البارحة يوم اعتكار العساعيس=والناس غرقى في كرى النوم واذهال
من زود فكري يا ملا والهواجيس=طرفي ابلذات الكرى بات ماذال
مشدوه قلبي من جدا صفوة العيس=هجن امطاهن من شحمهن لهن طال
ساهرت حتى بان للصبح تنفيس=نوره وقضت جملة الخلق عيال
جدوا مدى غربالهن في التقاييس=درب ايبيح بالسريرات لغتال
سرنا وفينا من جداهن وساويس=كل من جلسنا شامل القلب ولوال
خذنا انتهازر وانتمارى لها نقيس=ساعة وجد بانن على خط لزوال
والفن يجولن كالنعام المطاسيس=لي صابهن رعب من الرمي واجفال
يتهاوين شبه الذياب العماليس=لي ضجضجن وانون على زود زرفال
واخلاف ماشاقن اقلوب المياليس=فاقت عليهن زينة اللون والفال
تشبه أبنجم ثاقب خر لبليس=أو لمض برق هم في شب لشعال
تطوي مداها مثل طي اللطاريس=تفسح وتجسيهن من البرد لسمال
حرف اتفر من الزقر دون تلميس=طرف العصا وان صابها ذاك لا اتسال
للخف ما تسمع من الخف تهميس=ما جنها تاطي على الأرض برجال
نازح محل يلحج الهجن تفطيس=ما صابها منه تكادير واكلال
هيهات شرواها اثنين ومقابيس=ينظر لذي منها نظر ذيج لفعال
مذعورة من حسن ريم المجانيس=حاشت امقفى مع مجادم مع أجبال
واعيونها شروى النيوم المقابيس=ماصابهن في ساير العمر غربال
جلدا الوبر فجا النحر دون تقييس=رب البشر كمل لها طيب لعدال
لاباس لي يابت اعلوم التأنيس=ظبيان أبوها هوب مجهولة الحال
واللي جناها فيه فهم وتفريس=في مشتراها ما تبع راي لهبال
ويا اهل الفهم كبر اليثا بيس به بيس=من يوم ذي عنهن خذت فخر ليمال
الفرخ يحقر عند كبر الجرانيس=لكن يشكر وقت حزات لشكال
قصدي الطياره ولا هوب تخسيس=فيها الإسم حيثه على الفعل دلال
مني عليها عد لفح النسانيس=ازكى التحيات الجزيلات لفضال
لي وقفت كثر الحجي والمراميس=ولها رضوا بالسبق والحق ينقال