قصيدة ( دق النوافل ذايرت بحوزانا )
الشاعر : الشيخ محمد بن راشد آل مكتوم


يابو يديل فوق متنه تثنا = والعود مثل الخيزران الليانا
منك الجوارح لاحظات رمنا = وارميتني في مهلكات الزمانا
عين أشقر للطلع تاق اوتعنا = لي وقفوا به في علاة البيانا
ذاك الفريد الفذي الموحشنا = يا علتي به يوم صد اوجفانا
مصد اوكم في صدوده محنا = ويا كيف منه لي حصل هو جزانا
اقفا وقفا وانتحى عن وطنا = وابعد ديار مبعده عن خطانا
يللي مثل بنت الغزيل تبنا = دق النوافل ذايرت بحوزانا
على اوجنات كنها دم حنا = وفوع تشادي زهرة القيحوانا
والخد عفري وروده اتجنا = ومشير بمشرب الزعفرانا
والا كما الجنديل بالنور بنا = والا شعاع الشمس والصبح بانا
يا طلبة المبغي علينا أتمنا = ويا من حسبانه في أماني رجانا
وينه تحيات المعيد لفنا = واللي بدا منا وغير هوانا
يا بن عزيز اليوم إن سلت عنا = على مضامين بصفح البيانا
على الوفا والعهد باقين حنا = ولا يغيرنا عليك الزمانا
فلا اتسمع عاذل قال عنا = حيث الصراحه يالخوي منتهانا




قصيدة ( يا فارس متعب بنات الحصانا )
رد الشاعر : صالح بن علي المنصوري


حي البيوت اللي حشام لفنا=وعلى الهدف مضمونهن بمتحاها
وتحركت لحساس وتشوقنا=ولاسباب من قاف نجيب لفانا
من حاكم يحكم على كل فنا=وحكم الوفا عاداتكم يا زعمانا
وله المثايل بالجدا يسجدنا=وينقا الخيار ويستخز السمانا
وغزل غزلته في سداته فطنا=وأنت الذي تفهم وعارف سدانا
ونقلط الترحيب للي لفنا=لبيوت قاف عانيات جدانا
يا مرحبا أعداد ما زرفلنا=حيل أصايل من سلايل عمانا
واعداد وبل والرعد به يرنا=واعداد من صلا وسمع الإذانا
واعداد ورق موسم الصيف غنا=يسجع بصوته في العلا والطمانا
ونطلب من الله طلبة ونتمنى=وعساه ياصل عند ربي دعانا
وعساك تبقى في حياتك مهنا=وعساه عدوك في حياته مهانا
ومن دونكم الايام ما يخلفنا=ولا نستمع في قول من هو نهانا
واترك رفيق يخلفه كل ظنا=ياغير من يصدق معاك ومعانا
والعيد عيد الحج لي لا زمنا=نحسب حسابه عقب عيد رمضانا
ومنك اللوازم دايما يلزمنا=والفضل والمعروف فيك جنانا
وان سلت يا ركاب من فوقهنا=يا فارس متعب بنات الحصانا
خيل تعز الراس وينومسنا=قب المهار املاعبات العنانا
يوم الهوى مسعاف وملازمنا=ياما مشينا في الطريق أو دعانا
والسفن تخطف والهوى مسعفنا=لا من عذر ولا عذرونا اخويانا
يوم الليالي عاكست واعسفنا=وقت مخالف بالحسايف سقانا
شفنا الجفايا والحمايا عدنا=وانصد عن دعوى خوي جفانا
هاجم بجيشه في الزمن وهزمنا=جيش تقدمنا وجيش ورانا
وشفنا وعفنا والسلوم اقنعنا=وشفنا الحريب اللي بجيشه عدانا
عسى العوض بالحور واجنانهنا=يلله بحسن الخاتمه ويهدانا