قصيدة ( حي بالبيوت وحي من هو نشرها )
الشاعر : الشيخ محمد بن راشد آل مكتوم


حي بالبيوت وحي من هو نشرها = مثايل ذربه وعدل معناها
خصيتني واثني واقدم شكرها = يا ذا الحبيب اللي تعرف معناها
ترحيبي عد ما يخط بسطرها = واعداد ما تذري الذواري ذراها
مثل الطبيب اللي يعالج بصرها = يبغي يعالجها سعى في عماها
روح المولع دايم في خطرها = ومن هيرهم ما نالت الا شقاها
إن كان فضغ الريش يوجد وسرها = والا كسور العضد يصعب دواها
إصبر على ما ياك واحمل خطرها = عقب الكدر لا بد يحصل رضاها
هلت مخيله واكثرت من مطرها = ومن يريها شلت رواسي حصاها
ودموع عيني سايلات كثرها = فاضت كما الغدران من زود ماها
أرعى نجوم الليل واسهر سهرها = لين النجوم اتغيب في منتهاها
أير وناتي واردد زفرها = وفي اليوف ضيان تزايد لظاها
فاضت بيوت الشعر لو باحكرها = وآعرف وزن القافيه وامعناها
لو غاب نجم اسهيل يظهر قمرها = شمس الضحى ما وقفت في سماها
لو يرخصون الحب جملة بشرها = نحنا نصعد سوقها في غلاها
يا شبه عنزالريم واحلا خصرها = ومن المك تأخذ مثايل قطاها
والاكما عذرا تزاول خدرها = تاضي ما البلور يعشي سناها
والاكما الغزلان لوما شعرها = والعين أحلا عين لو ما بكاها
والصدر مالي والترايب مزرها = والخصر مجلود شرى اللي طواها
وردوف تكسيها اليدايل حدرها = فرع يغطي داجن من وراها
زمت شباب وتوها في صغرها = اترف من الخفرات ياما حلاها
ريض وترعى في دقايق شيرها = في روض وسمي وتوطا ثراها
في دارها ما ذارها اللي قذرها = إم الغزيل والولايف وياها
ريح الخزامى والبعثري نثرها = هب النسيم وياب ريحة شذاها
يعل الحيا يسقي فيافي قفرها = رحمه من المولى إلآهي عطاها
يعله على الدوله يملي غدرها = يسقي المحاضر والمغاني ملاها
وغرب إلى الظفره وسقاها كثرها = حتى الرمال الشامخه من وراها
يحيى الهشيم الباليه من شيرها = وتسمن خواوير وتطول ذراها





قصيدة ( شيخ على زين المعاني فسرها )
رد الشاعر : صالح بن علي المنصوري


شيخ على زين المعاني فسرها=حاكم حيكم القاف سيس بناها
نادر حرار وكل دار ذكرها=ويدعي لها بالخير والله كساها
راعي مهار شايعات خبرها=تركض براية عز باقصى مداها
وحول أصايل م الشطاره عمرها=سلكت ما تومي عليها عصاها
الله يا منزل عظايم سورها=يا رافع سبع وسبع رساها
تحميه من جماة صوادف شررها=وعسن نفسه تهتني في مناها
يا شيخ هذي كلمتي واعتبرها=ومن قلط الحسنات يبغي جزاها
لايام ما دامت إلمن هو ذخرها=تجبل وتجفي معطيات قفاها
دام الليالي مقبلات ابنحرخا=عطها على المطلوب واتبع رضاها
واعط الليالي سعدها في سبرها=لابد ما تجفي ويجفي صباها
وبي ونت ضاق الصدر ما قهرها=وسبع الأراضي ضايق بي فضاها
يا الله من عين بعيد نظرها=عيت تهون أولو قصرنا خطاها
ذبيت أنا فيها زما من قورها=روس المباني شوقت من رقاها
واعوي كما ذيب بتالي سحرها=بان الصباح أو صيدته مالقاها
في الليلة اللي ما يجدي سفرها=وسحم الضواري عدته من عشاها
لأسباب من عين تزايد عبرها=واللي وزاها من عناها كفاها
وكثر الطواري ما عذرت من عذرها=ويلم علينا موقف في لقاها
ما ينعرف ورادها من صدرها=ولأسباب من شي علينا حداها
هاض الغرام وزاد مجمع فكرها=وبيوت قاف وايبت من دعاها
يا مرحبا بعداد من هو نشرها=عد الحروف أو عد من هو قراها
واعداد من سافر ابموجة بحرها=وعد البرور أو عد من هو وطاها
واعداد قصاد لمكه : نحرها=واعداد من صلى فروض أو قضاها
واعداد ما مرت ليالي شهرها=وعد الوحوش التي تقر ابخلاها
ببيوت قاف شوقت من حضرها=على الجدا والحق نشكر ثناها
للقايد اللي مبعدات ديرها=عسره على القنيص ما قد رماها
ترعى بدق الصيد تاخذ حذرها=وتسبر على دق المها في ذراها
يا شيخ سامح كان شي قصرها=راعي النشيده قالها واشتراها
ذبيت أنا فيما زما من قورها=روس المبادي شوقت من رقاها





