قصيدة ( حمام يللي باللعى موجعني )
الشاعره : فتاة الخليج


حمام يللي باللعى موجعني = أرقت جفن بات ليله صحاوي
يسمع بكاي وفوق عوده يغني = يشدو وانا حالي بعظم البلاوي
ما ادري طرب لو من شقا به يوني = لي من لفا وامسى على العش ضاوي
ما دام نوحه بالسهر مرجني = باتستوي بيني وبينه دعاوي
أراك تخلف يا هيب العين ظني = يللي بمثلك ما تضيع الهقاوي
جنك على يذان حبلي مثني = عقب الصفا والا على الهجر ناوي
يا صاحب المعروف لك مرجعني = حال لغيرك مستحيل الفتاوي
أشكي حبيب باعد الزول عني = إلا لنا بين القلوب النجاوي
اشتاق شوفه لو يفيد التمني = لو كون له بين الراعيين شاوي
سلام مع ريف النسانيس مني = أهديه له عبر الأثير السماوي
وان الصبا نسنس هواها وذني = بهديه من شوقي وغزلي غناوي
والا تشرف به حسين التثني = عنق الرشاعين الخفوق النداوي
توه صغير ما كمل زود سني = عمر الزهور بخمس عشر حراوي
ريم رعى القيعان لولا التحني = في الكف مثلته غزال سحاوي
بيت قديم في المثل معجبني = وصف رواه امن الشعر كل راوي
لو يكثرون اللي بهم مستظني = بوزيد ما يسواه عندي امساوي
لو من حياتي ينعطى ما محني = عمري وروحي عن حياته فداوي
يا حامل المرسول والخط مني = بابيات شعر ما نظمها الخلاوي
قم ... يمم محمد وخل التعني = إلبوجسيم وبلغه قول هاوي
شيخ على من استجاره ايثني = له م العوايد في الشدايد ضراوي
يفرح به المضيوم لي به تجني = مايبات من ضيمه على الياس طاوي
شوق الهجن والخيل لاجله تعني = للجيش والجند المدرب امخاوي
فذ النفوذ بدون صبر أوتأني = وعلى الصعايب والخشونه امقاوي
يعل السحاب اللي حيابه ايدني = من مرعد تمسي بروقه شعاوي
يسقي تراب اللي عليهن ايبني = ردم عليه ايزين رقم المحاوي
وين الثمام ايفوح نبته سمني = هناك وين ايطيب كيف الهواوي





قصيدة ( لي حندس الديجور والليل جنى )
رد الشاعر : الشيخ محمد بن راشد آل مكتوم


لي حندس الديجور والليل جنى = واسدل سداه بجانح الليل ضاوي
تطري طواري في الحشا .. أرقنى = وانا على بدع المثايل شجاوي
وادله بخافي ساجع الصوت مني = وآرد بالحاني رهيف الغناوي
كني خليع في خلاته ايوني = ويهزني شوق الغنوج السحاوي
أدعج رتوع كاحلاته غضني = بعيون نجل مبحرات غضاوي
نام الخلي عن مشغلاته خلني = وامسى على نومه خلي سهاوي
أدميت جرح في الحشا موجعني = والقلب عرضته لظي المكاوي
يا ناعس الطرف الكحيل امحنني = مثايلك وانته عليه نحاوي
من عقب شعرك كل الاشعار مني = احس في بدع المثايل تداوي
ما ادري علامك في الوفا تمتحني = والقلب كيه بين لضلاع كاوي
يا خلتي شعرك هتوفه رمني = لا اتيه في بحر غزير طماوي
اقطف من ازهور الحبي والسمني = واختار من بين المثايل نقاوي
وآلاعب الشرتا على كل فني = وانته على الغصن الرفيع العلاوي
نظم القوافي والمثل ما محني = على المثايل دارجات عفاوي
عدود ورد غزرها ينهلني =بحبال وردي ما طوتها المطاوي
في مهمه فيه الوحوش اضجرني = أهيم في بيدا الصحاري خلاوي
أعوي كما الذبلان لي تايهني = في يدة وامسى على الجوع طاوي
تشكي وانا اشكي والعذاب امتعني = ليت الحكم يعطي النصف بالتساوي
يا من لذي يبقى على حسن ظني = أهواه من قلب صريح صفاوي
أصبر على هجره ولو شط عني = وابقى على عهد الصديج الغلاوي
المحنه أني ما اقدر بظني = لو كود تشغلني عظيم البلاوي
لي خاب ظني في الصديج المضني = أقوى بعزم ما تضيع الهقاوي
انت الجدير اللي بك ايطيب ظني = لا تواخذ القلب الصفي العفاوي
منك السموحه والمثل ياك مني = جدواك يا عين العديم الضراوي
يعل الرديم اللي من الغرب دني = مدهم كنيفه في حيابه ضفاوي
أسدل سدوله في قتامه ودني = عم الجوى وامسى على الأرض جاوي
يسقي على دولة وطنا إيهني = يبطي وغدره يدهلونه رواوي
يثني على رمل الغدير ابتثني = وعلى المفالي يرتعي كل شاوي
مدهام عرب بالرسن يلزمني = يرد غواربهن قصار المحاوي
يابو علي في ذارياته تغنى = في شف صهب ميهمات رعاوي
تلايد من سابقات الزمني = تفرح وتبقى في هواهن مهاوي






