حي من لفا قصادي: لبلادي = يا مرحبا بالضيف
تراحيب الهبادي: بعدادي = اوعد رمل السيف
ياللي حمل لنشادي: متهادي = يانا رجل صريف
يشكي من الليودي: ببعادي = دامي جرحه نزيف
بانندبه بالجادي: قصادي = وباحملها كليف
يوصل الأنشادي: لي غادي = من الحب والتكليف
من ودهم منصادي: يزدادي = يشكي هير الوليف
يابوجسيم انشادي: ومرادي = عسى تحوز الوليف
هب مقصدك من العادي: لي صادي = واللي حفره خفيف
حذر ولا ينصادي: شرادي = لوقنيصه تجيف
وصف الريم العنادي: ودادي = لي ذاير مستخيف
معزله جلادي: هب عادي = أهيف خصره نحيف
شروات لفح النادي: في الوادي = مرتفعات الغريف
شامخ وفرعت وادي: معتادي = شربه غيل نظيف
يقطف من الأورادي: له زادي = من قيحوان الصيف
دونه وعر وحدادي: منقادي = شامخ دونه شظيف
لوشافه الصيادي: متبادي = حل بقلبه رفيف
وان هب ريف النادي: متهادي = ومر ديار الوليف
يعله على البلادي: ينقادي = وسمي وعله صيف
على ديار البوادي: يوادي = يود وبله حضيف
ما يروده الروادي: ويزادي = يود وعشبه وجيف
جنود من البلادي: بحياتي = وين المسكن نظيف
سلم على اليوادي: والامجادي = وع بوسعيد وسيف
ما اهتز من الاعوادي: بعدادي = بنسمة هبوب الريف