قصيدة ( أجبر بيوت الشعر وانقى ثمرها )
رد الشاعر : الشيخ محمد بن راشد آل مكتوم


أجبر بيوت الشعر وانقى ثمرها = وطيعني طول المدور عصاها
وطيعني واصهر قوافي حجرها = صهر الحديد اللي يذوب حصاها
نظم القوافي مزملي ما عسرها = وارسم بيوت تطرب اللي قراها
مثل النحت في الصافيه من صخرها = يفنى الزمان ورسمها في بقاها
نفسي تحب صعودها عن حدرها = واصارع أفكار بعيد مداها
في القلب ليعات ولا اقوى فسرها = تدق دقات الخطر في خفاها
وتخفق خفق اللي تملل وكرها = شاف الدعو والشمس قرب مساها
واون ونات ولا أقوى صبرها = يسري صداها في فيافي خلاها
ونات من عداه منها سبرها = خلا المغاره لجل دورة عشاها
يا مرحبا عدة مخايل مطرها = واعداد وسمي هطل من سماها
مشكور ياللي زد ربعه فكرها = واتحرك احساسه ورد امعناها
الشكر للي قالها واعتبرها = ورد القصيده واعتبر مبتداها
شاعر وينهل من مغاني بحرها = ويختار من طيب القوافي هداها
ينقى ومن لج الغبايب دررها = ساس الفياض السايلات امغناها
إن كان بك عسر الزمان وكدرها = وضاقت عليك الأرض واظلم فضاها
نمشي على شانك ونوطى خطرها = في شف نفسك لين تبلغ مناها
لبن عزيز يرد مقصد خبرها = شوق العنود اللي زهت في صباها
جيدوم ربع ما تهابه ذعرها = نعم بهم في وقت حزت لقاها
لا خير في دنيا سريع دورها = لايام تمشي والليالي وراها
لايام تمضي والسنين وشهرها = تمشي على مجراتها في مداها
واللي جرى تغييرها من بشرها = أصل البشر لي غيروا مستواها
لي ما يميز ملحها من شكرها = يا صاحبي ما ذاق طيبة حلاها
من تابع الراحات نفسه عثرها = لا بد له في الآخره من شقاها
ومن تابع العليا : لو في وعرها = كالحر يسكن في شوامخ علاها
لا بد للانسان ياخذ حذرها = واعرف ترى لايام تطوي رحاها
الله يكفينا حوادث شررها = نبقى تحت راية عجيد حماها
نشرب صوافيها ونترك كدرها = نبع السيول اللي تقطع غفاها
لوّل ظعون البدو تقفى نشرها = وتبعد منازلهم وتتبع هواها
في خايع ما داسه الا مطرها = وامبكر الوسمي تفرش وطاها
تربع الهامل بروضة زهرها = ولا يجف من ذاك الزمايم ثراها
واليوم صاروا بدوها من حضرها = وبيت الشعر ما شيدوا في علاها
ترعى الصغار اخشوفها في قفرها = وتحوز والقنيص يتعب وراها
اللاش ولد اللاش يخطى نظرها = حتى طيوره ما يضوي عشاها
انزور غزلان الفلا في قفرها = اليازيه لي ترتعي في فلاها
انغبش حزات القنص في فجرها = من قبل طلع الشمس يضحي ضحاها
نظهر عليهن قبل حزت نشرها = في مرتع سايل وياري وطاها
يا ما رمينا واتوسد كسرها = خلف المعنق في مكبر عضاها
سحم الضواري عدت اللي قذرها = واليوم يا صالح خلطنا عشاها






