يقول من شاف الذي هاج خافيه=زاد اشتياقه وابتدى يبث شكواه
أرى طيف من هو بالنيابة يناجيه=ويكرر انواع الجفا في المناجاه
قل غير ذا يا طيف ماني بناسيه=شياطين للمخلوق مخلوقه وياه
خلك إذا راعاك لازم تراعيه=وتمشي بدرب واحد أنت وياه
يا مي من يفعل جميل تجازيه=بمعروف مثله ما يجب منك تنساه
إن كنت فاهم مبتدى الشي ماضيه=وعندك مبادي من سلوكه ومعناه
على ضوء هنتاك النمائم تجافيه=وتنسى عشرته لأوليه وتجفاه
الأنسان ما يفعل بهذى يلاقيه=هناك باليسرا وأما بيمناه
إلى متى هذا التجبر مع التيه=حرم على الأنسان تبعه ومجراه
قد كان فيكم آمل في تحريه=واليوم يا المضنون يكفيه ما جاه
أرجو عن ما فات خيرة بتاليه=آنال منكم ما تمنيت ان أرجاه
آمين قولوا عل الأخبار تاتيه=واكون شاكركم بهذه المواساه
والختم صلوا على الذي شاع طاريه=راعي الفضايل والكرامات والجاه