قصيدة ( يا هلا هلا ما هب شرتا وذني )
رد الشاعره : فتاة الخليج


يا هلا هلا ما هب شرتا وذني = من الصبا والا جنوب زغاوي
رحبت ترحيب الشفيق المضني = بللي على عرش المعاليج ياوي
ذاك العزيز اللي بقلبي امبني = صرح ومن غيره نقي خلاوي
اعداد ما وبل هطل واسكبني = ودق المخايل غاديات سراوي
بابيات من غزر المثايل لفني = ظرف معانيهن إجداد طرواي
جني على المأمول بخلاف ظني = واشفن عواق ما شفاهن امداوي
حييت يا شهم المناعير عني = لي كل ما تحوي المذاريب حاوي
من في المعاني حايز كل فني = ومينب طرق الدني والهفاوى
يا من لصوبي في ردوده امعني = فصح القريض وجزلها والنقاوي
تشكي جروح تلت الروح مني = تل السواني موثقات العراوي
لو في الهوى حكم النصف مستسني = لك ما عوى من ويعة الحب عاوي
قبلك محيسن به بلي واستجني = وابن الفرج مثله وناح الحساوي
وعبدالله القاضي عليهن ايوني = وسليم عبدالحي ينخا العزاوي
ومحمد اللعبون به يلعبني = ولمغلوث ابهن رمي بالدهاوي
وبن السرايا قبلهم لتهني = واللي مضوا داسوا وعوره حفاوي
وياكم قرم في الهوى تيمني = وامسى خليع في غرامه فداوى
تمشي على جسر الهوى مطمئني = مره ومره في مهاويه داوي
لو في المحبه يدركون التمني = ما شفت فيهم من يبث الشكاوي
منك التشكي يبري الحال مني = بري اليراع اويال حال الشقاوي
يا ونتي ونة خلوي تحني = على ولدها يوم نام الهداوي
إنحاش به حوش الضعن واختفني = والوى بها من صادف الشوق لاوي
على فريق بعدهم مولعني = اتفرقت لانواء بهم والنحاوي
ايشوقهم خطر الحياوين دني = ولهم على صيد الحباري شتاوي
ولو العدود من الشعر ينضبني = لي عيلم عد عذي رهاوي
سيحان وادي له فروع اتغني = ما ينقصه نزف الرشي والدلاوي
والغزل نبراس القوافي ايسني = لو ما شعوقه ما هوى القول هاوي
يعطي النفوس احقوقها في التهني = ويفيج به قلب من الهم خاوي
هذي عوايد ناقشات التحني = الفاتنات اللي تجر الغشاوي
المتلفات أهل الهوى بالتجني = المغريات ابحسنهن الغناوي
لي ما مشن لاسواق يتفرجني =ولا غرتهن بالكذوب المناوي
خذها سوات الجوذري الأغني = لعوب فكري يا الوفي السخاوي
لموسع الحوطات حلم أو تأني = في اللين والشده بطبعه تساوي
وحقوق له فوق الحقوق اثقلني = بالله نسعف في ردود الجزاوي
وآختمها بازكى صلاة اتثني = على النبي والآل ما طاف ناوي





