قصيدة ( قلب خذوه أو عندهم حان )
الشاعر : عبدالله بن شيبان


قلب خذوه أو عندهم حان = وفي ودهم ادعوه ممحون
حاين أو مشتجي أو حيران = لي ما خذنيه ما يروفون
لي ناهبني دعج لعيان = على حياتي هم يمونون
من لحظ عينيه السهم بان = صاب أو دعاني وأطلب العون
قلب الرفق خذني بالاحسان = دميان يرحي خذني ابهون
يا اليك يللي غالي اثمان = يا الجيون الصافي المخزون
لي بالحسن كامل ولايمان = حاز الحسن عن كل مزيون
يا قايد الخفرات لاحسان = كل العذارى له يطيعون
أمن الوضيحي ما خذ اعيان = ومن الدماني ما خذ اللون
العود وافي والصدر بان = زاهي ويتبختر بالفنون
من هيرهم ما غضت اجفان = صدوا ولا عني يسالون
يا بو جسيم أمسيت هيمان = واعزاك يا بن راشد العون
اللي نهبني ريم لوطان = وقت المسا والناس يسعون
اعزاك يا قايد الشبان = لي ابسمعتك يا شيخ يثنون



قصيدة ( يا مرحبا ترحيب ولهان )
الشاعر : الشيخ محمد بن راشد المكتوم

يا مرحبا ترحيب ولهان = يا مرحبا بك ألف مليون
أهلا أهلا ما هزت اغصان = كوس تهيض كل محزون
وهلا عدد ما سار ركبان = واللي بعد ع الأرض يمشون
حي المثل يا ولد شيبان = من خاطرك وأفضيت مكنون
برقت ويلا دعج لعيان = يطوف بين اللي يطوفون
فات اختفى عنك ولا بان = واخفاك شوفه غط لعيون
شروات بدر م السما لان = إنساه هذا شوفه اظنون
شروات حلم الليل لي كان = تتصوره كاين ولا يكون
يا من لقي خاتم سليمان = اتحيده هل وين بيكون
العلم عند الله سبحان = يعلم بخافي لي يخفون
الحج طاعة لله إيمان = وانت كسبت اذنوب وديون
ما لك وعند الله سبحان = كنه غواك ابليس ملعون
والفيت متبشبش وفرحان = قضيت فرض وحامل اديون
با قوم بالواجب وفرحان = واثيب يا اللي يطلب العون
من خاطر ما هوب ندمان = ولا هب معود يتبع الهون
ذكرت وقت اللي مضى وزان = يوم الهوى مع كل مزيون
م الحب متمشكل وهيمان = وقلبك على ما فات محزون
فيضانك اسيول وغدران = ونبتك عن الرواد مزبون
حجيت يعلك تكسب احسان = وعليه عواده يعودون
سلام لك واطلبك سمحان = ومقبول حج اللي يحجون