يوم جن الليل واغتلسا=حندسه وارخى سدل داجه
ثرت انقي مطلب النفسا=م الشعر حين الفكر هاجه
جزت به في صافح الطرسا=سار فيه المبري بزاجه
شان قايد رتع الكنسا=بو نظير زانت ادعاجه
له رضاب طيب المحسا=ذوق شهد وبرد أثلاجه
مضحكه كاللولو الملسا=طلع بحر غمجه الجاجه
والنهد له جاعد الترسا=حرم منه الراضع الهاجه
وصف نوره يشبه الشمسا=في الدجى يكفي عن سراجه
يكتسي من فاخر اللبسا=من حرير وصنف ديباجه
لونظر في عابد أمسى=هايم في الحب والعاجه
أو بلي به حاكم الفرسا=عاف ملكه وآضعه تاجه
صرت في حبه شرى الخنسا=ما خلا قلبي من ازعاجه
صحن خدي م الدمع خرسا=لي مسحته زاد ثجاجه
نشف حالي والجسم يبسا=والحشا تتجادح اوهاجه
طب عوقي يعجز الإنسا=كم حذوق تعب في علاجه
شتت الله حاسد بلسا=لي حرمني نظرة ابهاجه
بوسنيده ثيب معتمسا=حاين والقول لك عاجه
ثيبني لا تشمت البلسا=يا ذخرة لي على الحاجه
ألف صلوا ما درس درسا=وماسعى للبيت حجاجه
تبلغ اللي موضح الخمسا=وآل ثم اتباع منهاجه