يا مرحبا بالشادي .. لك ردي .. واثنيه بالترحيب
لك يالخوي لمنادي .. باردي .. قول على الترتيب
اتصيح بالأنشادي .. وتعدي .. تعزاني مستثيب
يابو شهاب العادي .. الفردي .. ما يبقى له نصيب
غير الذي يوادي .. متحدي .. هيراته والغبيب
انته من الأسهادي .. تنعدي .. ابقولك باللبيب
يلحج حالك نفادي .. الصدي .. وتم في تعذيب
خوداه قسم ما فادي .. ولا ردي .. وقلبه بداه الريب
دوم أقنصك في الوادي .. وتردي .. ومسراحك من جريب
تتبع صيد العنازي .. وتمدي .. تخطا ومره تصيب
أيام لك باعدادي .. تنعدي .. ما خفت من الرجيب
يوم اسرحوا لعبادي .. اتودي .. ما يبقى لك رجيب
ويتم جوك هادي .. ما حدي .. صغارهم والشيب
لتم دوم اتمادي .. وتعدي .. سرياتك والخبيب
اتبع سنع لجدادي .. بالجدي .. المنبر والخطيب
ما يهنا له رقادي .. به سهدي .. ونومه غدا حريب
وان كان به ايهادي .. ملتدي .. يستبشر بالطبيب
الا ان بغى لبلادي .. بيردي .. مستبخص م الحبيب
باللي غلاهم زادي .. واشتدي .. أهل الكرم والطيب
وش النظر يا هادي .. في الودي .. من لي جرحه عطيب
دمعه شرات الوادي .. منهدي .. ومسوى له عبيب
من لاسع في فؤادي .. مظتدي .. ما يشفيني طبيب
خشف الريم العنادي .. العندي .. دونه بحر وغبيب
من خافيات افوادي .. محتدي .. وصابر على التعذيب
محرك البحث
عدد قراء القصيدة : 
تاريخ الإضافة : 
