كم سجّل التاريخ له من نباّ عالي=في الطّايلات وكلمة الصّدق تنقالي
قرم المعالي تاخذه لاريحيّه=يهتزّ مثل السّيف في كفّ نزّالي
طلنا السما به وافتخرنا بفخره=وشفنا المجرّه تحتنا وطية انعالي
إن سلتني منهو: فهذا محمد=بن راشد المكتوم ممدوح لافعالي
خذ ما سمعت وخلّ ما شيت دونه=تلقاه لاوّل في النّدى هوب في التّالي
أعتى العواتي لو جست ما تهمّه=ولا تبطره لولوه تساعد بالقبالي
سيّان لا هذا يهينه ولا ذا=يزينه على الفطره كما صاغه الوالي
أسخى من المسترسل الرّيح لي عطى=واجود من الوسمي إيلي عمّ همّالي
خذ المهنّد هوب فخرٍ بقيمته=والكاس قبله رافع الرّاس ميبالي
والفوز والناموس والسّبق كلّه=والرّايه البيضا رفعها إلى العالي
والكاس عوّد حايم الورد دونه=وآزم يراواله سرابٍ من اللاّلي
خذه وهو بالنصّر والعزّ واثق=بالله ما هو به فخورٍ ومختالي
خذه وارفعه ماهوب مكثر لكنها=ندارةٍ تشهد بها كلّ لجيالي
يا من شهد ترى الشهاده عظيمه=وعن الشهاده بها كلّ لجيالي
يا من شهد ترى الشهاده عظيمه=وعن الشهاده يا فتى ربّك ايسالي
هل إظهرت في سبّق الهين سابق=مثل العزيّل لي رمتهن ورا الخالي
وهل إسبقت من قبلها مثل سبقها=من الأصايل في التّرشّيح شملالي
غلبا من القلب الأوايل مبطّره=في الشّوط لاوّل تاخذ الفوز والتّالي
يوم انزلت في ساحة الرّيس خلّت=في انحورهن من وطيها الرّمل كوّالي
في مهرجانٍ واحتفالٍ به إشرفت=حكّام يدّون الشّهادات وابطالي
ما في الأوايل رشّحوا وصف مثلها=ولا اللّي حواها في الوصايف له امثالي
مشوبها في الحفل تهتالها الملا=كما كاعبٍ نوشى من التّيه تختالي
صفّق لها الجمهور مسرور: وارقصن=سود الذّوايب بالعكاريش نشّالي
اللّي عطيت العزّ من رافع السما=في الارض مالك يا هوى البيض خذّالي
يا الله لي عوّدتنا طيّب الرّجا أنكّ تحقّق له مطاليب لآمالي
وآختمها بازكى الصلاه على النبي=محمد الهادي مع الصحب والآلي