طاري السفر يا زين منه الحشا ذاب=من حرّ مانس بالحشا منه ذليّت
حيث أنّ جرح العام يا صاح ما طاب=لو أنت تذكر ما جرى كان ما اقفيت
يا من رحل عني بلا ذنب واسباب=قصدك اتلّوع خاطري بالتّناهيت
النور من فرقاك عن ناظري غاب=عمّ الظلام ابمهجتي واستضريت
وهلّت دموع العين لين الهدب شاب=الله من دمعٍ على الخد هلّيت
حتى القرايب بعدكم صاروا اجناب=الناس حولي مستهله وانا ميت
يا مشغلٍ روحي وانا منك منصاب=في ظلذ عطفك عن سمومك تتقّيت
إرحم عزيزٍ ذلّ ما يبدي اعتاب=معطيك قلبٍ في عذابه تماديت
غرست له في ثومة القلب مخلاب=يا قوّ باسك لو على الخلق ولّيت
أرجي وصالك والأمل فيك ما خاب=انت الوحيد اللي من الناس حبّيت