يا مرحبا عد الليالي والأيام = واعداد ما تجري وتمضي فوتها
واعداد من صلى سجود وما قام = وأدى الفرايض كلها باكملتها
ترحيب لك يا بادع القول بانظام = أبيات شعر والجريده حوتها
يا شوق هذا قاضي الحب ظلام = أهل الحقوق الصايبه ما عطتها
خل الحسايف واترك اللي مضى العام = وارتاح من الأفكار ومصارعتها
دنياك يا مجمول يا حلو لوشام = يا كم ملت ثم انها افرغتها
ذي عادة الدنيا وفي طبع ليام = تعطي وتأخذ بالحبال أو طوتها
يا كم محبوب وليع ولا دام = حتى ضناها فارق أو فارقتها
ان جان جفنك في دجى الليل ما نام = عيني ترى كل الليالي اسهرتها
وان جان قلبك ينقسم عدة أقسام = انا همومي في السويداء شعتها
قلبي على خلي وليع من العام = ونفسي عليله والهموم اشطنتها
جسمي نحيف مثل ما روس لقلام = اللي تقضت والمباري برتها
كم واحد يلعي حنين ومرزام = ارسوم حب والذواري ادفنتها
سلام مني لك على عد لنسام = أخن من ريح الورود أوشذتها