خنات من صار اتفاق=به في ضحي يوم سعيد
منها انتعش قلبي وفاق=من حين بنت من بعيد
كلما دنا زاد اشتفاقي=وآزمت في تيه شديد
أقبل يخطي بارتفاق =ويميس في لبس يديد
لو صابني باصعب عواق=صيرت ذاك اليوم عيدي
من حيث طول اعتناق=بالبيض صفوة كل غيد
مع كثير خصي وارتماقي=بللي له الحسن الفريد
تزهو به اجدام وساق=ورديف وخصير جليد
ينفل على تلع العناق =بسحار عين وطول جيد
عن لون نور الشمس فاق=نوره وله قد عديد
أشرت له عند التلاقي =أثنى ليه ويش تريد
قلت أرتشف عذب المذاق=لي في شفاتينك بريد
قال : إتحجي باحتقاق =لو مازح قلت ابوجيد
قفى على عزم افتراق=أزقر ولا صوبي ايعي
عقبه وسيع الفي ضاق=عندي ورحت أصفج بليد
ردت اتبعه لو ما اشتقاقي=منه ومن وجت نكيد
وجت جيوش الهم ساق=باقصى حشا لبة اسعيدي
حملنيه ما لا يطاق=وامسيت شروات البليد
أهوى تسابيب لرزاق=وأغوى تبع ما كنت أريد
أكسب ولافيه التحاقي=نيلي ابشاننه أزهيد