قصيدة ( شوق نصف قلبي بحد المراهيف )
الشاعره : المياسه - زعبيل


سلام مني يا حسين الدعايا = يا من نجاسي في هواكم محاذيف
سلام حتى ما تحمله مطايا = وشوق نصف قلبي بحد المراهيف
سالت دموعي فوق خدي سعايا = اردد الونات رظف مراظيف
واذكر زمان لي تنآي بسرايا = ادعى ضميري مبتلي به تحسيف
يا بوعيان في لحظهن بلايا = صابن فوادي واندفع دون تصريف
قاد الخطا صوبك ولاني بهوايا = مسلوب قلبي ما يعرف المعاريف
وأمسيت في حبك كثير وزايا = اشكي من الحرمان والروح بتهيف
يا مزرين حالي وهو في هنايا = يا واحد مالك حشا القلب تكليف
خليتني تايهن في خلايا = العي وادور مادري لي معاريف
أبكي وصوتي مختنق للنهايا = ما ينسمع هتفه ولو كنت هتيف
ضايع بلاكم ما خطيت ابخطايا = الا بدرب كدمشيناه في الريف
اذكر حديثك يا جميل السجايا = يا مدعي غاليك روحه بلا وليف
واذكر ليالي والعهد في صبايا = واذكر وعودك في حياة لها طيف
واذكر أماني في صميم الحنايا = يوم أنت لي رغم على كل من شيف
خصيتني دون الملا باعتنايا = ميزتني بين الحسان اللواطيف
ملكتني عرش كثير الولايا = لبستني تاج الغلا والتغرييف
اسقيتني صافي ودادك شفايا = واغنيتني من فنون التواصيف
واعطيتني حبك وغاية منايا = وبه ارتوينا دون شرح وتعريف
يا الله يا عالم جميع الخفايا = يامن بحالي عالم دون توصيف
انا اشتكي لك طول همي وشقايا = تشفي فوادي لي بدته الرواجيف
خايف وليفي ان يبدل هوايا = يصبو لغيري ما يحسب التكاليف
خذ من صبايه والزهور النقايا = وارما البقايا ما حسبها بتصريف
ادعانيه ادنو لقرب النهايا = ما ينتبه لو كان ينظرني آهيف




قصيدة ( عهد الوفا ما يملكونه مخافيف )
رد الشاعر : الشيخ محمد بن راشد آل مكتوم

حي بسلامك يا حسين الدعايا = اللي لفاني في خطوط ومظارف
يا مرحبا بك عد جمع البرايا = وعداد ما هلت دموعي مذاريف
وعداد من سلم ورد التحايا = واعداد من رد التحيه على الضيف
وعداد ما نجم سرى من سمايا = وعداد ما طير على الغصن هتيف
وماغنت الورقا بروس العلايا = تير بالالحان في موسم الصيف
تنكست في عاليات السمايا = وتوشق اللي هم لاهلهم مناكيف
سلام لك من خافيات الخفايا = سلام من وسط الضلوع المهاديف
يا بو عيون سود ولهن دعايا = اللي لحضهن كالسيوف المراهيف
حبك ملك جسمي وجمع الروايا = والجسم من يتعب يبده تكليف
لا تكتب الحسنات مني خطايا = وتشمت اللي دايم ظنه ضعيف
تليتني تلة ضعاف المطايا = حفيات من كثر التعب والتكليف
دليلهن ما يابهن بالسوايا = يحدهن صوب الوعر والمغاديف
لو كان ما بي في ظهور المطايا = ان كان تمن عاجزات مواقيف
انا بحبي لك حسين النوايا = مخلص على عهد الوفا دون تزييف
ماهوب على النيات والا البغايا = لكن تعلم بالقوانين تحريف
امشي وتاجف عن دروب الخطايا = وانا عن الزله بعيد المحاريف
أصفج بكفيني يدين الخلايا = واشتاق لك شروى هل البن للكيف
عليك يا أم المهايا الرشايا = احلى من اشكال الدمن بالتوصيف
مثل العنود اللي ترب الخلايا = ترعى من اعشاب الفياض الكفاكيف
يما ثليلة عين ولها دعايا = ام الغزال اللي تقود المواليف
تورد مياه صافيات نقايا = لي عادهي وارد وخزت لها امخيف
وتذير من صوت الحدايا الرعايا = في عاليات الشمخ الشمخ النيف
سلام لاجلك يا حسين السجايا = اعداد ما في الكون أوكل ماشيف
ويا ونتي من لاسع في حشايا = والجرح دامي داخل القلب وانزيف
ويا ونتي ونة قطيع الظمايا = اللي حداهن حر في موسم الصيف
اقفن وتاهن في ديار الخلايا = وتفرقن من عقب ما هن مواليف
أو ونت اللي قد دنته المنايا = في موقف ما فيه حيله وتصريف
انا بحبه مشكلاتي قوايا = عهد الوفا ما يملكونه مخافيف