جز يا قلم في صافح الطرس بسراع=ان كنت مني تاخذ القول وامطبع
مانيب لك ناهز إلى كنت مطواع=إلن عصيت وجيت في حال تضييع
متراي بك برسم من أغزار لأبداع=نظم ايشيج أهل القلوب المواليع
في شف من ينفل على كل متلاع=بالجيد وأنوار الخدود المشاعيع
غرو ابساعه صرت وياه ف اجماع=جيته وأهو من بين خود مراتيع
في روض بستان كما روش مرباع=متنوعات أزهار نبته تنويع
فيه البنفسج تاه والرند طلاع=والجلنار أبحول ذيك الينابيع
والخوخ جايد والسفرجل بلايناع=والبيض يمشن فيه حسر مداليع
يجنن ثمر ذاك الشجر دون تجزاع=جني الشفاقه والطرب والتهاليع
وشلن احسيسات ريخمات لاسجاع=منهن حشا قلبي اتقطع تقطيع
متولفات فيه من كل لبقاع=متولعات ابحسن شوقي توليع
حين اقربنه واكشفن ينب لجناع=خلته بدر ووليفاته مشاميع
وادنيت من قرب وحركت لاصباع=صوبه وفز ابغير رعب وتفزيع
خطف أممامي ثم له صرت تباع=كافت يدي وامشي ابذل وتخضيع
قفا ايدوس الأرض م الكيف بوساع=متبختر ماريت لخطاه توسيع
ساعة غدار عن جملة البيض ف امناع=وجف وجلس سيدي وساوى الترابيع
والتاح صوبي شازر العين وارتاع=قلبي وحط الروح في حال تنزيع