ياشاطئ الراحـة وياشاطئ الزين=القلب بك يلقي غرامـــــه وراحه
ييتك وقـرت من بعد شوفك العين=وانسيت بك هم الزمان وجراحه
فيك النسايم مثـل فـوع البساتين=لي بالزهر يانـع وفاحت رياحه
بك تنتعش روح المولع من سنين=والقلب في قربك يزيد انشراحه
تلفـي على شاطيـك كل المزايين=لي نافـلات بالحسن والمـلاحه
البيض لي شروا الحصابي المثامين=الخـرد اللي ينـورن كل ساحـه
والزين لي يسكن وسط ناظر العين=ياكم زاره فـي مساه وصباحـه
زاره وزاده فـوق زينه بعـد زين=حتى غدا للحسن والزيـن واحه
محرك البحث
عدد قراء القصيدة : 
تاريخ الإضافة : 
