حي ابجواب الشيخ حيه=ماسح ودق ونس ذنان
قصده على دفن العطيه=من حيلته بمكافح لسان
تمنيته منوه هزيه=يبغي بها ضحكة وسلوان
ياهيه ما دور وصيه=وباتل راسه خلف لمتان
ياغير في فعل الينيه=واخشى الإله وبطش شيخان
ماهوب كفو الدختريه=في الضيج باعزا خير شبان
أهل الظفاره والحميه=تختالهم في الكون عجبان
حكمك نفوه المحضريه=يابو عليع انصوص بطلان
لصمخ فصخ من هالخطيه=صارت لفوزه ملك مجان
حوط عليها بالبنيه=وانته يحست وصرت فشلان
اصميخ ناو لك بنيه=آها الحذر ينظرك بعيان
متعهد لييك ييه=ويفرسك وانته فوق عكران
ما تنقله ذيج الجريه=اليوع مرذنه وحصلان
كم قال لي هاته إليه=هل مستحج بغير برهان
يا هيسه وليه إيديه=وباتوبه بايندب انسان
يبوقني والشمس حيه=وايرد لك ويدور احسان
هذا حرام ثم سيه=فعله ويطفي نور ليمان
اشباه ما عاوظ خويه=من قيظ بكس هوب عوان
أما جهر لو بالخفية=عن يعلمون بذاك خلان
وان قال حنا بالسويه=هوياك قوله قول بهتان
روضة نخل عنده غبيه=بكس امدسوسه بين هيران
ما جد فسل فيها الدنيه=الا الخصاب ويبري اعمان
الفرظ واللولو زهيه=وامطرز من كل للوان
يذورد عنها لينبيه=ويرودها ويبات سهران
متبصر حق السجيه=وينهض اعذاقه كل ما لان
واليوم حلت به قضيه=فوقه طويه اتكود وحان
إن ما أنقذه رب البرية=ان كان ذكر الشيخ ماكان
اتقول ما عندي دريه=بالخافيات أخبرتك الآن