قصيدة ( نقيت من غزر المثايل أخيرها )
رد الشاعر : صالح بن علي المنصوري

نقيت من غزر المثايل أخيرها=وافهم معانبها وأعرف صباها
واجيبها واقودها واختصرها=قود الحكم للداربه من نضاها
وقاف ايشادي صافي من نهرها=ويبري من الكبد المغله ظماها
يا مرحبا بللي عزيز وقرها=ترحيبة ما ينحصا لك اقصاها
واعداد ما ساي المرافق ازورها=حيل مع منكافها وامغزاها
واعداد ما راعي المزارع بذرها=وقلبه وعينه شاقيه في رجاها
واعداد ما راعي المطابع سطرها=وقال الصحافي هاتها واتلاها
واعداد نود من ولي أمرها=واعداد ما تبني ذواري نقاها
وحي البيوت وحي منه افتخرها=شيخ تخير قافها وانتحاها
غاص البحور العامقات ويسرها=ما كل غيص غاصها لو بغاها
وحاش المراجل كامله وانتصرها=يمشي على مضمونها وامعداها
شوق الهنوف اللي تشابه بدرها=تفرق على الخفرات والله عطاها
والله كساها بالجمال وسترها=وابها الجمال وفايق مستحاها
مثل الفهد له طمرة وانطمرها=مرهي على صيداته اللي نواها
وان هد ميدان اليميله حشرها=من قرح الصيدات كفه ملاها
نسل الأكرام اللي طوال اشبرها=يحماك من لفح السمايم ذراها
كم ردوم وكم حايل عقرها=لاهل الركاب اللي شكت من حفاها
انته زعيم الدار وانته قمرها=ودارك هنوف وانت ذكرك حماها
وأدل في جملة طرايق اديرها=وادياركم عاد القدم ما مشاها
وذا الحين زان الكيف وانور سفرها=واشتاق لي هب الهوى من جداها
وريت البروق اللي غزير مطرها=ويشوق عيني من بعيد سناها
ولي ما عرف فسر المعاني غترها=ولي ما فهم رسم العضايه لواها
ولي ما يميز بطنها من ظهرها=يازم كما سراي ظلما دجاها
ولي ما بخص درب الموارد شطرها=وطاح المهالك ما ورد عين ماها
وقلبي فهيم وكلمتك ما تنكرها=وافهم لشارة وين قصد معناها
نفس رضت بالهون يقصؤ نظرها=ونفس تدور العز يصعب رضاها
وانبيك عن تالي لوقوت ودهرها=مثل العيون المخطرات بعماها
نوع يعمرها ونوع دمرها=والله علم بالمقبلات وضناها
ولد الثعل والهر شاعت انمرها=تأمر وتنهى لو قصير نباها
وأبو حقب والبوم محد صقرها=واشوف تالي الوقت كل دعاها
واشوف حتى الشاة كبرت اسررها=ترعى دنق والذيب مجلد احذاها
ما عاد تخشى من جداه يعقرها=وادق عين الذيب لو ما قذاها
واشوف ناس سابيه من مدرها=ناس تولف ما عرفنا الغاها
تنكر من المعروف بين غيرها=وتمشي بدرب البوق محد نهاها
وجمع الغبر والسود وابهض حمرها=وصحيح لي قلتم خلطتم عشاها
وصلاة ربي عد منه ذكرها=شهادة يوجب علينا ارباها
على رسول ضد جملة كفرها=وادى الامانه والفريضه قضاها




