البارحه يوم المخاليق هجاع=ونيت تالي محد درى بي
ابي امتنع والقلب ما هو بمطواع=متولّع فى حب زين الشبابي
ابو ثنايا كنها برق لمّاع=اللي نهب عقلي وضيع حسابي
نقطه على خده ترى الخد شعاع=تشبه بنقطه غيم بين السحابي
والى مشى يمشي مشي ريم مرتاع=يسمع صفير اللي حبا في المحابي
يا بوعلي قلبي من الشوق ملتاع=الحب صوبني وهذا صوابي
ماريت انا في شقة الثوب رقّاع=ويلاه يا قلبي ومطول عذابي
أحس فى قلبي كما شوك شكّاع=ويلاه يا غرٍ غريرٍ غدا بي