في قدوم الهين رحبنا = والذي للكاس عانينا
مرحبا يللي عنيت إلنا = مرحبا وأهلا ملايينا
كل من شارك ايشرفنا = والشرف والمجد يكفينا
إن نصيت الدار قاصدنا = صوبنا يا راعي الهينا
وجان متحدي بتسبقنا = سبقنا في دارنا امحينا
حاسب احسابك وراقبنا = ونزل اشياطينك قبل تينا
الذلايل تخلف الظنا = والريل ما يظلم الهينا
لا تظن ابظن من ظنا = وعن ظنون الغير نافينا
وان سبقتوا ذاك يفرحنا = ولا عن التصفيق صخينا
نعترف بللي بتسبقنا = وان سبقناها تقاضينا
كل شاعر يبدع إلفنا = له مكان أو يعرفه زينا
لا يواخذنا ويظلمنا = منه تزعلنا وترضينا
لي حصل منه حصل منا = إن رضي بالحق راضينا
ولا يظن الدرب يتعبنا = لو يطول وياخذ اسنينا
ذاك ما يطفي حماستنا = في ضيا براد لاظينا
توجد السبق ملايكنا = كل حايل شكلها زينا
م الأصايل كم هجنا = والخيار الطيبه تينا
بو خليفه لي يشجعنا = حاضر ويعيد ماضينا
للعلا قايد مسيرتنا = بالفرح ويعوده اسنينا
هوه لي يحمس تنافسنا = والتنافس بين لاثنينا
مجتمعنا بالطرب غنا = وفرحة فيها تلاقينا
في تحياتي له المنا = طاير باعلا البساتينا