يا زميلي مثلك احنّا=واشتكي فقد المحّبـينا
دمعيه م العين ماونّا=واحسراتي مالها امعينا
حرّةٍ في اليوف تمحنّا=لي طرى لي ذجر غالينا
يا زمانٍ كانوا أوكنّا=في فرح واسعود سالينا
كانوا العشاق تحسدنا=في سرورٍ من تصافينا
ما عرفنا للهجر معنى=والسعاده ما تجافينا
في طرب وافراح تجمعنا=ما نبالي بالمواشينا
وابتلانا حاسد أوحنّا=في المحبّه بين لاثنينا
وانتثر عشّ مغطنّا=قامت الحساد تطرينا
لي زرع لي شكّ أوظنا=شكّ هدّم لي مبانينا
ما رحمني صار يتجنا=بالتوهّم قام يبلينا
ماعرف قدره لذي عندنا=م الارض ع الرأس حطّينا
في قليبي مسكنه بنّا=وزولهم في مسكن العينا
يا دهر وشواتبا منّا=كدّرتنا ما تسلينا
بس من يورك مكفنا=يا دهر نرجوك تبرينا
يا زميلي اتجرّع الونّا=والصبر مفتاح يغنينا
شوف قلبي دايم امعنّا=صابرٍ ع الزّين والشينا
لو ننادي من بيفهمنا=الصخر ما ظنّي ايلينا