يا الله يا عالم خفيّات لاحوال=يا واحد في كل ذكرى نسميبه
عالم بما كنّيت في الخاطر أوجال=عارف ضمير النفس لو ما نهاذيبه
الجفن عن نوم المطاييب جفّال=وحالٍ مريعٍ والعنا صار مزريبه
وقلبٍ من الليعات زادت به اثقال=وجولات فكر ترتفع به وتهويبه
وجوفٍ به النيران تتواقد اشعال=حرّاتها تصلي الضماير لواهيبه
واوجاع مثل الرمل على الجرح تنهال=لي هوّنت علّه تجي الغير تغديبه
قلبي غدا به في الهوى حرّ جوال=مكّن له الضربه وغزّر مخاليبه
فزنا ابتعاذيبٍ لها عدة اشكال=واللي شراتي يالخوي كيف تطبيبه
يا الله ما نرجوه غيرك ولا انسال=تحميه من جور الليالي و تذريبه
عسى يطمّنا على صحّة الحال=هذا الرجاء و الامل والغير مالي به
لو فنيت الارواح كلها ولزوال=لازال حبّك في الشرايين تسري به
ولو بادروني الغير في زيّ لاشبال=من غيرك الأوزان تهوي و توطيبه
صلاة ربّي عدّ ما جال خيّال=في موقفٍ للحق لله يسعي به
واعداد ما ينصبّ م البنّ فنجال=قومٍ الى يا الضّيف سارت تهلّيبه