مقدر حبيبي طول فرقاك=بالزين عن عمري ببدّيك
حمّلت كل المدح معناك=وعمري فداك ان جان يرضيك
إرحم ولا اتشقّيني أوياك=يا رويحتي بالرّوح بفديك
لو بالعمر والروح بشراك=ودعي عسى ربّي يخليك
هل كيف اسلا عنك و انساك=وانا مديم ابقولي أعنيك
وان يابت النّسمات شرتاك=تنعش ضميري بين ياديك
يعل أو عسى في سير مجراك=تعدل ولا يفتّر جاريك
يا ثمرةٍ في اليوف مجساك=خيّبت هاك الظن لي فيك
روف ابحشالي دوم يغلاك=ليتك تحن وتثيب غاليك
يعل الكدر يا زين يعداك=والخير يبتع لك أثاريك
ما تفتكر في العمل هذاك=واتظن غيري لي يواسيك
يوم انجفوا محّد بقي أوياك=غيري عساني بس أراضيك
لفواد ما يسكن ابليّاك=يا منيتي متى بلاجيك
حبّك تمكن ساد: مغلاك=وجانك نجفت ( الله أيهنيك )