قصيدة ( جاني لبو راشد بيوت نصني )
رد الشاعر : صالح بن علي المنصوري


جاني لبو راشد بيوت نصني=وانا على المنحاه شفق شفاوي
واعتز أنا بالعز وينومسني=وارقى بهن رأس الطويل الوفاوي
ومغيبات الصوع ويقهويني=ويقندن رأسي يلي كنت خاوي
ويا مرحبا اعداد ما زرفلني=حيل تعنا مثل وصف الحناوي
واعداد ما غرس النخل طلعني=طلع جديد بين غدر خفاوي
واعداد حق بالحشو امطرني=واعداد عشب تاه عوده عشاوي
واعداد ما بالصوت يتلاحنني=ورق يقطرف بالربيع الضحاوي
بيتين في تالي القصيده عنني=لو كون رأسه ما قصدني نصاوي
من حاكم يحكم على كل فني=ويحكم على الموضوع لو هو قساوي
وينهل ضمايا الصيف ويصدرني=من كوكب يمه غزير رهاوي
وعنوانها واهدافها هيضني=واحب أنا قاف نظيف نقاوي
والبارحه يوم النجوم إدبحني=وارتاح في نومه دليه سلاوي
اهموم صدري بالحشا لجلجني=لجة انيور مكلفين القهاوي
ولشواق والهاجوس يتياذبني=يذب الطنا يا صوب صوت لامواوي
شملول ذود بالخلا فوزني=في موسم الكنات واقفت مناوي
واذب في راس الطويل المبني=يا تيه لفح النود ريف زغاوي
واختار في لامثال لي وافقني=وهايب من عند ربي هداوي
واحكم على ماريد ويطاوعني=وخليت من باقي الشريده شلاوي
والخلق تمسي الليل لوهي اتحني=والذيب ما يمسي يلي عاد ناوي
وخلي بعيد ونازي الدار مني=وكم ساحة دونه بها الذيب عاوي
واشكي صواب بالحشى مستكني=ومنه ذبيل الحال دقل وذاوي
واسباب منه بالهوى شاعيني=شعي الوسيق اللي شعاه العطاوي
حلف الهن بالليل ما يمرحني=ولا هوب رقاد ولا هوب غاوي
راعي عيون وان شبح يذبحني=ومن بينهن سلة سنين قراوي
وفيهن ارماح الموت لي سيحني=عين العديم اللي قطوع نداوي
ومنه سباق الربد ما يعتقني=إلى ارتفع واقبل على اليول هاوي
ومني يتل القلب عند أوتعني=تل العلق من فوق عجل المهاوي
على اركاب طمحن وامحضني=وسويقهن صلف ولا هوب ياوي
ورأس المداح ابعيد والدلوشني=واتصرمت تحت المقام العراوي
عليك ياللي بالمعنى شاويني=شوي الشويه فوق حجر جثاوي
واشوف سلمى سبرها لاحقني=ولا عاد ترقع فيه كثر العناوي
وياما لقفت الصيد ياما اتعبني=مع الغبا واخب عطش حفاوي
واقرب من الأقدام لي قبلني=وان دبرن مثل السراب النزاوي
واعرف ارموع الزين لي عرضني=ولأطراف تشهد دون شك ودعاوي
وارموزكم واهدافكم ماخفني=يا اهل الشعر يا منوعين الهياوي
ويا ويش رجل غازي ما يوني=دايم اركابه ماتوني هذاوي
متنوع ما بين كافر وسني=وجيشه هباد ولا لقوه امقاوي
واشهوده الثنتين ما يكذبني=ويقودهن سلم نعيم رفاوي
واهدي سلامي صوب من سال مني=وادبي بالعنوان رأس العناوي
ومنه علي معروف ومقدرني=ولاني بجحاد الجميل المراوي
واحد كما دار بها تستكني =واحد كما خد محيل سناوي
والريل هي والراس ما تشابهني=والحر ما يشبه حمام الصداوي
والرأس به ناموس في كل فني=والريل ريل ولو مشت بالحذاوي




