رمتني من عيونك بندقيّه=ولا اخطى ضربها والضرب فيه
وهانا طايح من بين لابه=وخوفٍ منك ما ثابوا عليه
لأنك فارسٍ فى الناس قاتل=ومن بارزك وافته المنيه
وانا اصبحت فى حبك جريحك=جريح القلب واما الروح حيّه
وعند المقدره فالعفو واجب=تحت أمرك وأنا رافع يديه
وخل الناس من قومك وداري=لأرواحٍ بلا ذنب وخطيه
كذا لقلوب تفزع من عيونك=توارى عن خناجرها الجريه
ورضّف غشوتك واغمد سيوفك=ترى مالك عدوٍ في البريه
وهذا الحسن فتاكٍ سلاحه=ويا ما قد قتل روحٍ بريه
وبحر الحب كمٍّ فيه غارق=به السباح تطويه الطويه
وكم من قبلنا ناس ابتلو به=وفي درب الهوى راحوا ضحيه