كم بغيت القلب يسليكم=لو دقيقه يصبر ابلاكم
مول ما طاع النظر فيكم=لو عذلته يترك هواكم
وين ما جبّل الاقيكم=في صبيّ العين ميراكم
دوم تطريلي طواريكم=وينشرح بالي لطرواكم
واتّهايالي ملاجيكم=يوم صافي جوّي اوياكم
كم شربت الراح ميديكم=ما حرمتوني من ارضاكم
قامت احسودي ترابيكم=واحرمتني طيب لاماكم
وان غديت مغرّم اييكم=عقب ظمين برتوي ماكم
والهبوب اللي باراضيكم=يوم هبّ ايسير جدواكم
نادبنّه يوم ببيكم=ييبلي من ريحة اهواكم
يا غناتي بس يكفيكم=مالهجر يكفيه مضناكم
العمر والروح بهديكم=وان طلبتوا زود يفداكم
وين انا بلقا شراويكم=مالبشر ماحد يسواكم
غيركم ما عاضني فيكم=ولو بغوني قلت ما باكم
يعل ربّي لي يخلّيكم=ما يفرّق شملي وياكم