قصيدة ( أنا الذي هيمان ومهلكني )
رد الشاعر : الشيخ محمد بن راشد آل مكتوم

أنا الذي هيمان ومهلكني = والحب يشعاني شعي الشعاوي
أنا وجودي يا وجودي محني = مثل الذي به نازح البعد ناوي
ادروب وصله يا خويه عفني = واهيم في خد فسيح سحاوي
فيها طنوب اللال يتجاذبني = وبها السراب اللي علاوه نزاوي
ويضيع الخريت ويتيهني = مهالك يضنا بها كل عاوي
ومهبها ولما ولا تستكني = وبها من العاصوف نبغ الذراوي
ليته مطرها يود به مستسني = ومنبوت عشبه ما رعتها الرعاوي
فيها الدخينا والخزيما تبني = زملوج عشب تايه العود ناوي
يا مرحبا يللي بيوته لفني = يت من عزيز لي صديق صفاوي
ومرتل شعره على كل فني = صاغ البيوت وصفها بالتساوي
يا مرحبا اعداد ما هرولني = ضماير عقد شراة المكاوي
واكوارهن من ضمرهن يرقلني = وابطونهن مثل السيور المطاوي
وإن إشبحن مثل الدمن يشجني = وان زرفلن مثل اليميل الجفاوي
إن تلهن حبل الرسن يزغمني = في صوتهن كظم ولا هن رغاوي
أصايل ومهجناة ابتثني = ومكلفات من قديم السناوي
واعداد ما في الميد يتنافسني = من كل في مقبلات لفاوي
اوعد في البنيان ما تواصلني = كيابل في عاليات البناوي
أوعد ما برسالهن يرسلني = على الذباذب في جميع اللغاوي
ومراسل برموزها يطبعني = تظهر على الفكس البعيد الشراوي
ترحيبة مني جداك ابتعني = يزفها شعر جدير نشاوي
في الشامخ الشقر الحرار إوكرني = في عاليات امشمرخات العلاوي
الحايمات ابتايهاته هوني = دونه ايردن كاسرات الهواوي
شمخ وفوق الشامخات اشمخني = فوق العلاوه عاليات زهاوي
واتعنزن وتهيفن وابعدني = عن الشرايد مابقا الا الشلاوي
واتفرقن واتقربن واتعبني = بخط المداد اللي حروفه دماوي
واحس انك يالخوي تمتحني = وانا على بدع المثايل بداوي
منهاج ميدان الشعر ما محني = عليه وان عسرت رسوم المضاوي
أرسم على مااجيد ويساعفني = رسم الدبا لي في فيويه خلاوي
وآجيب وآجاوب على كل فني = واخطها خطة رسوم العناوي
وآجيبها ودلولها يحكمني = مثل الفصيح اللي صريح شفاوي
واللي معايا في رصيدي كفني = أرضابهن لاني قنوع كفاوي
يا صاحبي ما زال فيك المظني = والناس فيها مغرضين الهفاوي
لا اتظن من ظنه عليه ايضني = والظن يبقى في الصديق الصفاوي
أصدق صداقه والصداقه تبني = وحبل الوثاقه للصداقه كفاوي
من واحد يدخل علينا تجني = هذار ما بيني وبينك مراوي
مثل الذي يعنى بغير التعني = تضيع في مثله ظنون الهقاوي
نبع الصفاوه من صفاته صفني = ولا انت لي تسمع كثير الهذاوي
أنا بعد ممنون ويشرفني = نوادر يني بخط شفاوي
فكرت في مضمونهن والزمني = ما قيل في مبداتهن والتلاوي
وادير فكري كيف لين اتعبني = لين اهتداني من إلآهي هداوي
توضحت وارسومها بينني = واتهافتت مثل الفليل العشاوي
بيوت شعر في المعاني غزني = على المثايل في جميع النحاوي
إن سلتني عن الذي مايوني = الرجل لي دايم ركابه هذاوي
معروف انه كافر هوب سني = لا فيه لارحمه ولا هوب ياوي
اشهوده الثنتين لي يذبحني = أعيان تحت امخدرات الغشاوي
والفن فنك والطرب ذاك فني = في معجزات امفسرات الهياوي
وانشدك عن عذرا بها صغر سني = في المجتمع ترقص مع كل هاوي
ترقص وتطرب دايم ماتوني = وعشاقها في مجتمعها شقاوي
على الأمل يتعب عليها تعني = مثل الكواكب والكواكب رساوي
لي حندس الديجور ما بينني = غطا على الجنح الرخيم الضفاوي
رسخ وفي رسخ المعاني حوني = ترسخ على رسخ الرسوخ العناوي
لا تسمع الأصوات لو جلجلني = يا صاحبي مترى القهاوي لهاوي