يمنقّش العنّاب بخضاب=ويمشرّب اللّون ابيّاضي
باسباب والاّ ماشي اسباب=دايم اتشكّل في غياضي
وغلاك عندي ماله احساب=ولا تنقله سبع الأراضي
ولو ينخزن في الشّامخ انذاب=ذوب الحيد وشبّ لاضي
ألبستني م الحب جلباب=جلاّب من عقب التّراضي
وخلّيتني من خارج الباب=ما كنّ لي ويّاك ماضي
إعجاب منك أو منّي اعجاب=تخطي وانا لك في تغاضي
والوقت يقزر كلّه اعتاب=ولا شي عند الواش قاضي
يا بو ثمانٍ ذبّل اعذاب=في مبسمٍ كالحصّ ياضي
وعيون قتّالات باهداب=والحاظ في النّظره مواضي
إن قمت لك بالوافي أو جاب=هذاك في الحبّ افتراضي
عسى أوطنك يسقيه سحّاب=مركوم ومزونه اغلاضي
ينقاد م المغرب له احياب=ويبات برّاقه لواضي
وسمي وتزهر فيه لاعشاب=واتّم وديانه رياضي
تلتفّ له في الكشته أصحاب=تمشي لهم خد م أو حواضي
هناك وين تقيم لاحباب=ويطيب للحاضر مقاضي