صابر على علاتي اعوام = وانا يروحي داخليه
يا كم قضيت السهر زام = وشحيت بوصولك عليه
يا سيدي يا ولد لكرام = يا معادل الروح الخفيه
أشوف رؤياكم في الاحلام = ومديم في عيني خليه
يابو يديل ايصك لجدام = إن ورده يروي الظميه
وشياك تسمع قول لوهام = وتصدق العذال فيه
وش ذنبنا يا سيد لآرام = بشره لا ذنب وخطيه
لا تستوي للحق ظلام = فينا نواياكم رديه
ياما مضت وانسيت لايام = كيف الخوي ينسى خويه
حبك ملك قلبي ولجسام = روحي وروحك عاطفيه
يا خشف ريم أوقايد أريام = يرعى فيا في عذيه
الخد شروى سيف لطام = والا شرى شمس اضحويه
برق يشع ابليل لظلام = في داجن ياضي سنيه
لطيف واطراف له انعام = واعيان نجل بابليه
مطواي خصره طي لسيام = منصوف واردوفه عليه
يا زين خذ دنياك جدام = ما دامت ادروبك سويه
لاتم شرى اليوال حوام = مفلس وقبضاته خليه
واخذ الحذر م الحر لو حام = يرجع إلصيداته ضريه
غيوم في هالجو واكتام = وتغير المشرب عليه
اتعبتني يا نسل لحشام = واقصيتني قاصي القصيه
مقطوع هاتفكم من العام = ولمواصله صعبه عليه
بمشي ولو توصلك لجدام = بوطى على الأرض الحفيه
شرعك حكمني حكم لعدام = مظلوم والا الحق ليه
إيرف قلبي رف لاعلام = صلفه هبوبه واشمليه