من بحاكم وانته الحاكم=من بشاجي وانت مولايه
يا ملاكي آه لولاكم=ما زهت يا زين دنيايه
لي قليبٍ دوم يقفاكم=تابعٍ ظلّك يمنوايه
خاضعٍ راسي لعيناكم=هوب غصب أو جبر برضايه
لي بنور العين يدراكم=منيتي لتخيّب امنايه
ذا عزيز النفس لبّاكم=إن تذلّل قولوا ابرايه
مسخيٍ بالروح فدواكم=من حلا روحك يعينايه
مطلبي يا الغالي ارضاكم=لي رضى محبوبي اكفايه
يا خفيف الدم معناكم=مالكنّي ملك لولايه
ذا غشيم اللّي بيسلاكم=وانتوا الغالين رجوايه