قصيدة ( تعبت من كثر الرجيمات )
الشاعره : وضحا - دبي

لا تقول عن ذا الأكل بصبر = تعبت من كثر الرجيمات
متشوفني جني مضير = اتشكروا لي بالسلامات
يا ليتني فيها مخير = إن جان بقلع ها الرياضات
عيش على ذوقي محضر = متعيضني فيه الخضورات
بالزيت والفلفل م لاخضر = ومطبن طعمه عجوبات
عصيد وهريس أو محمر = وعقبه انتحلا بالحلاوات
وتم كل ما يالي أكبر = واعيش في إنس أو شراغات




قصيدة ( يا سيدي وقت تغير )
رد الشاعر : الشيخ محمد بن راشد آل مكتوم

يا سيدي وقت تغير = وميزان جسمك له مقاسات
الجسم من يمتن ويكبر = يازم على راعيه ثقلات
في التاليه يندم ويخسر = وتصادفه في العمر ميلات
ميفيد فيه اعلاج دختر = وحتى الدوا م الصيدليات
اعمل رجيم أو كافح الشر = وجسم ايعود ع الرياضات
خذلك عصير أو كوب م الدر = ومن المشاوي بعض لاوقات
إبعد عن العيش المحمر = ومن الحلاوه والدهونات
بتشوف حالك صاير اخير = خفيف وعزومك قويات
لانسان ما يبقى مخير = مترى المظاهر واجبيات
الله يحرزكم من الشر = يا كامل بالحسن والذات
شفني دريج الحال مخطر = أخطر خطر من لخطريات
يا ولد ريم في خلا بر = يللي ربا في اسيوح جفرات
الخصر من فترينه أصغر = والبطن بطن اللاسعيات
لا حيب لا رمان لا در = جواهر من لج غزرات
باهر جماله ينبه أعفر = يزهي ولو ما حط زينات
العين عين الحر لا شقر = وقت المسا ويشوف هدات
أسقانيه م المر لاصفر = ومن العقيق المر كاسات
سبحان من كمل أو صور = صورة جمال اليوسفيات
وش الذي في عينك اخير = قفل مطا والا عفيات
الوصف فيه الزين يكثر = ومضمرات الخيل عدلات