قصيدة ( اسهرت ليلي والخلي بايت ذهيل )
الشاعر : الشيخ محمد بن راشد آل مكتوم



اسهرت ليلي والخلي بايت ذهيل = اسباب من تحلا المثايل وصفته
بو يادل ضافي على متنه ثليل = خل معذبني وانا في ذمته
حذر من القنيص مذير يفيل = مثل العزيب اللي بعالي قفرته
العين عين الحر لي شايف ضويل = زول الحباري واتقت عن طلعته
له هاية جنه من الامهار خيل = يمتاز في غاية صباه ونشوته
معزل مثل الدبي خصره نحيل = يا ريم هذي بالمثايل وصفته
صابر على التعذيب والهجر الطويل = ذي عادة العاشق ويا معشوقته
يا بن خليفه الوصل أصبح لي محيل = والدرب فيه الغام نصب اموقته
مني لك التقدير والشكر والجزيل = يا من تبرع في خطور امهمته
باتكسب المعروف وتنال الجميل = يا كاعب نظم القوافي شهرته
مشكور من عندي عليك الله كفيل = من يوم شاركت الخوي في محنته
يلومني خالي من العقل الهبيل = لي ما عرف ذوق الوداد وليعته
وش استفاد المستجير امن الدخيل = اذا خلت ناره وصارت جنته
انا الذي تابع طريجي والسبيل = يا صاحبي شوف المنايا حدته
اطوح الونات واير العويل = واناوح الورقا بعد في سجعته
والدمع هملول على خدي هميل = ينساب فوق الخد ياري عبرته
تايه وفي الصحراء ولا عندي دليل = والنوى لي شطبه وش حيلته
لي مالكني ملك للمال البخيل = والا وحش حر قبض في شبكته
خل وداده لا يحول ولا يزيل = لو زالت اجبال الرواسي الثابته
لنه وداده في وسط قلبي نزيل = شابك على لفواد وثق قبضته
واصبحت في حكم المحبه له ذليل = حبه يهددني ويفرض قوته
يا ليت منهو لا حسود ولا عذيل = الواش يسكت لا يبين رمسته
طعم المحبه بيننا كالسلسبيل = ندرا الشرف نسكن بعالي قمته
اضغاث روح في حشايه تستظيل = من يوم خلي في طفولة صغرته
تمت بختم الجيل مني يا رسيل = اعداد من يقضي فريضة حجته





قصيدة ( أنا لشفك في المثايل يا زميل )
رد الشاعره : فتاة الخليج


أنا لشفك في المثايل يا زميل = قبلت منشور البيان وصفحته
وازداد له شوقي على رد الرسيل = لنه يداوي من فوادي علته
شفته وخر الدمع من عيني هميل = والوجد في يوفي يردد زفرته
حي المعاني لي لها عندي دليل = كم حركت شجوى الضمير وهزته
انبت حيلي من عقب مانا حميل = حيث انيه ذقت الوداد وحسرته
ما لوم من صابه مصابي يا عميل = كم مغرم فيه الدهايا ودته
حيث الشجاع القرم يسمي به ذليل = لو هوه صخر لازم تلين قسوته
واليوم ما قهر فيك من هذا جليل = هل كيف وانته لي موازي ويعته
والله لبذل في رضاك المستحيل = يا من رمتني في المهالك عزوته
بمجنزرات تكتسح للغام سيل = يمشي الكمندس من وراها وقوته
طابورها صامد على خط الفتيل = في نصرة العشاق معنا سنته
تكفا العنا والهم يا الشهم النبيل = يا من تغالي في المعالي سمعته
يا مسندي لي عنه ما بدّل بديل = وافداه بالغالي وهمي نجدته
أسباب ما بك من عنا هجر الخليل = اللي شرى وصف العبيه تنعته
لا هو بياذي في القوام ولا طويل = سبحان من عدل عضاه ونشوته
مياس في عوده وله خصر نحيل = مثل الوضيحي وان شبح في لفتته
وحش العيان إلى تحدّنه جتيل = بالسحر تسلب من فواده لبّته
متعزل مثل المها ردفه ثقيل = واللي تخطر كالقطاه في مشيته
يكسيه منشول على ردفه يثيل = كالليل داجن والضيا في غرّته
إصمد على حبه ولا تخشى العذيل = هذاك لي تشفي فوادك نظرته
خلّك ولا له في هوى غيرك بديل = فردوس ناره لك ونارك جنته
صمّم ولا تبدي برايك للهبيل = لي ما تمرن في الوداد وليعته
ولي تيممت الخلا شل الصميل = انشق له ثوب رفاه بحكمته
والله لو يجزى جميلك بالجميل = والطيب ما جازيت فضلك نعمته
انسال عنكم وانت عنا تستسيل = وتبين في الخير شمايل ضفوته
يا الله عسى عمرك مع اخوانك طويل = ويحفكم حفظ الكريم ونصرته
دمتوا لنا يا مسندي ظل ظليل = يا من يحرك في ضميري فكرته
والختم صلوا عد براق شعيل = على رسول قام فينا دعوته
وعلى الصحابه عد من شد الرحيل = حجاج بيت الله وطافوا كعبته
ولكم اكرر واجب الشكر الجزيل = ما دام عمري باقي في مدته