قصيدة ( طارشي )
الشاعر : محمد بن ثاني بن زنيد

طارشي إرحل جدا سالم=بلكتاب وبالتحيات
طالعه من جان لي والم=بالردود وهات لي واتي
طحت قل له في بخت ظالم=باخل متمرد وعاتي
طاغي دب ادهره وارم=با ربي من دون زلات
طلبته عسره وبي عالم=باطني عنده وخصاتي
طالب روحي من العالم=بايعذبها بلشتات
طال بي هيره وانا جاتم=بستتر عن قول شمات
طايع لي يوم أنا هايم=به وياخذني برافات
طاويه عندي وأنا قايم=بالوفا من طيبي وذاتي
طوفته بي لو أنا نايم=باتزيح اهموم علاتي
طر قلبي جيف يتلايم=بالدوا يوم اللحم هاتي
طبني في بير متهايم=بارع جاسي ولا ايحاتي
طلبتي وابجيه أنا دايم=بالدموع المستهلات
طابع سعود بالخاتم=بمهر ماله وبيات
طارد علوه واملازم=بغض له واسقاه ليعات
طفل خده أبيض وناعم=بذكره من خلف لبيات
طال عمره إن قضى لازم=بو غنيم إليه ابهمات
طول غيره ما أبا امنادم=بالشجاوي في العضيلات
طل في القاموس والفاهم=به ايحصل كل غايات
طير طاير والدجى فاحم=بالرفل وارفي له ابخات


قصيدة ( طاب فال الطارشي )
رد الشاعر : سالم بن محمد الجمري

طاب فال الطارش القادم=بالتحيه والسلامات
طاولنيه اكتاب املايم=به دروس حروف وابيات
طرشه لي مولع عالم=بالغ في بدع لبيات
طالبنيه به وانا لازم=به يرحب سبع مرات
طرز صب قصده يكالم=بالشعر يطلب مثابات
طي سجله يشتكي مالم=به هوى سيد الخوندات
طاش وجده واشتكى لسالم=باح له باقصى الخفيات
طش له سالم من العالم=بالتبرع والمعونات
طمنه وهوه له املازم=بن زنيد الصاحب الذاتي
طيب أفهم يا بن لمكارم=بالمثل واسمع جواباتي
طلبتك للخل ما بلازم=بالهوايه والبغيات
طيع خلك مول لاتعاسم=بالصفا بتنال غايات
طيع له كطيعة الخادم=بامر عمه ينهض وياتي
طمعه بالمال لا اتعازم=باشره واسفط له اميات
طال بك هجره وكن جازم=بالصبر تبلغ منيات
طربتك عقد الهجر يازم=بالرضا يرجع لذي فات
طارد العذال والللايم=بالعذل لا تسمع أوشاة
طب عنك السوم والسايم=بالهزر لي راح ماياتي
طر جرحك ماله املايم=باطني ما تفيد دويات
طس طيرك حايم شايم=بالزقر ما يسمع اصوات
طاف سعود الغضي حايم=باغض للشيب شيفات
طفلك اللي تحمله نايم=بفسره لك في سجلاتي
طرف طرفه يجرح الصايم=برقت في غيرك ومات
طلمستك بطب وطلاسم=بالبحر صادتك صيدات
طرفشانه صايد حاسم=بالغزل تسدي مسادات
طيعني يا الأخ بو جاسم=بالك اتغازل ابنيات
طبهن للمولع معاسم=بايبثن لك دعايات
طو حبلك واضرب الباسم=بالهوى ما فيك تجساة
طيعني لو كنت مب رايم=بالمثل هاذي معاباتي