قصيدة ( شوفك يعالج جروح القلب )
الشاعر : الشيخ محمد بن راشد آل مكتوم


يا داعج العين والحيات مقرونه = والخد براق ليل في الدجى التالي
فيك الحلاوه والجمال اللي يحيدونه = وتحوز عن جملة الآرام يالغالي
محبتك داخليه في القلب مضمونه = ولا بد أصبر على مكنون غربالي
والقلب منك العواذل لو يعذلونه = ما يستمع عذل من جاعنك عذالي
لو للهوى شرع في تحكيم قانونه = ما كنت مظلوم في تعذيب ونكالي
شوفك يعالج جروح القلب وطعونه = والموت يا صاح من تعذيبك اشوالي
راعي يديل سبيب كاسي امتونه = متعثكل فوق متني ردفه العالي
العين عين أشقر للصيد مضمونه = مطلوب مرغوب لو كان الثمن غالي
والخد جنديل يسني من سنا لونه = مشراق ضي يشابه نور لهلالي
مبعد خلاوي من اللي هم يرودونه = يتعب ودونه نزو المبعد الخالي
لي يال طاريك همت بروح مشطونه = عليك واصفج ابراحة كفي الخالي
مثل الذي هام بصحرى ما يدلونه = عليه منها زريج ابزوم شلالي
يا ناس خلوه المولع .. لا تلومونه = ما كان ينلام من مثلي على حالي
يا بن خليفه بسهم الموت موسونه = دنفا وفيها صريم البيض جتالي
شكواي للي يعرف القاف ووزونه = جدواي ويفيدني في رد لمثالي





قصيدة ( حي المثل يا زعيم الشعر وافنونه )
الشاعره : فتاة الخليج


حي المثل يا زعيم الشعر وافنونه = يا من تحلي وصوفه بدع لمثالي
مهذب القول في معناه ووزونه = من غيض فيض عريض مويه اديالي
شوارد عن عديف الزيف مصيونه = أشتاقها كل ما تطرو على بالي
قلب من الصخر فجر نار بركونه = وعيون م الصخر تنبع بارد ازلالي
يا والله اللي جروح القلب مدفونه = واليوم تنزف نزيف الغيب عذالي
أنا أشهد ان المولع ما يلومونه = لي مرثه فيه فرقا واحد غالي
ياعون من لي عيوني ناجت اعيونه = أقرأ بها ما تخفي سورة الحالي
يا ليت شرع الهوى عندي وقانونه = باحكم بما تبا يا ذرب لفعالي
حكم على الحق والأنصاف مضمونه = من حيث لك في الشهامه موقف عالي
لوما طلت بالمدين مدة اديونه = الدين لابد ما توفيه لمطالي
تمضي الليالي وكل ماسك كونه = وياكم في الوقت ما يتبدل الحالي
لا تكترب لامر فالايام مسنونه = ينبي بها الحق في تدويل لاحوالي
مرات تسجيك مر الصبر في أصحونه = ويعود لك عقب مر الصبر سلسالي
لولا التجمل بثوب الصبر واردونه = بها تغطي شجونك زادك أوبالي
هذا الهوى شانه التنكيل من بونه = واعذب من الشهد في التعذيب لي طالي
كم تختلط به عقول ما يعرفونه = مره إدومن أو مره شرعها عالي
خلوه لاهله ترى له من ايحشمونه = ياحيف للحب لاتولاه يهالي
لي به تداوي جروح القلب وشجونه = ما اطن في الناس يرضى عنك لابدالي
لا تحسب انه صدود الخل من هونه = عليه لكن قل لي كيف يحتالي
ولو البخت جاد له ما عيت اضعونه = وعسنها خيرة في تالي التالي
ابو يديل تفرع داجي لونه = أفحم يغذيه دهن العودلي غالي
سبيب غربيب ليل كاسي امتونه = شليل مهر لها في الريس مشوالي
ومن الوضيحي تحدى شبحة اعيونه = بعيان وحشات ترمي رمي لنبالي
مفهوقة العنق نسعا القد موزونه = خمصا المهاييف ردفا ساقها مالي
من اليوازي رعت من قفر بينونه = إلى منابيت خصب اسفوح وايبالي
تاخذ حذرها ولو في القفر ما مونه = لا تنوخذ غرة من كف ختالي
يا الله يللي جميع الخلق يرجونه = تبقي علينا محمد سور واظلالي
يشوف لي تنزوي لافهام من دونه = وفي موقف الحق لا يخشى ولا يبالي
يا مالك الملك كن في مده أوعونه = ومن الرجا فيك حقق فيه لآمالي
تمت وفي ختمها بالمسك مقرونه = صلاه تغشى النبي والصحب والآلي