قصيدة ( يا ماحلا مشيه على الأرض وان داس )
الشاعر : الشيخ محمد بن راشد آل مكتوم

يا ماحلا مشيه على الأرض وان داس = وطي القدم يمشي مرح في مسيره
ما بين روض زاهي كله اوراس = يشرب نهر شلال تسمع خريره
واعشاب ورديه شذاها بالانفاس = تحيي النفوس التايهات الكديره
ومعطوف عود له على القدمياس = هايف ودوحه يانعات ثميره
واشقر معثكل فارع فوق لالباس = مثل الشليل اللي تباهى حريره
مثل الذهب صف السبايك وسلاس = على انحداره مثل وصف الضفيره
عذرا يزاغيها الطرب والتمياس = خدر العيون الناظرات الحويره
لها على قلبي ثمانين رساس = من عشر واربع والبقايا نثيره
يا مسابق الاحداث يا قايد الناس = ياذا الزعيم اللي تقود المسيره
يالشامخ اللي من سلالة بني ياس = أهل الكرم واهل النفوس الصغيره
يقود ركبانه إلى هب نسناس = وان ادلخ سماها جدها في مسيره
يابعد سده عن طويلات لانفاس = ليث تحدر من شوامخ وعيره
اقولها من فكر صافي وحساس = ومن الضمير وخافيات السريره
ويابو شهاب الوقت ما يرحم الناس = يمشي فواته والمسامع صغيره
ولاني على جمع المخاليق حراس = ومن يعرف الواقع قيوده قصيره
شوقي مخوة قايد الناس للناس = وكل اخوياه ومستشاره شويره
والبوجسيم واخوياه زد لاجناس = اهدي سلامي والتحيه عبيره
نسل الشيوخ امتعب كل عرماس = ومن المذاهب ماخذين النضيره
ساس على ساس تسيس على ساس = ونعم الزميل اللي بغيته ذخيره
المسك والورد الحمر شم لانفاس = ولانسان يبدي ما يكنه ضميره
فيها من انواع الزمرد ولالماس = صف العقود اللي نضدها خبيره



قصيدة ( يا مرحبا بشعر لفا وسط لطراس )
رد الشاعر : معالي أحمد خليفة السويدي

يا مرحبا بشعر لفا وسط لطراس=جيل معرب له معاني غزيره
ويامرحبا به عد ما هب نسناس=اوعد براق عيل في مسيره
واهلا وسهلا به وبلا عد وقياس=وماغردت ورقاء خلاف الظهيره
ماقلت غير الحق في قايد الناس=زايد وهو زايد على الناس خيره
زايد اذا ضاقت على الخاطر أنفاس=حلال صعبات الأمور العسيره
يسري بفكره في دجى الليل عساس=بافكار للحر المجرب منيره
يا شيخ ياللي في الدياجير نبراس=ولي في الضماير لك مكانه كبيره
رايك سديد وثابت الركن والساس=ونفسك بالاعمال الكبيره جديره
شيخ عزيز نرفع برايه الراس=ويا سعد من بتكون انته شويره
وأنا أشهد ان ماشوف في رايكم باس=اذا نظرنا بالعيون البصيره
نظرتك نظرة مرهف العقل حساس=شهم دليله في الحوادث ضميره
يا طلق ليدين الكريمه ندى وباس=طويل شبرك يا عقيد العشيره
غنت لك الجادل كما غصن مياس=بلحان للقلب المولع تثيره
وتساجعن في شفك الغيد مياس=باصوات تتناغم بنفس الوتيره
يا شوق من دله زمرد ولالماس=راس الرقم لي من بحور غزيره
سلام مني لك بلا عد واقياس=ياللي مناظيمه عقود نضيره