصاله وجلس..
هنادي شافت الحزن بوجهه / حبيبي شفيك..
طلال/ والله مادري شاقولك ياهنادي لازم نرجع الرياض..
هنادي/ ليش شفيه..في شيء صاير؟.
طلال/ تركي..سوى حادث اليوم وهو بالمستشفى..
هنادي صرخت/ كيف ؟.ووين وهو شخباره بخير..
طلال قرب منها / هنادي حبيبتي..تركي ان شاء الله بخير هو حي مامات ومدامه مامات فاللامل بالله كبير انا دورت حجز ولقيت رحله بعد اربع ساعات ونص..جهزوا اغراضكم انتم عشان بنروح.ولاتخافين تركي ان شاء الله بخير وكلها يومين ثلاث ويقوم بالسلامه ادعيله..
هنادي بعد ماقام جلست تصيح تحس السالفه فيها شيء اكبر..وام طلال جلست تهدي فيها..وقلبها مقبوض ماتدري ليش تذكرت حلم اصايل..
**************************************************
ام حمد/ انتي وينك..
ايمان الي كانت معصبه من جد..وخلاص./ انا لي اسم واذا ماتعرفينه انا ايمان وبعدين انا مو اصغر عيالك او خدامه من خداماتك تصارخين علي..وبعدين شتبين؟..
ام حمد/ محد سأل فيني ولاعبر مو كافي مانعين الزياره عني ولال ممرضه جاتني من ساعتين..
ايمان/ لانك مو محتاجه احد يجي ويطل عليك والزياره مافي الا بعد يومين..كنت حاطتك بغرفه معك ثنتين ومن نفس حالتك تقريبا وماشاء الله عليهم دوم يونسوني وانتي رفضتي وقلتي تبين غرفه لحالك وهذهي الغرفه الي طلبتيها..وبعدين انا هنا يوم حطيتك بذيك الغرفه كنت اعرف حالتك وانك بتمنعين من الزياره وانتي رفضتي تقعدين واجلس هنا لحالك وحتى لو فكرتي ترجعين هم مايبونك من الفوضى الي سببتيها لهم ذاك اليوم والكلام الي قلتيه وفي وحده جات بالسرير اقعدي هنا لحالك وخلي الغرور والتكبر ينفعونك..
ام حمد انقهرت من داخلها وتحسفت انها تركت هذيك الغرفه هي بتموت من الطفش..
************************************************** ******