يالله يا والي على كل والي=يا قاضيٍ حاجات عبدٍ يساله
راجيك يالمعبود تلطف بحالي=وانته عليم الحال واللي جرى له
البارحه يوم الخلايق اذهالي=عيت لذيذ النوم عيني تناله
بت اتوجّد واصفق الكف خالي=والدمع من عيني تزايد هماله
على فريجٍ دونه اللال حالي=من عندهم ما جا ردود الرساله
اشكي لمن دارس فروع المقالي=صوب الذي لي بالمثايل شكا له
عمي الي عدت قروم الرجالي=عمٍّ مربني وانا من عياله
يا عم انا ولدك على كل حالي=ولاني بجاحد ما مضى امن الجماله
وان شفت في ما قد مضى امن الليالي=هذيك يا عمي دروب الجهاله
لو انا انتزحت بعيد عنكم أسالي=اتخبر الطراش عنكم واساله
من دونكم ياما نزى حزم حالي=ودار يضيع بها قليل الدلاله
صلاة ربي عد ما اهمل خيالي=واعداد من هو للمدينه عناله
واعداد ما هبت هبوب الشمالي=على النبي المبعوث جاب الرساله