قصبدة ( سقى داركم من وبل همال الصيف )
الشاعر : الشيخ محمد بن راشد آل مكتوم


سقى داركم من وبل همال الصيف=جنوب وشمال وكل حي تربونه
سقى السود والفرعا غنيه عن التعريف=وعلى الشامخ اللي يسكن الحر بركونه
تسليك وما كنك عليها غريب وضيف=عساها براية دايم العز مصيونه
لا مثلها أوروبا وتونس وبرجنيف=جو لطيف يشوق اللي يرودونه
وذيج الفروع البارده لي ما لفحها هيف=عنبها مع الرمان يتمايل اغصونه
فرحت ابلقاكم وطاب مني الهوى والكيف=كما فرحة المشتاق لي شاف مضنونه
أنا ريت وسط السود بيض عليهن حيف=جزاكم على الله ذا غزال تربونه
خزرني بعين جن فيها بريج السيف=وأنا أصد " يا خالد " وخوفي من اعيونه




قصيدة ( تغنت طيور " أبها " ومالت غصون الريف )
رد الشاعر : الأمير خالد الفيصل


تغنت طيور " أبها " ومالت غصون الريف=ولبس الجبل غترة بياض من امزونه
سرت في الروابي فرحة مالها توصيف=تبسم بها سلطان والخير مكنونه
تشرفت بزارة قروم العرب تشريف=هلا بالذي كل المراجل يرومونه
ترى العز بالجملة ومن شذ راح ضعيف=ويمنا بلا يسرى بالاخطار مرهونه
اللي اجتمع راي صويب وحد رهيف=ترى كل من راوز حماكم تردونه
عملكم ظهر والهرج من غيركم تصفيف=يقولون لكن ما حصل ما يقولونه
صدقتوا نجحتوا وارتفعتوا عن التسويف=عسى الله يوفقكم على ما تريدونه
أحاول أجاري شاعر المجلس الحريف=وارد التحية مثل ما جات موزونه
اروح عن اللي صابته شارت الهديف=رماه الشطير اللي تركد على هونه
أنا بانصحك يا محمد تجي حزة التصيف=وعلى سنة الله كل شي تدركونه




قصبدة ( حي المثل واللي له الوصف والتوصيف )
رد الشاعر : الشيخ محمد بن راشد آل مكتوم


حي المثل واللي له الوصف والتوصيف = رساله لفتنا بالتحيات مقرونه
تماثيل من ما قال ما جمع التصفيف = جواب على معناه يا مخير الحونه
وأنا ارسل لك بيوت طريات يا عريف = كما درة من باعت السوق مصيونه
واهدي سلامي مع نسمة هبوب الريف = من المغرم اللي هايضات به اشجونه
يعل الحيا يسجي ديار تعز الضيف = يعم وعلى أبها دايم يستخيلونه
ويتم نوار العشب في الشتا والصيف = وتتشابك الطلحه مع العطره افنونه
هل الدار في مرباعهم طايب التكييف = زماليج عشبه في المرابيع يرعونه
وصية الناصح إلى الشاطر العريف = المال يفنى والمخاليج يتلونه
ما حارب الميراج خنجر وحد ارهيف = إلى الذي مثله لردعه يعدونه
وطير يبا المنهاج يبغي النهوض امنيف = يبا يرتفع في عاليات من افنونه
وياكم من ظنه رقا نايف التشريف = يريد الطويل النايف ورد من دونه
مثل ما تشوف انشوف جمعا بها تكثيف = كلام يقولونه لكن ما يتمونه
بالله تعاونا وبشعبنا تحليف = كما كتلة وبراية الصدق محصونه
تعاون على عزم قوي مهوب اضعيف = في مؤتمرنا كلمة الحق مضمونه
مع النية السمحه وقلب العزيز انضيف = وعن ما جرى للغير يترك وينسونه
ومجلس بني بالعز يذرا به الخويف = وعلى ذا وتشهد له تواريخ مصيونه
سلطان قايد مؤتمرنا وله تشريف = واخوانه على رايه بصفه يعينونه
حنا مع اللي يطلب العز والتوليف = لاجل الحمى للضد لرواح مرهونه
دارس السخا والمجد دار الكرم والسيف = دار كرامتها وبالعز مصيونه
متى ما بشاره كمل العد والتصريف = نثني زيارتنا بالأفراح ميمونه
وش حيلة اللي صابته رمية الهديف = خويك صويب طايح تنزف اطعونه
من ما جرى له يطلب النجد والتسعيف = عيونه تخونه لين ما باح مكنونه
صويب الغزال اللي رعى عاليات النيف = في مرتع عسر على اللي يرودونه
غرير حسين الوصف ومكمل التوصيف = مذير يصون العرض وأهله يدارونه
تبعد يميل الصيد شم الهواء طريف = وارمو مكانه وين كانوا يحيدونه
ولو كان رماي على شارته هديف = على الشلش والا تركد على هونه