بسم الإله الجيل نبديه مبدوع = رب كريم لدعوة العبد سماع
البارحه جفني عن النوم ممنوع = أدير فكري والمخاليج هياع
ما اشكي فؤاد م المعاليج منزوع = حشا ولا نشكي جروح بها اوجاع
ولاخفق قلب خفق بين لضلوع = ولا تاق توق الحر في راس مطلاع
ولا هلت عيوني من الوجد بدموع = ولا شب لي واهي تواجد بلضلاع
ولا دارت افكاري بتصميم مشروع = ولا بت اطرجع م الهواجيس لصباع
لكن بي من واحد ون مفجوع = بين الخلايج يالخوي حبهم شاع
ياذا الأمير اللي من الحب مصروع = والكم قصيد ابمجلس الشعر ينذاع
لا تبيح اسدودك بلمات لجموع = لانه هواكم تالي الوقت ينابع
شرواك ياخذ يالغضي مسلك الطوع = ولا تصير في دنياك يازين طماع
لا تسوم قدرك بين شاري ومبيوع = تاجف وخذ دنياك يازين باسناع
ما في حياة التيه والغي منفوع = يا غير دينك تالي الوقت شفاع
لي عاد ثوب الود بالي مرقوع = وتتحسبه ثوب جديد ولماع
وقت مضى ما عاد لك فيه مرجوع = والطير يفهم للتلاويح في ساع
من دق باب البيت يا تيه مرجوع = ويجاوبه من كان في البيت سماع
الشعر في بعض المخاليج مزروع = ما هوب صنعة صانع في ايد صناع
قرب تقاعدكم وبارز ومطبوع = واللي بقي له حق محفوظ ما ضاع
عسى مقامك بالمروات مرفوع = تاخد مكان العز ما تطالع القاع
والكم سلامي تالي الطرس مطبوع = من كل طيب لك تعدد بلنواع