يا بـو خـدود مورداتي=تشكـــــــــــــي ولا بينت بالعوق
عطنا اوصافـه بالثباتي=حتـــى نفحص كـــــــــل معلوق
يا زين يا حلـو الشفاتي=بنثيب دام الشـــــــــــي ملحوق
واللي شراتك بايحـاتي=قبل الــــــوداد ايذوب م الشوق
يا جامع زين أو حلاتـي=مترى الهوى لــه فن واطروق
كانه فهم لمح اكلاماتي=منك ولا جـــــــاوب ابمنطوق
خله ولا قلبـك ايحاتـي=ولا تحط له في النفس معلوق
لي مـا يلبي لنـدواتي=مـــا عرف لذات الهوى ذوق
جدواه لا تعـوي التفاتي=وعن وارد لــــه طبق السوق
لا تحسبه ربح أو غناتي=وانته زبونك مرتفع فــــــوق
لا يندمـك لي ما يحاتي=يـــــــا بو يديـل يثل مطلوق
تمت وهاذي لك وصاتي=وتكفا لهموم وخـــــافي العوق