قصيدة ( حبة عطر حبة جمر )
الشاعر : عارف الخاجه

دانات لي مرن على كف الفجر = مرن ومر فيهن عمر وياعمر
شلن هواجيس الطيور المورجه = شلن لكم حبة عطر حبة جمر
دنيا تراتيب الهوى فيها هوت = تامر وتنهي والعذر فيها عذر
اتلوم صاحبها اذا مره شكى = وان صاحب الايام تجزي بالغدر
خذ لك حبيب طيع يسلا الملا = طايع تطيعه طابع طبعه يسر
ايصد عذالك وعذاله اذا = فرشوا لياليهم على وجه البدر
دانات في دار بحرها بالأمل = يبري زمان مد للونه جسر
خذلك هوى ديار بها عهود أو وفا = ثم قدر الأكرام تلقالك قدر



قصيدة ( حي المثل حي الغزل والقافيه )
الشاعر : الشيخ محمد بن راشد المكتوم

حي المثل حي الغزل والقافيه = حي المقال اللي مسجل في السطر
حيه عدد ما لاح براق شعيل = حيه عدد ما هل همال المطر
أبيات شعر شوقتني للرحيل = اشياء من الحاضر وم الماضي قصر
الشعر يسر من صفات الفاهمين = وينقى كما تنقى الطواويش الدرر
انت الذي يا بادي القول اعتنيت = شاعر قير والنثر عندك يسر
قول على معناه ما فيه اعتراض = فرقه ظلام الليل والنور والفجر
نظم القوافي بين نبطي عريب = بدع القريض أن نلتزم ولكم شكر
لي من يحاول نايف شامخ طويل = هل كيف يرقى للطويل ابلا جسر
لا تسمع اللي قال بالقول افترى = لا بد ان يرجع لأمر لاهل الأمر
يسقى برذاذ المزن بنات العبير = ما هوب حبة جمر ذي حبة حمر
يا صاحبي ايثيب لي سمع الندا = اخشى عواقبها ومتحدي الخطر
وقت الحبيب الطيب يا ما حلا = أيام حلوه ما يمر بها الكدر
خل اللزيم الكم اذا ضاق السبيل = ذخر لكم يبقى لشدات الدهر
واعرف ترى الدنيا مدبرها كريم = تكدر ومحلاها بعد ذوق الكدر
دنيا بغايات الوحوش الضاريات = منها تحس الخوف والخوف الخطر
أمشي على جدوى النجوم بلا دليل = في مهمه خالي من الوانس قفر
هل كيف يروى ظامي من لال غيل = بأرض محيله لا ظليل أو لا مطر
إلا أن سقاني راعي الطرف الكحيل = ارتاح من همي ومن هذا القهر
مورد الوجنات والخد الأسيل = ادعج العينين خمري الثغر
يا صاحبي طاح المطر واظهر حيا = وتشوف في الساحات فراخ الزهر
خمايل يرعى به ظبي مذير = واحات روض من نسيمه يختصر