قصيدة (اصوغ من حسن المعاني عبرها )
رد الشاعر : الشيخ محمد بن راشد آل مكتوم




اصوغ من حسن المعاني عبرها = باحلا من الوان الجواهر صفاها
اختارها واقولها واختبرها = وادرا خطاها لجل من هو قراها
كثر التردد في المقاله شهرها = لو كان مالي قصد في مبتداها
مثل لعدود اللي غميج حفرها = تنهل وفايض يمها من يباها
من فايضات وبعض مخزنه أرها= محادير سيل دفقها من علاها
يا بوعلي رحبت واثني شكرها = واثني لك الترحيب في منتهاها
اعداد خبر في الجرايد نشرها = واعداد ما جف القلم من دواها
عد المخايل من دنيف حدرها = مدت كريم ما يمن ابعطاها
كم صابر يصبر ونفسه جبرها = والصبر محمود العواقب مداها
يا صاحبي ليام تكفى خطرها = من لي وزا نفسي وبين خفاها
نصبر على الدنيا وشدة أمرها = ولا نعطي النفس الشجيه هواها
اصد وابعد خايف من كسرها = ولي ما عرف زفن اليباره عواها
ولي ما وطا درب المهالك جسرها = ما ذاق من عقب الظما برد ماها
يصبر على حرة مواطي يمرها = من عاد قبض ايديه حزمة عصاها
تعذيب نفسي من سبايب بدرها = إهو شقا للروح واهو شفاها
أون ونة لي غريج ابحرها = والا خلوي وخذ منها ضناها
والا عيون وخذ منها بصرها = عن شوفها من لي يجدي جداها
من ونتي ضاق الضمير ونشرها = من زود ما باقصى الضماير حداها
يحيا بها لي ما يلبه دهرها = واللي تحت يمناه وسد حصاها
ريمية فيها الوصايف قصرها = يما عنود في فيافي فضاها
يرعى الرشا نبت الفياض وزهرها = عذري جماله والمحاسن حواها
حورية هيفا بزمة صغرها = واسنا دنوف والخجل مستحاها
العنق عنق اليازيه في ذيرها = جزت معاود واليميله وراها
والخد مثل الشمس بأول سفرها = ونور النحر يشبه البارج سناها
يا ماحلا عينه ولفتة نظرها = ومجدلات فوق متنه ثناها
العين تذبح من ابعينه نظرها = عين العزيب اللي ربا في خلاها
دعج النواظر من هدبها خطرها = والا طعين ارماح تدمي دماها
حاز الذي نهواه دونه وعرها = له شايكات ونصبها من وراها
لو يتعب القانص وظنه غترها = من صوب لفح الريح شمة هواها
لم تاسع الحوطات تاخذ حذرها = شراد صيد ذيرت من تقاها
لو شافها العابد العاكف دهرها = اسهى بصلاته وانتواها جداها
يابن عزيز اريد منك فسرها = يا من يذب صعودها وانحواها
ما نجمة هلت بتالي شهرها = واول شهرها غايبه ما نراها
يبين لك من نورها في سفرها = مياسين نجم فايقات ضياها
هل يرجع اللي شام وانوى سفرها = واقفا كما شمس تقرب مساها
مثل السنين اللي تقافا ذكرها = طال انتظار اللي بقى في رجاها
والا الضعيف اللي دمت من وسرها = ولا عاد تنقل شدها من وزاها
من عقب شهر الصوم يوجب فطرها = واللي عليه ايام يلزم قضاها
يالله يا محي الهشيم ابمطرها = وبرحمته الأرض المحيله سقاها
يا باسط الدنيا وماسك بحرها = ومرسي الجبال الشامخات ابعلاها
يحمي عقيد قادها وافتخرها = يبقى ويسلم من صوادف بلاها
ديارنا دارك ومنور قمرها = واللي يباها ما يضيع جداها
تنور ويسني من بعيد سفرها = بزمام حر موكره في علاها
صحيح ما فسرت وانا خبرها = كل المعاني فاهمين امغزاها
عين تهل ادموعها من حجرها = قصده يكحلها وبيده عماها
لا خير من لي ما يقاوي سهرها = وان رد يبغي عزبته ما ضواها
ولو شفت طير البوم باعلا وكرها = يرد من راس العلا في وطاها
مثل السواني مشيها في مدرها = ترعى المزارع والمرابط حذاها
سوت قرون وتنطح اللي نظرها = ولا عاد من صوبه تقصر خطاها
ناب الشجاعه مستلمته بامرها = تاكل عشاه وراغته من عشاها
والنمر مدنف يمسح الا ظهرها = يخشى العواقب ويتكافا بلاها
من قبل تجفل لي من داس ثرها = وتهاب دار بظنها قد وطاها
واليوم ترعى من دقايق شجرها = وتبات فالي فلو محد رعاها
الناعسه لول تغبي إثرها = وتهاب ظل خاطف في سماها
وذا الحين تمشي في الكشاف وسفرها = ترقص طرب والشمس باعلا فضاها
حتى حمام الدوح كل صقرها = تدعى وفرخ الحر موكر حذها
الريش فرقه بين من وبرها = واغلا الزمود منهن اكثر صفاها
نظم القوافي قلها من كثرها = كل على مدة يمينه عطاها
مثايل يوجب علينا نشرها = للي فهم معناتها واهتواها
المستمع واللي قرا في سطرها = اذا بدا تقصير نطلب رضاها
وسلام مني عم بدو وحضرها = أزكى من رياح الورود أو شذاها
ان كان عندك غير لفتة نظرها = هذا نظم تعبيرها وش تراها