ياحسرتي من فقد شوقي=لي سالب لبه افوادي
يللي سنا نوره ايفوق=عن كل من لبس السواد
له مبسم شبه البروق=ليمن سرن والليل هادي
والراس له يثل ايسوق=لي حد خصريه الجلاد
واعيون له دعج اتشوق=حاشن سواد كالمداد
خذ من تليعات العنوق=جيد كما البلور غادي
زان التبر فيد امعشوقي=ثم الزجنجل دون جادي
من دون لايلبس ارنوق=من طرز لهدوم اليداد
ما فوق حسنه قط فوق=عندي له اشهود هباد
ليمن مشى مشيه رفوق=مثل القطا في في وادي
هذا الذي سقمي وعوقي=امنه وهو غاية مرادي
ويا بن سرور إشف الشفوق=في الرد وانته له اسناد
أعزاك ياعرب النطوق=وانخاك يانجل المجاد
لاتشمت انذال اطفوق=إبيه مع جنود الحساد
ياصاح شف قلبي خفوق=عليه وامحارب رقادي
والدمع من عيني دفوق=جنه قطر مزن الغوادي
آبات شروى لمخنوق=عليه متشده وانادي
يافاهم كل الطروق=في الرد كن لي في اجتهاد
وصلوا عدد وبل هدوق=على المشفع خير هادي