أنا رحبت بالخط وقريته = تراحيبي على عد اخطواته
هديه من تعابيري عطيته = ولي يقراه يشتاق القراته
زعيمك يالخوي ياللي طريته = يزور الناس ويبلغ وصاته
لفاني من جداك ولا عنيته = ولا وقعت له في امعاملاته
وفي الأوراق توقيعك لجيته = تبادلتوا خطوط امراسلاته
وكم وكم شي قد خفيته = ومال الغير خذته عن رعاته
تلوم سعيد واخويك نهيته = وشريك الذيب يا هادي ابشاته
انا بسألك عن شي لجيته = مشيد خيمته ولابس عباته
ولا تلقاه لو انك عنيته = ولو دورت ما تلقى شراته
اذا من شام غادر عن مبيته = إييه الصبح في حروة مباته
وماله ثر في درب مشيته = ولو مذبوح ما تتلف حياته
ترى في القول يا هادي بهيته = وانا عنه بعالي شامخاته
وعقب النوم يصبح في مبيته = شرى المكسور من الفجره قطاته
اذا وقفت بسلاحك رميته = تباه يموت يظهر لك شراته
لابن مسعود بامثالي عنيته = يبيع ويشتري في امتاجراته
يقول اليوم ساكن وسط بيته = وغراب البين لي غير صفاته
فدرب الحب من قبلك مشيته = تبعته في الوطاه وفي علاته
وذقت المر يوم اني بغيته = واشد الصبر واتحمل ظماته
وحبلي اليوم عنه ما طويته = اداري يوم اتصير مناسباته
فصيد الريم اذا أنك بغيته = يبا ختيل في روضة فلاته
اذا شرفت وين أنك حريته = وذار ابعيد عن جملة مهاته
غدا كالقوس لي أنك عويته = تخاليبه الخلايا في خلاته
رميت اليافله بالله رميته = على الكتفين جدم مكبراته
وأسس بالهوى جسر بنيته = تدايع محملك في امغراقاته