هلا ما نسنس الغربي وما غنى الحمام وناح = على دوح ظليل وفيه ايردد الحونه
تزخرف ورده الباسم بروض من عبيره فاح = وورد الزهر عنابيله ولو ما كان يسقونه
وما تذري ذواري البر نسيم البارد الصباح = وأعفت م الأثاري ما بقي منها ولا كونه
يكون ابحاضر الماضي وشرف الخير به ترتاح = فلا لا زال بل ما كنتوا تعرفونه
بنومه شوفكم دايم وكل الهايعه طياح = فلا يرقد ولا يهنا ولا تغضي له اعيونه
ولا ينلام مجروح بحد الصارم الذباح = فلا تسمع كلام الغير اذا رادوا يضرونه
اذا كان في بدع التماثيل لك نصاح = ترفق بكل اللي سقاه الزمن هونه
أخشى من الميل يالمحبوب سيدي باح = تحلى المعادن والذهب يبقى على لونه
أسفر هواكم بالمحبه مثل ما لاح = برق بعيد على دار تخيلونه
وانور سماكم بالمحبه ونوره شاح = كما نور صبح نور الافاق في كونه
لكم بالمحبه صادق مخلص نصاح = صافي لكم بالحب وانتو تحبونه
ترفق ترى حال المولع بداه إلحاح = كما لح مشتاق على شوف مضنونه
عليكم يرف القلب رفة خفوق إيناح = يشوف الحباري والصجاجير يدعونه
ألا يا عجيد أريام في طلعة المسراح = يرب الخلا الخالي عن اللي يرودونه
كذا دارت الدنيا بذكر الماضي الشحاح = يدور الكون فينا وحنا واسط اركونه
إذا تذكر من الماضي بلعب اعظيم يالواح = يفوز ابحقه الرابح خسارة لي يروغونه
ألا يا عذولي في الهوى قلبي الطماح = أرى العذل في قلب المشقى يزيدونه
تدور المحبه بي كما دورة التلواح = مرة يدور... ومره في العالي يفرونه
أنا مثل منهو هد طيره عليه إوراح = خفى واختفى من كف ناس يربونه
ولا يابه الصايح وزفره وفر إيناح = تعلا في جو السما ينفض اركونه
صجير بلا طيره لايسلى ولا مرتاح = يردد الصيحه مثل ما يردد الحونه
يشورف ويرقا ما تعلا على الميضاح = ويسأل وينشد كود ناس يدلونه
سلامي عد ما دنت رعود أو سالت الأبطاح = وزخرف عشبه الجيعان ولك البر خضر لونه
وطاب الكيف للراحل تحثه شمقة المرواح = مخاضير مغاني واد ابها إيريح اعيونه