خبر لفا وشقاني .. ودعاني .. كني لديغ اسموم
صابر وصبري ثاني .. ثواني .. ما يحمله مهموم
يبر الكسر مازاني .. نيشاني .. يبقى علم وارسوم
حكم المحبه جاني .. حرماني .. ويجير بالمحكوم
موي ابحره طوفاني .. ظرماني .. وكبار موي ايزوم
كني جتيل أسناني .. عدماني .. والا زريج اسهوم
عين اشقر طرباني .. شمقاني .. وعند الهدد ملزوم
ابيض م لقحواني .. روياني .. توه شباب اليوم
يامنوت الأماني .. اماني .. ومثل الوشم مرقوم
موزابزرع بستاني .. نشواني .. شرب الكدر بسموم
ماكثر الألواني .. ميداني .. رفيع غالي سوم
يا فاهم في المعاني .. تنساني .. لا تبيح المكتوم
صابر على الحرماني .. زماني .. وشحيلة المحروم
حيه جيل لفاني.. ياعاني .. ورد المثل ملزوم
على الذي شفقاني .. طرباني .. ومن صاحبه محروم
مثلي يابو سلطاني .. سهراني .. جفنك حريب النوم
يتلونن بالواني .. بلعاني .. وافسر عليك احلوم
عاني وقلبك عاني .. تعزاني .. وتبغي مرد اعلوم
مني خذ التبياني .. يفلاني .. شهر ارمضان الصوم
امعزل م لمثاني .. لياني .. ومظمره مبروم
الخد نوره باني .. زفاني .. برق لظى بغيوم
خذ مني بالمعاني .. صفطاني .. ياذا الخوي مكروم
اثني لك بالبياني .. تهاني .. وبين السطور ارقوم