عزي لمن قلبه اشتط=حين اهجر سيد الغواني
غر على عوده ايغطى=فرعه الي فله ولان
لي من خطر واهوه ايخطي=شبهت قده عود بان
ماله مثل في الغيد قط=فاق ابحسن جيد وعيان
خل احسيسه في توطي=ما يا طفوق او هذرباني
سيدي وله راسي اموطي=ان راد يامروان نهاني
يابوحسن جدواك خطي=عني ولك شاجي تراني
حطيت قدرك في محط=ناس لهم حوز وشان
ماريت في غيرك تنطي=بالرد يا كنز المعاني
واعزك عن زود التبطي=ان ردت للجيل انقصان
شعرك جما ديال شط=تتشنف ابعده لذان
ياذخرتي لو لي امسطي=عليه ماشلت الوهان
مني عمود الجبد مط=وازمت في زود امتحان
حيلي على هيره انحط=والنقص في عقلي بداني
ما فوق ما يلد وامطي=نفسي على الصبر ابتماني
واخفي جمد عوقي واغطي =سدي وهذا اليوم بان