قصيدة ( صفح صافي الخد )
الشاعر : الشيخ محمد بن راشد آل مكتوم


صفح صافي الخد المصفى عن الصفا = وصفا ما صفا مما صفا غير لانصافي
صفاني وصافاني ولكن ما صفا = وفي معي لكن ما يوفى الوافي
بغيت الوفا لكن حبلي من الوفا = تقصر وريده منهل المنبع الصافي
وطيت الحفا وامشي على حافي الحفا = مصاهيرها وامشي عليها وانا حافي
لمست الجوى في خافي الروح والتوى = جحيم يشب ابخافي الخافق الخافي
يا تل قلبي تل حر من العلا = تنحى وسبق شارد اليول متقافي
وعزي لروح عسها عاسف الهوى = عسيف يعسفها معا سيف عسافي
تواقد لظاها شبها موقد الغضا = نسيما تزاغيها نسانيس هفافي
عسفها على غير الهوى عاسف النوى = وكلفها على صوع المكاليف كلافي
الا يا شفا نفس مشفاه للشفا = تشافى شفاها منك وانت شفا الشافي
ألا يا غزال يرتعي فايع الخلا = ربيب المهالي يرتعن بر لاطرافي
دماينة متقاف عن شمة الهوى = لفحها الذعير وحاوزت صوب لكشافي
مصافيف عقد صف من لؤلؤ الصفا = جواهر منقاية كما صفوة الصافي
كم قانص للصيد في قانص الخلا = تعذر عليه الصيد لو كان تقافي
شكيه لكم (يا دايم السيف) في النيا = لزيم وفي كل المعاريف عرافي
شقاي الونين وحالتي بالشقا لوى = عزير الجروح بشقها ما رفا الرافي





قصيدة ( عفا الله عن قلب )
رد الشاعر : الأمير خالد الفيصل


عفا الله عن قلب من الحب ما عفا = تحده عيون الشيخ والقلب ميلافي
ينام الملا والشيخ سهران ما غفا = ولا هوب ممروض ولا هوب متعافي
يقنب قنيب الذيب بالليل وان عوى = ترد النجوم اعواه من هول ما شافي
والصبح يسرح هايم القلب لي مشا = ومن راس مشراف على راس مشرافي
صويب الخفوق ولا لقى للخفوق دوا = تعذر عليه السير قدام وخلافي
صحيح الهوى قتال في حالة الجفا = فلا شك من يسلى عن الغالي الجافي
تعرض جميلة صيد في مرتع الظبى = تقود الجميله ناهبة كل لاوصافي
عنود تتل القلب من سابق المها = لها في خفوق الشيخ مربع ومصيافي
رمته العيون السود من قبل ما رمى = وعود خبير الصيد مصيود يا كافي
وذي عادة القناص يصبر على القصا = يشيل الحمول اللي ثقيلات وخفافي
ولا بد للطلاب يا صل على المدا = ولو عارضه عذال وان جاه حسافي
ومن يطلب المثمون يشريه لو غلا = ومن يطلب العليا يجنب عن الهافي
ولولا اختلاف الراي إتساوو الملا = ولا بين القاصر ولا بين اسنافي
تشاكيت يا محمد عقب كل ما جرا = ولك بالخبر ثوب من المعرفه ضافي
ومثلك سديد الراي يستهدي الهدا = ولك عملة تصرف مع كل صرافي
تكرمت يا محمد على اخوك بالنبا = وأنا مع صدوق الود روحت لك قافي