قصيدة ( عن هوى المحبوب ما توبى )
الشاعر : الدكتور مانع سعيد العتيبه

ونتي ونات مصيوبي = ساهر من زود ليعاته
يشتكي اولا صفدت نوبي = هالشكاوي أو كثر وناته
بو جسيم القلب منهوبي = ما تهنى ابذوق راحاته
والفكر لي دوم مشغوبي = مشتغل من زود حيراته
اقمري هيف على اغروبي = والدجى لي شاح ظلماته
هو شعل في اليوف ليهوبي = والفضا ضاقت سماواته
ذقت في هالحب لعجوبي = نوع هجر أو نوع صداته
ولو ال خلي غلجت ادروبي = من أو عور أو عسر جدواته
بصبر اولاني ابمغصوبي = اتهون لجل الخل عسراته
ما حلاته أو خفقت الثوبي = لي لفح لردون شرتاته
اتلع واليوف مسلوبي = والوشاح اتزين يولاته
اصغير في السن رعبوني = والورد من لون وجناته
له أنا أندبت مكتوبي = مع سلام اتفوح بناته
مع هبوب الريح مطيوبي = لي عناه ابشرت يولاته
هو الطلب للقلب مرغوبي = والدواعن كل علاته
بالحبيب القلب مشغوبي = يشتكي من زود حراته
لو عن الأنظار محجوبي = في خيالي اتبين حضراته
هالزمن ما هوب محسوبي = لي مضى من دون لفتاته
عن هوى المحبوب ما توبي = لو جفاني اتزيد تغلاته
يا محمد ثيب متعوبي = ممتحن من زود ويعاته
انت لي نعنيك في النوبي = ما خذ ما الوقت ميزاته



قصيدة ( بن عتيبه خذهم ابدوبي )
الشاعر : الشيخ محمد بن راشد المكتوم

حي من عنا المثل صوبي = وعاد نشره في جريداته
مرحباٌ ترحيب محبوبي = لي مطول في مغيباته
او عدد ما خط مكتوبي = طرق حبر في مغيباته
عد ما قد هبت اينوبي = والنسيم الجذي نسماته
كم شكا ما الود مصيوبي = والهوى اسقاه حسراته
بن عتيبه خذهم ابدوبي = مثل خيط في مياراته
الهوى غالب ومغلوبي = إسئل اللي ذاق حراته
حاضر لك واقضي النوبي = يالخوي لك في عسيراته
فوق نقو الهين واركوبي = لو على لجدام حفياته
هجر خلك شيد طنوبي = وامتلك قلبك براحاته
انت لي طالب ومطلوبي = واتنقى في موديلاته
م الشمال ومزره اينوبي = اظلم وغطا مساحاته
شفت انا م البيض رعبوبي = م الخليج وفي إماراته
خافج المظمر عن الثوبي = وانطوى لك من حسن ذاته
والصدر له هوب مسلوبي = صابني برماح قواته
نور خده شمس لغيوبي = لو قمر في خمس عشراته
عين حر وقت لغروبي = لي معيد وشاف صيداته
في حميم وطلعه اعجوبي = ان تبين في علاواته
ناجله م الصيد منهوبي = صاجره ويعرف هداته
في غبيب وماله ادروبي = ابحره تطميه ما ياته
مثل كوس هب دالوبي = الشعر فاضت مجالاته
اسمح وسامح يا مصيوبي = المثل وتبع مراقاته