ما دوا من مرضه آسه=بن محمد من تلميسه
حين ظن ابكثر تجساسه=ويج عوق فيه بيجيسه
عالجه واخر طوى ياسه=ما لحج سارج مراسيسه
لودري باقصى رسم ساسه=ما اتخذ له ليله ايجيسه
حيث عوقه خالف اقياسه=واشتكل عقب التفريسه
ذا صويب الحال من ناسه=والهير مكثر وساويسه
الطبيب ادله أهواسه=عن بلايا ليس مسيسه
لاحشاه إلا الهوى كاسه=شاربه تكثر تعاويسه
واعذاب القلب من باسه=في التجافي من تهوييسه
خص يوم اخفتني انباسه=في عتاب كود دويسه
بو نجم خابرك عن ناسه=ذا الهوى واشطر كراييسه
ارحم اللي هاجر انعاسه=من عظم حرة تنفيسه
بافتكار ورشد واسياسه=يعل يحظى خير تأنيسه
واسببه من وسط مكناسه=راتع خيفة حراريسه
كاعب ستره شعر راسه=عند ما ينزع ملابيسه
وان نشل والليل عسعاسه=مسدل ضاعف جناديسه
وان ظهر في الداج واغلاسه=ياب فجر عند تنفيسه
وان تبسم تحسب اضراسه=ذيل در فيد قييسه
وبالوذافه زانت العاسه=والحواجب بالتقويسه
والصدر بالنور واتراسه=والنهايد للتيليسه
وان تكلم خرس رماسه=من رخامة غنة احسيسه
ذا رماني باسهم اقواسه=لي كمن بعيون انعيسه
لي حليه التبر واشماسه=واحلله صفوة سناديسه
قط حسنه يابت اجناسه=في النسا ماله تقابيسه
كم غرير ابوصف يلاسه=في الحسن خفه له ابليسه
ظل صوبه يرسل اكياسه=وآخره ريع ابتفليسه
بونجم لا تكون خلاسه=سمتنا واعط النبا قيسه
من أجل لو صغر كراسه=ظل شرحه في قواميسه