أنا ونيت يوم الليل دنا = ونين اللي بعلاته حزينا
مضت ليام ماحد سال عنا = ولا من صوبهم هاتف إيينا
كذاليام يا خلي تثنا = تثنا مثل حبل الواردينا
صبرت وكان كثر الصبر ظنا = على هامش مسير العاشقينا
ولا تأكيد من خبره يبنا = شرى لال زها للواردينا
ولكن لي حباله يقصرنا = طلبت الله يالجمري يعينا
شرات اللي بعلاته يحنا = رسوم الحب في قلبه دفينا
وكم طبع بحركم من سفنا = ونسبح في لجاجه مخطرينا
خلفت الظن وانته لي مضنا = خساره ما مضى واصبح دفينا
خيالك دايم ما غاب عنا = وطيفك في منامي يالضنينا
سجل اوراقكم محجوز عنا = متى لمعامله تصدر علينا
أختامك يا عزيزي ماوصلنا = تذكرنا ترانا مخطرينا
أنا اللي مثل طير فوق فنا = شبكني مثل نصب الصايدينا
ولحظه من عيونك يذبحنا = بصفات الهدب والحاجبينا
وخصرين نحايف وانطونا = وعوده من هوا النسمه يلينا
تعشكل فوق لمتان وتثنا = شرات الليل والبدر الجبينا
حسين اللون مدمي الوجنا = شرى فوعة ورود الياسمينا
من اشكال الوضيحي ماخذنا = تخز وذيروها القانصينا
أنا والله لو ما أنت المضنا = وتملكني عهود من سنينا
لغني بالهوى في كل فنا = وبيعه بيع ناس مرخصينا