يا طول صبري من الهجران يا خلي = والروح مني ومن هم يكابدها
ان الهوى .. وكل الكل بالكلي = وانت الذي بالهوى روحي تعذبها
يا خل غيرك على الدنيا انا من لي = يا كيف دايم تصديني متاعبها
مضمون حبك على الخفرات متعلي = يا من وحوش الخلا تاخذ مقاودها
ارحم صويب براه الشوق معتلي = وجروح راعي الهوى أعيت طبايبها
دعواي دعواك دعوى مالها حلي = لي طلبة لو بعد مره تنفذها
لو بس شوفك بعض لايام يحصل لي = بيزول هم نفس يراودها
كن ابعيانك سهام الموت ينسلي = وخيول جيشك تهددني ركايبها
ان كان يا زين هذا الحال راض لي = حذراك لايام ما تصفو مشاربها
الخد نوره بداجي الليل مشعلي = يسني على دار باعد به قرايبها
العين عين اشقر للصيد متخلي = وانا الذي صرت في مدمات صايدها
لا واخساره حسايف ما مضى غلي = واتعبت لاقدام ع الفاضي عمايدها